|
|
|
 Re: على مرمى اشتـهاء من تمـاس حضوره الباهي فيني (Re: بت قضيم)
|
ياسلام يا شيري
الطالع منك يخم النفس يخلي الواحد كانو طالع من حديقة مليانة بالاريج
اسالي سمندل انا لي كم يوم عازم نفسي قهوة في بيت ام مأزن بكل حميمية ومعاي اصحابي
انت بتطلعي من ياتو نفس في الجوف
عشان تلوني في جوانا ضحكة طفل صغير بعد ماكبر فكر يلعب يادوب
يالله شكرا لتحريض عبد الله جعفر
وشكرا لك ايتها البنت الملاك
واصلي المطر وريحة الدعاش
| |
 
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: بت قضيم)
|
سلام مربع
اهل العوض
يحكي ان القاضي ود ام مرين كان يتكئ على بنبر الحكم وفوق روبة تعتلى اكثر من طول (قناية)لا هي بالسيبانه الخضراء ورويانه
ولاهي شجرة حنه تمشي وتتنى
فالتفت ناحية الناموس الذي ينوني وينوي
ابدا يكوس لفردته الناموسه
حتى انقرش حسه
كانت هي مشغولة الى حد ما ببنفجسة حضورها
تقاسي المساقط الحنانيه نفسها
التي تتضجع الى ذات شجرة العوير
كانه كان يستمد قوته من شفيف ورقتها العريضة العويره الشينه
وحنبقت وحنبقت حتى طاااااااخ
طرشقت
وقال الناس يومها ان الحب هو الذي قتلها
واحتجت جمهرة الناموس تعتصم
امام القاضي ود ام مرين
لكنه كان نعسان
فاثر ان ينحو بشخيره صوب شجرة الدوم
فزعلت تلك الدومات منه ، ناحن وناحن
وساعة ان اكتحلن بضوء القمر
كان لابد من سقوط يعلن نهاية اشجانهن
فتساقطن كثفا على صلعة القاضي ود ام مرين
فطارت (نعلاته) موش بكتبوها كي
كل فردة تبحث عن (سير نخرتها) الا تدري ان للسنفجة نخرة ؟؟
هي كذلك ، لها نخره ولها جناحين نفاثتين
كثيرة العطب
فانكب على وشه سافا التراب ، فطارت سجارته
وانخلع خلعة كاد قلبه يطير من بين ضلوعه فووووووو
وفك البيرك لا يلوي على شيء
حتى سلمته يمامة السلام
الى حدائق ستة ابريل
اختلف والرواة كثيرة
منهم من قال انها في السنة التي اعقبت موت الديموقراطيه
بثلاث مواعيد للثريا ام ضنب
ومنهم من قال انها في السنة التي انخلع في سن العاج
ومنهم من قال انها في السنة التي
قال فيها الناس الحر جااااانا
وانتهي
صديقتي الغراء : بت قضيم
يعني ايه غراء
لست بعارفه ولا ناقشه
لكنك حلوة خلقه كده
دون رتوش
وربنا سمحك كيتا على من شافك
دا موش طبيل
بس رد على رد انت جملتي به وجهي
مع انه مهما عملوا فيهو
موش ممكن يشبه البنوت
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: بدرالدين شنا)
|
سلام مربع
هدهد
اخي في الجنتره المقابله النيل .. يشرفني جدا حد تكي الخروف وضبحه كخخخ من الاضان للاضان ابتهاجا بطلتك علينا
انت والسمندل وجمعكم الكرام ..
شرط ان لا تسألوني عن مآال الكمونيه ولا عن المرارة .. وابدمام
للاثنين ، انت تعرف كم اكرههما ..
وابدمام .. من العين بداريه
والقهوة ذات النكهة البرازيليه او البارنيزيه..
كرنفال نقيمه مخصوص اليكم
سلمت ياسيدي للطله وسلمت اكثر لفنجان القهوة الشهي
العمدة قرشو
ولا انا .. كان نفسي افهم السيرالانكيه فهمت شنو بعد ما قالت بس البت المجنتره دي ؟؟
بس يلاااا . المره الجايه
بدر الدين شنا
شفت البت المفلقصة ديك السيرلانكيه دي ..
لا احد يقدر عليها مثل ام مازن
بس ياخسارة ام مازن نفسها قالت مافاهمه
حاجة ..
تجي نرسم على القمر ..؟؟
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: shiry)
|
أول القول : المارق منك شادد عصب الورقة وحرف ... راصد في اللاوعي سكون مواعيد صحو وحلم ونومو
شاري يمينك في ظني سارق لحظة اني أفكر
فك غيومو بحيره بحجم ثمرة الباباي وشاغل شغلاتكم السيرلانكية ... كتب في المسافة البينو وبين الفاكهة قليل من موية العرقي وخت الباقي في الجاي من فناجين القهوة التركي .
