|
|
 قابلت شايننق ستار.... واصدقاء المنتدى يغروكم السلام
|
بعد كل كم سنة كدة ، بتحصل مناسبة عرس سودانية،
فى الساحل الشرقى فى امريكا،
ويجوا الفنانيين
ونقشر
ونفرح ونتونس ونضحك
وحصل العرس
ومشينا كونتكت
وجات بت تشبه القمرة ومعاها امها وابوها وقالت ليهم دى تماضر شيخ الدين المعانا فى البورد
وطلعت شايننق ستار
وكان لقاء ودود عرفتها باسرتى وعرفتنى باسرتها واتبادلنا الضحكات والسخريات من ادماننا للمنتدى وعالمنا التخيلى
وبعد داك فى نفرين طلبوا يتكلموا معاى
وبديت اسمع
ناس بقروا المنتدى
ومدمنين قرايتو
وبعرفوكم فردا فردا
وبقروا افكاركم
كلمونى كيف نص الشعب السودانى بدخل البورد عشان يقرا ليكم
بحبوكم
وبعرفوكم
وبغروكم السلام
|
|
 
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
سلام سلام سلام
ايتها الرائعة تماضر
كم انا سعيد بيك أكثر من كل الناس
وسعيد اكثر أن هذا البورد بقى هو وشنا كلنا
والله ياتماضر البورد لماني بناس يا آه يا الله
ماشي انوم مش نوم العافية وبس
حاسي وكاني سايق في جواي كل الغناوي
والمعاني النبيلة وشكرا جميلاَ
ايتها الاخت
الضريح
للعرسان مليون تهنئة
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
شفتي..انا كنت صايم..عن الكتابه
لكن قصة..عرسكم الفي ساحلكم الشرقي ده زعلتني
مالكم ما بتكلمونا...!!!!؟ ما بنعرف القريي هاوند..!!!؟؟ ولا ما بنعرف نقسر ونتونس؟!!؟؟
الواحد كان جاكم..لو كلمتونا..في ساحلكم الشرقي..
وكان لقاكم مبطحين في الرمله..وكان نتلكم..بالسلام
السلاااااااااااااااااام عليـــــــــــــكن
البورد..بقي اشتر..ولا انا..مخي اتعوج
في واحد في موضوع كده..كاتب كتابه لذيييييييييذه..وجيده خلاص..لكن..قال فيها
اهديكم..باغه..من الازهار!!!!!!
اها..باغة الزول ده..عامله..كده زي حاجه في عنوانك ده
.
ده بس..عشان تاني تعزمونا
والسلااااااااااام عليكن
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
بت قضيم
ما اعترضنا علي الباغه
المهم..انو يهدينا الازهار
بالباغه..بالجك
يكومها في شوال..ولا يربطها في سرج العجله
ونحن بعد داك بنتصرف
ولو انو التصرف صعب بالنسبه لينا في الحاجات الزي دي
مره زماااااااان زمن الجامعه..في واحده طيبه شديد..وحنكوشه كده..عرفت بطريقة ما او باخري..يوم ميلادي..قامت جابت لي الكرت...انا سميتو الكرت..لانو اول واخر كرت يجيني في حياتي
جاني علي كبر...
