|
Re: خائفة من الزواج (Re: ماسة)
|
الاخوة الاعزاء تحياتي والله الموضوع مهم شديد وفي اعتقادي الخلل بكون في عوامل كتير منها الرجل والمراة والمجتمع انا عندي بوست قبل كده بعنوان رسالة لحبيبتي حاولت انها تكون حاملة تأسيس للعلاقة جميلة وناجحه وانشاءالله تكون مفيده في الحته دي او الموضوع ده حبيبتي : تذكري في اول أيامنا لما كنا بنقول لي بعض اوعك تنسي كلامك ده بعدين كانت في شكل مزحة لكن حاملة جواها بداية حقيقة لشكل الالتزام بالعهود والمواثيق التي قطعناها علي انفسنا كانت دي النواة الحقيقة لميلاد دستور حياتنا , الدستور البنظم العلاقة وبحميها من كل شئ , تصوري معاي علاقة منظمة بفهم عميق لحياة الاسرة ومتطلباتها واحتياجاتها ممزوجة بذلك الشئ الوجداني الجميل الذي يدعي الحب , كده نكون عملنا القاعدة الصلبة الماممكن تأثر فيها اعتي رياح الدنيا او تهزها اكبر براكبن الحياة لانو خلاص رتبنا حياتنا بفهمنا للحياة وتجاربنا وتجارب غيرنا وما عشنا خيالات احلام وردية ورومانسية وقعدنا علي كده بالعكس طوعنا احلامنا الجميلة دي علي واقعنا خلينا احلامنا واقعية وجميلة وممكنة التحقق عشان كده نهائي ما حيجي يوم واحلامنا دي تصطدم بارض الواقع . حبيبتي : أن الصدق كان اول مساهم في شركة حبنا هذه من اول يوم عكس كل واحد منا ما بداخله للتاني من غير أي محاولة للتجمل او اظهار العكس من غير أي محاولة لأرضاء الاخر لهذا تجد العلاقة البينا دئما في تطور ونمو مستمر وكل خلاف بيننا قد زال بسبب النقاش الموضوعي وبسبب المعيار الذي كنا نقيس به الاشئاء و المتمثل في الدين والعادات والتقاليد . حبيبتي: اكتر شئ خلي العلاقة البينا تصل المواصيل دي انو نحنا متفهمين وما متعصبين يعني الواحد ما بصر علي رأيه في اي لحظة او مرحلة اكتشف انه غلط برجع عن الغلط وبعترف بيهو وبحاول انو يتدارك أثاره ويمحوه نهائي يعني ما بكابر او يعاند . الشئ التاني الانا شايف انو برضو له كبير الاثر فيما وصلت ليهو علاقتنا دي انو من اول ما حبينا بعض وربطنا روحنا ببعض قررنا انو نكون كيان واحد ومتماسك بتكون من اتنين يعني عمري بعد حبيتك ما فكرت في نفسي بشكل منفصل عنك نهائي وبرضو مبداء الشراكة لانو الحياة مشاركة وتضحية في بعض الاحيان لانو من غير تضحية بتقيف الحياة ولو مافي مرونة واحذ وعطاء الناس كلها ح تصل لطريق مسدود مع بعضها لازم يكون في نقاش ومرونة وتنازلات مننا الاتنين بشرط التمسك بالثوابت الوضعناها مع بعض وانا شايف الحته من اكتر الاشياء جمالا في علاقتنا والحمد لله انو ربنا وفقنا لحته وضع منهجنا من بدري.
|
|
|
|
|
|
|
العنوان |
الكاتب |
Date |
خائفة من الزواج | ماسة | 04-22-03, 01:16 PM |
Re: خائفة من الزواج | tariq | 04-22-03, 02:05 PM |
Re: خائفة من الزواج | ود عقاب | 04-22-03, 02:23 PM |
Re: خائفة من الزواج | nazar hussien | 04-22-03, 03:00 PM |
Re: خائفة من الزواج | قرشـــو | 04-22-03, 03:03 PM |
Re: خائفة من الزواج | ودقاسم | 04-22-03, 02:44 PM |
Re: خائفة من الزواج | شرووم | 04-22-03, 02:45 PM |
Re: خائفة من الزواج | bent-elassied | 04-22-03, 03:35 PM |
Re: خائفة من الزواج | korti | 04-22-03, 03:53 PM |
Re: خائفة من الزواج | شلاقة | 04-22-03, 04:20 PM |
Re: خائفة من الزواج | ماسة | 04-22-03, 07:55 PM |
الزواج..هل يقتل الحب؟؟ | قرشـــو | 04-23-03, 01:09 PM |
Re: الزواج..هل يقتل الحب؟؟ | waleed500 | 04-29-03, 10:10 PM |
Re: خائفة من الزواج | omdurmani | 04-29-03, 10:37 PM |
Re: خائفة من الزواج | قرشـــو | 04-30-03, 07:56 AM |
Re: خائفة من الزواج | ALZOLZATOO | 04-30-03, 05:22 PM |
Re: خائفة من الزواج | حنين | 04-30-03, 06:10 PM |
Re: خائفة من الزواج | hakimoo | 05-01-03, 01:21 AM |
Re: خائفة من الزواج | الساحر | 05-01-03, 08:16 AM |
Re: خائفة من الزواج | السفير | 05-01-03, 08:25 AM |
|
|
|