|
انا فى لنـــــــــــــــدن ....... سنة؟؟؟
|
يوم السبت تمانية وعشرين ستة السنة دى
انا حاقدم عرض فى لندن
لى جهة سودانية ما دايرة تعلن عن هويتها بعد
طفت العالم دة بلد بلد ، انتى يا لندن ماشفتك
اها الفيزا طلعت تانى شنو
اشوفكم يا ناس لندن
واتمنى اعرف اكون قدر توقعاتكم
وللبوردابية الحربية كل الحب والتحية ومافى داعى لذكر الاسماء
|
|
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
ما أنا برضو ياهوندة في لندن شايل خرتايتي وبعلق في البوسترات في محلات تعليق أوراق الدعاية وختيت صورتي كمان جنب صورتك وفرحان بيها جنس فرح بالرغم من إنها كولاج ملزوق من برة يعني أنا اللزقتها وبعدين، الغش الأنا عملته دة، الجماعة لحدي هسي ما عارفنو المهم لما تجينا بجاي أقول ليك باقي الحكاية ولو ما ظهرت في المطار أو في المسرح بكون الجماعة إكتشفوا حكاية الكولاج دي and I'm in JAIL! وبكون قاعد أحلم بمسرحية إسمها دنيا بلا صياد
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: wadazza)
|
يللا اظهروا وبانوا بقى
هالة قوتة فى لندن وآوت كاست فى لندن وابكرآدماسماعيل فى لندن بلضق فى البوسترات؟؟؟
وود عزة حيشاهدو عرضى؟؟
الموصلى والمسافة
يا سلام عليكم ياجماعة
ويا دكتور ابكر آدم كلجتنى كيف؟؟
ذكرتنى نكتة الغلوتية
القال ليهم من تحت حمار وفوق انسان وبا لجنبات صفيح، دة شنو؟؟؟
طلع بقصد سيد اللبن
عملتنى بالجنبات صفيح ولا شنو؟؟؟
الله يستر ونحيا نشوف الكلاليج
المهم الحفلة دى طبعا مقفولة على الاعضاء
انا دايرة الاقى البورداب التانيين فى تجمع تانى صغير او كبير حسب الترتيبات
رسمى او شعبى ، عشان احلف اقول لاقيتهم
تانيا دايرة اوزع شريط فيديو
ممكن؟؟؟
دى دايرة ترتيبات
المهم زى ما بقولوا الخواجات
i can't wait.
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
تماضـــــــر إزيك وإزي الأولاد..ومشتاقين كان في داعي للحندكه دي؟؟؟؟؟يعني عشان نحنا في مكان قاموسه بيختلف..ولطافتكم فيه ممنوعه؟؟؟؟ أنـــا عاوز شريط....يصل كيف ؟؟؟مع منو؟؟؟؟ما لى دخل.. وشريطي ما عافيه ليك كان ما جاء..وإنتي مخيــــره
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
شنو يا تماضر من أمريكا للندن وبالعكس ، وناس الخليج ديل ليهم الله تعالي لينا والله أجهز ليك بيتي مسرح وأعزم ليك كل السودانين والبورداب تذاكرهم على حسابي أنا زي وليد حاجز شريطي وما بعفيه ليك إن شاء الله يا تماضر كان ما رسلتيهو لي خوة البورد تعتر ليك
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
تماضر
انا ماخد موقف منك إستجابة لموقفك السلبي من ردودي على بوستاتك وآخرها كل شيء حي ، رديتي على الدنيا كلها إلا أنا ، لدرجة إنك هجرتي الموضوع ذاتو وخليتيهو معلق ومتراجع للصفحات الوراء ، ولكي لا أضيع على ألآخرين متعة صعود بوستاتك للأعلى سأكتفي بالنظر والمتعة دون تعليق عشان ما نبوظها
