|
ود شاموق....سمير ابراهيم...شيلوا نص البورد...وادوا البحر ..نصو
|
قبل شويه..جاني اي ميل..من اخت عزيزه
فيهو الاتي
Quote: الود دكين ارسل لي قائلا انه تم سحب المسدس والشارة منه ..لذلك لا يستطيع ان يرد على الاستاذ سامر ابراهيم صاحب اليد الطولى وعموما قال ما بعتذر apba: حتى ولو باع الجهاز
apba: بس دى من دكين قال ليك أقيف مع أخوك فى زنقته دافئ والله مفتقداك ليه كده أخبارك مقطوعه أسمع انت المات منو دافئ عليك الله أظهر
|
وطبعا..ما دايره ليها درس عصر فغالب الظن الذي بعضه اثم..كلام سمير ابراهيم القالوا في البوست بتاع الشكله..حصل
Quote: يا احمد ساطور يا عزيزي..
انا ما عندي اي سلطه في البورد....لكن صدقني....تاني ما حا يقدر يخش البورد...لانو الاشكال دي برضو ممكن ننزل لمستواها وله ما كده....ود شاموق كاتب رائع واخ عزيز ...وشاعر حساس....ودكين للاسف ....صعلوق |
اولا..وقبل كل شئ انا اعرف هذا الدكين..معرفه شخصيه...اعرفه..معرفة..خوه ..واقتسام نبقه ...معافره في صحن بوش...ومشاركة لحاف متسخ..في الداخليه اعرفه يا ساده..يا شعراء..ويا صحفيين..ويا نبلاء القوم وعليتهم معرفة..اخوان ..واوكات حاره..وقهر..سلطه.. اخو اخوان يا سودانيين يا كرماء....بيتهم في الكلاكله فاتح للغاشي والماشي...تدخل..تاكل وتشرب..وتطلع مافي زول يسالك انت منو...ولا صاحبب منو..ولا جيت مع منو وطني...وطنية سودانيين غبش...يدخل المعتقل ويمرق.. .مافي زول يعرف دمو يتكب...يمسحوا بي قميصو..ويغسلو في اقرب مزيره وبحس يحب..ويكتب خواطر. ..يعشق..ويحكي عن عن حبيبتو...ليك علي سطح الداخليه...ويشحدك باقي السيجاره ساخر...سخرية تريح القلب..يضحك..ولازم تضحك معاه لا تراه الا مبتسما..يحتقر الدنيا..وبيع الضمائر واضح..وضوح..انا شخصيا..لا طاقة لي باحتماله...وطباااااااز...يطبزك في عينك البتوجعك وعكسكم ..وعكسي..يا ساده يا شعراء..ويا مثقفين..له طاقه هائله في احتمال اوزاري واوزاركم... قادر يحتمل كل سخافات العالم..وسخافاتكم... وقلبو..مفتوح..لكل المدي..والحراب... الزمن الردئ القهر تخاذل الحبيبات وانعدام الضمير
هنيئا لك..يا ود شاموق...بورد صحي معافي خالي من الكولسترول اكتب عن احلامك انطباعاتك...واشجانك...ولك منا ومن كل الرائعين..القبلات والازهار هنيئا لك..سامر ابراهيم..وجها اخر..للحقيقه
ومرحي لكم...بالبورد..ورواده الرائعون طبيبات..حلوات وشعراء كبار.. ورجال دين ومعارضين اشاوس ومعارضين في شكل منقه وبنات هتراشات
دكين يا اخوي انا اخوك بقيف معاك في زنقتك..لكن اكان سمعت كلامي تف يا دنيا تف
وبس..
|
|
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: BousH)
|
اخواني دافي وبوش
تحياتي..
صدقوني لا يد لي في هذا البورد...وكما رأيتم وانا اسأل اسئله بسيطه...كم من الاعضاء والاخوان دخلوا معي في مناكفات واساءه...ان سحبت صلاحيات الكتابه من دكين....فهذا يرجع الي الاداره...او صاحب الشأن .....لوكن الاخ دكين مع بعض الاخوه...يشوهون صوره البورد واسلوب النقاش...بقض النظر عن الواننا السياسيه...ما مفروض نتنابذ بالالغاب....وما مفروض ان نجرح بعضنا البعض...سوف يعود دكين..وسوف يعود للكتابه...لكن الا تعتقدون ان كل من يخرج علي حدود اللياقه...والطباع والاحترام مفروض ان يحرم من الكتابه في البورد...؟؟؟؟؟
اقولها ...ما تعلمته من هذا البورد وبعض الاخوان كثير...من معلومات وعلوم واخبار....في النفس الوقت ما سمعته من كلام فارق كثير ايضا......اذا لماذا السب ...والالغاب؟؟؟؟؟
عموما انتم حكمتم علي دكين من خلال علاقتكم الشخصيه به...وهذه خصله في كل سوداني...الكرم والضيافه والبشاشه .....ولكن الاساءه والتجريح وان يؤدي نقاشنا في هذا البورد الي حدالتجريح....هذا غير مقبول....لكم تحياتي...ولدكين تحياتي ايضا....
