|
|
 حكاية العروس التي ضربت عريسها في ساعات زواجهما الاولى
|
سلام مربع
اول الحكي
يمه الخير بريدو
سيرو الليلة يوم جديدو حننوا
ديل اماتو جنو
وسيروا لي بت القبيله
تراث
________
في اولى ليلتهما العروس طرحت عريسها ارضا وردت الباب في وجهه ثم شتت
العريس االاهبل جرب ان يضرب (عروسه) ليقنع اصحابه على الطرف الاخر من الهاتف
اصــــل الحكاية
هذه القصه شمشرة عنهاجريدة (الوطن )الكويتيه ، وحكت فيها ان العريس الذي كان يحب زوجته وهي تبادله نفس الشعور ساعة ان شافها وشافته من اول مره ثم اتفقا على الزواج .. وفي ليلة عرسهما الاولى. (اتشاكلا ) شكلة ليها ضل .. بعد هجوم فاشل قام به العريس على عروسه ، حتى يثبت لشلته (البايظة) بعواره شديده انه راجل (ملو هدومو) اثناء المكالمة التي تلقاها منهم وهو يخطى برجله اليمين باب غرفة الفندق الذي استضافهما بعد ساعة واحدة فقط من مغادرتهما قاعة الاحتفالات .. وجاءته المكالمة ضاحكة ، ماجنه ، عابثه ، تفوح منها (رهانات التحدى ) وانه لابد له من فعل ماوعدهم به
وكنت اظن ان الذي وعدهم به هو ان يقدم الى عروسه ، كلام جميل ، او قصيده تعبر عن احساسه بهذه المناسبة السعيدة ، او يهديها كيلو دهب ، او حتى ساندويتش شاورما ، لاني اعرف ان العروسه ياحرااام تقضي نهارها كله مشلهته مابين الكوافير والحنانه وقياس الفستان ومتااااعب كتيرة اوي ، ولا تجد حتى من يذكرها بتناول مايسد رمقها .
وهذا العريس العوير ... ما كان منه الا ان يرد قائلا لهم خلكوم معاااااي شان تعرفو كيف انا (ريااال) ، ثم يتقدم نحوها بتئد وثبات ويعاين ليك للعروسه (الاموره) كويس ويديها ليك طااااااااااااااااخ ، التي لم تكن تتوقع منه في اسواء حالة تشاؤومها هذه (الخوانه) ..
وتفاجأت العروس _ ولو كنت في مكانها ايضا كنت ح اتفاجأ _ بهذه (اللطشه ) وماكان منها الا ان مسكت خدها ونظرت اليه والى الموبايل في يده ، ثم ارتد بصرها الي فستانها وباقة الزهور في يدها .. ثم نظرت مرة اخرى الى فستانها لتعرف هل هي العروس ولا لع ؟ وحينما تأكد لها ذلك وهي ترى عريسها (يقهقه ) في الموبايل حتى يسمعه الطرف الاخر .. ولدقائق كثيرة مرت ، حاولت ان تمسك رأس المووضوع .. وفهمت انها المعنيه بهذا العدوان . ... وان الضربة التي وقعت عليها لم تكن صادرة من نيران صديقه او خطأ تكنيكي .. وتاكد لها ان الموضوع اكبر من ذلك .. وانه لا يعني باي حال من الاحوال محاولة لبدايه التحضر لهدية ساره كأن يعقب هذا الكف ، سيارة جاغوار ، او مفتاح فيلا على ساحل الهاواااي او امارة موناكو او لامبرغيني وبشرت نفسها متهلله ان هذا الكف سوف يعقبه دخول موظفي مجوهرات معوض ليسلمونها ثمانية كيلوهات دهب هدية من برنامج وزنك دهب .. او ربما في اسوأ التوقعات ثوب فااااهم من باب شريف .
