|
Re: الوافــــر ....حتة بس (Re: Tumadir)
|
غايتو انا زمان قايلها الا تماضر بس لكن لمن سمعت الوافر في شريط رشا آمنت
الوافر عندو لمسة خاصة او احساس والغريب انه بدي كل الة موسيقية احساسها المختلف، ومتمكن من التكنيك بتاعه بشكل غريب ربنا يوفقه ويزيده
ويجيبه راجع للسودان عشان العالم كلها تستمتع بفنه وابداعه، طبعا دي دعوة للسودان نفسه ان يتغير حاله بما يرد اليه ابناءه الغايبين
آمين
شكرا يا استاذة تماضر
| |
|
|
|
|
|
|
Re: الوافــــر ....حتة بس (Re: Tumadir)
|
تماضر ازيك تاني
رشا ممكن جدا والله يخليها
لكن انتي يا تماضر ولا حتى تحلمي بيها، عارفه ليه اقول ليك ولى اخليها
طبعا عارف الشمار ح يكتلك عشان تعرفي
.
لقد فرغ كأسي فمن يملأ كأس أحلامي
| |
|
|
|
|
|
|
Re: الوافــــر ....حتة بس (Re: Tumadir)
|
الوافر ضراعو سلمت الرسول تماضر البنت الحديقه الصادق عفاف رشا تبارك المقداد وبقية العقد شيخ الدين الماسى إنها حديقه زرعها الوالد شيخ الدين وحصد زهرها الأبداع لقد تحدثت قبلا عن الوافر فى هذا البورد ولم افيه حقه لانه مكتمل فنا وخلقا وهو يجوب بموسياقنا المدن والعواصم العالمية أمنياتنا له بالتوفيق كنا نأمل أن نكون ملمين بالاسبانية لكى نتعمق فيما كتبه ولكن سنكتفى بالنغم الرائع الذى نسمعه لك التحية أم ساريا وانت تتحفينا
| |
|
|
|
|
|
|
Re: الوافــــر ....حتة بس (Re: Ahlalawad)
|
انا اول واحد ينقل الشمارات للبت الحديقة شفت الوافر في التلفزيون طبعاً اليوم داك بس مستني الواطة تصبح عشان أكلم تماضر اها نهائي مانمت عشان دا خبر جديد وسبق صحفي اها جيت الشغل قبل الغفير مايجي طوالي فتحت الأنترنت خشمي كان بياكل فيني لو ماقلت ليها ما ارتحت هسع عاملة ليكم فيها انها عارفة براها طبعاً دا كلو كان في رسالة عبر مسنجر البورد لكن بعد التعب دا كلو ولا رد ولا يحزنون
| |
|
|
|
|
|
|
Re: الوافــــر ....حتة بس (Re: toona)
|
السنجك لو بتعامل اختى كويس ، خلاص دة شرف للعيلة كلها
عزيز
انت اصيل ، وشكرا على كلماتك الدافئة والله يجمعنا بعد الشتات الخواض كلك احساس
وياريت تنزل ليه حاجة من شريطو الجديد ، الشغل دة قديم الانت نزلتو دة وفيه عيب فنى ما لاحظت؟؟
وكنت بتمناك تنزل لى غنيتى الغنتها لى رشا فى بوست من بوستاتى ، لوووووول، والله جد موصلى
ياريت اسمع رايك فى موسيقاه ، دايما بشوفك بتركز على الاجتهاد وما بتخش فى تفاصيل ، نعتبر دة راى مسكوت عنه ولا شنو؟؟ موديك
من شعورك المرهف وبس
حمزة سليمان
انت فخرنا يا استاذ صاحب الجلاله
انت بتشوف بى عين التخصص طبعا وكلامك طوالى وسام تونا
حنينة انتى يا جميلة
حرزرز دة لكن الويب سايت دة ما البرنامج التلفزيونى ، انت قايلنى انا جاحدة ولا شنو؟؟؟
ابدا والله ممتنة لشعورك النبيل والف كتر خيرك على الشمار القمت من الصباح دقيته وغربلتو وصريتو واديتنى ليه، شمار فى مرقة
| |
|
|
|
|
|
|
|