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: SAMIR IBRAHIM)
|
يا سمير
المهم في الموضوع دكين منو الوقفوا إنت و لا واحد تانيي ؟؟؟؟
و إنت يا سمير هددت دكين و هددت ناس تانين يعني زي ما تكون
ليك يد في كل شئ .
و بصراحة يا سمير أغلب الناس أصبحوا متضايقين منك و أهي بقولها ليك
في وشك لأنو أسلوب التهديد هو السائد في كل كلامك .
و يا شيخ سمير كيف الزول دا إتوقف بـدون ما إديهوا أي فرصة علشان
ما إقول رأيه في كل الإتهامات اللي إتوجهت ليه.
( تتحدثون عن الديمقراطية و حقوق الإنسان و إنتو أبعد ناس عن الحاجات دي)
الكلام اللي بين قوسين دا ما مقصود بيه إنت بس يا سمير دا لي كل الناس
اللي بتبجحوا بي خطبهم الطويلة عن الديمقراطية و حقوق الإنسان لكن إنت برضوا
معاهم .
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: ABUHUSSEIN)
|
يا اخ حسين...
اسلوب الراجل اسلوب...ما صاح...وفي شباب كثير هنا يستاهلوا البف باف...وحتي خساره انو الناس تقرا ليهم.....
المهم يا بو حسين...عادي انو بعض الناس تتضايق مني...لاني اقول الحقيقه...واكتب عن الحقيقه....ولا اكتب او اصدق الا ما يدمغ بالمستندات...
اما عن الاخ دكين...مع احترامي لرايكم...اسلوب كتابتو...اسلوب سافل...ولا يليق بي بورد كهذا البورد...اما من اوقفه فيمكن الرجوع للاداره...فان لم توقفه......احتمال ...جهازو في اجازه سنويه.....وفي تلك الفتره اتمني من الاخ دكين يتعلم كيف يناقش المثقفين وصفوة الكتاب امثال ود شاموق....
مع تحياتي
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: SAMIR IBRAHIM)
|
يا سيدنا ..سمير ابراهيم
بالدغري كده..وبدون لف ..ولا دوران
وعشان ما تقول انو في راسنا في قمبور..ولا طرطور واضح..انو انت..ولا غيرك..تصرف بدون معرفة الاداره..وحجب مشاركة الاخ دكين وافتراض عدم معرفة الاداره..جاي من انها حتي الان..ما وضحت ليه الزول ده موقوف عن المشاركه طبعا..حسب ظني..الدخول الي قاعدة بيانات المبورد ده..ما صعب..وحصل قبل كده..واحد دخل وسرق اي ميلاتنا.وقعد يوزع في الفيروسات للغاشي..والماشي وانا بتهمك..انت ..جهارا نهارا لانك هددت جهارا..نهارا..
انا الموضوع ده حا اسكو...لحدي ما اعرف اخرو
حاشيه*****
غض النظر..تكتب بالغين الالقاب..تكتب بالقاف كلام فارغ..تكتب بالغين ايضا
اعد
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Deng)
|
Quote: Dafi.
لقد كان من الأجدر لك بأن تقول الحق وتتدخل في المناقشات التي كانت تدور, وأن تنصح صديقك دكيين بأن يكف عن كتاباته الغير أخلاقية والتي تخرق لوائح البورد. ولكن أنت لزمت الصمت وحدث ما حدث. أرجو من إدارة البورد بأن لا تسمح بعودة هولا المشاغبين مرة أخرى.