كباتشينو عند ست الشاي في السوق العربي
معقولة ناس الكوفي شوب في الشانزليزه يغيروا. والله البينا وبينو مزاج الالفة المابجي إلا تحت حر الشمس التحرق جوفنا وشوية شطة مدنقلة وشرايح تبش بالجملة
كان القول أنو النيل ما فتح مويتو إلا يراوده الشوق والسيرلانكية
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: زوربا)
|
باب الروح متاكا انسربى
صاحيات الحدائق ارعى
قبال منجنيق الخوف
يعاود ضريى
قبل الطير
وصعلوك النحل منكبى
هشى العافيه من
تمرى المخمر وعبى
الكلام لى عاطف خيرى
غناء حمزة سليمان
الليله شيرى طلعت من صوت طفله وسط زخات داخلها المتوهج
اتالقى
وتوهجى
وكونى الضجيج والهدوء
دمتى يا مبدعه
حمزة
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: HAMZA SULIMAN)
|
سلام مربع
استاذنا حمزه
شوف ياسيدي لن تفلح ان تملحنا بهذه القصيده
الرائعة
لاننا ببساطه ح نقعد ليك في الرايحة والجاية
لمن تسمعنا الاغنيه دي
وعليه ، فانني اتوقع هسع دا
قبل ما اضع نقطه اخر السطر
اكون ياريت وياليت
لو سمعتها هسع دي
ايه رأيك
؟؟
موش احنن ..؟؟ يلا شغل لينا الغنوه
لاني جد محتاجه اسمعها هسع دا
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: زوربا)
|
زوربا
سلام مربع
ستات الشاي لم يكن على وفاق مع الكابتشينو
ولا اكشاك مرطبات ميدان ابو جنزير
تفضل الشيك ميلك
هذه الاغراض الباسكن روبينزيه
تهرب طائعة حينما يذوب الكركدي مسكرا في حلة كبيرة
لتنام من فوقهما كباية شب كبيرة
سلمت يازوربا للحضور الباهي
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: bushramk)
|
سلامات كتيرة :
اكنت السكة في باقي اللون عتمة وكنا نهاتي لكباية الشب مليانة بفرح الغيمة الجاية .
سلينا خطانا من نسكافية الكونكورد في حلة ورا ( باريس ) سقناها علي موية الفول البوش في السجانة حلة قدام ( السودان ) .
ستات الشاي فتحوا الريد ريدين . والويترز في الكود لاند راجين البقشيش . شفتوا كيف الباباي بطلع من نخلة سيدي في عرس النار و الابنوس ولا المدن الرايحة تساسق لطين البحر . جبنالها حفنة رملة من هاوي حلفت تترع بصلصال ( الشجرة ) أو ود نباوي
شيري :
ممكن أقرطع كباية الشاي ( عادي ) واتاكي الباب وما أشتت
أنتظرك بمعني الممكن من الفرح
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: زوربا)
|
سلام مربع
بشري مك
انا نفسي ماعارفه الحصل شنو
فجأة وجدتني كده
دون اشارات
دون علامات تمييز
دون حتى رسم
دون خارطة الطريق
دون حتى دفتري الخاص
رجاء بالله لمن تفهم حاجة ارجو
ان تخبرني
لاني حقيقة برضو عايزه افهم
اصلها السيرلانكيه اتغاتت علي
سلمت ياسيدي للطله الحلوه
زوربا السوداني
تعرف ان ستات الشاي يكججننا نحن معشر الجكس
يعاينن لينا بنظرة كلها حمير عين
لاشياء كثيرة في نفوسهن
ونحن نراهن كذلك
ربما لانهن يسرقن
منا احبابنا وبهجة كباية شاي
او فنجان قهوة
يشرب على اريحية من الحب
ياسيدي عادي اشرب الشاااي
والقهوة بس انت مسئول عن نفسك هناك
فالعفش داخل البص على مسئولية صاحبه
وهناك ايضا تحذير
منطقة عمل
لا تنسي معدات السلامه
سلمت ياسيدي سلمت مليون مرة
لهذه الاريحيه التي تعطر بها حروفك
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: HOPELESS)
|
سلام مربع
زوربا الشفيف
ياسيدي انا احب فيينا ، رغم انني ماشفتها
بس لاني وانا صغيرة كنت بتحب
ليالي الانس في فيينا
وكنت اطرب جدا حين سماعي
لها في الافلام الابيض واسود
القديمه
لذلك ساحاول ان اجعل حلمي على قدري
واتمني ان ازورها
عليه تبقى السفرة تلك الى فيينا
فصاحب العفش مسئولا كلية عن عفشه
ستات الشاي شاهيهن مسيخ
ومسيوط بالسناحه
فاما الجكس حينما ينتظرن على بوابات الدخول
تقيف معهن الف لهفة والف سؤال
عن الحال والاحوال
فقط لتبديد قلق الانتظار
ومخاوف مجاهل الطريق
سلمت ياسيدي لللطله
هوبلــيس
يادوبك فهمك حوص
نحن ايييييييك
لي زمن محوصن بينا فهمنا
مبروك دخلت سباق
نادي الفهامين
عقبال جائزة الاحوص النجضي
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: shiry)
|
الزولة جدا شيري ...