اها..الكرت ده بقيت..حايم بيهو..وما عارف اختو وين
طبعا..ما كان ممكن..اختو في دولاب الداخليه المبشتن داك...العايز صابونه فاتحو..والداير يشد بنطلون فاتحو..والماشي بالبرنده ساي شايف الجواهو
غايتو جرسني ..جنس جرسه
ما تساليني عملت بيهو شنو..لاني ما متذكر
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: بت قضيم)
|
اجماعة هوى كلكم
انا مشغوووووولة
والحفلة دى جات قاطعة فى النص
نحن سوقنا حار وبنعمل عروض كتيرة
وبنعملبروفات فى البيت
وبنسافر مسافات ما بطالة للعروض دى
ويا اخزانا العروض ما تقيسها بى تيبانل
العروض بتعملنى تعبانة
البسال منى يسال منو الخير
والبسال من هشام
يسالوا منو الاخيار كلهم
ما بقدر اتم قرايتى للبوستات
وما بقدر اكتب بنفس مرتاح
الا بتاوق ليكم
وبشمشم مساهماتكم
وبدر الدين شنا قايلنى ما فقعت الضحكة فى مرض رجال
وتمبس قايلنى ما شفت زعلتو
وبت قضيم قايلانى ما مصرت معاها الغسيل
والعراق دى حاضراها معاكم
شارع شارع
والصورة سيحت ركبى معاكم
لكن وكتى ضيق شديد وما قادرة ادى ناسى الفى البيت حقهم
وناس الشغل حقهم والجمهور حقو
وحسة انا كان مت ناس الشغل ديلبالذات بعملوا شنو؟؟؟
والله حقو الواحد يموت يمقلبهم
ويغروكم دى من اغراء يا دافى
وانت مالك ومالى؟؟؟؟
وحسة ياجماعة هوى.... انا بغريكم السلام وخلى دافى الليطق راسو بحافة البورد
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
تماضر
سلام مربع
والله بختكم مهيصين
الله يزيدكم
وناس دافي ديل
بالله كلموهم
انشاء الله يقيفوا في شارع النيل ويركبوا ملح
موش برضو عندكم شارع النيل
؟؟
معقول امريكا دي مافيها نيل؟
دي قالوا اي حاجة فيها يااااااخي
يعني بي فصاحتها دي كلها تشيل وتكسر
في العرب الوهم ديل وماعندها نيل ؟
مسئولة من الخير شاينغ استار لمت في عوضيه
الشالت سفنجاتها
؟؟
والله مشغولين شديد بسفنجاتها الراحت دي
دافي
ولا يهمك ياسيدي
نعزمك عرس بت خالتي هنا
لكن الرجال في حتة
والنسوان في الحلة التانيه
وابشر كتير بالرز والكبسه
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
استاذتنا تماضر
انا اشيل والوم فيك وانت اتاريك مبارية لي الربات والهجيج
مبروووووووووووووك لشايينغ استار والعقبال عندي رغم انك ابيتي تجي تحنني العروس بت عمي عجرم زي ما طلبت منك انا في بوست عرسي
لك كل الاماني بالتوفيق والله يديك العافية للمزيد من الجهد والمزيد من الابداع
ولك تحياتي ،،،،
| |
|
|
|
|
|
|
|
|
 Re: قابلت شايننق ستار.... واصدقاء المنتدى يغروكم السلام (Re: OmDur)
|
ووووب علي القال انا العروس منو؟؟؟ يخواني ما توقفو علينا السوق...
انا زي ما قالت ليكم ام در حبيبتي ضهب سااي الله يعلم..
لكن النصيحه لي الله نحنا هنا في الايست كوست كلنا اهل و دحين كان ما الضهب الحفله تبقي علي العروس و العريس بسس...
ام در ... اها خلاص اجهز فساتين الرقيص؟؟
| |
|
|
|
|
|
|
|
|
 Re: قابلت شايننق ستار.... واصدقاء المنتدى يغروكم السلام (Re: Tumadir)
|
تمااااااضر العسل ... والله انا اتبسطه بسطه بي شوفتك سنوني السبعتاشر مرقو .. وحات النبي السكه كلها انا بنضم عنك و عنك البورد لمن زهجته ناس ابوي في العربيه....
غايتو يا بتي عيني بارده عليك انتي و بناتك ما شاء الله خلقه و اخلاق.....
شيري وحات النبي لا لميت في عوضيه لا في ساميه باروكه شكيته علي الله... شان امشي الحفله دي استلفته الكوتش من سعاد اخت العروس.....
لكن من شدة الرقيص لمن انسهك
و والله يا ناس البورد اي زوول اقول ليهو السودانيز اون لاين اقول لي آآآآآي بنقراهو طوالي و فعلا بعرفو شخصيات كتيره منكم ... اها ترا انا كلمتكم عشان ما تشرطو عينا مع الاجانب و المحليين... ربنا اخليكم كلم انا زاتييي بريدكم شدييييد....