Deng. |
Deng
منو القال ليك كان من الاجدر..كده!!!!!؟؟؟؟
والاجدر ده زاتو حق منو!!!؟ والبيحددوا منو!!!؟ وعامل كيف!!!؟؟؟
الاجدر..انو مافي اجدر والاجدر انو..زي ما انت شايف..دكين مشاغب..وتافه..في زول تاني شايفك..متمرد..جبان..وحثاله وشايفني انا عميل ومرتزق وسمير ابراهيم كوز حيوان والموصلي فنان وهمي وتماضر فنانه مصقوعه وبكري سيد الحوش نفسو...ما عندو موضوع
من حقك..ومن حق اي انسان انك تسال ..من اين اتي هؤلاء..لكن..هل من حقك انك تحدد اين يذهب هؤلاء!!!!؟
واسالك سؤال بسيط اذا انت ما قدرت انك تصلح..الناس الشايفهم حثاله وزباله ينبغي كنسها في ..بورد...مجرد بورد سايبيري..حتضمن لي كيف انو صدرك يتسع لي تفاهاتهم..وكلامهم الشين..وانت قائد كبير ولا زعيم..ولا انشاء الله..رئيس عمال في مصنع صغير..في السودان الجديد..الخير الديمقراطي!!!؟؟؟؟
انا ما حا اقول ليك انو الاجدر انك تعمل كده..ولا تسوي كده لك اجدرك الخاص..ولي اجدرياتي
بس..لو كنت مسيحي تذكر اذا صفعك احدهم علي خدك الايسر..فادر له الاخر ولو كنت مسلم تذكر واذا خاطبهم الجاهلون قالوا سلاما ولو كنت انسان ..عادي تذكر انو...الارض تسعنا جميعا
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: SAMIR IBRAHIM)
|
مولانا..سمير ابراهيم واضح انك ما فهمت كلامي ولا حا تفهموا اقعد اشتم..وسب..وطلع سخطك الجواك كلو...ما حا ارد عليك لاني ببساطه..ما فاضي ليك..ولا عندي طولة بال..اشرح ليك..وافهمك..عشان تاااااني ارجع واشرح ليك
دينق زول فاهم ما اختلفنا والكلام العايز فهم ده..كان موجه ليهو..وهو قادر علي ادارة حوار مثمر ومفيد حسب اعتقادي انت ..اطلع منها لانها صعبه عليك
ويمكنك الاستعانه بصديق..عشان تكون في الصوره بس..دكتور نصر الدين..شايفو مناسب علي الاقل الاملاء بتاعتو كويسه
اذكرك تاني..عشان ما تنفش ريشك..وتحمر عيونك في الفاضي
ما حا ارد عليك
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Dafi)
|
صلوا على رسول الله وهاكم حفنة شمارات ---------------------- المفترض أن الجنس الناعم لا دخل له بهذه المهاترات المسيخة الكتيرة وبارك الله في الاخ دافي حيث بين تماماً معدن الاخ دكين النضيف انا بالذات المفروض أن لا احشر نفسي هنا،،، واعتقد واضح السبب،، لكن للذين في قلوبهم مرض،،، أعيد كتابة هذا السبب،، وهو أن السيد دكين مرة من المرات كرهني في واحد من البوستات،، وطلعوا لي من نفسي،، وقربت اقوم اسب ليه كان لديحاً لم يكن سفيهاً ولم اشعر بأي ضيق نحوه بل بعض الاستفزاز،، لاني كنت احس انه عايز يغيظني وخلاص لم اكره ذلك ولم احس والله شهيدي على ذلك إلا بأنه كأحد اخواني الذي متعته الوحيدة في الدنيا انه يكاوي الناس وحسيته فاهم الحياة صح،،، وبعض الأحيان كنت احس بضآلة فكري امامه،،، رغم اني اكبر منه بسنوات عديدة وحيوات طويلة
لم اعرف دكين شخصياً،،، للأسف،،، لكني اجزم لكم ايها المثقفون أن معدنه نضيف،،، وقلبه كالحليب،،، لسانه سليط واحياناً لئيم،،، نعم،،، لكنه ذو وجه ثابت لا يتغير،،، لا يرتدي ملابسه الرسمية للدخول في منبر المثقفين لأنه ببساطة لا يعرف أن يكون إلا هو
ولو فرضنا انه كان شماسي يتطلع للرقي لمستوى النقاشات المستحمية بتاعتكم،، فاسلوب الجزر والطرد الذي يمارسوه متعلمينا اسلوب عقيم،،، لا يغني ولا يشبع من جوع،،، لانه لا يحل أي مشكل،،، سوى أنه يزيد في التمادي في دفن الرؤوس في الرمال
دكين غلط وانا زعلت منه جداً في استخدامه لبعض الألفاظ،،، وارسلت له بذلك،،، لاني استأت جداً،،، وتحدثت معه بالحسنى،،، ولم اجد منه إلا كلام كريم من رجل كريم
خليكم كده،،، البغلط شيلوا سيوفكم وضبحوا فيه الليل والنهار وانسوا تلك الشعارات الجميلة التي نتبادلها دائماً مع بعض،،، احنا اخوان،، يا لها من شعارات كاذبة فلو يوماً ما اخوك قال لفظ شوارعي في بيتكم المثقف،،، افتح باب البيت واطرده،،، لانه ببساطة لا يرقى للمستوى الجبلي الذي فيه ترفلون