هاي .. نيلينك والابنوسة والشوق الجاري عليك
أتجازي بغني الطنبور و لآ سمفونية بتهوفن التجري دموعك بالمزيكة
الاصالة ان نحمل الوطن داخنا في كل الدروب المشرقة لا ان يحملنا الوطن ... أنت أصيلة .. شايف الدعاش مارق من حرفك
تقدري في يوم تتناسي المداح التبروقة
أو حتي تسات الشاي المكججنك ؟
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: shiry)
|
هاي نيلينك والابنوسة وبرضوا الشوق الجاري عليك
سوال طالع من عمق القهوة المختوتة بيناتكم علي فكرة حوار :
متين بتطلع الالفة من طقوس الزمن الواقف علي كراع واحدة
التانية شالها الاعمي قال يتعكز بيها ختفها ومن يوما كايسنا في كل الوشوش العميانا .
هترش ..بيتهترش ... أو متهترش
تماس حضورة الباهي فيك ... غياب تماس حضوره الباهي
الممكن أن نصبح نحن هذا التماس لاحتملات الحضور والشماته في حالة الغياب (((( بهزر )))
والريد نيلين
بالمناسبة أستأذنك في حفظ الموضوع علي مرمي إشتهاء في أرشيفي
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: shiry)
|
الفتاه القادمة من اللامرتجى صدقا
الالقه شيري
سامرني صديقي واخبرني ان اعرابي سئل من اين البلاد انت قال :
انا من البلاد التي فيها الرجل اذا احب مات
سرت في جسمي قشعريرة وسألت نفسي همسا اانا من نفس البلاد
عجبا لهذة الهترشه
اكيف اتعلم ان اكون مهترشا
شيري
اجيك بالخاطر العارفو
احضن وجهك الشايفو
وابكي معاك حزن ما يجيك
واحضر ليك فرح مني
لك الفرح الممكن
| |
|
|
|
|
|
|
|
|
 Re: على مرمى اشتـهاء من تمـاس حضوره الباهي فيني (Re: shiry)
|
العزيزة اللذيذة شير
ده اختصار
شنو الخطارة دي
Quote:
على مرمى اشتهاء من تماس حضوره الباهي فينا
|
والله رهيبة ما شاء الله عليك
Quote:
ليتك تعلم كم انت جميل في قلبي .. وان مكضبني ،هاك شرياني انسرب منه الى البطين ، وان لم تعجبك ..عادي قرطع الشاي وتااكي وراك الباب وشتت
|
التعليق عندكي
تحياتي واعجابي وودي
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: Hozy)
|
سلام ممربع
قاسم
لا عليك يا قاسم ، للهترشة اصول وقواعد ، من السهولة جدا تعلمها ..
فقط يتبقى عليك ان تواظب على اكل الجزر ، وان الا تقرب الباتنجان في كل صباحاتك او حتى امسياتك
افتح للضوء نفاج عبر نافذتك .. وتفرج على الناس ...
واحذر ان تعاين في الفضائيات السودانيه ..
.
عبدالله جعفر
تفقدتك هناك ، اذ جاء في ظني انك اطلت الغياب
عساك بالف خير
هوزي : الحبيبه الى البي
على الدوام اجدك تحفزيني لان اكون كما اردتي لي
تجديني شاكرة لك هذا التشجيع ..
فانت ايضا رائعة ... بشكل الوطن
سلمت ياستي لهذا الاطراء
| |
|
|
|
|
|
|
|
|
|
Re: على مرمى اشتـهاء من تمـاس حضوره الباهي فيني (Re: shiry)
|
هاي نيلينك ولأبنوس والشوق الجاري عليك
هل تعرفين اني عندما توضأتها فر الربع الاول من سفري أستحالت كل الاتجاهات وجهها النبوى الوضاء وكانت الرحلة صوب اللامعقول في فضاءات الممكن الجميل
وكنا نعطر بعض طرقنا ببعض عطرها البربي الطليق
ولا زلت احترف البحث عنها في كل العيون
في الحافلة وفي خ صيوانات الاعراس المعزوم ليها أو حتي مضهب
وفي عيون ستات الشاي
كلام البت العوااااااااااااااااليق
أتفق معاك
لكن تقولي شنو الهترشة قسم
ممكن ؟؟؟؟؟؟
والريد نيلين
| |
|
|
|
|
|
|
| |
shiry
Ahlalawad
بت قضيم
قرشـــو
بدرالدين شنا
زوربا
HAMZA SULIMAN
سجيمان
bushramk
Tumadir
فيس بوك
تويتر
انستقرام
يوتيوب
بنتيريست