تعرف انا حصلت لي قصة ظريفة جدا مع التوايم ، اذكر ونحن في سنة اولى جامعة كان بنات الدراسات الاضافية Extra-Moral Studies بيجو يقروا في قاعة الامتحانات Exams Hall لأنه كان عندهم مشكلة في القاعات بتاعتهم، المهم عندي صديقي اسمه عاطف ابراهيم فكنا بعد المحاضرة الاولى نمشي نخلط في ال Main Raod فتعرفنا لينا على اتنين منهم، فبقينا نمشي كل يوم يازول شي فطور وشي شاي وشي ونسة.
بعد فترة لاحظت واحدة منهم مرات لما الاقيها ما بتسلم علي ولا تزوغ مني عديل لما تلقاني جاي عليها ومرات تسلم علي بحرارة لم تذهلني ومرات تشوفني من بعيد تقعد تكوريك لي
بس بعد داك قلت اكيد البت دي نعدها نفسيات احسن ابعد منها ما تقوم تعمل فينا مصيبة، فقمت كلمت صاحبي قلت يازول انا ما ماشي معاك تاني البت دي عندها نفسيات وحكيت ليه القصة، يازول صرة ليك الموضوع خيط في دلقان مشى سال ليك صاحبتها، بس قعدت تضحك، قالت ياخ دي تومة واكيد دي تومتها لأنه تومتهارغم انهم بتشابهو زي التعارف لكن دي عكسها تماما ، يازول جاني ليك اضحك حكى لي الحكاية