|
شعر معاويه السقا ..........انا يا سمره
|
بسم الله الرحمن الرحيم
لقد سبق احبتي ان ارسلت لكم بعضا من شعر الشاب معاويه السقا بعنوان
انا يا سمره
انا جد حسيتك وما لاقيتك
الاّملامحك فيني حضور
رسمتك صوره في عمق الخاطر
وزامل طيفك لي بدور
يا العلمتي القمره تضوي
ومنك تعرف معنى انور
يا عصفوره اريته تلالي تضوي الحله
يا مرجيحه في بسمه خجوله
يا ضوايا وشمسك منك
وما معقوله
انت روايه بديعه فصولها
يا حرفين جواي زي غصه
عجزت اقولها
جد مفتونك وقاصد الاطفك
نبل احساسك
اسافر في جواكي واسكن
عمق الفكره الحاضنه حواسك
ويصبح معنى الود بيناتنا
وابقى النسمه البين انفاسك
متين يا سمره حلال الريده يتم ويدور
واسمع مره رنين اجراسك
|
|
|
|
|
|