ثم تانيآ ،عندي بت خالتي بتبدأ ب أولآ ثم ُانيآ ، وتحرن في ثم تانيآ دي وتواصل ثم تانيى ثم تانيآ ، اصلو ما عندها تالتآ ثم تانيآ طلبنا منك طلب ورديتي بي طيب كلمة وغطايته وتاني ما وريتيني عملتي شنو في الموضوع
غايتو لو ما هسع مغروض في مشوارك للندن ما كان ردينا عشان ما تهجريهو
وغرضي يتلخص في رغبتي إيفاد بنتي ساندرا إلى لندن لتكريب لغتها الانجليزية ، وعرفت ان ذلك يتم بألحاق الراغب بي أسرة مختصة بذلك ومدربة على تعليم الغة لغير الناطقين بها ، أو للناطقين بغيرها المطلوب ، إذا تسنى لك وقت ، معرفة كل ما يتعلق بالموضوع ، من حيث الفترة المناسبة والتوقيت الملائم والتكلفة وشوط األأمان خاصة وهي خوافة من الدرجة ألأولى ومن هسع قالت ما بتمشي براها إذا كان وقتك أو أ] ظرف آخر لا يسمح ، يمكن سؤال أ, تكليف صديقنا عادل محمد عبد اللطيف { مانديلا} ، وأظنه شخص معروف ، وكذلك الدكتور محمد عبدالعال حمور وهو مخضرم هناك ويمكنه ألإجابة على كل ألأسئلة وتوفير المعلومات المطلوبة
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: أبو ساندرا)
|
ابوساندرا
برغم مشغوليتى الشديدة والتحضيرات للعرضين فى واشنطن ولندن والسفر والجوطة
فررت اكتب ليك ، اعتذار عن الاهمال غير المتعمد
الله لما قريت ردك لى فى كل شىء حى ، كنت ملخبطة انو الكتب الكلام دة منو؟؟؟ انا ولا انت
واصبت بذهول وشلل فى القلم ، وسكتت
فهمت كلامى؟؟؟
اما موضوع ساندرا ، فعلى لعين والراس
وانت ما تجيبها امريكا عديل ، فى طلبة بجوا لتعلم اللغة الانجليزية
وانا داخلة فى برنامج التبادل التعليمى دة وبمسك اطفال اجانب فى البيت
الهم لما الاقى ناسك ديل بكلمهم
وانت فكر "ثم ثانيا" وثم ثالثا
تحياتى لساندرا ، عروس ولدى
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
البت الحديقة وحات المكاشفى الحلف بيهو سجيمان
الا اجى احضر العرض بتاعك عشان كنا حا نمشى بتاع اسبانيا بس العطلة خلصت وكنتى وعدتى حا تجى امستردام لكن بس قولى لينا الزمان و المكان وبنمشى الصالة طوالى من المطار
سنة يا انا حاشووووووف البت الحديقة فيس تو فيس
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: alfatih)
|
العـــــــــزيزة بت الشيخ - تماضر
شوق شديد ، والكتابة غير ما تخفف شوية ما بتبرد الشوق ، كيف حالك والوليدات ، وإنشاء الله سفرة موفقة ، بس تعرفى أنا كنت متشوق اشوف لندن وبعد اللف الكتير مشيت السنة اللى الفاتت ، ما عارف اقول ليكى شنو! حاجة زى علبة الكبريتة ، خصوصا لمن تكون جاى من امريكا ، إنشاءالله تعجبك غايتو ، وسلامنا لى كل الشلة هناك.
