|
|
 يوميات موظف
|
شحاد بدقنه والله شنو يا سيجمان تعرف من حسه اعتبرنا معاك لو قلته داير تبقى رئيس موافقين وبالاجماع السكوتى على مستوى العاملين بالخدمة المدنية وتعرف ممكن تعمل لينا اختبار والله اقلك كله واحد خليه يوريك ملكاته فى طريقة الشحدة وعلشان اكون عملى معاك بقوليك كده اقرا كلامى ده بنفع ولا امشى اطلع جبل طورية المهم بس انته قولى
شحاد ياناس سببه الماهية
لا لاقى فطور ولا سيجارة خرمة صباحية
اصللو من البيت جيت يا عم وقعده فى البوكس فى الضهرية
اول هم عمك سالم خفيرنا الداير كل صباح افطر حايم
اقابلك جنب الباب بدون ما يسلام
شايل ايه يا استاذ فى يديك
لفة ورقة طبعا طعميه
او قطعة جبنة فى العيشة التقول مكوية
يا عم سالم اصلو الشايله واجب عمال
افورتايم وحبة فواتير من العجلاتيه
نعمل ايه خلى الحال شوف ليك زولن تانى
امكن تلقى عنده كسرة بخضره فى الجريدة مطوية
طلعت السلم وقلت سلام
لقيت سيد على بنادى على
يا زول اليوم الظاهر فطرتنا قوية
شايف جريدة امبارح جاى بيها مطوية
قبال ما ارد جات حاجة امنه وقفت جنبى تشمم فى ايديى
جبته شنو يا صبا ح الخير الليلة
بس اوعه تكون حبة زيت بالطحنية
والله اقوليك ياه الجبنة الفيك مطرية
ما قالت لى يا وليد خاف الله
بطنك الله بسالك فيها كل يوم مديها املاح
وتمشى البيت تغدى ملاح بس خايفة لم الليل اجيك
برضو الجبنة تشوفها عينيك
بينك اصلو ده كله ما همانى
اتعودته عليه بقيت رومانى
كيف الحيلة البيه ازوق مدارى
حاضن فطورى بدون ما اعانى
اصلو وصلت لقيت السر فى تربيذته
قلته يا ولد ده اصلو نايم
خدته الورقة بدون ما يعاين
وحاتكم ملصته الجزمة جنب الباب
لقيت شرابى بعمل حكه مع البلاط
برضو ملصته واخر درج غمته وضعته
ما قلته اح فطورى ضمنته
وناس المكتب لسه بعاد
وشيخ السر بحلم فاطر فى الكافتريات
كان شفتوه بحرك خشمة تقول يمين بالع اللحمة بعظمه
ومره تلقاه يحرك شفايفه
يتمطق باسطة بين اخاده
المهم الساعة حداشر واخونا السر صحا يتمايل
بكل اوامر قال لينا يا شباب وين الفطره
شامى جبنه وريحة طعهية
احسن ليك ابقوا ظراف مدوها
والله اقوم انادى الساعى
يمين اخليه يفتش لى غادى
وباقى البحصل بتعرفوه براكم
بينى وبينكم اصلو احترته
ريحة الجبنة الفى خشيمى
جابت لى جوعه لخبطتت كيانى
قلته يا زول اعمل نايم
حلك لم الساعى اجى يعاين
اكون بايدى اصلو قرمته قطعة عيشه فى جيبى وضعته
وهاك يا فطرة اصلوتمت
@@@@@@@
وكم لظلمة الليل بهاء من الاطياف ولكن كثيرا حولها الى ارتكاب المصائب
|
|
 
|
|
|
|
بلدى يا حبوب
فيس بوك
تويتر
انستقرام
يوتيوب
بنتيريست