|
Re: عفاف الصادق حمدالنيل ،،والهديل خارج السرب (Re: أبو ساندرا)
|
اغنية مصطفى سيداحمد شعر:عفاف الصادق حمدالنيل
يا الكحلت عيون الدنيا بلون الغنوة يا الضفرت ضفاير إحساس الكلمة الحلوة يا الشتت نجوم الليل في وش النيل عقدآ فوق القمرة بيقدح فينا الضو يا الطقطقت اصابع السحب الشالن جو دفق عسل المطرة ونقط كبت شو نضمت غنت سكتت صنت قامت و قعدت شن بتسو؟ واقفة تلملم فوق النجم اللم حداها نسجت منو الضل الخت وباقي ضراها فتقت منو الشدرة الشال انحت جناها سوت بيهو الهدم الصلحة وسترة غطاها واقفة تحزم باقية تلزم خيرآ جاها إيدها تسلم تدي تعلم ترفع جاها تهدي تكلم صوتها يرنم يزيدها وجاها وغنت ليك الغنوة السمحه المابيه تتم إتضارت عين القمرة تتاوق من بينات براق الضو الفاتنا وقبل من عمنول لو ما صد ولو ما رد ولو ما جانا ولو ما عد ولو ما لو شن بتسو؟ تقشقش فوق رقراق الدمع الكاسي العين بي هدم الدم كل ما إتعرى يجدد توبو يضاري الريح الكست الجو تساسق بين تيار الموج الكسر الجدول دفق شو تسارق فوق نجماتن برقن هجن لجن باتن قو تضاير فوق وديانا نزن ندن شبعن رضعن ضرع السحب الشلن درن جو تتصنت تسمع غنوة ود سيداحمد جانا مهقت مكسي مجرتق يفوح الصندل وعطر المحلب منو مدفق امو تعدل واختو الرقصت خالو يبشر وعمو بيعرض وسط السهله وخيرو مدفق غنوة بتعزف نغم إتشتت رعدآ صفق وبرقآ هز إتباطن سوطو بطانآ حر لوح وهوََ وضهر الفارس التب ما إتلوى زغرد ليك ايقاع المطر إتلبب حضن الارض ونلم ود سيداحمد دق المحلب في توب احمد وعطر بيهو الكلمة الحنت وهنت ورنت طارت وركت جوه القلب ركزت تب وقالت شيتن ما بتقال ود سيداحمد دق المحلب جوه الفكرة وخت الذكرى وذكرة بكرة ابية وحرة مبدأ و عزة قيمة وعبرة دراية و خبرة شامخة وبكرة شموخ بت عزة الما بتهز برغم الصي وليد ضكران هز و رز وتب ما فز إتقطر نز إدفق ضي ود سيداحمد شال الريشة ورسم اللوحة وشتت لونها وتيرب بيهو سما السودان وكانت النبتة عصارة الغنوة الفيها ثقافة وحب وسياسة مزيجها بلدنا وفيها ولدنا إتعطن الريد والبت الحلوة الوطن الغالي وسرج بيهو وشد ضهر سودانا لجام
ونواصل
|
|
|
|
|
|
|
العنوان |
الكاتب |
Date |
عفاف الصادق حمدالنيل ،،والهديل خارج السرب | أبو ساندرا | 03-29-03, 08:10 AM |
Re: عفاف الصادق حمدالنيل ،،والهديل خارج السرب | الجندرية | 03-31-03, 07:11 PM |
Re: عفاف الصادق حمدالنيل ،،والهديل خارج السرب | Elmosley | 04-01-03, 00:16 AM |
Re: عفاف الصادق حمدالنيل ،،والهديل خارج السرب | Tumadir | 04-01-03, 03:19 AM |
Re: عفاف الصادق حمدالنيل ،،والهديل خارج السرب | أبو ساندرا | 04-01-03, 10:30 AM |
Re: عفاف الصادق حمدالنيل ،،والهديل خارج السرب | azza | 04-01-03, 05:50 PM |
Re: عفاف الصادق حمدالنيل ،،والهديل خارج السرب | أبو ساندرا | 04-09-03, 09:47 AM |
Re: عفاف الصادق حمدالنيل ،،والهديل خارج السرب | Omar | 04-09-03, 05:03 PM |
Re: عفاف الصادق حمدالنيل ،،والهديل خارج السرب | أبو ساندرا | 04-14-03, 08:18 AM |
Re: عفاف الصادق حمدالنيل ،،والهديل خارج السرب | أبو ساندرا | 06-09-03, 07:01 AM |
Re: عفاف الصادق حمدالنيل ،،والهديل خارج السرب | elsharief | 06-09-03, 08:07 AM |
Re: عفاف الصادق حمدالنيل ،،والهديل خارج السرب | Tumadir | 06-09-03, 08:28 AM |
كنا في انتظار عفاف | خالد العبيد | 06-09-03, 09:37 AM |
|
|
|