وتاكد لها ان الموضوع عواره في عواره وانه لاسيارات لامبرغينيات ولا فيلهات ولا حتى باب شريفات وان العريس ليس الا (راجل) اهبل يحاول ان يستجيب لتحدى اصحابه ..وانه فعل مافعله من كف كاد ان يهشم به زينتها الا ليثبت لشتله البايظه بعد المحادثة الموبايليه التي اجراها على الهواء مباشرة معهم..
واذا تاكد لها ذلك ، رأت ان الموضوع اكبر من السكوت عليه ، وان الانسان يموت مرة واحدة .. ويلااا اصلها خربانه خربانه ثم رفعت يدها هذه (الكويتيه ) عافيت منها ، التي قيل لي ان اصلها يرجع الى دار جعل ، وبضربة مزدوجة دبل كليك ، اطاحت العريس هناااااااااااك ، وقذفت باليد الاخري باقات الزهور في وجهه . وكميات من الاحلام الحلوه التي كانت تهدهدها في هذه الليلة الجميله . ولم تتركه على هذه البهدله ، اذا تقول الشمارات ، اذ انها طااااارت فووووق وبضربة مزدوجة تانيه غير الاولى كسرت ضلوعه كنككككككش .. ثم مسكت بالموبايل الطااااير (برج العرب) هنااا ك والذي كان لا يزال خطه ساخن مع شلته .. ورمته في وشه ..
وهذه الشمارات من مصادري الخاصة قالت ليهم اسمعوا ياحيوانات لو كنتم ريييااايييل (رجال) يعني . . تعالوا شيلوا الجنازه دي . طبعا الكلام دا بالكويتي .. ثم اخذت من جيبه مفتاح السيارة وشتت لبيت اهلها .
وطبعا تفاجأ اهلها بالحاصل عندما رأوا العروس وشها مشلفط ومحمر من الكف الذي اخدته على خوانه من عريسها . وهي تدخل عليهم و(دربها) على البساط الاحمر لم يروح لسع .. وسكلبت الام ومعها الخالات وكالن (الموكيت) بدل الرماد لانه حتى المطابخ هناك لا توجد فيها بوتوجازات ، اذ تعودت النسوة ان يأتين بالاكل الجاهز من المطاعم . لذلك كم هم محظوظين اهلنا الزماااان .. اذا لا يخلو البيت من الرماد ابدا . . وهذا ما فقدته العروس وهي تدخل على اهلها اذا لم تجد من يكتح الرماد فوقهن . لييبرد بطنها شويه من فعائل ذاك العريس العوير الاهبل ..
وطبعا تطور الامر الى معركة بين العائلتين خلت فيه العكاكيز بعد ان استعاض الرجال بالعقالات والنساء بالطورطه بعد المقاشيش ... وحردت العروس حردة ام قردو ولم تقبل ان تعود الي عريسها (المدقوق) الا بعد مضي شهرين على تلك ( الدقة ) المشهودة اريتها كانت في (رئيسنا) .. وذلك بعد ان دفع دم قلبه وابتسامه كسوف ومعاها دنقره في الواطه جلعته يدخل يده في جيبه وعلى مشهد من اصحابه ويناولها شوووووبش مفتاح سيارة (لامبرغيني) على الزيرو . وشقة على النيل ..
هي هم ما عندهم نيل .. ياخساره .. يافرحه ماتمت
|
|
 
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: اساسي)
|
سلام مربع
شريري جدة
روبنسون: شرير جدة
اساسي : شرير البورد
مالكما ايها الشريرين علي
والله اقوم ازعل هسع ارفع يدي
تجيكما في غمضة عين
كل بواليص جده ونجداتها
من غير سبب ، شفتوا المغص كيف
يمسكوكم من غير سبب
انشاء الله عشان لفيتو دوار الطياره عكس عقارب الساعة
ويجيكم انذار شديد اللهجة من امارة منطقة مكة المكرمه
بمغادرتها الى غير رجعة
انشاء الله تنسحبوا الى اخر حدود ماقبل 67
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
ويا شيري ان شاء الله بعد ( اللطشة )الاخدتيها في دعاء ربنسون
تمشي علي بيتكم وتلقيهم رحلوا شقة جديدة وتطري ترجعي تاني تتمي باقي العلقة
طبعا في البلد دي لازم تنقلي كفالتك علي العريس
ومن منغصته عليك يدق ليك خروج نهائي
ويلحف لناس الجوازات انه جنسيتك افغانية
ويرحلوك لي تورا بورا
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: Ahlalawad)
|
ٍسلاااام مربع
اهل العوض
والله ياخوي . هذين الشريرين خلو صدري
يسكسك مثل الحمامه
شكيتهم على الله
...
