|
الـزول دا عينو حاااااااااااااااااااااااره أبـعـد مـنـو بـعـيـد
|
الناس العينهم حارة إشـوفك إنـشـفـك سمعنا بي حكاوي كتيرة عن الناس ديل
و أنا واحـد من الناس اللي بعرف منهم ناس مش عينهم حارة و الله بس توما هوك
ساكنين جنبنا و كتيرين من ناس الحلة بزوغوا من الشارع عديل و إذا بالغلط
قابلوا واحد منهم إبدأ في قراءة آية الكرسي و المعوذتين.
أحـدهـم عندوا حديقة و فيها نجيلة ظريفة و معاه أخوهو واقفين و في وسـط
النجيلة واقفة الدجاجة و عندها شوية سواسيو بعيدة منها و الدجاجة طبعا
إذا دنقرت تنقد ليها أي حاجة السواسيو بتجي جارية على أمها بسرعة مكان
الدجاجة بتنقد دا, حصل المنظر دا و الجماعة ديل واقفين قام الراجل قال
لي أخوهو شــــنـو الحـكـم صـفـر النهاية ؟؟؟ الدجاجة و السواسيو
نـشـفـو في مكانهم.
المشهد التاني :- و دا حصل قدامي الجماعة كان عندهم عرس و جيت أنا
و معاي واحد من الجماعة إياهم و صاحبي يعني المهم قعدنا لقينا الجماعة
بتعشوا جابو لينا صحن الكوكتيل و في جك موية بتاع قزاز في الطربيزة
و الجك فاضي و الجك القاعدة بتاعتو كبيرة قام الزول قال لي واحد من الجماعة
بالله شيل الجك دا و كـب فيه موية على التلج اللي فيهو دا , الراجل
قال ليهو حاضر يا .............. و مشى على الجك رفع الجك لكن القاعدة
بتاعتو حلفت بي أبوها ما تترفع مع الجـك ثبتت قاعدة الجك في الطربيزة.
المشهد الثالث :- الراجل جاء طالع من بيتهم و كان جاروا واقف في الشارع
قام سلم عليهو و قال ليهو يا خوي الحيطة بتاعتكم دي جبتوها جاهزة؟؟؟؟ .
الحيطة كان بنوها بي سرعة و يظهر ما لاحظ ليها المهم اليوم التاني جات
مطرة شكشاكة يعني يا دوب بس لطفت الجـو الحيطة كلها من أولها لي أخرها
وقعت في الواطة .
للموضوع بقية و الحكاوي كتيرة .
|
|
![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: ABUHUSSEIN)
|
و من الحاجات اللي سمعتها حكاية الراجل اللي عينو حارة و عندوا حواشة
و جاروا برضو عينو حارة المهم الراجل الحواشة بتاعتو إتحرقت و كل الزراعة
نشفت قامو الناس الشمشارين قالو ليهو و الله دا جارك إتكلم عن حواشتك
دي و نشفها ليك . قام الراجل جاب ولدوا قال ليهو أربط لي عيوني دي
و سوقني لحدي ما نصل نص الحواشة بتاعة جارنا الولد ربط عيون الأبو و ساقوا
لم بقى في نص الحواشة بتاعة جاروا الولد قال ليهو خلاص يا أبوي نحن في نص
الحواشة قام الوالد قال لي الولد: طيب أفتح الكـشـافات ديل (لي عيونو) قام
الولد فتح لي أبوهو عيونو . العيون فتحوها لكن كانت خلاص بقت ما بتشوف
يعني الراجل نشف عيونو ذاتن .
| |
![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: ABUHUSSEIN)
|
حبيبنا ابو حسين
لك التحية
لعل هذا الامر متداول كثيرا ليس فى السودان وحسب بل وفى الكثير من الدول العربية والاحظ هنا (السعودية) ان الناس تصر عليك ان تقول "ما شاء الله" عند رؤية اى شىء وبطريقة مزعجة واكتشفت انهم يخافون من العين خوف موت ولو عاوز تجنن واحد علق علىاى من مقتنياته فهو لن يتركك حتى تقول ما شاء الله.. لعل لفظة ما شاء الله تكسر حاجز العين والعين حق اخى ويقال ان الرسول صلى الله عليه وسلم اعترف بها وقال ما معناه " لو ان شئيا يسبق القدر لكانت العين" والله اعلم بصحة الحديث..
