|
Re: زوربا ...قعد و اتحكر (Re: زوربا)
|
اشراقة اولى يا طالع مني ...يا داخل فيني ... يا انت اريد انت اسمعك اريد ان احسك ..غيمة ضؤ تملاني فرح انا و انت و المستحيل .... قالت لي الابنوسة : شعاع الضؤ المرق مني و ضو العتمة مادد زراعاتو يناديك قلت ليها: يا ابنوسة هو مني و فيني ...و شعاع الضو الطالع منو ممدود وتر فيني بس يا ابنوسة ليه العتمة طويلة و الشعاع المارق مسافته طويلة و ليه بعيد ..و ليه كل ما امد ايدي امسك ارجع و معاي سراب يمكن انا شايفه خيالاتي و لا دا انعكاس ضوئك قالت لي الابنوسة : الصبر ...انت حتحسي بيهو و الضو الطالع منو ليكي جاييك و هو راجيك بس انت افتحي قلبك مراسي و دقي وتد قدام العتبة خليهو لما يجي يلاقى الحاضر و المستقبل انا: لكن يا ابنوسة ...الحيرة الحيرة... الابنوسة : كترة الحيرة بتولد اليقين ... اليقين بالجاي و الرايح .... انا: الشك ..الشك .. يا ابنوسة الشك...!!! الابنوسة : يا بتي ..الغلبة للقلب .. انت بس اتبعي ضو القلب الفارد و شوفي شاع الضو المارق ... انا : يا ابنوسة تعبت وفتر مني الفتر ... و القلب دقاقته قلت ...و احساسو نتر ... يا ابنوسة الضلمة ..الضلمة مسارب الضو ...و العتمة يا ابنوسة ... الريدة ...و المريود ... اصارع في خيالاتي ...و المريود الابنوسة : افتحي شباك القلب كوة ضو ... انتظري المطر .... و كل الجوه الجوف يزهر ... انا : بس يا ابنوسة خايفه ... خايفة ما يكون ياهو الامير... الابنوسة : يا بتي ...احساسنا المالي فينا عصب الريدة و الخيالات البعيدة و المستحيل و القصيدة دي كلها لنا شعاع و دليل... و علينا انحنا نخت الصبر جوه القلب .. و البيريدو الله بيصير انحنا اتوكلنا عليك يا رب ... و مسكنا حبالك طالبين القرب ... و انت الرب و رب القلب .... نور مسارب الضو .... و خت اليقين مركز جوة القلب ... و احنا نسبح بيك و ليك ... و للجاي منك و المارق مني ...يا رب اليقين .. . . . و سلام
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
زوربا ...قعد و اتحكر | salam | 07-06-03, 06:46 AM |
Re: زوربا ...قعد و اتحكر | زوربا | 07-06-03, 03:14 PM |
Re: زوربا ...قعد و اتحكر | تراث | 07-06-03, 10:46 PM |
Re: زوربا ...قعد و اتحكر | salam | 07-07-03, 06:52 AM |
Re: زوربا ...قعد و اتحكر | salam | 07-08-03, 00:32 AM |
Re: زوربا ...قعد و اتحكر | زوربا | 07-08-03, 02:13 PM |
Re: زوربا ...قعد و اتحكر | تراث | 07-10-03, 02:44 AM |
Re: زوربا ...قعد و اتحكر | salam | 07-10-03, 07:13 AM |
Re: زوربا ...قعد و اتحكر | salam | 07-12-03, 05:46 PM |
Re: زوربا ...قعد و اتحكر | زوربا | 07-13-03, 04:58 PM |
Re: زوربا ...قعد و اتحكر | salam | 07-15-03, 01:24 PM |
Re: زوربا ...قعد و اتحكر | زوربا | 07-16-03, 03:51 PM |
Re: زوربا ...قعد و اتحكر | salam | 07-17-03, 06:22 AM |
Re: زوربا ...قعد و اتحكر | زوربا | 07-17-03, 10:04 PM |
Re: زوربا ...قعد و اتحكر | زوربا | 07-21-03, 09:40 PM |
|
|
|