لم يكن من المفترض أن ادخل هنا وانا بنت لأقول هذا الكلام،،، فمثقفينا النضاف،،، النضاف جداً،،،في نفس الوقت شماشرين شديد وبكره المسنجرات تتطاقش شفتوا ال(قاهر) دخلت دافعت عن إحدى رجال الغابة،،، باعتبار أن دكين يعني يشبه تلك الكائنات المنفوشة الشعر وشايل عصاية غليدة في يده،، وجاري ليه واحدة من شعرها في واطات الله،،، وباليد التانية بطقع بالحجارة،، وخشمه ملطخ بي دم غنماية
ايها القوم النضيفون جداً انا لا اهتم إلا بقول ما يمليه عليا ضميري،،، دايرين تفسروه بكلام تاني أهلاً وسهلاً،،، دايرين تفهموا مغزاهوا اهلاً وسهلاً،،، ما دايرين تقروه عنكم انا الحقيقة غرت من دافي،،، كونه رجل يستطيع أن يمارس مهنة المحاماة براحته،،، لكن انا ارجل مني مافي،،، هكذا علمني ابي الفرق بين وبين اخوي
سأسافر بعد بضع ساعات قلائل،،،وأعلم اني سأندم كثيراً لو لم اقل كلمة حق في شخص وددته لله فالله ولقراءات كثيرة وشتايم وخلع جلد وتغيير مبادئ كثيرة مرت عليا كجمر ومرت عليكم كبرد وسلام أن ترتدي نفاقاتك تصبح بطلاً،،، وان تكون انت بلا رتوش،،، يطلع ميتينك
وكلمة اخيرة وددت اقولها للسيد دكين ود شاموق رجل رائع،،، وشاعر حساس،، وغرانيكا التي كتب لا يكتبها إلا رجل في عروقه تجري دماء عريقة،،، وميادة فتاة أو امرأة قوية وصريحة،،، تقول للأعور اعور في عينه،،،متماسكة وتعمل بحديث انصر اخاك ظالماً ومظلوماً،،، مش اطرده وتخلص من وجع الراس
وتماضر قمة لا تشيخ ولا تمتد لها يد الزمان وهزارك معاها ذي وشك ده هزار تقابل بيه الله
ثم لا يعني ان تختلف مع احدهم في الرأي أن تسيئه،،، انت اخوي الصغير،،،واسمع النصيحة وليس عيباً ان تظهر للناس بجلدك الحقيقي،،، حاول بس أن تصلح من هيئتك المبشتنة قليلاً،،، احنا ذنبنا شنو تصاقرنا بيها؟؟؟ انت بذرك طيب اقسم برقبة جدي على ذلك واعلم انه مات من ربع قرن ونيف
دام فضلكم وشماركم يا حلوين تمنوا لي السعادة والهجيج،،، اني مسافرة لعرس بت خالتي
سلامكم
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Dafi)
|
الاخ/ دافي لك التحايا على ايضاح هذا الجانب لصاحبك ولكن كل هذا الوصف من كرم وشهامة الي الي اخرة هل يعطية حق الخروج عن ادب الحديث والنقاش في منتدى يعج بمستويات مختلفة من البشر رجال ونساء ؟ دافئ ان الدافع الذى جعلك تكتب وتدافع عن المذكور هى حق الصداقة التى بينكم هذا شي جميل ببن الاخوان والاصدقاء ولكن الاجمل لحق هذة الصداقة ان تنصحة وترشدة ان اخطاء وان يعتزر فهذة هي الشهامة والكرم ياعزيزي دافئ بين الاخوان والاصدقاء ....وفعلا كما قلت تف يا دنيا تف ولك الود
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Dafi)
|
صراع العقول وصراع العجول
لقد نسينا ما نحن فيه من نعمة التواصل والتعامل والكتابة في غمرة زندقة البعض منا ممن اخذتهم العزة بالاثم فانتحوا جانبا من المهاترات السوقية من سقط القول وسؤء الادب مما يقشعر له البدن السوي وان كنت اؤمن بحرية القول والكتابة والتعبير لكنني لا اؤمن بالفوضي والتعدي علي الاخر لمجرد اختلاف في الراي ليس الا
علي انني اسفت ان بعض الاخوة ممن يعيشون في العصر الحجري وبذهنية متعبة واهمة متخفية وراء ستار حديدي حيث لا يمكن التعرف علي الشاتم ولا اللاعن فقد اختار هؤلاء اسماء وهمية ليس لها معني للدرجة التي اوهمتهم هم انفسهم قذف ابناء الناس ونعتهم باتفه السباب لانهم وراء حصن حصين ولا يمكن ان يصلهم احد ناسين ان ما يقومون به من فعل مشين غير مقبول وقد يدخلهم تحت طائلة القانون لانه ببساطة فعل كريه لا تقره لا الاديان السماوية والا الاعراف ولا القوانين الوضعية هذا اذا تجرا الدكين والدافي وغيرهم وافصحوا عمن يكونوا واين هم ولماذا كل هذا السخف فيما غير طائل ولا هدف ولا فائدة ترتجي سوي سن تعاملات من مخلفات الحواري والكناتين وايام الفتونة والفتوات واللا قانون وهي مساوئ لا محل لها من