|
Re: مبارك التقي البشير في السودان والخلاف اشتعل في التجمع بسبب الميرغني (Re: سجيمان)
|
سلام مربع
سجيــــمان
بابور الترك ياربي المزعلها شنو ..؟ ومتل المطلوقه (جدعت) توبها في كتفها وجات تجاري علينا كايساها ليها شمار ولا شنو ولا رايح ليها (بخور حلو)..؟؟ الله يكفينا شرها بابو الترك دي اللي طول عمرنا ماشفنا منها خير ؟؟ وياسيدي ابو هاشم والشريفه نايله ادونا بركتكم خلونا نمشي نشوف (جزرنا وخيارنا قبل ماتجينا القونلقيزا)اصلو شطه ودكوة ماعندنا ليها والله ياسيجمان نفسي ابلع (الخمج) الخمجتي دا بس الا الشطه كملانها عندنا الرسول ماعندكم حبة شطة نكتحها على القنقليزا ونعصر عليهم الليمونتين ديل
| |
|
|
|
|
|
|
Re: مبارك التقي البشير في السودان والخلاف اشتعل في التجمع بسبب الميرغني (Re: shiry)
|
اخونا ابن النيل اتذكر السودان اليومين ديل لانو ناس الخليج وامريكا ضربوا منو طناش زمان ما في خطوة الا وهو متقدم قدام الجماعة ولسانه يعلع السعوديين تحت تحت كده بيسموه تلفون العملة
برضو صاحبنا بيكون شايف الناس بقت تتكتل كيمان كيمان روسيا وجيرانهامن جهة فرنسا والمانيا وتانيين من جهة ودول الخليج بعد الحريق مش فاضيىن لحد فاظنه قال احسن القى لي جهة اتلما عليها المتعوس اتلما مع خايب الرجا
قالوا الريس حسنى سأل عاطف عبيد: انا افضل ولا جمال رد عاطف قال ليهو: طبعا انت يا ريس لانو جمال كان بيخاف من الروس قال: طيب انا ولا السادات: قال ليهو طبعا انت يا ريس لانو السادات كان بيخاف من امريكا قال ليهو طيب افضل انا ولا عمر بن الخطاب قال ليهو انت طبعا يا ريس لانو عمر بن الخطاب كان بيخاف من ربنا
| |
|
|
|
|
|
|
Re: مبارك التقي البشير في السودان والخلاف اشتعل في التجمع بسبب الميرغني (Re: shiry)
|
سلام مربع
زول واحد
اصلوا عنده ازمه (رقاصات) الايام دي يا اخوي . كلهن اتحجبن واعتزلن .. وقبل كده وقبل كده كل البلاد لقاها محتاجه الايام دي لي (رقاصاتها) حتى السعودية اتخيل . رجعت كل (رقاصاتها) اللي كانن بره وسامحتن .. هذا زمن الراقصات .. وهز الوسط والبشتك بشتك .. وبما انه رأي في ذات ليلة قاعية (رقاصتنا) الماهرة التي نالت(اللجؤ السياسي ) بشرف وبفضل هز وسطها . وجالنا ومعه (_الكشافون) عشان يعاينوا الوضع عسي ان تعجبهم بضع (العينات) وويتعاقدوا معهن .. انت ياخوي كدي النسألك .. وينه النائب التاني .. سيد التخطيطات وسيد المؤامرات . وكبير الخونه ؟؟
| |
|
|
|
|
|
|
Re: مبارك التقي البشير في السودان والخلاف اشتعل في التجمع بسبب الميرغني (Re: قرشـــو)
|
سلام مربع
.. يقولون وانا عييت عن تحديد ماهية السبب الذي اصبح به اسمي فجأة شيري هي نفسها نافذة تساؤل بتجيب الريح .. هي ذاتهاالنافذة التي جابت لنا الريح في السودان .. قعاد اسامة بن لادن عندنا من سنة 91 الى 93 ووضعت اسمنا في قائمة الارهاب ولم نتمكن حتى الان من نزعها رغم التنازلات التي قدمناها الواحد تلو الاخر ويبقى السؤال الذي لم اجد له اجابة براسي المدوقس دا كيف نتعلم ان نقرأ من الاحداث ونحدد خطوط الرجعة الصحيحة التي تمنع تقهقرنا الى حافة الاحداث المفجعة
| |
|
|
|
|
|
|
Re: مبارك التقي البشير في السودان والخلاف اشتعل في التجمع بسبب الميرغني (Re: shiry)
|
الاخت شيري
لو تكلمنا على دور مبارك او الدور المصري في مشكلة السودان فسيطول الحديث 1 مصر ومصلحتها فوق كل شئ بلسان رئيسها الشعب المصري والحكومة المصرية غير اطماعهم في نهر النيل العظيم ما عنهم شئ تاني عن السودان مصلحة بس يوم مع الحكومة ويوم مع المعارضة الزيارة ما فجاة طبعا زي ما قالوا الزيارة معروفة ومتوقعة لكن الراجل ما خواف في بلدوا بتحرك بي سرية خائف من الجماعة بتاعين اديس ابابا غير انوا قبال طائرته الرئاسية ما تصل الخرطوم بي ساعة وصلت طائرة فيها عدد 50 امن دولة مصري مسلحين مصطفين في المطار يعني فتشوا المطار قبال ما يجي هو 2 مصر ممكن تكون مشكلة السودان هي نفسها بتايدها لي الانقلاب بعد التقرير الخاطي القدمه سفيرها بمصر ثانياً مشكلة مصر مع الصادق المهدي بعد ما قال الصادق لي السفير المصري انا جئت منتخب من الشعب ورئيسكم جا من تحت الكراسي رامزا لهم اختبائه عند مقتل الرئيس السادات بشارع النصر بمدينة نصر بساحة الجندي المجهول 3 خوف مصر من انقسام الجنوب اي تعديل اتفاقية مياه النيل مرة اخرى وهذا بالتاكيد يسبب لها الزعر الشديد لذلك رفضت ماشاكوس وعملت المبادرة المشتركة مع ليبيا وضمت اجتماع التجمع وصالحت الحكومة وبقت تلعب بي حبليلن اي تارة مع المعارضة وتارة مع الحكومة ومرة مع قرنق ومرة مع المرغني واستضافة جون قرنق خير شاهد
4 اما بالنسبة لاختلاف المرغني وقرنق فهو اختلاف في وجهات نظر ليس الا وابشرك بان الاختلاف قد حسم وانهم اجتمعوا مع سارة الفاضل من حزب الامة القومي وجعفر احمد عبد الله والتو هجو والمرغني من الحزب الاتحادي ومنصور خالد وياسر عرمان من الحركة غير الاجتماعات مع قيادات الحركة من جانب الحزب الاتحادي في اسمرا والقاهرة
ارجوا ان تعي مصر مشكلة السودان وان يعرف السودانيين اصل مشكلتهم
والى اللقاء
| |
|
|
|
|
|
|
|