سمسار البهائم - للذين يرغبون فى الزواج
رشف زائرى الشاى بصوت مسموع وأخذ يواصل ما أنقطع من حديث (يا ولدى انتوا النسوان ديل بتعزوهم شديد) قلت كيف؟ قال يعنى الواحدة بتكرموها. رديت – ما أهانهن الا لئيم- أصدر صديقى صوتا عاليا من الشاى الذى كان بيده. ثم صمت أيقنت أن كلامى لم يقنعه وبعد فترة قال : نحن عندنا هناك المرة تدفع مئتان وخمسين ألف وتجرها وراك زى الكبش. مئتين وخمسين؟؟؟ حرم . ربع المليون كتيرة عليها. النسوان ديل جنس نمرود المرأة خلقت من ضلع أعوج يا ولدى. هسى انت متزوج ليك كم سنة؟ قلت أربع سنوات. قال جبتو الجنا . وحينما أجبته نافيا قال ومالك صابر عليها؟ هى قريبتك ولا شنو؟ قلت لا هى زوجتى ما قريبتى. مسح شنبه صديقى . أظنه مقتنع بأن الزوجية ليس بقربى. قال جيب التانية ولا العيب منك؟ ان بقى العيب ما منك شوف غيرها حرم تجينى نشوف ليك واحدة تملاك عيال حرم القى ليك ست ستها بس انت قول داير. مسكينة سلمى ما زنبها أن هذا الرجل قد اتانا زائرا ليشترى منا عنزة ليتحكم فى مصيرها ويجلب لها ضرة. قلت أحول مجرى الحديث . يا عمى الهوارى سعر البهيمة الدعول هسى بكم. قال يعنى اسعارها تتفاوت لكن بنلقالك بهيم (بج) بالمية . داير تاكل ولا تربى. وبدون شعور قلت عاوز آكل. يعنى ثلاثة بهائم أغلى من المرة عندكم. رد طبعا تعرف يا ولدى المرة والبهيمة واحد . وانتوا ناس الخرطوم بتعرفوا الكلام دا البهيمة عندنا بنجسها من الصدر والضنب ونعرف عمرها من فمها. قلت نعم . قال المرة ملامح جمالها برضو فى الصدر والفم والكرعين. ضحكت . قال جالك كلامى ؟ الكلام دا ما فيه اختشى. تذكرت المؤتمر الدولي الرابع حول المرأة والذي عُقد في بكين 1995 م والذى يعدُّ من أهم المؤتمرات النسوية. قلت فى سرى صدقت واصل اها انا ماشى ابوك دا ما بيتافقنا فى البهيمة دى هو زولا صعب خلاص. لكن البركة فى القراصة الاكلناها دى. السوتها منو؟ قلت زوجتى . ضحك وقال مرتك فالحة عشان كدا انت باقى عليها. رشف آخر رشفة فى الكوب ثم خرج

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]