|
|
 شيري .. أخيرا أحبك لدرجة التوهج .. وعذراً حواء الأخرى
|
أنا ولد ..
أنت بنت
الولد .. ولد البلد
البنت .. بنت البلد
أنا وانت بنت وولد البلد
قسماً بالشرف ..
وشرف الشرف
وشرف والأسد
وكلب عبدالجليل ..
والفيل وقمريته
.. نحنا جايين
من مطامير حبوبتي
أو
من كيزان ... الرمل
يا كيزان وين ضيعتو .. البلد
بارة .. والنهود
كوستي .. والقرهود
سكان عموم .. خرطوم
سلام دبة الفقرا ..
طالع أعالي الفوق .. تحت
شرق .. غرب
شقيش تقبل طريقك سِلك
زفرتي .. وزفرتك .. يا سلام
مليون لسان .. مشدود في الحلق ..
جندورة .. بت أصيلة
سجيمان .. ود قبيلة
شيري .. وجنونا
قسم بالمحكر في القلب
وبالبورد وسكانو .. وناس رضا
نحنا جايين ...
فرد .. فرد
نعدل الدرب ..
ونواسي الصدر العلي
بي سكر الغلابة ... غلى
ملا الكرش .. ودقينتو
ما بتنكرش
قسما .. بالفاتو والجايين
كيمان شهدا .. ردوم .. ردوم
ناس مختار الصادق المأمون
والشهيد دخري الحوبا ..
أخوي عماد الدين
وحاتك يا أم خطور .. جايين
فرح بي لسانين .. وكل الشهدا
إتنين .. إتنين
مش بتكلم لغتين ..
نفاق .. لا .. لا
عشان ناس لا .. لا
وطفل بغازل ماما ..
مش عيب لبنو يبقالو لا لا ..
لا لا .. وألف لا لا
كيزان " دعاية وموالاه
البلد لا مجدوعة .. لا مبيوعة
عيلا النهاب جا .. وشالا
شالا .. شالا .. والله جا
وشالا ..
الحردلو غنالا ..
وحميد .. لي شجنو بثالا
مش عيب ..
|
|
 
|
|
|
|
|
|
|
|
Re: شيري .. أخيرا أحبك لدرجة التوهج .. وعذراً حواء الأخرى (Re: aboalkonfod)
|
قنفده
احييك و اسلم عليك
ما قلت ليك قبل كده انت زول خترى ( بالتاء ) .... و من زمن كوشة الجبل ، بس ما صدقتنى
هنيئآ لك روعة امتشاق اليراع اللاهى
و المغموس فى تراتيل من وهج لازوردى
لا حزينآ كان
و لا لسانآ شان
اسامة الخاتم
تعرف قنفده ده رهيب
بس و حياتك عندو شوك كستنائى
لا يهاب الحر
و لا الخوف
و لا دفن النعام
شوكة منه تسبح بيك فى دنياوات
ما شافها زول
و لا شافها بشر
الا الفى الحب اتحكر
| |
|
|
|
|
|
|
|
|
 Re: شيري .. أخيرا أحبك لدرجة التوهج .. وعذراً حواء الأخرى (Re: shiry)
|
الأخ ............. أسامة الخاتم
الشكر والعرفان لك،حتى الاستمطار،
على الطلة .. والطل والرشم .. لحدي
برسيمنا ما يخضر .. ويكتسي لون الخريف
الداعش .. المفرهد
وأحييك تحية بي تحية .. تحية شوكية
تطعن خاطر الوجدان .. لمن الشوق يستحي
ويكتسي .. لون الانتظار .. طبعاً إنتظار
طلتك البهية في بوستاتي المتواضعة ..
(لكن بينك وبينك أنا بي شوكي ومقنفد كمان)
شكرا ليك أخوي / أسامة الخاتم
| |
|
|
|
|
|
|
|
|
|
Re: شيري .. أخيرا أحبك لدرجة التوهج .. وعذراً حواء الأخرى (Re: aboalkonfod)
|
الأخ / كوستا
لك الشكر على المتاوكة اللذيذة، والبتدفيرنا لا قدام، عشان درداق الحِنة
يشد حيلو، ويكتسي الوطن جلباب الوصول،،،
يا كوستا، نحنا معشر القنافد، ليسة مرخصين 11 خ ، والخطرات لسة، منتظرين
لمن ربك يبتلينا بالكرش الموهطة والمقعدة ،،،،
يا كوستا يا أخوي خلي مدفون سااااي، الوراك كوشة الجبل شنو؟
اكلت المسكيت بكون عمل ليك أبو الصفير " اليرقان " حمانا الله
وإياك ،،، نحنا أولاد باسطة وعز، بخافوا علينا من الظلام والناس
الشينين ، تقول لي كوشة الجبل، دي كلابها التقول مركبة ليها
ساوند سيستم
وشكرا لك على الاطراء الذي قد لا أكونه أو أتقاصر دونه، ولكنها
خربشة في الجدارية ،،،، أما حكاية الحب المحكر دي آآه ، خليها
مدفونة عشان العازة ويوم بكرة، هو نحنا الحارق حشانا شنو غير
آآه خليها
الأخ / إيهاب
لك السلام، والشكر على الطلة البهية
ما تخلي كوستا يعاديك بالتثاؤب الجميل
لانو كوستا رجل إمتلك جان العبارة، وهو
ذاتو بقا عبارة زي مركب نوح محملة بالرقة
والرهافة والاحساس والبيان
أختي / شيـري
حروفي أعلنت عيد ميلادها يومك، يوم طليتي وإتحكرتي
في بنبر حبوبتي آمنة، القهوة في إيدينك إستعادت
مذاق السمرة وإقتنعت بي هويتها .. أديتي كل الفريق عبقك
عارفة ليه .. لأنك صرتي رمزا .. للواحات الظليلة .. ومتكئا
لمن لا يتكئون .. إلا وهم متأبطئن ضفائرك المجدولة من النخيل
والدوم والسعف ،،، فبشرانا برمز توهنا فيه .. ولم يته
فعذرا حميدا حميدا .. حوائي الجميلة
| |
|
|
|
|
|
|
| |
aboalkonfod
اسامة الخاتم
ايهاب
shiry
HAMZA SULIMAN
فيس بوك
تويتر
انستقرام
يوتيوب
بنتيريست