هي انا اتذكرت والله انا جد جد عويره
ياروبنسون
ويااساسي
اها انابرضي حا اقول معاكم امييين
كان فايتني المكسب الطلعت بيهو العروس
اول كسرت العريس كسره تمام
وتاني شي جاتها سيارة لامبرغيني
انا ماعايزه السيارة اللامبرغيني
ادقوا بس وبعد داك انشاء الله يجيبوا لي
ركشه
بس كيتا فيكم يااساسي وربنسون
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
البت الحديقة .. شيري
ملكة الهترشة وأميرة حلو الكلام
شوفي ياستي أنا قررت أكون الراوية حقك في مستقبل الأيام
اشمعنى المتنبي عندو راوية أحسن منك ولا أحسن منك
عشان كدا القرار الوصلت ليهو قبل دقائق اني أخصص ملف لكل هترشاتك وأحفظها تمهيداً لطباعتها وتغليفها فيما بعد .. التكنلوجيا دي ما مضمونة يمكن تتلحس في يوم ما ولا الواحد يفارقها ويسكن الغابة ولا الجبل .. احسن أوراقو تكون معاهو
أما بخصوص العريس وهبالته .. الزول دا بكون من الطراطير يعني معذور عنده تخلف عقلي مختلط بشوية دينارات والعروس بتكون من العلوج لأنها وافقت تتزوج واحد طرطور زي دا .. تستاهل .. بس عافي منها طلعت من العلوج الليهم ضل .. خلصت حقها بلا عرس بلا لمة
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: singawi)
|
آخر شمار
بلغنى ايتها الشيرى ان العريس سمع قصيدة بالموبايل حال وصوله للفندق فاسمعها للعروس وحدث مارويتيه والقصيدة تقول:
ياللي تنشّد عن علوم الذي طــاف****كــــل البحور وكل دولة وديرة
خذ من علومي علم أوصافه أوصاف****جزلٍ سمين يشتعل له ســـعيره
الزين عقب المغربيات يــــنعاف****غيدٍ لهن بالزين ذكره وســـيره
فيهن حلا طاغي ولين وتـــعطاف****وفيهن حنانٍ يشعل القلب غــيره
حلوات وصف وفاهماتٍ بالاعــراف****زينات منطق صافيات الســريرة
بنات قومٍ طيبهم غصب يـــنشاف****اولاد مغرب بالليالي العـــسيرة
ياللي تنشّد عن علومي بالانــصاف****هرجي يكفي صامله عن كــثيره
الزين في لميا وتغريد والــــطاف****ماهوب في حصة وكشرة مـنيرة
وقيل فى الشمار ان العروس كان اسمها حصة
بالمناسبة حصة بكسر الحاء ام بفتحها..
