الأخ مهاجـــر والإخوة الأفاضل
لكم الود والتحية والتقديـــر
ربما يكون تقديم نفسي أو تعريفها تحصيل حاصل إذ أنني إعتدت أن أذيل كل ما أكتب هنا باسمي كاملا..ولكن تدعيما لدعوة الأخ مهاجر وتقديرا لرغبته ورغبة من أيد دعوته للتعارف أقدم نفسي
الزاكي عبد الله محمد الزاكي
العمر 47 والأعمار بيد الله
مهندس أول Senior Inspection Engineer
شركة أرامكو السعودية-مصفاة الرياض
متزوج من السيده أم أحمد...حلوه دي؟؟؟؟
أب لخمسة أطفال..قولوا ما شاء الله وصلوا على النبي...بنت حبوبه جدا وأربعة أولاد..أكبرهم أحمد في إعدادي طب-جامعة القاهره
لوني السياسي ..لون الوطن وغيره مافي لون مالي عيني وغير محمد أحمد الغلبان مافي راجل مالى عيني..محمد أحمد وبس..والباقين بياعين كلام...القاعدين والفاتوا...أيوا..عشان نكون واضحين ونقول للأعور أعور في عينه وعين اللى خلفوه كمان..طبعا دي ما حقتنا..شوفو العباره المرادفه ليها عندنا
مدير تحرير الإصدارة الثقافية الشهرية منتدى النيـــل
منتـــدى النيـــلمحرر أول مجلة عربيه إنجليزية متخصصة في مجال فحص وإختبار مصافي النفط والصناعات البتروكيماويه
المجلة التقنية السودانيةهواياتي كثيره على رأسها القرءاة عامة والتأليف في مجال تخصصي كتبت الشعر وأكتب النثر..نقدا..في بعض المواقع والصحف سودانية وعربية...أحب سماع الأغاني...السمينه...والموسيقي الكلاسيكية..و..لغاية هنا كفايه والعاوز أي معلومات تانيه يمكن يكاتبني على
[email protected][email protected][email protected]لم أترك شاردة وواردة إلا ذكرتها هنا...تاني في حاجه أقولها؟؟؟ما أظن...والله في حاجه أخيره...بحب وبحترم ناس البورد كلهم...بس حبي وإحترامي كبير جدا للإخوة البيطرحوا أنفسهم بصوره واضحه..بتحس إنك أمام إنسان واثق من نفسه وبترتاح للتعامل معاه...طبعا دا مع تقديرنا وإحترامنا لظروف الآخرين اللي ما بعرفها ويقيمها التقييم الصحيح إلا أصحابها....تحيــــــاتي
nile1
فيس بوك
تويتر
انستقرام
يوتيوب
بنتيريست