|
Re: بناء على رغبة الأخ محمد النور كبر وآخرين (Re: Kabar)
|
الملا عمر وولد ابا بعد السلام هاكم الصورة المغايرة لما حدث للملا عمر تماما
نزلت من سلم الطائرة لأجد صديقي ذو الرتبة العالية في الجهاز إياه... بعد ان حمدل لي السلامة .. ركبت العربية من باب سلم الطيارة لغرفة الناس المهمين... جابوا لي حاجة باردة وشاي... وطلعت من المطار ... وصلت البيت في الضاحية الراقية والشنط وراي جابوها الجماعة الطيبين.. لا دفعت ولا ساومت بعد يومين جوازي مشى جوازات الأجانب- عشان أنا أجنبي, واحد زيي كدا من ام طرقن عراض قالوا أجنبي- جابوه لي مختوم ومبرشم... كم دفعت ما عارف صديقي عنده مفاتيح كل الخزائن والأبواب
يوم السفر من البيت لباب الطيارة لا وزنت عفش ولا شفت جمارك ولا تفتيش وكمان مريت على غرفة كبار الزوار وشربت شاي بالحليب لانه الدنيا كانت صباحا بدري
تقولوا السودان كعب وناسه كعبين.... الحكاية بسيطة كان ما عندك واسطة شوف ليك واسطة ولا اقول ليك أحسن ما تجي السودان إلا بعد ما تقنع من بلاد برا وتجي دخول نهائي بدل خروج نهائي
ألمي البارد بقد الدلو
|
|
|
|
|
|
|
|
|