التحية للجميع
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: oudenoord)
|
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
ومتين الخرطوم يا تماضر يا أختي؟؟ أعلم أنه سؤال صعب ليست وحدك المعنية بالإجابة عليه
لكني والله لا زلت أحلم بالفنانين أمثالك وهم يملأون مسارح السودان فنا وإبداعا ولهذا كان السؤال وح يجي اليوم دا أكيد ويا ناس لندن هنيالكم لقيتو الما لاقنو أهلكم في أم درمان والحسادة داير تشرطني نصفين وأكثر
ولك أيتها الرائعة السلام والقيام أينما كان عطاؤك
دالــي
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
Quote: كان في هيثرو البعيد برضو في أنتظارك حتي كان في قاتويك الفي الخلا برضو شنو في أنتظارك |
يا أحمد امين ... أمانة جاتك تطرش الإنجليز وتعمي الأمريكان قاتويك خلا... كان قاتويك خلا ... حلتنا ام طرقن عراض ديك تطلع شنو؟؟
قال هيثرو بعيد ... ومال أم قرنا جاك تكون شنو؟؟؟
المي البارد بقد الدلو
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: مبيوع)
|
تماضر أعملي حسابنا، الناس ديل ما يمسكوك مننا . عليّ الحرام لو كنت مكانهم ما أفكك ، ساعزل كل كل افراد العائلة الملكية هناك واعينك ملكة أكثر روعة على المملكة المتحدة . اخشى ان يكونوا قد عرفوك مثلما عرفناك فيفعلوا ذلك . حاولي ان تتخفي ، لا تظهرين كل هذا الجمال والروعة ، كل هذه الانسانية والحبة التي تحمليها للآخرين ونحملها تجاهك . إفعلي ذلك حتى لا يعينوك ملكة لديهم فيصعب التواصل معك ، وبالتالي تتعسر حياتناوتصعب كثيراً . اهربي منهم سريعا وتعالي إلينا ملكةً على كل هذه القلوب . على قلوب كل الخلق .
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
يا تماضر قلت الحكاية في لندن انتاريو طلعت بي لندن يو كيه وليه بس تعملي كده جهزت العربية الكركعوبه وقلت اركب الظلط لكن ياهساره الحكاية فيها طياره حيث مازلت ممنوعا من الصرف الا بعدما اصرف الوريقه سوف اقدم طلب وظيفة مدير اعمال ليكي لو ماعندك مانع ومستعد للمعاينة تمثيل تحضير تهليل وبالسلامه ياهمامه
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: الفاتح يسن)
|
الفاتح يس
يا حليلك ، كنت داير تجى تلاقينى فى لندن اونتاريو؟؟
نحن عملنا عرض السنة الفاتت فى تورنتو
وقابلت نخبة من الموسيقيين وليد عبد العزيز وحمد اسماعيل وهيبة ، والمسرحيين
تحية زروق ويحي فضل الله
والتشكيلى عز الدين كجور
وتانى فى شاب سينمائى كدة المهم كانت لمة لطيفة جدا غير اهل البلد السودانيين الكرماء اللطاف
اتمنى اشوفكم والله وتحياتى لاسرتك
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
سوف يتساقط الجليد شروق شمس لندن مرحبا بك على فكرة من حسه حضره نفسك مكانك حجزوه فى متحف الشمع معقول كل الحلاوه ده ويخلوها تعدى ساكت مع تحياتا والامنيات بالتوفيق @@@@@@@@@@@@@@@
كم لظلمة الليل من بهاء ولكن كثيرون حولها لى ارتكاب المصائب
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Tumadir)
|
ما اجمل البورد و هو يحمل لنا هذه الاخبار اللطيف و النسمات الهفيفة لما تفرح بت الشيخ تفرح دنيان و تهيم و تجمل المشهد بالرائع المبدع ابكر يا ناس لندن نحنا حاسدنكم و بغرانين كمان عديل كده
كدى يا تماضر و ابكر ما تمدى رجلك شوية لقدان اتجدوا نفسكم معانا فى المانيا حاولوا
تحيات و ود كتار
| |
|
|
|
|
|
|
Re: انا فى لنـــــــــــــــدن ....... سنة؟؟؟ (Re: Ahlalawad)
|
مقدرين مشغولياتك ، ومعتزين بي ردك ، وشكرآ لو فهمتك زين ، وانا ذاتي ما عارفو ده كلام منو ، وكتب بألم منو ،لكني إتذكرت حاجة قريبة زي النجوم ودع راميهو الله على السماء من عبقرية الولد النضيج عاطف خيري ، لو لقيت وقت هذا النهار حا اكتبها في كل شيء حي
سوف أفكر في إقتراحك بشأن ساندرا في امريكا ، فقط المرجو مزيد من المعلومات ، وأخشى ان نواجه مشكلة الحصول على تأشيرة دخول ،
في وقت لاحق وفي مكان مختلف سوف اناقش معك الموضوع وبعد الحصول من كليتها على الموعد المناسب
سويتي لينا شنو في الموضوع؟
لن تفوتك المناكفة هنا وهناك
| |
|
|
|
|
|
|
|