يفتح راس بوش وبلير ان شاء الله
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: singawi)
|
سلام مربع
سنجاوي : امير الظلام
سلمت ياسيدي للطله وسلمت اكثر للاطراء
وحات نظري .. عايز تجيب لي نفسك الهوا
ماشايف الكلام البقول فيهو شرير البورد ومعه شرير جده
ديل عايزين يشتكوني للا اف بي اي
ويلحقوني امات طه .. اذا لحقت اكون زيهم او بشبهم
امات طه لمن لحقنهم اللحقهم
لا كان في اف ايي اي
ولا تورا بورا
عشان كده ياخوي .. احسن ليك تسحب كلامك دا
وخليك في الضرا احسن ليك
لمن نخلص القصة دي مع هذين الشريرين
ولا اقول ليك انت موش مع بورداب جدة
بالله اعمل لي رصد لحركة هذين الشريرين
وانتظر اني لمفكرة في خطة
توديهم في داهية .. لم تخطر على بال ميكي ماوس ذاتو
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
البت الحديقة
هييييييييي يكااااااا
هبوب شنو البنعمل حسابو
نحن فوق عزنا ... هبايب ما بتهزنا
أما بالنسبة لأساسي الأساسي فدا مننا وفينا بس زارعنو وسط ناس روبنسون عشان يغطس حجرهم .. وروبنسون ذاتو حكاية صداقتو مع بوش دي أنا سعمت انها اشاعة ساكت وحتى لو كانت حقيقة انا بكشف ليك سره ونقاط ضعفو .. قولي واحد .. تعرفي لو عايزة تسكتي روبنسون دا بس اديهو صحن ام فتفت وكتري الشطة .. لومك علي يطش ستة شهور تاني ما تسمعي بيهو .. اليوم داك عمدتنا قرشو اداهو ليك صحين ام فتفت صغيروووني والشطة على الريحة .. أسألي أي واحد من ناس جدة كان شافو بعدها .. بعدين انا مع ناس بوش وبلير ديل حكايتي جايطة من زمان .. هسة انتي لما تدعي عليهم ما بتسمعي حاجة كدا زي الصدى في سرك بتقول آمييييين .. وتيب .. دا ما أنا
المهم انتي كتري الهترشة وخلي الباقي علي أنا
أسمعي .. نسيت أقول ليك
الجماعة ديل مرصودين خلقة .. جهزي الخطة وأصدري التعليمات والقوات المحمولة كداري متأهبة ومسلحة بالخفيف وتقيل .. مدى النيران يصيب النملة ويتصاعد يصيد الفيل
أما موضوع زراعة أساسي دا فخليهو بيناتنا
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: singawi)
|
سلام مربع
سنجاوي: امير البورد
دا كلامك .. والله الاثنين ديل ، عايزه لي فيهم فرصة
ياخسارة شوف لو كلمتني قبل يومين
كنت قبضت لي خروف من الخرفان السبعة اللي راحت ضحية للكبسه
والجزار شتت بعفشة الخرفان السبعة
وما قدرنا من نشيل منهم لا الكبد ولا حتى الكوارع ذاتها
والمشكلة التاني انو الكرنتينه مننا بعيده عشان
نلقي فيها ام فتفت
نحن ناس شمال جدة .. صعبة جدا علينا حكاية ام فتفت دي
طيب نقول روبنسون انتهينا من مشكلتو
بس اساسي ماعارفه مشكلتو
ح تحلها لينا كيف
دا يكون هسع خلاص حرش ناس الاف بي ايي
وانت عارف اني كنت شاماهم وشامني ايامات الحرب
سلمت ياسيدي للمساعدة المقدره
للقضاء على شريري البورد
اساسي وروبنسون
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: ABUHUSSEIN)
|
ٍسلام مربع
عمدتنا /قرشو
والله ماتقول لي لكن . شماراتك اخطر من رويتز
دي لحقتها بتين تجيبها
العروس لحدي هسع ما تفسحت بعربيتها اللمبرغيني
وقيل _اضافة للشمار المغربل_ ان جضومها لحدي هسع حمرااااااء
زي الطماطم
كما ان العريس مازال يعاني صعوبة في التنفس
والله حكاية حصه دي .. بتحير فعلا
انا كنت انا وصغيرة لان مدرستنا اسمها حصه
مفتكر سميت بحصه من كثرة حصصها التي تصلبنا بها
لكني ايقنت الان وانا كبيره كده وعويره
ان الاسم جاء من حصة السكر التعاونيه
بس هذا عندنا في فيافي اهل العوض
وماجاورها من امصار تتبع للولايات
التي خلعت بجلدها من حاضرة السودان
ابو حسين
حتى انت يا ابو حسين كشرت عن انيابك وانضميت الى الخوارج
سمح ..