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
تماضر
بالله قابلتي شايننق استار شخصياً
تعرفي أنا عندي صورة راسخة في خيالي لمعظم أحبابي في البورد
وحتى بعد مقابلتي الشخصية لبعضهم تظل الصورة الخيالية هي الأصل
ام فيونكة دي بالذات عندي ليها تخيل مقتبس من اسلوبها في الكتابة
وروحها المرحة يعني مستحيل اتخيلها مبوزة كدا
ولكن في نفس الوقت بتخيلها ليك ومنكشة
ودائما بتفتش لي سفنجتها وصوتها يلعلع
ويقيني أن الصورة مقلوبة ومعكوسة
فالبنية سكرية حلاوة لبن
تحياتي
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: Tumadir)
|
تماضر
كيفك يا بت شيخ الدين ؟؟؟
انا زى اخوى سنجاوى ده واضع تخيلات و اشكال معينة لكل واحد و واحدة فى البورد ده ... و صدقينى زى ما قال سنجاوى لا يمكن يتغير التخيل الموضوع لشخص او شخصية معينة حتى بعد الرؤية الحقيقية لهذه الشخصية
فالامر يصبح تشعبط شخصية راسخة فى المخيخ الاعور للانسان لا يزول بزوال المؤثرات ( الصوتية او الضوئية ) ..... مثلآ انا قابلت من بورداب جدة اخوك هشام ، و كنت واضع ليهو تخيل و شكل معين فوجدته بشكل مغاير لما تخيلته - مع انى ما رحت بعيد خالص فى خيالاتى عنه - و لكن حتى بعد ان قابلت هشام ( شخشيآ ) لم تنمحى صورة خيالية آثرة مركونة فى جزء من السى بى يو بتاعى ..... تحياتى له و لاسرته
و عودآ على بدء ، اقول ( و ايضآ مثل ما قال سنجاوى اخوى ) اننى كنت متخيل اختنا الظريفة شاينق استار بنفس وصف سنجاوى .. و لكنى كنت متيقن ان خلف تلك البشتنة و الكبكبة شخصية مختلفة و كنت واضع ايضآ خيال معين لوجهها ( فوتوجينك .... مش هم الانتلجنسيا بيقولوا كده ؟ ) .... عمومآ اى لقاء بين البورداب و فى اى مكان بيفرحنا جميعآ و صدقينى البورد بقى زى الحى او الفريق الذى يضمنا جميعآ باختلاف مواقعنا على هذه البسيطة ... بس وحياتك خيانة الاعراس و الحفلات البتعملوها براكم و بالدس دى ما مريحانى ... لذلك فانت مدعوه لاقامة عدة حفلات ترفيهية للجنود السودانيين ( المجهوليين و المعروفيين ) بالسعودية لانهم يكابدون ما يكابدون و يحتاجون جدآ لمن يمسح عنهم شيئين : احدهما الفلس ( طين ) ، و الآخر رتابة ايقاع الحياة الممل فى هذه الديار
لك التحيات
و مثلها للاخت شاينق استار
| |
|
|
|
|
|
|
|
|
|
Re: قابلت شايننق ستار.... واصدقاء المنتدى يغروكم السلام (Re: KOSTA)
|
شروووم
اللفحى شنو يا بت امى ، انا قت شايننق ستار عرسوها؟؟؟
مالك دايرة تقطعى رزق البنية؟؟؟
انا لو ماشايننق ستارز عرسوها الليلة من البوست ما بزح
يا امدر، خليك مطمئنة
ودشاموق
والله مشتاقين
وبقرا شعرك وبتطعمو لكن ، اليد قصيرة
منوبيا ، اهليييين وانا قلت شنو غير تشبه القمرة؟؟؟
سنجاوى برضو ، ازيك
player
Kosta
فى زول قبل كدة فتح الموضوع دة وانه كل زول عندو صورة لى زول من اسمووكتاباتو وكدة ، لكن واضح انه فى بعض الناس خيالها ما خصيب ، يعنى تخت ليك صورة ما تكون قريبة ليك كلو كلو ، لانك كتبت حاجة بتشير لصفة فيك؟؟؟
لووووول
انا برضو لما قابلت
dreams
bamseka
وحبيب الكل
فى الخرطوم ، خصوصصا احلام
كانت مفاجآت شديدة جدا بالنسبة لى
عشان كدة ختوا صوركم ياناس
الدنيا ما معروفة
وبمناسبة هشام، شفت بالله ياكوستا الراجل دة قيافة كيف؟؟؟
عينى باردة
ووالله يا شايننق ستارز بالله شفتى الربة دى كيف
عمر بانقا يايمة بصوتو الما خمج واداؤه المسرحى
وسامى المغربى ما قصر
والاخراج رهيب
والجرتق يايمة ليك
والكوتش
الكوتش دة شنو انتو؟؟؟
يا امدر وشايننقستارز؟؟؟
كان ما وريتونى بحدث
| |
|
|
|
|
|
|
| |
Tumadir
Ridhaa
Dafi
قرشـــو
بت قضيم
مهيرة
shiry
شرووم
ود شاموق
manubia
,
PLAYER
فيس بوك
تويتر
انستقرام
يوتيوب
بنتيريست