|
Re: سندريلا السودانية... ولازال البحث مستمراً (Re: مريم بنت الحسين)
|
المشهد الثاني... سندريلا تكنس الحوش بمكنسه أثرية.. لابد أن جدتها لجدة أمها قد استخدمتها ذاتها في تنظيف
الحيشان... أداة عريقة.. لكنها غايه في الفعاليه.. تكنس وتترنّم بأغنية تدفعك دفعا أن تتمايل معها..
صوتها الشجي.. ونبرتها الحماسية.. تنادي بها أميراً في الذاكر.. "طلعت القمرا.. الخير يا عشاي تودينا لي أهلنا بسألوك مننا.... غنت ليك البنية...................." تقف لتلطق أنفساها قليلاً... وفرطق بأصابعها مع ألحان الأغنية.. تأتيها حليمة تتمايل من السمنة..
وترسم دائرة حولها مثل تلك التي ترسمها الشول... حليمة: سندريلا.. أمي موش قاتليك ختّي الفطور...؟ وينه لي حسّي.... سندريلا ترمقها بنظرة تقول وإنتي مستعجلك مالك.. ماشه وين بي شحمك ده، لكن بدلا منها
تقول: جدا يا حليمة.. دقيقة بس النتم الحوش ده... حليمة تترك سندريلا لتنضم إلى سعدية التي تتكئ على حائط الجيران وتتحدث مع ابنتهم الزينة... حليمة: الزينة.. إزيك يا خيتي.. كيفنك... الزينة: حبابك أ حليمة.. كيفمك كدي.. جهّزتي لعرس سليمان؟ سعدية: بالحيل.. أمي وصّت لينا ست النفر تخيّط لينا ديك يا الفساتين... الزينة تكتم ضحكه: والله خالتي دي تعبانه فيكن تعب... ... آي يمّا ديل ناس حليمة وسعدية..
جاياك حسي... تذهب الزينة لترى أمها ماذا تريد... في تلك الأثناء كانت سندريلا قد أنهت التنظيف وأتت بصينية
الفطور.. ملاح أخضر (خالدي).. بي عصيدة حااااااااارة... يمكنك بسهولة التعرّف على أجزاء
الجهاز الهضمي بتتعب أثرها في الأحشاء... تعلوه طبقة من السمن البلدي... تطفو فوقه شريحة
من البصل... تنقض الفتاتان على الصحن.. دون هواده.. سندريلا اعتادت ألا تأكل معهما.. لكنها
جلست بجانبها تراقبهما... سندريلا: حلمية وسعدية.. ماشات الحفلة؟ سعدية ترد، لأن حليمة لا تتفاهم في مثل هذه اللحظات: آآآآآي.. وده كلام ده.. لكن إنتي
ماااااااااااااااقي ليك.. أمي قالت من البيت ده ما بتمرقي.. سندريلا: وليه يا سعدية ما أمشي.. ما هم أهلي زي ما هم أهلكم.... حليمة بصوت يعيقه الطعام: أمي قالت ماف ليك.... سعدية (أطيب قلبا من حليمة): تمرقي وين ياخيتي بي هدومك المقطعه دي.. إتي دايرة تفضحينا..
وأمي قالت ما عندها ليك قروش... سندريلا: بحماس.. ما مشكله.. لو على الهدوم.. ما مشكله أصله... في هذه اللحظة تدخل الخالة... الخالة: أصله ما مشكله يا سندريلا.. بس خلصي شغل اليوم حقك.. وكان عندك هدمه سمحه ورح
معانا... سندريلتي كما قلت ليست ملاكاً.. تعرف كيف تستدرج أختيها للحديث .. وتعلم أن خالتها لن تسمح
لها بهذه البساطه أن تذهب...
سنعود
بنت الحسين
|
|
|
|
|
|
|
العنوان |
الكاتب |
Date |
سندريلا السودانية... ولازال البحث مستمراً | مريم بنت الحسين | 05-27-03, 06:45 PM |
Re: سندريلا السودانية... ولازال البحث مستمراً | ودرملية | 05-28-03, 02:22 AM |
Re: سندريلا السودانية... ولازال البحث مستمراً | مريم بنت الحسين | 05-28-03, 06:25 AM |
Re: سندريلا السودانية... ولازال البحث مستمراً | ودرملية | 05-28-03, 09:17 PM |
Re: سندريلا السودانية... ولازال البحث مستمراً | مريم بنت الحسين | 05-29-03, 09:03 PM |
Re: سندريلا السودانية... ولازال البحث مستمراً | omdurmani | 05-28-03, 09:24 PM |
Re: سندريلا السودانية... ولازال البحث مستمراً | مريم بنت الحسين | 05-29-03, 09:03 PM |
Re: سندريلا السودانية... ولازال البحث مستمراً | مريم بنت الحسين | 05-28-03, 09:45 PM |
Re: سندريلا السودانية... ولازال البحث مستمراً | الجندرية | 05-29-03, 06:37 AM |
Re: سندريلا السودانية... ولازال البحث مستمراً | degna | 05-29-03, 07:23 AM |
Re: سندريلا السودانية... ولازال البحث مستمراً | أبوالزفت | 05-29-03, 09:54 AM |
Re: سندريلا السودانية... ولازال البحث مستمراً | مريم بنت الحسين | 05-29-03, 02:00 PM |
Re: سندريلا السودانية... ولازال البحث مستمراً | ودرملية | 05-30-03, 00:11 AM |
Re: سندريلا السودانية... ولازال البحث مستمراً | AnwarKing | 05-30-03, 00:50 AM |
Re: سندريلا السودانية... ولازال البحث مستمراً | مريم بنت الحسين | 05-30-03, 11:40 AM |
Re: سندريلا السودانية... ولازال البحث مستمراً | مريم بنت الحسين | 05-30-03, 02:02 PM |
|
|
|