|
ان شا ء الله كل يوم يموت.......زول
|
قلت له الجماعة في السودان...... يرقدو ويسمعو النشرة...من الرادي...ويركزو علي الوفيات......واي زول غليد يموت كل واحد يدرع جلابيتو في رقبتو ويمشو بيت البكاء ان شاء الله وين وين.....واول ما المذيع يقول... مات فلان الفلاني ويقام المأتم بمدينة النيل والله مدينة الرياض....يقولو دا الكلام..!....ويتسابقو علي بيت البكاء........اما لو كان في امبدة والله الحاج يوسف....... ما بيجيبو خبرو ويرقدو في رقادهم.... دا كلو عشان البكيات الفي الرياض والنيل والطائف وما شابهها.. عشان العضة بتاعتهم مكلفة.... والصينية يجو شايلنها اتنين...و البستي كولا...والشاي المنعنع.... وقاعدين يجيبو طباخين لبيت البكاء...... اما ناس امبدة والحاج يوسف.... عندهم شنو بلا الخُدرة...وملاح الورق...والصينية يقعدو فيها عشرة يتدافرو.........و كان شفت ناسي ديل.. طفيليات البكيات.......سمان والجضوم ما جضوم والكروش ما كروش....... قال لي انت في دا..... والله السودانين الكاسرين كرونا في اديس ابابا.... اكتشفو حاجة جديدة............الحبش لما يموت لهم زول..... بيقدمو بدل الشاي.... خمرة....وكلو حسب وضع الزول الاجتماعي........ تبدأ من العرقي وتنتهي عند الويسكي والانشا.......اها..... يا زول ناسك ديل بقو بس متابعين..... اخبار الاموات.. وبيوت البكيات.. ومرات يمشو الاستباليات.....ويشوفو لو في زول حالتو خطرة....والله يشوفو حادث في الشارع..... يباروهم من محل الحادث لحدي بيت البكاء.... ويتكسرو هناك....... الكباية ورا الكباية.......ويجو نص الليل راجعين اهلهم.....مطينين....... ويغنو في السراي السراي..... الجافو النوم وعقدو الراي
|
|
|
|
|
|
|
العنوان |
الكاتب |
Date |
ان شا ء الله كل يوم يموت.......زول | سجيمان | 03-12-03, 12:37 PM |
Re: ان شا ء الله كل يوم يموت.......زول | دباش | 03-13-03, 10:59 PM |
Re: ان شا ء الله كل يوم يموت.......زول | Abdalla Gaafar | 03-13-03, 11:13 PM |
Re: ان شا ء الله كل يوم يموت.......زول | سجيمان | 03-14-03, 07:07 AM |
Re: ان شا ء الله كل يوم يموت.......زول | البعيو | 03-14-03, 07:51 AM |
Re: ان شا ء الله كل يوم يموت.......زول | سجيمان | 03-14-03, 09:16 AM |
Re: ان شا ء الله كل يوم يموت.......زول | shiry | 03-14-03, 12:36 PM |
Re: ان شا ء الله كل يوم يموت.......زول | اللورد | 03-14-03, 12:44 PM |
Re: ان شا ء الله كل يوم يموت.......زول | سجيمان | 03-14-03, 06:20 PM |
Re: ان شا ء الله كل يوم يموت.......زول | الشماسي | 03-14-03, 07:35 PM |
|
|
|