الاعراب في عصرنا هذا الذي يفترض ان البشرية وصلت فيه الي مستويات انسانية غاية في الرقي وفن التعامل حتي مع الحيوان ناهيك عن بني الانسان خاصة اننا نتحمس للاهانة والسباب والمشاكل في الوقت الذي ليس لدي المعتدين منا اي معلومات عن هذا المجهول المهان فيما غير ذنب سوي محاولة الظهور والعنترة والذي ليس هذا محلها باي حال من الاحوال وللاسف الشديد ان هؤلاء البشر يصرون اصرارا علي صراع العجول وليس العقول علي النحو المقزز الذي جري وراء شاشات الكمبيوتر ومن مقاهي النت المنتشرة في كل الازقة والحواري فيما غير رقيب ولا ضوابط ولا ضمير حي يحاسب صاحبه قبل الاخرين
يا سادة ان هذا البورد منبر للمحبة والتعارف والمعرفة والتعلم وليس حانة في حارة في القرن التاسع عشر لياتي كل من هب ودب ويقذف بقاذوراته هنا غير عابيء بوقع كل ذلك علي الناس ممن ياتون لاغراض انسانية ونبيلة ليس فيها البغضاء والكراهية والجنون
يا سادة ان بكري ابو بكر فرد منا بذل كل هذا الجهد ليلملم شملنا التائه في اركان الدنا الاربع واتحدي اي واحد منكم واخص بالذكر هؤلاء الفلاسفة ان لو كانوايدركون تكاليف اقامة هذا الصرح وهي لائحة لها اول بلا اخر وكيف يتدبر امره في صمت ليخرج لنا هذا النادي الصرح في ابهي حله واروع صورة وكم يتكبد من قوته وابنائه ليستمر هذا المنتدي منبرا لنا في الداخل والخارج لنبرطع فيه كما يحلو لنا غير عابئين ولا مقدرين لهذا المجهود الانساني الكبير الذي يبذله هذا الانسان من عرقه وماله ووقته لنسعد نحن وفينا من الجاحدين الكثر الذين ياتوا لا لاصلاح ذات البين وانما لزيادة الطين بلة وصب الزيت علي النار وبلا هوادة فيما غير خوف من رب ولا حساب لقانون
يا سادة بدلا من هذا الضياع والذي يزيدنا تشرذما وتيها كان الاحري ان نمعن التفكير في مستقبل هذا المنبر وكيف نضمن مواكبته واستمراريته ونسهم فيه بما استطعناوبكل تجرد وبلا منة ردا لمعروف واقامة لواجب كان حري بنا عمله بدلا من هذا الجدل البيزنطي في اللاشئ والذي لا يسمن ولا يغني من جوع ولا يفيد احدا
انها دعوة للترفع عن السفاسف والصغائر وعمل المفيد بدلا من هذه العنتريات الرعناء وقد فاتت حدهاولم تك يومامن الايام هدفا نبيلا
يا سادة يا كرام
في الصفحة الرئيسية هناك زاوية للتبرع هلا طرقناها دعما لمنبرنا هذا بدلا من هذا العبث قبل فوات الاوان وحتي تسمو فوق الصغائر ولو لمرة واحدة في مسيرتنا هذه والتي نرجو ان يحسن الله الخاتمة ولنري عنترياتكم ورجولتكم ونخوتكم وماذا انتم فاعلون
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Dr. NassurEldeen)
|
يا دكتور الكلام ده..كتير بالحيل علي اخوك..غير عجول..وعقول الفي الاول دي..ما فهم حاجه شويه شويه..علي عقول العجول..يا دكتور
وبالراحه كده ادينا حاجه محدده..وناقشني فيها ما تشوت ضفاري..وفي كل الاتجاهات
عموما..كلامك كان في غالبه الاعم بيخاطب ساده كرام يا ساده يا كرام يا ساده يا كرام
الساده الكرام..الكلام محول ليكم
بالنسبه لي نقطتي المحدده من اوقف دكين!!!!؟ وباي حق!!!؟ عندك اجابه للسؤال ده...افتينا عندك مداخله...وضح لينا لكن تاني بقول ليك
بالراحه بالراحه شويه شويه نقطه نقطه..يا دكتور والزعل ممنوع طبعا..عارف زعل الدكاتره ما كويس
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: wadazza)
|
Re: يا أخوانى البنات البورد ده ما حقى !!!!!!!! (Re: wadazza)
ياوليداتي من غير فلسفه وكلام كبار كبار دكين غلطان علي ود شاموق ووصفه له بالدلوكه غير جميل ابدا وكان عليه ان يعتذر له امام الجميع وجل من لا يخطئ الاستاذ سامراوسمير ماعنده حق يتدخل ويهدد ويتوعد ويبلش حركات المديده حرقتني . بت قضيم دافي وغيرهم من وقفوا يدافعون عن دكين طبعا حقهم ومكفول لهم لكين كذلك من حق ود شاموق ان يغضب ان لم تعجبه طريقه دكين معه كما يحق له ان يطالب باعتذار دكين او رفع شكواه للجهات المختصه في اداره البورد .
