|
|
 Re: الاستاذ محمد كبر (Re: doma)
|
الأصـفياء حـد الوهـج واختلاج الحرف الـمترع حلما ووفاء..
المحبة الصفيةوالانسانة دومـا
الراجح ..العزيز مولاي واستاذي الملا عمر
النضر/الوعد علاء
الوفية ابنـوسة
المـتوهجة الكلام والسلام..سومـا
لكم كل ما تقدر نبضات الدم من شيلو من محبة..وعبرتين سقن معاني الود..وشالن ترحاب الشموس وردتين مودة..انتم في البال..والبيت الكبير..
و سوف تستغربوا لو قلت ليكم انكم جزء من الحكي اليومي الذي احاول ان اواجه بيهو رعب الدنيا كلو..وطبعا حاسي انو العالم اتغبى فيني العرفة ورماني في بحر الكوابيس..
وهكذا،
حكيت لصديقاتي المبعثرات في وش الدنيا عن الانسانة دوما..وتقاطعاتها الحميمة مع نص "بتذكرك وبدور ..."
ثم حوارتي مع ابكر آدم عن قوة وجمال اطروحات استاذنا الملا عمر..وغلاطنا اليومي..اقول لأبكر انت عارف الزول وداسي مني..ويرجع هو يقول تلقاهو واحد من اصحابك..ونعود نتفق على ان اجمل ما في المنبر هو انه وهبنا معرفة احباب وحبيبات..لو قعدنا العمر كل ما ح نلم فيهم..
وهكذا،
تكون اجتهادات ابنوسة محطة نرتاح عليها..ويحصل التأمين على قدرتها اللمحاحة في تسخين البورد بمختارات يقظة ومعبرة..
وهكذا،
مكالمة من ابكر ادم لينبهني بكشفه الجديد عن عوالم علاء شاموق الساحرة..و يصاب بالاحباط حينما يكتشف اني قد قرأت النص والنصوص الاخرى..فيفاجئني بتحليل رصين لعمل من اعمال علاء..فأفرح انا فرحا اكبر من فرح علاء..وذلك لاحساسي بضرورة حماية شبابنا المبدع من الانزواء في ظل التجاهل النقدي..
وهكذا،
اخابر صديقي محجوب في مسقط..و ينسى ان يحكي لي عن كابوس الحرب..ليعتذر لي عن عدم تمكنه من الحصول على احد دواوين اسماء..و يصاب بالغصة على عدم مشاركته في المنبر الحر..
هل هي من جماليات الصدف ان تمنحك الدنيا هذا المتكأ..
نعم.. يا دوما الانسانة..انت حاضرة في اخر حوار مع صديقتي مشاعر في هولندا..كان بالامس..وكذا الملا عمر
عزيزنا الملا عمر..كل عام وانت بخير..ولك هذه المفاجئةالصغيرة قريبا ستقرأني في عمل روائي!!!
ثم انا وابكر ادم اولاد ربق..من مدينة الدلنج..اولاد دفعة في جامعة الخرطوم..مع اختلاف في التخصص..والان في مواقع قريبة من بعض..هل هذه افادة مفرحة؟
شكرا دوما..و سوف اعود قريبا..بس براكي عارف امتحان الانسان لاخيه الانسان فيه امتهان ..لكن الله غالب..
ودمتم
كبر
|
|
 
|
|
|
|
|
| العنوان |
الكاتب |
Date |
| الاستاذ محمد كبر | doma | 04-03-03, 05:54 AM |
 Re: الاستاذ محمد كبر | almulaomar | 04-03-03, 06:48 AM |
| Re: الاستاذ محمد كبر | doma | 04-03-03, 07:35 AM |
| Re: الاستاذ محمد كبر | doma | 04-04-03, 04:35 AM |
| Re: الاستاذ محمد كبر | ود شاموق | 04-04-03, 05:59 AM |
| Re: الاستاذ محمد كبر | أبنوسة | 04-04-03, 07:36 AM |
| Re: الاستاذ محمد كبر | SAMIR IBRAHIM | 10-02-03, 04:18 AM |
| Re: الاستاذ محمد كبر | doma | 04-04-03, 08:28 AM |
 Re: الاستاذ محمد كبر | soma | 04-04-03, 08:47 AM |
| Re: الاستاذ محمد كبر | أبنوسة | 04-04-03, 04:35 PM |
| Re: الاستاذ محمد كبر | soma | 04-04-03, 07:15 PM |
| Re: الاستاذ محمد كبر | Kabar | 04-04-03, 09:33 PM |
| Re: الاستاذ محمد كبر | soma | 04-05-03, 11:11 AM |
| Re: الاستاذ محمد كبر | بت قضيم | 04-05-03, 11:17 AM |
| Re: الاستاذ محمد كبر | doma | 04-05-03, 12:13 PM |
| Re: الاستاذ محمد كبر | بت قضيم | 04-05-03, 01:15 PM |
| Re: الاستاذ محمد كبر | doma | 04-05-03, 03:25 PM |
| Re: الاستاذ محمد كبر | cantona_1 | 04-05-03, 03:46 PM |
| Re: الاستاذ محمد كبر | doma | 04-05-03, 04:08 PM |
| Re: الاستاذ محمد كبر | rani | 04-06-03, 05:41 AM |
| Re: الاستاذ محمد كبر | Kabar | 04-06-03, 06:24 AM |
| Re: الاستاذ محمد كبر | بت قضيم | 04-07-03, 12:31 PM |
| Re: الاستاذ محمد كبر | doma | 10-02-03, 12:08 PM |
| Re: الاستاذ محمد كبر | DKEEN | 10-03-03, 01:19 AM |
| Re: الاستاذ محمد كبر | doma | 10-03-03, 10:16 PM |
|
| |
Kabar
فيس بوك
تويتر
انستقرام
يوتيوب
بنتيريست