حقيقى العين موجودة ولعل الكثيرون مروا بتجارب ليتهم يحكوا لنا عن تجاربهم
لك تحياتى
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: ABUHUSSEIN)
|
هلابك ابو حسين قبل عدة سنوات مشيت الحج وكنت مع مجموعة سودانيين وبعدين جابو شاى الصباح فى صينية الاكل الكبيره متروسه كبابى صغيره ولاخمسين واحده كلها شاى بلبن ماعدا واحده كانت مميزه بينهم لانها كباية شب من الحجم العائلى مليانه لى نخرتها شاى بلبن وبعدين انا بينى وبينكم ختيت بالى فيها وعزمت على اخذها ان وصلتنى لكن عمنا احمد كان اسرع منى بتناولها وفى تلك اللحظه الجميله لعمنا احمد يبرز من بين الجالسين واح يقول للعم احمد رجع الكبايه محلها لم افهم ماذا يدور ولكن العم احمد استوعب القصه وبعد ارجاعه للكبايه فى مكانها سأل الشخص عن ماذا قال عن تلك البايه فكان الرد انه شبهها بالحمار الوسط الغنم ولقد كان بالفعل تشبيهاً مطابقا للواقع وسلامتكم
| |
![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: البعيو)
|
الأخ البعيو الســــلام
أهـلا بيك يا حبيبنا و تشكر على الزيارة
طبعا يا حبيبنا الله حفظك من كباية الشـب لأنها كان عملت فيك مصيبة لو الزول
دا عينو حارة لكن لو عينو ما حارة طبعا ما حا تجيك حاجة لأنو كتيرين ممكن إوصف
ليك وصـف رهيب لكن ما بتعمل حاجة.
و أسمع دي عندنا عمنا عندو حديقة و فيها نجيلة رهيبة النجيلة الدقاقة ديك
جات داخلة جارتنا و هي مشهورة بي عينها الحارة بالله أول ما دخلت عاينت للنجيلة
و قالت ليهم الـقـطـيـفـة دي شـنـو؟؟؟ و الله يوم واحد و النجيلة بقت نااااشفة
شكرا ليك حبينا البيعو.
و تحياتي
| |
![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: ABUHUSSEIN)
|
واحد سحار شاف الراجل ماشي مع بناتو التوأم ...لابسات زي الروضه الموحد السحار شاف الجماعه ديل قال ....عاين ليهو زي بتاع الترمس وابوهم ماشي بيناتن
سحار تاني شاف جماعه بياكلوا سمك عاين ليهم قال ...فاكين ليكم رادي
سحار شاف الصقر في العمود قال ...عامل زي الهمزه علي ألف العمود بي جاي و الصقر بي جاي 3 شهور الحله ما فيها كهرباء
واحد برضو ....مرأه شافتو قعدت تقرا في آيه الكرسي قام قال ليها ....خلاص بلعتي حبوب الوقاية
واحد شاف سحار قام قال ...والله ده عينو تكوي بنطلون جينز ولا تسوي حله عديل كده
الله يكفينا شرهم
| |
![Edit](https://sudaneseonline.com/db/blank.gif)
|
|
|
|
|
|
Re: الـزول دا عينو حاااااااااااااااااااااااره أبـعـد مـنـو بـعـيـد (Re: alfatih)
|
الأخ الفاتح ســــلام
تسلم يا خوي لكن كدي أول حاجة بتك اللابسة الإسكيرت الأحمر دي مالها بتترقط
زي المدينها عين ؟؟؟؟ و بعدين يا خوي لا هي بتفتر و لا إنت ؟؟.
السحار ياهو العينو حارة ما سمعت بي الراجل اللي جاء لقى بنات الطهور
الراقدات في السرير كل واحدة بي جنبة و متغطيين بي فركة القرمصيص
قال ليهم دامة الهارت دي شنو ؟؟؟؟؟.
شكرا ليك يا تـوحـة .
| |
![Edit](https://sudaneseonline.com/db/blank.gif)
|
|
|
|
|
|
|