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: DKEEN)
|
ابدا ليكم من وين بس ؟؟؟ المهم الى الاخوة الذين لا يعلمون او يظنون ان المشكلة كانت في جهازي او في الكهرباء انا نفسي للان لا اعرف المشكلة وين لكن انا كان غالبني اخش الفايل بتاعي ما لجهالة في استخدام الكي بورد ولا شيمن هذا القبيل لكن لانو كان هناك من يحجب عني القدرة على الحديث
اعود اليكم بس اظبط الكلام
دافي انتا الزول الاتكلمتا عنو في بداية البورد دا منو؟؟؟
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: DKEEN)
|
دينق لانك ما زعلتا لي شاموق كما البقية ابدا بالرد عليك.... ولانك فعلا خشيت لي موضوع والبقية خشو تطبيل (طبول ، طبال ،مفردها طبلة) لذلك اتفضل بالرد عليك..بعد ما استرجعت شارتي من رئيس الدرك الشيخ سموري .. (والود للامانة لا يخلف وعده قال ما حترد ما رديت قال حترد رديت) زعلتك كانت في استخدامي لوصف الذين يعيشون في السعودية ويقلو ادبم علي اهلها..بانهم يتحلو باخلاق العبيد.. زعلتك عبيد دي.. تعرف مشكلتك كجنوبي مثقف نفس مشكلة غيرك غير المثقف.. في حاجتين(غايتو دي الانا بعرفا) الاولي: راسكم الذي لا يابي إلا الدوران حول عبارات بعينها . ولو عطس واحد ممن تسميهم اولاد العرب- حتى ولو كان دنقلاوي - بجوارك ثم نظر اليك دون ان يبدي اسفا لائقا لقلت في نفسك بن الكلب عشان انا ضمن الزمرة السوداء..وربما ما قلتها في نفسك وقلتها ليهو في وشو .. ولو عثرت ناقة في العراق راكبها جنوبي ..حتقول اكيد الحجر العتر ليها ختاهو ود عرب..
المشكلة التانية المريسة
دنيق يا خوي انتا بس شيل من راسك حكاية انك رقيق دي وحترتاح انتا لو ما شلتها .. أ بشرك.. غيرك ما حيشيلا .. شيلا عشان تقدر تعيش بدون ما ترفع ضغطك في السودان الجديد .. صدقني حتظل العبارة دي مصدر قلق ملازم لي كل فعل غريب يصدر عن غير الجنوبيين لي مدة طويلة ..طويلة جدا.. كلمة دلوكة ما زعلتك واحتمال تكون ما عارف دلوكة يعني شنو....
وبيني وبينك ، وبينك وبين نفسك... تتمنى انوناس ود شاموق ومن على شاكلته يكونوا كلهم دلاليك (باعتبار ك فاهم انو الدلوكة دي شي منحط..وباعتبارك قايل انو ود شاموق من الزمرة العربية) .. ابشرك مرة تانية زولك دا ما عربي زي ما قلتا قبييييييييييل.ديل بس لونم اقل سوادا واخلاقم بتعرفا انتا براك .. والعرب زولك قاعد في نصهم وبيداهن وبينافق فيهم وبعد ده مستحملنو.. وفي واحدة من الاخوا ت الكريمات تكرمت مشكورة وجابت رسالة من احدي كريمات العرب بتصف فيها السودانيين بتلقاهو في بوست ميادة (كيف تعرف انك منافق) ما عارف ده عنوان البوست ولا انا نسيتو.. في الرسالة المذكورة بتلقى اخلاق العرب العرفناها على حد علمنا الضعيف.. ختاما اخي دينق لو ما قدرتا تتخلص من الفكرة القلتها ليك حاول جادي تتخلص من نفسك لحدي هنا يا دينق وممكن تمشي بوست تاني الباقي الجاي دا ما حيهمك..
وياخوانا ربنا لو اداني معاكم طولة العمر حيتضح ليكم الحاصل وياسمير بلاي لو بتعز النبي غور لي من خلقتي انتا صدقتا كلام دافي بتاع انو انا صدري يتسع لكل شي
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: DKEEN)
|
ود شاموق معقولة بس تفرد لي بوست كامل بقصد التبشيع ..بوست كبيييير ..جزء مقدرمن الباندوث بتاع سودان هوستن ..... وتجي تقول لي : بارك الله فيك. ياخوي بارك الله فيك انتا الفضحتا دكين وعريتو قدام الناس ..ما خليت ليهو جنبة ... اودي وشي تاني وين انا من الناس؟؟...
ثم ايها الشاعر نرجو رجا من يخشى التبشيع.. لو في شي ما عجبك في بوستاتي او ردودي طوالي خش قول انا كلامك دا ما عاجبني...
والله يا انتا ..انا ان اعجبني حديث احدكم ولزم التعليق .. صارحته وان لم يعجبني ولزم التعليق برضو صارحته ... .يعني ما في داعي تختها وتكوما لي... وتجي تمرقا ان رايت ما يسؤك مني... دي ما بنحراها في الرجال .. وانتا راجل.. راجل شاعر اديب وقاص ومرهف ..
تفتش لي قديمي ليه ياخي؟؟؟ .. انا فتشتا ليك قديمك؟؟؟ ليه كده ياخي؟؟بشتنتني ياخي ....
