|
هذا البوست للتضامن مع ( هيئة علماء السودان )
|
نعلم مدي حرصكم وصدقكم وتجردكم وانتم تصدرون فتواكم
حول عدم جواز سفر السيد رئيس الجمهورية لحضور مؤتمر القمة العربية في قطر
في ظل الظروف الحالية التي يتربص بها أعداء الله والوطن بسيادته
اننا تعلن تضامننا الكامل مع بيانكم الذي اتي من صلب الدين الاسلامي الحنيف وحرصه علي الامه الاسلاميه جمعاء
وندين بشده سفر الرئيس الي قطر في الوقت الذي كانت تقتضي فيه الضرورة الشرعية عدم سفره
تبصراً لرد كيد الأعداء من الضرورات والفرار من قدر الله إلى قدر الله سنة معلومة
وعلماُ أن الخوف لدرء الخطر من فعل الله وأمره سبحانه وتعالى.وتفويت الفرصة على أعداء الله تعالى
وكان علي قائد الامه الاسلاميه الاخ عمر حسن احمد البشير أخذ الحيطة والحذر من كيد الكفار اننا الموقعين ادناه نعلن كامل تضامننا مع فتواكم وندين سفر الرئيس الذي جاء معارضا لقول الله تعالي
(...ود الذين كفروا لو تغفلون عن أسلحتكم وأمتعتكم فيميلون عليكم ميلة واحدة..الآية إلى قوله ..وخذوا حذركم إن الله اعد للكافرين عذاباً مهينا)النساء102
|
|
|
|
|
|
|
|
Re: هذا البوست للتضامن مع ( هيئة علماء السودان ) (Re: الشفيع محمد صادق)
|
ياخوي إتضامنوا معاهم زي ما دايرين .. لكن أنا عندي سؤال محيرني.
الناس ديل لما أصدروا فتواهم (بعد كدة قالوا إنها كانت نصيحة)، نفوا أن يكونوا جهة حكومية. سؤالي هو مين هم "هيئة علماء السودان" وأي جهة هي التي تشكلهم، وكيف يتم التعيين أو الترشيح في الهيئة. طبعاً لو كانت هيئة حكومية ما كانت حتنشأ الأسئلة دي ... لكن حقيقةً عايز أعرف من هو هذا الجسم، وإذا أصدر فتوى في مسألة هل ستكون ملزمة للمواطن البسيط زي العبد لله؟
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: محمد أبوالعزائم أبوالريش)
|
سلام تاني يا ابو الريش
Quote:
من هو هذا الجسم، وإذا أصدر فتوى في مسألة هل ستكون ملزمة للمواطن البسيط زي العبد لله؟ |
الجماعه ديل ناس الله والرسول وبس
مافي زول عينهم انما هو خيرة فقهاء السودان وعلمائه
لاعندهم مرتبات من دوله ولا هم اصلا كيزان
وعشان كدا كلامهم ديني بحت
وفتواهم اكيد ملزمه علي انا وعليك وعلي البشير
وعشان كدا نحن متضامنين معاهم
وعشان كدا نحن زعلانين من امير المؤمنين عمر ابن البشير في انو عصا الله ورسولو وعلماء الدين
وبنذكر بي قول الله تعالي :
" إنما يخشى الله من عباده العلماء ان الله عزيز غفور " فاطر : 28
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: عاطف عبدون)
|
الاخ عاطف تحياتي : انا طبعاً اوقع تضامناً مع هذه الهيئة التي اعلن عن عدم قدرتي علي اجابة الاسئلة التي طرحها ايوالعزائم وكمان اوقع لان سفر السيد الرئيس هو اول طعن في (هيبتها) في اول فتوي تتجاوز حدود الزواج والطلاق....ودي في حد ذاتها مسآلة له .... اعيب عليها عدم تحديد عقوبة لمن يطعن في فتواها ...يعني هم اول من بلوا فتواهم وشربوها (محاية ) مساكين
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: ibrahim alnimma)
|
سلام ابراهيم
Quote:
وكمان اوقع لان سفر السيد الرئيس هو اول طعن في (هيبتها) في اول فتوي تتجاوز حدود الزواج والطلاق.. |
شفت الود لمن ابوهو يكون مسافر ويكون بكي وسكت يادوب
تجي داخله ( مرة الجيران) وتقول مسكين كان بيبكي عشان ابوهو يا حليلوه والله
يقوم الود يبكي تاني من جديد
واسع انت فتحت شهيتي لي
إدانه وإستنكار وشجب
لي طعن المشير في هيبة الدين متمثلا في هيئة علماء المسلمين
........................ (غير التلاته ديل في كلمه تانيه ) من ذاكرة ايام امريكا روسيا قد دنا عذابها
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: عاطف عبدون)
|
عاطف سلامات
شكراً لفتح البوست دا لانوا بالجد مهم لانوا... الهيئة بالجد عاوزة تعاطف وبكاء كمان..
* صدرت فتواهم بعدم جواز سفر البشير والبشير حقرهم وحقر فتواهم وسافر!! * عملوا فتوى بعدم جواز ظهور الفتيات في الاعلانات.. والحكومة حقرتم تاني والفتيات لسة في الاعلانات! * أصدرو البيانات والتحذيرات بعدم جواز غناء مغنين عرب لصالح دارفور وناس الحكومة حقروهم وخلوا ليك الحفلة تدور للصباح!! * صدرت فتواهم بصحة زواج المسيار ولم تمضي أيام قلائل حتى رفضته محكمة الخرطوم للاحوال الشخصية.. * شارك عدد منهم في إصدار فتوى بمقاطعة البضائع الاسرائيلية!! والامريكية.. بالسودان والانترنيت والكوكا والعربات والعملاء والجماعة كلهم قاعدين! * شاركوا في فتوى إسلامية بعدم جواز التفريط في شبر من أراضي فلسطين ولم يفتونا بجواز إحتلال حلايب وشلاتين والفشقة!!
