الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: يا اخوانا شوفوا الابداع وبرضوا يقولوا ليك يا تير يا تاير (Re: Shinteer)
|
عزيزنا شانتير وعزيزتنا سكوتاوية خالص المحبة لكم وشكراً ليكم كتير واتمنى أنو ندير حوار راقي وموضوعي عن هرمنا الشامخ وردي ويا عزيزي شانتير لاادري هل هي توارد الخواطر فأغنية حرمت الحب والريدة ايضاً من الاغاني التى لا احبها لكن ارحم من الناس القيافة لسبب بسيط وهي الفترة الاتغنت فيهاكانت بتقبل الكلمات دي يعني في بدايات وردي وفي موضة الايقاع السريع وفي الفترة ديك طلعت اغاني كتيرة زيها كلامات ركيكة بمفهومنا لكن قد تكون محتملة في زمانها وهى نفس الفترة النزل فيها محمد الامين بيني وبين حبيب أو زي ما بسميها انا شكراً عفواًبسبب القفلة بتاعتها البتديك احساس أنو الموسيقي بتقول شكراً عفواً لكن كمان شوف انتاج وردي والكم الكبير من الاغنيات الانتجها فلو طلعوا عشرة ما جميلات بكون جيد جداً بالنسبة لفنانين ما انتجوا اغاني وتطلق عليهم الالقاب وبالنسبة للمواقف البتتذكر عن وردي فيها كتير من المبالغة فيعني يقولوا ليك واحد كان واقف في ابو حمامة وجاء ماشي بالعربية فقال يا وردي ووردي رد ليهو مالك فقال ليهو معجب وكان رد وردي غصباً عنك يعني دي معقولة انا بفتكر وردي حاولت حكومة الطاغية نميري وامنها أنو تشوه صورتو فكان بتطلق الاشاعات دي وحتى في اخر ايامها ضربوها في حنجرتو في محاولة لحبس صوتو ورقد مستشفى سوبالانو كان في اختلاف بينها وبين وردي لكن كمان في حاجة تانية أنو وردي ما بجامل وبقول رايو بصراحة في الفنانين وفي نهاية السبعينيلت كان في لقاء معاهو قال فيهو أنو وردي بنافس وردي وده حقيقة لانو في الفترة ديك كان انتاجو عزير يعني طلعت بناديها وجميلة ومستحيلة والحزن القديم واسفاي وغيرها من الدرر في حين كان انتاج ود الامين زاد الشجون فقط وبعدين ماننسى أنو وردي محبوب من الفنانين وكان رئيس اتحاد الفنانين في فترة الديمقراطية وقبل 7 شهور بالضبط كنت في اجازة في السودان وحدثني الصديق طارق مختار الكلفوا وردي بجمع العازفين والكورال بتوصية من عبد الوهاب ردي فجمع طارق مجموعة من خريجى المعهد وبدو يبفوا في الاغاني الحغنيها وردي حين عودتو للسودان من امريكا واتصل عليهو وردي وسالو عن البروفات والفيها منو فرد طارق بانو شباب من المعهد فسالو وردي بالنيم محمدية وعربي واحمد دو واتنين ما اذكر اسمائهم انوديل معاكم في البروفات فكان رد طارق أنو يا استاذ الشباب ديل ما بقلو عن الذكرتهم انت ديل فما كان من وردي الا انو قال انا ما عندي فيهم كلام لكن ناس محمدية ديل عشرة عمر وياما شهدوا معايا مولد اغنيات فلازم تديهم حقهم فما كان الا من طارق مختار الا أن يوافقوا الراى ويتعجب من وفائه ويزداد تقديروا لوردي وبرضو في لقاء صحفي مع الاستاذة امال النور عملتو انا والصديق مصعب محمد على ونزل في جريدة الوطنسالتها عن وردي ومعاملتو معاهم في الكورال ايام الديمقراطية فقالت كلام كتير عن وردي وانو جمعهم وقال أنو عندي فكرة غناء بالكورال وانو اي خطأ يشوفوا يصلحهو واي اضافة يضيفوهاوقالت من ارائهم عمل بيهم والما كان بيعمل بيهم كان بكونوا وصلوا لقناعة أنها ما المفروض تتعمل وما ننسى أنو وردي قدم اغنية والله مشتاقين لعثمان مصطفى في بداية ظهور عثمان وبرضو في موقف تاني انو وردي واسماعين حسن كانو في زيارة للاستاذ عثمان حسين في السجانة ودخلوا على عثمان وبعد