عموما الشباب كلهم زعلو لي زعلتك .. وكالبطة السوداء شالو وكالو لي قدر ما يسمح به ادب البورد الذي تجاوزتة انا معتذرا شكورا ..
دوما البورد يعج باوصاف كثيرة اخجلت بعض البنوت هنا .... وقصص اخجلت العوائل .. يسئ غيري الى امة كاملة وشعب كريم ويكيلون لها ؟..دون رقيب ولا يحاسبون واتيكم انا بدلوكة كوصف فيهجوني شاعركم وتغضبون لغضبه ويعدمني شخص لم اكن اعرفه حتى وقت قريب.. ويصلبني عاريا مكمم الفم امام الملا ويرضى لي ذلك..
يمر الواحد منكم فيسال ما باله ُصلب؟؟
- فيجاب : اوما علمت تطاول الصعلوق على الشاعر المرهف ..
- فيسال مرة اخرى :فما باله مكمم الفم ؟؟
- فيجاب حتى لا يتلفظ بما يستاء منه الشاعر المرهف وحرائر البورد والشعور العام ..وحتى لا ياكل في اعراض الغير .. اولا ترى فمة وقد تطلخ بدماء الحرائر..محض سفاح هذا الدكين..
- فيرميني ذاك بشتيمة ويبزغ تحت قدمه ويمضي...
من اجل عبارة دلوكة وبعض العبارات التي اعتبرتوها قذرة..
غيض من فيض ما يعج به البورد يا استاذة دوما (وانتي قال البعض عنك انك حقانية).. اعلم ان هذا لا يبيح لي ان اسي الى الغير(باعتبار ان دلوكة اساءة) ولكن لا يبيح ايضا ان يتركني ذلك التارك للغير لينهش من يشاء فيني.. هل اسمع ليك العبارات التي جرحت احاسيس الحرائر على قول احدهم ..ولا اقرا ليك القصص التي اقلقت العوائل ؟؟ بس تقولي شنو يادومة يا ختي .. الكتبوها يا ما مشاهير او ان السنتهم حادة اوانهم كبار سن ومحبوبون او فنانون ذائعو الصيت اوفنانات مخضرمات... او... او.. وانا دكين ..صعلوق .. ووغد منقطع النظير .. وياتي الرجرجة والمطبلاتية فيلغ احدهم في تربية اهل بيتي ويتناوبون شتمي .. وتظلين في صمتك دهرا ثم تاتين اليوم وتقولي لي ان اعتذر من اجل عبارة دلوكة.. اظهرتي من اجل هذا ؟؟؟ أدلوكة تحسبينني يا دوما؟؟
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: DKEEN)
|
بالنسبة لما اسماه الشاعرالمرهف بالهظار البايخ الموجه للاخت تماضر والله يا خوي ما عايز اقول ليك دخلك شنو انتا بي تماضر لامن تحدد بالنيابة عنها الهظار بايخ ولا غير بايخ ، فارض نفسك وصي علي ما تستقبله تماضر من هظار ليه؟ اعتقد فيما اعتقد انو دا تحشر ..تحشر غريب الملامح .. خلاااص يعني مقطع الحساسية انتا يعني؟ عموما وقبل ما تجي تماضر تقول رايها في الموضوع دا وتخذلني ..وانا رجل قد تعودت الخذلان من زمن بعيد ..قبل ما تجي وتقول لي صحي هزارك بايخ . انا اقدم اعتذار يتيم لي تماضر ان انزعجت من ذلك الهظار والذي لم اقصد به ما يسوءها … ويا اخ يا شاعر ما كنتا قايلك بالاضافة الى شغلة الرهافة دي شغال هزاروميتر
وبتقيس درجات الهذار البايخ من غيرو …
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: SAMIR IBRAHIM)
|
Dafi أنا سمير ابراهيم ما بعرفه ودكين ما بعرفه شكلهم الاتنين شكالين ود شاموق أشكل سوداني زيادة على انه مندفع لكن أنا شايفه شكله ده كله رماد بس فوق المعدن الاصيل جواه ود حلال مافي اتنين تلاتة بس الطبع غلاب وعلى فكرة أنا ما عارفة دلوكة يعني شنو بس واضح انها اهانة وشتيمة وخليني منهم التلاتة أنا جاية أحنسك عليك الله ولو بتحب الحبيب المصطفى بلاش الشكلة تستمر ووجه السؤال مباشرة لبكري والادارة ليه عطلت مشاركات دكين؟ ولازم الادارة تبادر بالرد من غير ما الحالة تصل الى تدخل الاجاويد يلا يا جماعة حلوها بصورة مختصرة وعملية وبالمناسبة ازيك ومشتاقين كتير
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: ABUHUSSEIN)
|
ياخي انت اسال دكين.....كان ما قال ليك الكهرباء كانت قاطعه في الكلاكله......ده يبقي موضوع تاني.....
