|
Re: شيري هترشت كتير ... ممكن أهترش انا شوية (Re: زوربا)
|
زوريا من بعد السلام وهتاريش الشوق الشوك
وين البت؟ ولا أصل الهترشة حلم في ليل أنثى وحلم بأنثى من بقايا زمن ما ليس كمثل هذا الزمان القفر الفقر؟ فكرت أهترش , لقيت الهم واقف ديدبان , وحتى في هترشاتنا الحلم لقينا الديدبان برضو هترش هترش يا زول لحدي ما نقدر نهترش ولو ما قدرنا كلم الزول ده قول ليهو نتقابل الاسبوع الجاي جمب حافظ الحلاق المواصلات بي كم , ما عارفا؟ , خليتا بي نص لقيمة لي الطالب ومن دون قيمة لي نص الطالب شماشي قاعة الصداقة , متذكرو ؟ , الزمان كان بشيل حق البوش يرميهو في حق تذكرة , اها الزول ده رمى حق التذكرة في صحن بوش وبرضو ما خلوهو يدخل ملح رغم انو القاعة كانت فاضية وفها مهرجان الطفولة الالفاوي مكتبة الجامعة دي بفتحوها متين ما عارف , عندك كتاب ؟ أي كتاب ؟ ولا اقول ليك والله بالجد مشتاق ليها أمي ,ياخي كم مرة أقول ليك الكلام ده ؟ ما شايف الحاجة دي مرسومة في قدرنا كتر الشوق ليها ؟ واحد قال لي جنسك شنو , قلت ليهو من وطن فيهو أمي وكأنو الوطن حاجة غيرا ما قلت ليك , الخميس كان في الحلة حولية وحفلة دفار الإلزامية سك ناس معز لي نص الحلة , ناس معز خشوا الحلة جارين قدام الناس والدفار جاري ورا ناس معز ويا زول قدر ما يشقوا الحلة الكوم يكبر وسواق الدفار بتاع الالزامية يدوس بنزين ويحرق أعصاب ناس السوق المتمتعين بي لحظات الإثارة دي, حتى عمك خليل أبو معز كان مع ناس السوق وكأنو متشفي من ولدو العاطل ده وداير ناس الدفار يقبضوهو , يا زول ما حل كوم الناس الجارية دي إلا برعي المجنون لامن لفح قزاز الدفار , والغريبة عمتك الزينبية بتاعة الكسرة في السوق لو متذكرا زغردت لي برعي البت دي تاني سألت منك نقول ليها شنو؟ الشاي فار انا ماشي السلام عليكم
|
|
|
|
|
|
|
العنوان |
الكاتب |
Date |
شيري هترشت كتير ... ممكن أهترش انا شوية | زوربا | 06-22-03, 05:31 PM |
Re: شيري هترشت كتير ... ممكن أهترش انا شوية | رقم صفر | 06-22-03, 05:49 PM |
Re: شيري هترشت كتير ... ممكن أهترش انا شوية | سودانوبس | 06-22-03, 09:42 PM |
Re: شيري هترشت كتير ... ممكن أهترش انا شوية | زوربا | 06-23-03, 01:44 PM |
Re: شيري هترشت كتير ... ممكن أهترش انا شوية | shiry | 06-23-03, 02:11 PM |
Re: شيري هترشت كتير ... ممكن أهترش انا شوية | زوربا | 06-23-03, 08:28 PM |
Re: شيري هترشت كتير ... ممكن أهترش انا شوية | رقم صفر | 06-24-03, 08:41 PM |
Re: شيري هترشت كتير ... ممكن أهترش انا شوية | رقم صفر | 06-24-03, 08:42 PM |
Re: شيري هترشت كتير ... ممكن أهترش انا شوية | shiry | 06-25-03, 07:43 AM |
Re: شيري هترشت كتير ... ممكن أهترش انا شوية | HOPELESS | 06-25-03, 08:02 AM |
Re: شيري هترشت كتير ... ممكن أهترش انا شوية | زوربا | 06-25-03, 07:10 PM |
Re: شيري هترشت كتير ... ممكن أهترش انا شوية | ملكة سبأ | 06-25-03, 01:34 PM |
Re: شيري هترشت كتير ... ممكن أهترش انا شوية | زوربا | 06-25-03, 09:53 PM |
Re: شيري هترشت كتير ... ممكن أهترش انا شوية | زوربا | 06-26-03, 07:22 PM |
Re: شيري هترشت كتير ... ممكن أهترش انا شوية | رقم صفر | 06-26-03, 11:48 PM |
Re: شيري هترشت كتير ... ممكن أهترش انا شوية | shiry | 06-27-03, 10:43 AM |
Re: شيري هترشت كتير ... ممكن أهترش انا شوية | زوربا | 06-28-03, 04:55 PM |
Re: شيري هترشت كتير ... ممكن أهترش انا شوية | salam | 06-27-03, 11:41 AM |
Re: شيري هترشت كتير ... ممكن أهترش انا شوية | زوربا | 06-27-03, 03:31 PM |
Re: شيري هترشت كتير ... ممكن أهترش انا شوية | shiry | 06-29-03, 08:03 AM |
Re: شيري هترشت كتير ... ممكن أهترش انا شوية | زوربا | 06-29-03, 05:33 PM |
Re: شيري هترشت كتير ... ممكن أهترش انا شوية | زوربا | 06-30-03, 03:01 PM |
Re: شيري هترشت كتير ... ممكن أهترش انا شوية | salam | 07-02-03, 06:56 AM |
Re: شيري هترشت كتير ... ممكن أهترش انا شوية | garjah | 07-02-03, 08:21 AM |
Re: شيري هترشت كتير ... ممكن أهترش انا شوية | ايمان | 07-05-03, 07:22 AM |
Re: شيري هترشت كتير ... ممكن أهترش انا شوية | زوربا | 07-05-03, 05:57 PM |
Re: شيري هترشت كتير ... ممكن أهترش انا شوية | زوربا | 07-05-03, 05:48 PM |
Re: شيري هترشت كتير ... ممكن أهترش انا شوية | salam | 07-04-03, 03:08 PM |
Re: شيري هترشت كتير ... ممكن أهترش انا شوية | زوربا | 07-05-03, 06:09 PM |
Re: شيري هترشت كتير ... ممكن أهترش انا شوية | shiry | 07-06-03, 03:40 PM |
Re: شيري هترشت كتير ... ممكن أهترش انا شوية | tabaldy | 07-07-03, 03:31 AM |
Re: شيري هترشت كتير ... ممكن أهترش انا شوية | زوربا | 07-08-03, 02:13 PM |
|
|
|