السلام اسماعين سال عثمان عملت شنو في الاغنية الكتيتها ليك والاغنية تقريباً ( حارمني ليه ولا مسامحك يا حبيبي ما قادر اتذكر بالضبط ياتها فيهم) فكان رد عثمان والله الاغنية دي يا اسماعين ليها شهر معصلجها معاي وقال دقيقة اعمل ليكم شاي فاخد وردي النص من اسماعين وبدأ يلحن فيهو ولما رجع عثمان لقى الاغنية اكتملت فغناها بنفس لحن وردي وبرضو وردي لحن لابو عفان لا تسليني رغم الموقف المعروف من عثمان حسين لما كان وردي في بداياتو وكان في حفل بالمسرح وحاضرو عبود فقدم عثمان نفسو واصر أنو يغني في البداية لانو عبود حيحضر فاصل ويمشي وفعلاً غنى ابوعفان واسترسل في الغناء لمن عبود كلم ناس الحفل وقال هو المفروض يمشى لكن لازم يجيبو وردي يغني المستحيل والريلة وفعلاً نزل عثمان ووردى غنى الاغنيتين ديل وعارف يا عزيزي شانتير حتى لو تم سحب اغانى الشعراء الذكرتهم برضو وردي حيكون عندو درر يعني ماتنسى محجوب شريف غي الاغاني الوطنية عندو جميلة ومستحيلة ووردة صبيةأوكما يسميها البعض سلمت والحلنقي عندو اقابلك واعز الناس وعصافير الخريف والصور وقطر الندى ووسط الدايرة وشن بتقولواوصاوي عبد الكافي عندو امير الحسن واسال قلبك وجيلي عبد المنعم عندو الهوى الاول ومرحبا يا شوق وابو امنة حامد عندو بنحب من بلدنا وبين الريد والهوى والتجاني سعيد قلت ارحل ومن غير ميعاد والكتير من الشعراء حيطول البوست لو واصلت في ذكرهم واقول حاجة غريبة يا شانير نعم انا بحب وردي ولكن تجدني اكثر ميلاً للراحل المقيم المصطفى ود سيد احمد يعنى اولاً عندي مصطفى حتى وردي لسبب بسيط لانو مصطفى كان قريب من جيلنا وعرف يخاطبو كويس
ولك خالص ودي
|
|
|
|
|
|
|
العنوان |
الكاتب |
Date |
يا اخوانا شوفوا الابداع وبرضوا يقولوا ليك يا تير يا تاير | الليندي | 09-11-03, 01:24 PM |
Re: يا اخوانا شوفوا الابداع وبرضوا يقولوا ليك يا تير يا تاير | ALazhary2 | 09-11-03, 01:48 PM |
Re: يا اخوانا شوفوا الابداع وبرضوا يقولوا ليك يا تير يا تاير | الليندي | 09-11-03, 01:51 PM |
Re: يا اخوانا شوفوا الابداع وبرضوا يقولوا ليك يا تير يا تاير | Shinteer | 09-11-03, 01:51 PM |
Re: يا اخوانا شوفوا الابداع وبرضوا يقولوا ليك يا تير يا تاير | الليندي | 09-11-03, 02:12 PM |
Re: يا اخوانا شوفوا الابداع وبرضوا يقولوا ليك يا تير يا تاير | Shinteer | 09-11-03, 02:43 PM |
Re: يا اخوانا شوفوا الابداع وبرضوا يقولوا ليك يا تير يا تاير | Sakotaweya | 09-11-03, 05:15 PM |
Re: يا اخوانا شوفوا الابداع وبرضوا يقولوا ليك يا تير يا تاير | Shinteer | 09-11-03, 05:29 PM |
Re: يا اخوانا شوفوا الابداع وبرضوا يقولوا ليك يا تير يا تاير | الليندي | 09-11-03, 10:55 PM |
Re: يا اخوانا شوفوا الابداع وبرضوا يقولوا ليك يا تير يا تاير | أبو ساندرا | 09-14-03, 11:49 AM |
Re: يا اخوانا شوفوا الابداع وبرضوا يقولوا ليك يا تير يا تاير | ابو جهينة | 09-14-03, 12:32 PM |
Re: يا اخوانا شوفوا الابداع وبرضوا يقولوا ليك يا تير يا تاير | maia | 09-14-03, 01:09 PM |
Re: يا اخوانا شوفوا الابداع وبرضوا يقولوا ليك يا تير يا تاير | الليندي | 09-16-03, 02:43 PM |
Re: يا اخوانا شوفوا الابداع وبرضوا يقولوا ليك يا تير يا تاير | أبو ساندرا | 09-17-03, 12:50 PM |
Re: يا اخوانا شوفوا الابداع وبرضوا يقولوا ليك يا تير يا تاير | فقيري | 09-17-03, 10:56 PM |
|
|
|