|
|
 الزول دا....... مـا يجيـنا...مـا يجينا
|
ياسر عرفات......وقف وانشتح.....كراع في الاخره والتانية في رفح....... شارون.... حالف بموسي....وهارون واسحق.... وسليمان وداود..... انو يطردو من فلسطين........ وبلا رئيس وبلا لمة......... وهو زاتو احسن يطردوهو.....ريئس..... ..
صلاحيات عمدة الرباطاب كانت اكبر من صلاحيات ياسر عرفات..... لكن قالو عاوزين يجيبوهو لينا في السودان...... نحن ناقصين عليكم الله؟....وعشان يبقى مسمار جحا..... الفلسطينين يقومو يختطفو طيارة ويدمرو بيها....اي مصيبة..... ويجو بعدين يقولو الارهابين في السودان وقاعدين يتدربو.....في سنكات و جبيت.....وتجي اسرائيل بي عصاة المعلم وتدخل السودان وتحتلاهو عشان كايسة للارهابين...... كفاية السواها فينا بن لادن...... فرش لنا شارع زلط من طرقة واحدة. وسو ليهو مزرعتين حقات بصل...وقعد في السودان... الله بيسعلني كان دولة داخل دولة....... ربنا ستر وهدى ناسنا وطيروهو افغانستان....لكن لي يوم الليلة امريكا منشبكة فينا....ويحلنا منها الحل بلة......بله دا اخو البلال تزورني مرة...... وديل كلهم ولاد عم احمد البلال......ودي اسرة مشهورة بي بل الريق....... علا احمد البلال... ينضم تلاتة ساعات ويا كافي البلا ما يبل ريقو.....
بعدين الاسرائيلين عارفين انو نحن عندنا بعوضة وملاريا.....زي ياسر عرفات دا ما ياخد معاها اسبوع.... ويكون اتكل..... قمة الزكاوة.....وناس تفتيحة.... تقتلو الملاريا ولا يقولو قتلوهو هم....ويبقى بطل...... سمعتو بي زول قتلتو ملاريا بقى بطل؟......
بن لادن ..... مفروض الحكومة تشوف لها خمسين.... واحد من الدفاع الشعبي...ويطوى لو شارع زلطو دا...ويستفوهو....ويرسلوهو ليهو في تورا بورا....... ويكفونا شر امريكا....نحن والله امريكا لا قدرها ولا لحم سدرها.....نكضب عاد.....
ابو عمار...ما يجينا....ولا يحوم علينا.....ولا نحن دايرنو....هو زول ابتو امريكا واسرائيل....... عليكم الله نطيرو وين؟ ونسوي بيهو شنو؟.....وزاتو ما عندنا ليهو حتة يقعد فيها..... عناقريبنا قدرنا......وما بيرقد جنب زول.... لانو قالو قاعد يدفر وهو نائم.
|
|
 
|
|
|
|
|
|
|
|
Re: الزول دا....... مـا يجيـنا...مـا يجينا (Re: سجيمان)
|
يا سجيمان مالك على الزلمة ما تخلية يجى يقعد على الاقل بجيب معاة مصاري و بتنتعش السياحة و الاعلام و بعدين يا خوي نحن ما بنطرد لينا زول من بلدنا انت ما سمعت
وطن للسلم اجنحتة
و ضد الحرب اسلحتة
عدد ما فوقوا ما تحتة
مدد للارضة محتلة
و سند للايدو ملوية
ما تشيل وش القباحة..... مع تحياتى و مودتى
| |
|
|
|
|
|
|
|
|
|
Re: الزول دا....... مـا يجيـنا...مـا يجينا (Re: Mahathir)
|
يا سجيمان
سلام
يا أخي الراجل خليه يجي الجماعة يلقطوا القريشات باقي الزول جوكرو مخاوا وباقي ليه مترين للقبر بعدين قبالوا جو كتار أسامه ، كارلوس ، هيلاسيلاسي ، حسين هبري ، أسياسي أفورقي ، يعني خلاص جات علي الأسد العجوز ده والغنماية خلت اللحس
| |
|
|
|
|
|
|
| |
سجيمان
kamalabas
Al-Masafaa
Mahathir
aba
فيس بوك
تويتر
انستقرام
يوتيوب
بنتيريست