|
مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأمين
|
كثيرا ماأرتل ما تيسر من قصائد شاعرنا الجميل محمد الحسن سالم، وعند رائعته حكايةالسرة بت عوض الكريم وأنا أقرأ هذه القصيدة بين الحروف والسطور تطل على ملامح حبوبتنا بت مصطفى، تلك المرأة الأسطورة لكثرة ما حكي عنها وروي منها، وأتحسر كثيرا بأنها لم تورثني بعض فصاحتها لأكتب حكايتها وحيث انني قد تربيت بعيدا عن الشمالية، وفي نظر أبناء المنطقة نحن مجرد طير صعيد، مشكوك في قدرتنا على تحمل مشاق قراعة الموية، وحش البرسيم، وأضيف لذلك عدم إدراكي لقدرة هذه المرأة البي ستين راجل، وحيث أن الأخوان مارد وودالعجمي وياسيكو وأبوعثمان قد عاشوا بقربها لسنوات عددأ فآمل أن يسلطوا علي حياتها بعض الضوء، فبلاشك أنك في كل قرية من قرى السودان إمرأة تشبهها
Quote: سيرة السرَّة بت عوض الكريم
جات داخُلِي ، زيْ مرْقَةْ غضَبْ
من جُوف حليم في زمن صعبْ ..
رَمَت السلامْ زيْ شنْطَة من كتفْ المسافر .. بي تَعَبْ .
زيْ رُدخَة ربّ ..
الله يا ربّ ..
قعدت على طرف العنيقريب المحاذي الواطة
ضايرت التراب كُسر العويش الفوقو .. شالت باصبعه
وشخَتتْ شخِيت
الله يا ربّ …
عاينَّا فيها نكُوس سبب
للكفرنة وفورة الزهجْ
من دروة البال الوهيط ..
ماعودتنا تدس عوج
تكتم فرح
زيْ حالة الزول البسيط ..
صنْقعْنا في قعدتنا
راجعت الوضوض
دنقرنا عند رفعةْ وشيها
المتعب .. الجاد .. الرحيم
الطيِّب .. السَمِح .. المعافَى .
رهاب … رهاب
ينشاف وسيم ..
إنوهطت فوق العنيقريب القديم
ومن تاني ضايرت التراب
كُسر العويش الفوقو
شالت باصبعه وشختت شخِيت ..
وقالت .. تصدقوا يا ولادي بقيت
أبيبت الليل أفكِّر في التميرات
القُدُر فوق راسه ما خمَّت سبيط
غّلبه الجرورة الفوق ضهرنا تنزِّله
وتطلق وشينا مع الجماعة
إشن دهانا دي كم سنين
., والحال وقفْ ..
قطَّ .. وحلف
ما فيهو لو نقاط بسيط
كان بوشنا في حش التمور
الليلة دوشنا مع اللقيط ..
أي لا حِكت ..
هي ولا بقت ..
ما كُنَّا قايلين في حياتنا
يجينا أقسى من المضى
ساعة مِروق الإنجليز
قلنا الظلم فات وإنقضى ..
تاريهو كمْترْ ..
وقام دقون حلفي ..
وعُشر .. معيوقة ..
دمْسِيس .. ضريسي .. وشوك جمال
الله يا ربّ ..
كربك .. كُربْ
عاولي التمور
الأرض بور
الناس حطب
بابور شهور غلبان يدور
مافيش مطور ..
ويجيك بعد دا عِلم طلب ؟
الله يا ربّ العالمين
الماجحدنا نعمتو في الشوف والسمع
راحة الولادي
ولا قلوبنا عِمن
ولا غيَّرنا دين ..
في الجابو ما قصَّر حمد
في الشالو ما قلنالو وين
ماشيبو وين .. ؟
عَدلت نعال مقلوبة في الجيهي اليمين
حدرت يسار زمن مُو دا الحاكومة
كانت بت حلال ..
بي حاله .. بي حرب الجنوب
بي قلة المال في الجيوب ..
كانت رخيِّة العيشي
إلاّ ترا العوين ..
الكبروا كبروا مليسين ..
علمن يطير ..
إن كان هو ما صلَّح عوج
ما فادنا شي ..
ومحق القبيل .. لمِّينا ..
هِين .. في هِين .. فِ هين ..
آحليل رجالاً سكَّتن غدراُ غشاهو بالقفا ..
ولليلي سيفن في الجراب يهرج سنين
دا زمن قواسي ..
زمن ضلالة .. أوانطجية
زمن حقارة زمن مهين ..
|
وقد أثار شجوني بوست ودالعجمي حول الوالدة عشة بت حسن أبنعوف
|
|
|
|
|
|
|
العنوان |
الكاتب |
Date |
مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأمين | nadus2000 | 09-14-03, 11:26 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | yasiko | 09-14-03, 11:55 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ابو يسرا | 09-15-03, 00:28 AM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ابو يسرا | 09-15-03, 00:31 AM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | nadus2000 | 09-15-03, 07:08 AM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | أبو ساندرا | 09-15-03, 11:04 AM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ود العجمى | 09-15-03, 11:45 AM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ابو عثمان | 09-15-03, 01:35 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ابو يسرا | 09-15-03, 07:06 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | مارد | 09-15-03, 08:39 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | yasiko | 09-15-03, 10:32 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | nadus2000 | 09-16-03, 08:38 PM |
Re: مقاربة بين بت مصطفى وبت عوض الكريم إلى مارد أبويسرا ياسيكو ودالعجمي وأم | ابو يسرا | 09-20-03, 01:02 PM |
|
|
|