|
omdurmani لقاء اليوم 20/5/2003 مع الاخ
|
الاخوه والاخوات الاعزاء السلام عليكم جميعاً لكي تسود الموده والتعارف بين شخصيات المنبر احببت ان اطرح هذا الموضوع الا وهو لقاء اليوم حيث اقوم باستضافة احدا شخصيات البورد ونطرح عليه بعض الاسئله على ان يقوم الضيف مشكوراً بالرد عليها بحيث ان لا تكون هناك تجاريح ولا اسئله استفزازيه والهدف منها فقط التعرف لكي يسود روح الاخوه والصداقه بين رواد هذا المنبر
omdurmani وضيفنا اليوم الاخ
الاسم ؟ الحالة الاجتماعية ؟ مكان الاقامة الحالى ؟ مكان الاقامة فى السودان ؟ القبيلة ؟ اللون السياسى ؟ سياسي سوداني اعجبك ؟ ولماذا ؟ فنان سوداني اعجبك ؟ ولماذا ؟ شاعر سوداني اعجبك ؟ ولماذا ؟ بيت شعر اعجبك ؟ رايك فى اعضاء البورد ؟
ونترك الساحه ليكم يا شباب
|
|
|
|
|
|
|
|
Re: omdurmani لقاء اليوم 20/5/2003 مع الاخ (Re: Tumadir)
|
الله يا تماضر ربنا يديك علي قدر نيتك تعرفي دا اول كلام رطب اسمعه من كم يوم وهو منو القال الصداقة الحقة اطراء متبادل ؟ والله صدق بالجد الحاجة دي احتياج انساني والعايز يقول انو دي نرجسية و تدليل ذات وما بعرف شنو ينفلق انا غايتو بالجد شاعرة انو الاطراء دا حاجة عظيمة تسلمي
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: الجندرية)
|
الكلام دة حقيقى
انا شفت الخواجات ديل هنا بعملوه بصورة مدروسة
لانه الانسان دة كائن "مسكين " جدا جدا
زى الجرجير، تديه رشريشة خفيفة كدة ، يديك الفرهيد ، والفايتمين
تستاهلى يا ست الحلوين
بركة البقيت دى انا الرطبت دواخلك ، شرف لى
لكن كلامى حقيقة ، ما اطراء رخيص
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
بسم الله والسلام عليكم ..... شايفكم يا تماضر والجندرية....مليتو لي بوستى...حكى...او كما يقول البعض رغي...يالعربى كده ونسة........نخلي ليكم البوست دا ولا شنو. ............ بالمناسبة والله ونستكم دى الذ من البطاقة ....قلتى لي جرجير....طيب الجرجير من ناحية جندر....كيف نتعامل معاهو ...وهل نقول . ..هذا رجل جرجير ...وهذه امراة جرجيرة.... ...........
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
........................ اسمى شريف محمد شريف....مواليد برج الدلو سنة 77
.............. الحالة الاجتماعية...اذا قصد بها الزواج وخلافه...فانا غير متزوج.....قضيت الجامعة قراية ساكت بره المقرر... وطلعت منها....سااااكت....قناعتى كانت دائما...ابحث عن من توافقك حتى تجدها.....ونصيبك حيصيبك.....بس خايف يصيبنى في مقتل.... ................. انا دنقلاوى.......... .................. من ودنوباوى ....وودنوباوى كلها اهلي. ................ الان في اوهايو....دايتون بالتحديد....ادرس واعمل. ..................... اللون السياسي : ليس لي لون محدد اميل ان اتعاون مع كل من يطرح طرح اري فيه فائدة لشعبي.....تربيت علي الحب...فلست اكره احدا او سياسيا....ولا تهمنى الدوافع بل الافكار. ........... كل القيادات السياسية لها نقاط مضيئة ...اشجعها...واعلم ان هنالك اخطاء نبيلة قد يرتكبها البعض...ومعظمها اخطاء عقل لا قلب....يعجبنى بصورة خاصة التسامح والاجتهاد وسعة الصدر وعدم الكل لدى الصادق المهدى. ...........................
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
الفن انواع:نركز كثيرا علي الغناء...فنحن افارقة بحكم القارة...وبنا دماء عربية كثيرة...فنا اعشق صوت ام كلثوم....خاصة انت عمري .......والخالدى ...خاصة خصل شعرك.....ياسلمى ........ثم كل الفنانين السودانيين فكل فنان له نكهة خاصة....وطعم مميز. .........