الله في
اللهم عليك بهم
اللهم سلط عليهم مرور جده
ومرور الخرطوم
وكل مرورات العالم
الخطوة بي قسيمه
امين يارب العالميييييين
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
سلام مربع
اساسي
اها انا ختيت توبي فوق راسي ومن دربي دا ،
مارقه اقابل محمد سعيد الصحاف .. قالوا عامل اعلان بفتش ليهو لي شغل
موش انتو انضميتو لمعسكر الامبريالييين
فلتسقط رقاب الامريكان
الامبرياااااالييين
وسوف احصن نفسي بشوارع البورد
وعارفه المارينز الامريكي مابتقدر على شوارع
بوردنا دي
وليأذنوا بحرب الشوارع التي منظماها لهم
والصحاف معااااي
اها حنك ساااكت ح ناكل ليك راس الامبرياليه ذاتها
وبيتنا فيه من الجزر والخيار وحلل المش
والفسيخ مايكفي لشهور
سوف نتحصن بهذا البورد
ولببشر الامريكان بسواد ليلهم
فالصحاف يعد في الكلام
يجي قدر الفين حله كمونيه
والله نضمي ساكت ينشف ريقهم
اما انت وربونسون
لكم الله ..
الله ذاتو ماح يكون معاااكم
خليكم مع امريكا وابوحسين
ولنرى اي المعسكرين سوف ينتصر
اللهم من اراد بشيري والبورد سوءا
فاشغله بنفسه
اجعل فيروس الجمعة الحزينه يكسر جهازو حته حته
امين يارب العالمين
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
غايتو الأمريكان أول حاجة جروا علي آبار البترول و وزارة النفط
و أنا بعد إحتلال العراق(البيت) و هـروب شيري(صدام)
حا أجري على حلل الكمونية ( ود جزارين)
و أساسي و روبينسون ديل بخلي ليهم الفسيخ و المش
لكن قبل دا كلو طبعا لازم ندمر جهازك اللي جاب لينا الصداع بي هترشتك
دي إنتي يا صدام أقصد يا شيري يا كافي البلا لا بتطبخي و لا بتغسلي
اليوم كلو قاعدة في وش الكمبيوتر دا و الله تكون الشاشة كرهتك عدييييل
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
شنو يا شيري
وبيتنا فيه من الجزر والخيار وحلل المش
والفسيخ مايكفي لشهور
انتو شم النسيم عندكم مفتوح السنة كلها ولا شنو
ان شاء الله المارينز الحيرسلوهم كلهم يكونوا من اصول قبطية عشان بالشم بس يصلوا لي حللكم بتاعة شم النسيم دي
يا روبنسون الحق البت النضامة مكنة السنجر دي حللهم قوية اقصد عرضها قوي يا تنزل عرضك ولا بنسلخ منك فطور الجمعة الجاية
الهم سلط كل الهنود والبنغالة علي مطاعم البخاري
وارزقنا من مثل هذه الحلل
| |
|
|
|
|
|
|
|
|
 Re: حكاية العروس التي ضربت عريسها في ساعات زواجهما الاولى (Re: shiry)
|
الرائعة شيري
إنتي حكمة ولا آية ولا إنسان ، بصراحة تمنيت أن يكون في موضوعك دور تاني على غرار السينما إيام كانت لنا سينمات تعرض لنا فيلم يستطيع فيه البطل أن يكسر العشرات من الخيانة لا وشوفي الحكمة الجمهور ناس نحنا نقول ليهو بي وراك يا بطل يقوم يسمعنا تصوري وقلبي على البطل وقلب البطل على حجر وشن طعم الأفلام ما دامت أمريكية الإنتاج والإخراج والسيناريو والبطولة كمان ويعيش رامبو.
