بتقولي لا...بتقولي لا.. بتقولي لا لي قليب عليك بيقطر حنان حنان حنان و يزوب وله بتقولي لا لي قليب رهيف ما اظينو لا لا بيعملا بتقولي لا يا غاليه يا ست القلوب يا مذهله ********* وحيات شبابك زوبتا في عينيك حنان و مغازلا
سافرت في رحلة مشاعر ملهمة و متئملا
شوفت الورود من وجنتيلك غيرآنا جات متوسلا
حتي القمر غار من صفاك واصبح يردد في الصلاه
يأتي المساء , يؤدي الفروض داعب شفايفك و غازلا
وشال لون جميل من نور وجنتيك مسح خدودو و بللا
واصبح يلملم في النجوم ينظم عقود و يغزلا
طرز لي جيديك بالحرير احلا العقود و تقولي لا ****
وانا بيك بدقدق في القلوب يا حلوه احرف و اشكلا
املاها رقه ودندنات وعناق حنان و مبادلا
انا بيك لو قلبك يحن عالم يجن من الوله
اسقيك حنان ما اظنو كان في الدنيا او كانت صله ******** وازرع هواك بين النجوم روضه حنان و ادللا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة