|
Re: أفـارقِك يا بلاداً لسَّـا ما عِرفَـتْ هَـويتي أنـا (Re: ابن النخيل)
|
ياسيكو يا جميل
انا غايتو الإيقاع الشايقى ده بموت فيه ،واتذكر مرة حضرت حفلة فى مروى غنى فيها فنان شايقى ما بتذكر إسمو لانو والله الرقص الجماعى مع حلو الوصف ، والشوايقة بطبيعتهم وصافين ،ما حاولت اعرف منو اللى بيغنى لانو العمل كان جماعى ومتكامل ، بالله أدينا من الحاجات دايما.
والتحية لكل الحلوين والحلوات
| |
|
|
|
|
|
|
Re: أفـارقِك يا بلاداً لسَّـا ما عِرفَـتْ هَـويتي أنـا (Re: yasiko)
|
اعيش بينكم حياتي أمان ... أمانا كت مو لاقيه ..... و لاخوفا معشش فيّّ و لا شي يعكر اخلاقي ... قريب لو في العمر باقي .....قريب تلقوني بيناتكم ....
العزيز ياسيكو ..ليك و حشة ......شكرا لامتاعنا بالباقة الحلوة دي ....
كلام صديق ده سرح بي بعيد ...ووداني لتنقاسي السوق ....لسوق التلاتاء ... و تقمست شخصية عجيبة توفت .....الله يرحمها .....شخصية البلك ...او محمد زين العابدين ... و لقيت نفسي حايم البلد زي حوامتو .... بديتا بالمقابر ....و قبة الشيخ محمد ود عدلان ....القبة المشرومة ..... مرقت ضارب الصي ...حدي الجبل الازرق .....رجعني العطش ....مريت بحوش الحمير .... لقيت الشفع ملمومين .... شافوني جو جارين علي ... حبسم عني ود البقادة عشان ما يبهدلوني .....مرقت مريت بالدكاكين .... ود حمودة اداني شلن ....... لقيت دكان ود حجار مليان صبيان ......مشيت بي بعيد ...و الحمد لله ما شافوني ....رجعت دخلت بيت حاجة اليمن ......اصلو بيتا بيت كرم و عمري ما مرقت منها يديني فاضية ... اصلها متوسمة فيني الصلاح ......و بتقول البلك ده ما ساهل ..... غيبت الشمس حايم .....حمت تنقاسي بي رجل كلب ....و كان قصدي اصل لغاية المسيكاب في تنقاسي الرويس ..الا لمت فيني حاجة الشاتي بت نسيم نهرتني .....البلك وين ماشي الليل هجع هسع اخيتك ديك بيكون قليبا عليك مهرود ....
شكرا ياسيكو للامتاعنا ...و اطلاق العنان لمخيلتنا
| |
|
|
|
|
|
|
Re: أفـارقِك يا بلاداً لسَّـا ما عِرفَـتْ هَـويتي أنـا (Re: yasiko)
|
yasiko
ايها الاصيل والجميل ربنا يديك العافية ويزيد نفسك جمال وجمال والله البتسوي فيهو دا مرات يوقف القلب في الغربة الجنس نحنا فيها وكالزهرة استطعت جمع اجمل الفراشات حولك ابن الخيل والفنجري وباقي الناس البدور وكفاي سروال وعراقي لك اقصي الود والشكر
عبدالله جعفر
| |
|
|
|
|
|
|
Re: أفـارقِك يا بلاداً لسَّـا ما عِرفَـتْ هَـويتي أنـا (Re: yasiko)
|
الاخ يا سكو لك التحية يا مبدع حقا والله الاغنية الفنان صديق زاتو اظن ما متذكرة مع انو اغنية جميلة وحلوة وفيها كلمات معبرة
هويتي وطن علي دين الله ديمة ولادو صباقي ومابفوتوهو لو ماشافو نار العيشة حراقي وده الحاصل التحية مجددا للفنان صديق احمد والشاعر عبد الله محمد خير بشرو يا رفاقة متي السنابيك اتملت بالخير وكان حاديها شراقي
| |
|
|
|
|
|
|
|