سرد أكثر من رائع وأصالة عن نفسي وبرضو أصالة عن نصري أبوها ونيابة عن زملائي أعضاء المنتدي المحترمين أرشحك لجائزة الرئيس القائد لحقوق الإنسان وجائزة الدولة التقديرية للبيئة وجائزة كده ترضيه يعني لله فلله.
لك التقدير يا شيري يا إنسانه
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: almulaomar)
|
ٍسلام مربع
اساسي
وابو حسين
عندنا (مش) معفن
هذه تكنولوجيا جديده ، وتقنيه متقدمه
لا يعرفها الامريكان ولا اشرار جدة
توصلت اليها انا المدعوة شيري بت ام شيري
اذ بكثرة صواطتي وهبيشي في المش والخيار والجبنه
توصلت الى انه اذا استطعت ان تحبس نفسك مع صفيحة المش
والفسيخ لاكثر من ثلاث ايام دون ان تقول بقم
فانت باذن ومشك الكيماوي الذي لخبطه قادر
على هزيمة جيش عرمر من الامريكان ومن يساندهم
اننا نملك تكنولوجيا متقدمه يا اشرار
ومن ينقل اليكم اخبار مفبركة
عن استعدادات جيوشكم العرمر يكذب عليكم
نحن اصحاب الارض ياشباب
والصحاف معاااي
كدي جربو كده لمن تفتح صفائح المش التي نخزنها
بطريقة خاصة جدة ، لو قدرت قنابل امريكتكم الذكية دي عرفت مكاني
والله اقيف في الشباك الدقش بدري واحنس ناس عربية التراب
يدوكم فرد نكشة لشارعكم الا نجيبكم من وادي ام ضريوه
ولا تسألوني عن ام ضريوه لاني لاعرفها من وين
جيبتها مع ان التاريخ الذي درسته لم يكلمونا عنها البته
اللهم عليك باساسي وربونسون وابو حسين
انهم يخططون للتضامن مع الامريكان
اعداؤك واعداءنا
اللهم عليك بهم انهم لا يعجزونك
اللهم اقطع المويه والكهرباء في ديرتهم
ووافسخهم بالحر الشديد
محل مايمد ريسينهم تفقعهم الحراره
امين يارب العالمين
اللهم سلط عليهم
عساكر الالزاميه وشبك خيمها
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: shiry)
|
ٍسلام مربع
سيدي الملا عمر
بالله انت من الناس الكانو بكوركوا للبطل
بي يوراااك يابتتتتل
؟؟
انا لست منهم ، لكني كنت مع البكايييين
طبعا مع كل مسلسل ولا فلم
اذا كان من نوع قوود صن ولا سيلينا
ههااااك ياجعير وبما اني لا املك تلك الخدود الندية
التي تحمر كلما جرت عليها
دموع الورد اللولي
مثلما قيل معاوية بن يزيد
في امطرت لؤلؤا
بس دائما بقولوا ناس بيتنا الله يعينا
ويدسون عني موعد الافلام لان المسلسلات لن يسطيعوا لاني اعرف مواعيدها بالفطره
سلمت ياسيدي للطله
طيب ياسيدي نعمل ليك جزء تاني منها
لكن المرة ح يكون برضو خسران العريس
لانو ماعارف لو دقتو العريس اقصد لو دقت العريس
ومعاهو اصحابوا
ح تكون الترضيه كيف
يمكن يجيب ليها طيارة اباتشي
ولا بلاك هوك
اصلي ثقافتي طيارات حربيه
ما بعرف في الطيارات المدنيه
| |
|
|
|
|
|
|
|
|
 Re: حكاية العروس التي ضربت عريسها في ساعات زواجهما الاولى (Re: shiry)
|
اللذيذة شيري
طبعا القصة دي اشتهرت وانا برضو قريتها
في الجريدة
بس انتي طبعا عملتي ليها توم وشمار
اها وصلتي لوين في شبكتك مع اساسي ورونسون؟
الرجال ديل عاجباهم القصة
بس النهاية ما عاجباهم اكيد
بس انا شمتانة شديد في الراجل ده
نظام عاوز يدبح ليها القطة
على قولة المصريين
وانت بعد الشر عليك من جنس ده انشاء الله
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: Hozy)
|
العزيزه اللذيذه شيرى (انا فرحانه ..اخيرا لقيت مكان حرف الذال فى الكيبورد)
تبرى من هذه النوعيه من الرجال الكرتون "و انتى مابدوكى للسكارا.. وما بدوكى للحيارا
قلت لى طارت فوق وفعلت فيهو فعايل جاكى شان.. والله عافية منها .. انت عارفه يا شيرى انا مفكرة جديا انه اودى بتى فصل للكاراتيه وهنا عندنا عادى حدا لانه فى نوعيات من الناس كده والله غير الكسر ما بنقع معاها شى.. حسى عليك الله الكلام الشين والحقارة البعملوها ضعاف النفوس والاخلاق فى بنات الناس دى سببها شنو قايله غير معرفتهم انهم فى مأمن من الشلوت
وده موضوع براهو
لكن والله اخراحك ولا ستيفن اسبلبيرح.. واصلى ونحن من خلفك....