المسرح السودانى: تعجبنى اعمال والدى بالطبع....وبعض اعمال الفاضل سعيد وفرقة الاصدقاء...اعجب باعمال حمدنا الله عبد القادر.....ولا انسي مكى سنادة. ............. المسرح العالمى: استمتع بكل اعمال شكسبير ...واعيد مشاهدتها كل ما وجدت فرصة. ........ .... الرسم والنحت...والله لم اشاهد لفنانين سودانين....وتعجبنى اعمال فان جوخ ....وكل الاعمال العالمية الكلاسيكية. ............... واظل اري الفن خيار نحو الايجابية...لكل مسلم.
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
الحمد الله الجيت يا امدرماني والله افتكرتك من ما شفت اللقاء معاك زغت من البورد لانو انا متابع الناس البيدخلو وبمرقو سااااااااااكت قلت لي دنقلاوي وبتعرف نا حاتكم كلهم سمح هاااااااااك السوال ده بتعرف نقد صعب صح
المهم اشكرك جزيل الشكر على استجابتك للدعوه والصراحه بتعتك في الردود وعندي ليك نصيحه خليك عزابي احسن اخوك ابوفاطمه
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
شوف الشافع قلت مواليد 77 وعامل البساط احمدي اها من يوم الليلة دي لازم تقول لي خالتو الجندرية بعدين يا ولدي انا نبحت وسبحت معاك وصوتي انقرش عشان افهمك انو الجندر ليس هو النوع يعني ما حكاية جرجير وجرجيرة انا زي الفهمت كدى انك ود محمد شريف الممثل صاح ؟
| |
|
|
|
|
|
|
Re: omdurmani لقاء اليوم 20/5/2003 مع الاخ (Re: ابو فاطمه)
|
بسم الله والسلام عليكم: ....... اختى الجندرية: خايف اقول ليك خالتى....تقولي لي...خالتك في عينك. ....... عن ابوى صاح .......عن الجندر سؤالي دعابة... ........... ....................... كوستا الاخ العزيز: .............
طبعا سيرة الاغتراب دى بتخوف.....انا ما مغترب...انا طالب.............لمن اسمع مغترب بتخيل الشنط المفروض تترسل لاهلي وخالاتى وكذا....فما تجيب لينا الهوا. ...................................
الغربة مستويات...غربة الانسان عن روحه وقيمه وقناعاته وثقافته....وغربة الجسد وهى ان تنتقل الي بيئة مختلفة بما فيها من شعور غالب بالوحدة والخوف. ............. الاختلاف نعمة ...فبالاختلاف نميز الاشياء....فلو كان الناس متماثلين لغابت الحرية للاختيار....فكل الخيارات لاتاخذ قيمة بالتماثل فهى واحدة اي لا تفضيل...لذلك الاية تحدث ان الخلق كان مختلفا...لتعارفوا .... .............. انا والغربة...نفعتنى جدا...فقد اصبحت افكر..من انا ..من اكون....وانا سعيد جدا اذ انى تصالحت مع نفسي وقيمى وثقافتى......بل اصبحت احدث عن قيمى هذه وافخر بها...... .................. البعض تضره الغربة بالانزلاق بعيدا عن قيمه....ولكن انا لا اخشى عليهم...لان الاساس بتاعهم مهما كان اساس ثابت ...ولا اقول مكتملة الثبات...فهم تربوا في مجتمعنا في مناخنا الاجتماعى بكل مافيه من غنى. ................... اخشي علي الاجيال الجديدة في المهجر...فبينما الكثيرون عاشوا في الغربة ونجحوا...ذلك يرجع لانهم تربوا في السودان حيث اذا غاب الابوين وجد الخال والعم والجيران ..... اما الاجيال الجديدة فهى في ظروف مختلفة والمجتمع قائم تماما علي المسئولية الفردية الخالصة....لذا اذا نجحنا نحن في مواجهة الظروف المناقضة لقيمنا...فلا يجوز ان نحسب ابناؤنا كذلك...فبينما نحن ناكل من سنام قيمنا ..هم لا سنام لهم.....وتبقى مسئولية الابوين مضاعفة... .................... نواصل
| |
|
|
|
|
|
|
|