يا بو حسين قد ننفعل....لكن في النهايه كلنا اخوه همنا الوطن..ويا دكين ياخي رسلهم حتي لو رساله واحده وريحنا.....الله يقطع سنين سمير....الناس ديل عينم في الفيل ويطعنوا في ظلوا....
ده كلو عشان انا قلت معجب بحكومه الانقاذ ...كان عضو وقع كسر كراعوا يقولوا ليك سمير عتر ليهو....
.
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Dafi)
|
في اللاذقية ضجةُ ....... ما بين أحمد و المسيح هذا بناقوس يدق ............ و ذا بمئذنة يصيح كل يمجد دينه ........ قل لي بربك ما الصحيح
الكل يتكلم عن الديمراطية و حرية التعبير .. هذه مفارقة على اية حال. إن كنا نتكلم عن الديمقراطية النظرية .. فلا اظن أن بيننا أحد يجهل ادبياتها .. أما الديمقراطية التطبيقية فيبدو لي أن البعض منا يحتاج لبعض القراءات في الصحف و الدوريات الصادرة عن الدول التي تعتمد اليمقراطية نظاماً .. و لينظر الى الالفاظ الفظة التي توجه يومياً الى توني بلير و جورج بوش . و كل رموز منارات الديمقراطية التطبيقية المعاصرة
دلوكة .. عجول .. بقر .. حمير .. قرود .. كل هذه المفردات لا تهز شعرة في مفرق المؤمنين حقاً بالديمقراطية .. و اللذين يحترمون ابجدياتها
و ما دام الباب مفتوحاً للافتاء .. فاني افتي بصلاحية مشاركات الاخ العزيز جداً الى نفسي .. الاخ دكين. دكين مواطن مثلي و مثل غيري من المواطنين .. يعبر عن رايه باي مفردة يراها مناسبة . و من لا يعجبه اسلوبه فليجهله .. و لا داعي للتطاول المدفوع بعقد النقص .. الاخ دكين يمارس الديمقراطية في صورتها المثلى. نعم في صورتها المثلى
اعجب للذين يصرخون: بكري بكري بكري!!!!!!! اتظنون أن مناشدة بكري بالتدخل مؤشر لرقيكم و تفهمكم لأسس الديمقراطية و حرية التعبير؟ كلا و الف كلا .. هذه عين الدكتاتورية
مرحباً بدكين و العود أحمد يا دكين .. و بلاش فلسفة فارعة
معاك يا دكين .. و الى الامام
اخوك شنتير
| |
|
|
|
|
|
|
Re: ود شاموق....سمير ابراهيم...شيلوا نص البورد...وادوا البحر ..نصو (Re: Shinteer)
|
أخيراً لاحول ولا قوه الا بالله وحدوه وباركوا لى الظاهر الكهرباء فى السعوديه برضو بقت تقطع بالله ما بلقى لى حبه إمدادات من نيويورك ولا فرانكفورت يا جماعه شنو الحكايه يعنى الزول مايلقى ليه فرصه معاكم أوعى نكون نحن برضو من الناس الادوهن البحر برضو كويس عشان يوفروا علينا حق سودانير انتوا ياجماعه الزول يمشى المريخ ويجئ يلقاكم فى حركاتكم دى أنتهوا بالله كلها إسبوعين وبت قضيم تجئ دايرين المُصلحه لمن تجئ تلاقى كل شئ تمام دكين أول ما تخت رجل قول بسم الله وخلى الفارغه خلاص صفحه جديده بالله وإعتذر عن ما بدر منك تجاه الراقى ود شاموق ياخ كان بيناتكم حساب صفوه بعيدعموماً هو قال ليك أختانى أختاه وأكتب عن كل حاجه جميله قاله عنك دافئ الإنسان صفحه جديده يا دكين عشان خاتر كل كلمه إتقالت فى حقك وعشان كلام بكرى وعشان قهاره بت قضيم الشجاعه أخت الرجال وعشان خاتر رمانه الجميله الظهرت أنت أهلك شيوخ رمانه أخيراً كتبت وعشان خاتر تماضر الإنسانه دكين الرفديه المؤقته الجاتك من مجهول معروف ومفضوح وأنا زاتى بكرهومعاك إعتبره قرصه ودن المره الجايه بتجيك من سيد الحوش ونحن معجبين بكتاباتك الساخرهمادايرين نفقدك تانى نحن إتلاقينا هنا بعد تعب مادايرين نفقد دايرين البطلع من حوشنا دا يمشى إجازه ويجينا راجع يجينا مُتلهف ومتشوق لآهله مش يمشى غضبان دكين عشان أصلك الطيب رجاء خاص أقعدوا فى واطات البورد دى وإتراضوا مادايره أقول ليك على الطلاق تقوم تكسفنى وأضطره أبيع أرضى الفى الكدرو هى بسم الله كدرو شنو دكين رجاء خاص تقفل على الموضوع دا وصفحه جديده بالله
| |
|
|
|
|
|
|
|