|
|
 Re: سؤال في شكل استفتاء ؟؟؟؟؟ (Re: Kudouda)
|
الاحبه..
ترهاقا,ابا , كمال , عادل, ابوحراز, حمزاوي ,د.ياسر,
في الاول الشكر لكم للمشاركه ,
العزيز ترهاقا
ولله يا اخوي انا زاتي بستغرب للسودانين المستعربين ديل , كان في واحد زميلنا في بدايه ايام دراستنا , وكان ما بتلم معانا وجنو عرب ويقشر ليك بالكلام بالهجه الشاميه, طبعا هو كان موضع سخريه من الجانبين, ومرت الايام وشائت الظروف انو الناس تتفرق , النكته انو انا سمعت مقوله بقي يرددا اليومين دي بعد ما زهج من استحقار العرب ليهو وهي انو اكتشف انو السودانين افارقه وما عرب...
غايتو نقول شنو .. مشاكل وما قادرين نشاكل
العزيز ابا
ولله يا اخوي عفارم عليكم, والواحد كان يتمني يكون معاكم عشان ياخد من علقتكم الحلوه دي , وما احلي ان يكون الالم مصحوبا بي العزه...
الاخ كمال عباس
ولله يا اخوي انا السؤال ده ما جبتو انا , وطبعا اقتراحك ده عين العقل لانو كده الناس ما حتتحرج من الاجابه عليهو , ولكن انا لمن سألوني ليهو كانت الرغبه في ادخالي في المحك ده زاتو, لكن انا شايف كلامك منطقي جدا
الاستاذ عادل
شكرا علي الطله
الحبيب ابو حراز..
ولله كويس انو ناس البوليس جو قبل ما تكسر للراجل راسو,لكن ولله يا ابو حراز اخوك لو لقا ليهو شكله ما بقيف اسأل منو الغلطان وبقيف معا السوداني بدون ما افكر كتير, طبعا يا عزيزي كلامك صح ميه في الميه, لكن يا اخوي مرات الواحد ببقي امام خيارات كل منها ليهو مرارتو وبقوم يختار الاقل مراره...
الاخ العزيز حمزاوي
ولله حلك ده بيرضي كل الاطراف,وبحميك من انو تدخل روحك من ملفات ضيقه, وتسلم يا امير
العزيز د.ياسر
بمناسبه ناس 110 ديل,زمان كنت ساكن في سكن كده كلو اجانب بمعني انو كانو مسسكنين كل الاجانب في سكن كده ومسكنين الالمان في سكن براهم,المهم كانت ايام امتحانات وكان في كميه من المنغوليين , وللاسف كانو بشربو شديد وعاملين ازعاج شديد في وقت متأخر جدا ,فقمنا انا وواحد صحبي بالاتصال ب 110 ,طبعا الكلام ده بعد ما حاولنا انو نتناقش معاهم ومحاولتهم انو يتعدو علينا, ولله الجماعه ديل جو في خلال دقيقه كده, ولله يا د. انا ماشفت لي ناس بالحجم ده ياخي ديل الواحد فيهم اكبر من الحيطه عديل كده, ولي التعتر قام المنغوليين واصلو في الهيجان بتاعم داك ,,ولله حنيت عليهم بعد داك...
نرجع للموضوع كنت امبارح بتكلم مع ناس نرنبيرج وحكو لي مقوله لي الاستاذ محمود , وهي ما هو الفرق بين الذكي والشاطر,الذكي هو من يعرف الغايات والشاطر هو من يعرف الوسائل, يعني صديقي اللدود كان زكي عندما سالني وكانت اجابتي فيها شطاره,المحك انو نحنا عندما ننادي بتمجيد الهويه السودانيه ندخل في تعارض مع بعض النصوص واعني الحديث بنصره المسلم , فهل الخطا في فهم النص ام الخطا فيما ننادي به؟؟؟
نريد منكم المفيد ولا نريد المختصر
وتسلم
|
|
 
|
|
|
|
|
| العنوان |
الكاتب |
Date |
| سؤال في شكل استفتاء ؟؟؟؟؟ | Kudouda | 06-29-03, 04:43 AM |
| Re: سؤال في شكل استفتاء ؟؟؟؟؟ | banadieha | 06-29-03, 05:00 AM |
| Re: سؤال في شكل استفتاء ؟؟؟؟؟ | hala guta | 06-29-03, 05:00 AM |
| Re: سؤال في شكل استفتاء ؟؟؟؟؟ | Kudouda | 06-29-03, 06:28 PM |
| Re: سؤال في شكل استفتاء ؟؟؟؟؟ | Kudouda | 06-30-03, 09:36 AM |
| Re: سؤال في شكل استفتاء ؟؟؟؟؟ | Kudouda | 07-01-03, 11:24 AM |
| Re: سؤال في شكل استفتاء ؟؟؟؟؟ | فتحي البحيري | 07-01-03, 01:00 PM |
| Re: سؤال في شكل استفتاء ؟؟؟؟؟ | Shinteer | 07-01-03, 01:07 PM |
| Re: سؤال في شكل استفتاء ؟؟؟؟؟ | Kudouda | 07-01-03, 03:56 PM |
| Re: سؤال في شكل استفتاء ؟؟؟؟؟ | Kudouda | 09-29-03, 04:20 PM |
 Re: سؤال في شكل استفتاء ؟؟؟؟؟ | ترهاقا | 09-29-03, 04:36 PM |
| Re: سؤال في شكل استفتاء ؟؟؟؟؟ | aba | 09-29-03, 04:58 PM |
| Re: سؤال في شكل استفتاء ؟؟؟؟؟ | kamalabas | 09-29-03, 07:37 PM |
| Re: سؤال في شكل استفتاء ؟؟؟؟؟ | Abdel Aati | 09-30-03, 00:21 AM |
| Re: سؤال في شكل استفتاء ؟؟؟؟؟ | ابوحراز | 09-30-03, 11:52 AM |
| Re: سؤال في شكل استفتاء ؟؟؟؟؟ | حمزاوي | 09-30-03, 11:02 AM |
 Re: سؤال في شكل استفتاء ؟؟؟؟؟ | Yasir Elsharif | 09-30-03, 12:11 PM |
| Re: سؤال في شكل استفتاء ؟؟؟؟؟ | kamalabas | 09-30-03, 03:35 PM |
| Re: سؤال في شكل استفتاء ؟؟؟؟؟ | Kudouda | 09-30-03, 05:25 PM |
 Re: سؤال في شكل استفتاء ؟؟؟؟؟ | Yasir Elsharif | 09-30-03, 11:09 PM |
| Re: سؤال في شكل استفتاء ؟؟؟؟؟ | kamalabas | 09-30-03, 11:42 PM |
| Re: سؤال في شكل استفتاء ؟؟؟؟؟ | kamalabas | 10-01-03, 03:34 PM |
| Re: سؤال في شكل استفتاء ؟؟؟؟؟ | awadnasa | 10-01-03, 04:52 PM |
| Re: سؤال في شكل استفتاء ؟؟؟؟؟ | Kudouda | 10-01-03, 09:54 PM |
|
| |
فيس بوك
تويتر
انستقرام
يوتيوب
بنتيريست