| |
|
|
|
|
|
|
|
|
|
Re: حكاية العروس التي ضربت عريسها في ساعات زواجهما الاولى (Re: benyya)
|
ٍسلام مربع
هوزي : العسل
شفت حجم الشمار الفتيتو عليها ؟ موش برضو انفع شمشماراتيه ؟
والله ياستي هذين الشريرين ، رفعوا لي ضغطوا 420 درجة فوق معدل الانفجار .. ومع كده قالوا جارين عشان يحنسوا الاف بي ايي .. انها توديني تورا بورا .. بالله اشهدي _عشان لمن ناس عم بوش يجوا يقبضوني تسلكبي كويس وتشتي الرماد حتى يعتمي هؤلاء الخواجياتيه .. وبدل مايسوقوني يسوقوهم هم . وقدر مايحلفوا بالتكتلهم اساسي وربونسون انو ديل ما انا . الرماد اللي في عيون الامريكان ما يخليهم يشوفوا كويس ..وفجأة يلقوا نفسهم ممسكوين بتهمة مساعدة نظام صدام على صناعة اسلحة الشمار الكامل .
سلمت ياستي للاطراء
outcast
اوت كاست
عارفه انا زمان وانا صغيرونه .. نسيت الكلام دا كان متين من كترة السنين المرت ..كنت بلعب كل لعب الاولاد .. بسوق البسكليته .. وبلعب كوره .. واييييك .. وبرضوا ادربت كراتيه .. عشان كدا مسمني ام عصبات ..
فمن من دربك دا .. طوالي سوق بتك ودويها نادي عشان تتعلم كراتيه وفي العدم خليها تعلب كمال اجسام مع اني ماعارفه كمال اجسام شنو يعني . لكن اهو كلها العاب خشنه .. ضد التعنت الذكوري .. واضطهاده للجنس اللطيف .. لمجرد انهم عندهم عضلات ..
بنيه الفنجريه
شفتيها كيف كسرت العريس .. اتخيلتي كيف كانت الدقه ؟ ..
انا مما قريت القصه دي لحدي هسع بتخيل في منظر العريس الاهبل وهم يتعرض لهذا التأديب الذي ما ادبته له امه ..
وانا فعلا بخطط لشكله زي دي .. بس عايزه اكسر بيها ناس تانيييين . .
حرااااام اصلي (عريس) المستقبل . (حنين) وزي القشه .. شفت (ترقيد) الكلام دا .. ؟
دا كلو عشان ما تقوم تاخدو الحميه ويطبقها فينا .. ماتشوفي الفصاحه دي وطولة اللسان دي ، والله لو عمل لي كده اااااف اطير هنااااااك
سلمتن كلكن للطله
| |
|
|
|
|
|
|
| |
shiry
اساسي
قرشـــو
ABUHUSSEIN
almulaomar
Outcast
benyya
فيس بوك
تويتر
انستقرام
يوتيوب
بنتيريست