لفتة بارعة منك وكامل تضامني مع الهيئة..!
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: فيصل محمد خليل)
|
نتضامن يا عاطف نسوى الشيوخ ديل طلعوا ملطشة
غايتو السوتها الانقاذ فى دين الله دا زول تانى مافى سواها. زاتها عقولهم دى بتتفتق عن اشياء عجيبة، يعنى هم فى الاول كان ما قادرين يحددوا الظرف و الموقف السياسى كويس، اها احتمال الرئيس ما يقدر يسافر طيب ما العمل؟ نخلق البروبقندا اللازمة لتبرير عدم السفر، طلع فتوى من الشيوخ بعد جواز السفر، طبعا الشيوخ تحت الطلب ، شالوا المقاسات و لعبوا الفتوى تمام التمام على صعيد اخر طلع الطيب مصطفى فى الكفر قال نحنا اسرة الرئيس نصحناه بعدم السفر و كمان حريم الرئيس قالوا خسمناهو بالرسول كان يسافر.
فجاءة طلعت فى فرصة للمناروات السياسية، مع الايام تكشّف انو فى هامش مناورة سياسي لازال امام الرئيس، خاصة انو تنفيذ القرار لحدى الان مبنى على مواقف الدول الموقعه على ميثاق روما، عليه لازال فى هامش للحركة، لكن فى المستقبل المنظور ح يرجع الملف لى مجلس الامن حينها الرماد كال حماد، و يشم السفر قدحه تانى.
كامل تضامنى مع مطرّزى الفتاوى، لكن بينى بينك اعمامك ديل تفاتيح، الموضوع بالنسبة ليهم طلبية، و بعدين الطلبية الكبيرة الزى دى قروشها كويسه لانو هم التسعرة حقتهم زاتها حسب المنصب، يا زول دا كمان الرئيس فى زنقة كبيرة زى، اكيد قبّضهم كويس.
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: Ahmed Alim)
|
سلام احمد
Quote:
* صدرت فتواهم بعدم جواز سفر البشير والبشير حقرهم وحقر فتواهم وسافر!! |
الحته دي هي البتهمني في البوست
يعني عشان تضامنا اللامحدود دا حقو يصدروا فتوي
بإنو المشير ضرب بفتواهم عرض الحائط ونسي انهم لم يفتوا إلا بما قال الله في شرعه
ويورونا سفر البشير دا بتسمي شنو حسب شرع الله ؟
ولا شنو؟
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: عاطف عبدون)
|
Quote: سلام يا حاتم
Quote:
وعلى الناس كل الناس ان يأخذوا من هؤلاء العلماء مادام انهم علماء واهل ثقة
والبشير مع الناس ديل يا حاتم؟
يعني ملزم بي فتواهم ؟ |
تحياتي اخي عاطف نعم البشير واحد من الناس وكان يجب عليه الالتزام بالفتوى او يبيّن للشعب السوداني سبب عدم التزامه بها
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: حاتم محمود الجاك)
|
و الله يا عاطف لطفا بمشاعر شيخنا الطقي مروج الهيئة، خليها علماء ياخي و بذكر الطقي، موقفه كيف بعد إهانة هيئته الموقرة؟ و تاني عندي لشيخنا سؤال مهم. بفتح به بوست لكن احتمال بكري يمسحه اصلو رقيق في معاملة الظلامين
بالمناسبة علماء دي ما تخلعك هم علماء في غسل الجنازة و مبطلات الوضوء و ما يخرج من السبيلين و سائر تفهات الفقه الإسلامي
تحاياي
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: ثروت سوار الدهب)
|
سلمات يا ثروت
Quote: و الله يا عاطف لطفا بمشاعر شيخنا الطقي مروج الهيئة، خليها علماء ياخي و بذكر الطقي، موقفه كيف بعد إهانة هيئته الموقرة؟ و تاني عندي لشيخنا سؤال مهم. |
الوزل دل شكلو الشغلانه ما مشت معاهو قلب شاعر
شايفو كل يوم جاي ليهو بي قصيده
( هذه القصيده كتبت يوم أكل الثور الابيض الخ)
بس ماهو الزول البقدر يكتب قصيده لا تضامنا مع ناس علماء السلطان الموقفهم بقي يحنن
ولا تنديداً بسفر الرئيس المخالف للشرع حسب كلام اصحابو
والزول دا شياطين شعروا ما بزوروهو الا لمن يزعل لي غزه او يفرح للبشير
| |
|
|
|
|
|
|
Re: هذا البوست للتضامن مع ( هيئة علماء السودان ) (Re: حاتم محمود الجاك)
|
سلام حاتم
Quote: وكان يجب عليه الالتزام بالفتوى او يبيّن للشعب السوداني سبب عدم التزامه بها |
بقي انا ما بطالب البشير بي انو يبين اي شئ لانو هو مجرد زول زينا كدا في الدين
لكن علي العلماء الفتو بي انو ما يسافر
انهم يورنا راي الدين شنو في سفرو
وفي انو ضرب بي كلام الله عرض الحائط
| |
|
|
|
|
|
|
|