|
Re: ***كـورال *** (Re: tmbis)
|
الله يطراهو بالخير عازف الكمان الرائع المناضل عبد الرحمن عبد الله والذي لحن معظم هذه الاعمال الرائعه ورحم الله مصطفي سيد احمد الذي وقف يساعده وبهمه
| |
|
|
|
|
|
|
Re: ***كـورال *** (Re: Elmosley)
|
استاذ يوسف سلامات ..ومفتقدين حضورك الله يطرا الجميع ..المشردين في كل مكان ..وياريت ترجع ايام جميلة زي دي وتتلم الناس تاني زي اول ربنا يرحم الاستاذ مصطفي..ويرد غربة الماس الفضلت
عميق تحياتي يا استاذ
تمبس
| |
|
|
|
|
|
|
Re: ***كـورال *** (Re: tmbis)
|
اوووووووك تمبوسة
وينك ياراجل ياخى ذكرتى ايام لاتنسى , ايام الديموقراطية , العمل دا بالذات بتذكرو فى الموردة قمنا بتنفيذه بعد بروفات مكثفة فى بيت فى الموردة واذكر الحضور آنذاك : بكرى احمد مصطفى , عمر منصور , عبدالرحمن عبدالله كمان , عباس عمر وهو المؤلف فيما اعتقد , اقصد اللحن الاستاذ محجوب شريف , المرحوم مصطفى سيداحمد , اميرة الجزولى , مريم محجوب شريف , الاستاذ هاشم صديق وافراد اخر لم يحضرنى شخصهم الطريف فى الامر اول تنفيذ للعمل دا كان فى جامعة الخرطوم وكان هناك ايضا الاستاذ ابوعركى البخيت , وفى اثناء الاداء وتقديم العرض هجم علينا كمية من رجال الامن للقبض علينا ولكن كفاءة الاخوة الزملاء بالجامعة استطاعو تخبئتنا من هؤلاء الاشرار ياااااااااا دى نكتها من وين
تسلم ياحلو
| |
|
|
|
|
|
|
Re: ***كـورال *** (Re: سمندلاوى)
|
بكور سلامات يا بركة وماظاهر مالك
ذاكرتك ماشاء الله يا بكور طبعا البيت البتقصدوا محل البروفات بيت ناس عبد الرحمن ضيف الله الكادر النشط في الحزب الشيوعي السوداني ..وطبعا كان البيت مفتوح زمن الديمقراطية كدار لإتحاد الشباب السوداني ..لجنة المورده غرب .. ومن ضمن المجموعة برضو علي ما اذكر استاذ ازهري عبد القادر اكورديون .والتورزيع بتاع العمل ده علي ما اعتقد لي الصادق شيخ الدين ..وايضا امال النور ..ومجموعة جميلة من الناس ديل والبروفات طبعا ما كنا بنفوت فيها شي وبالمناسبة يا بكري الشريط ده النسخة الاصلية الاكرامية الخاصه بي عمر منصور انا محتفظ بيها من الزمن داك .. لما لونه بهت
داير تسمع اي عمل تاني ؟؟انا تحت الخدمة علي الاقل نرجع بيك لي البلد
تعال بالدرب العديل يا بركة راجيك
علاء
| |
|
|
|
|
|
|
Re: ***كـورال *** (Re: tmbis)
|
شكرا ياتمبس ياظريف والتحية للاستاذ المناضل الموسيقار عبدالرحمن عبدالله رمز الفنان الملتزم وللكوكبة الموسيقيين والكورال وكم هو جميل تنفيذ الاعمال الملتزم بكورال ملتزم وبعض مجموعات الكوراك هذه الايام اصابتنا بوجع الاضنين ليك التحيه
| |
|
|
|
|
|
|
Re: ***كـورال *** (Re: الفاتح يسن)
|
التحية لجميع رموزنا الفنية ..في اي مكان بالعالم ..وللاعمال الفنية الخالدة في ذاكرة الفن السوداني
وبالجد الكواريك ليها فترة في ذياده فياريت تعود الايام الجميلة ..ونشوف بي عيونا ونسمع اعمال تعوضنا زخم كل الضجيج الحاصل فينا ده
سعيد بي طلتك يا استاذ
| |
|
|
|
|
|
|
Re: ***كـورال *** (Re: tmbis)
|
تمبس ماشغالة عندى وماعرفت كيف انزل الريال بلايير لكان لو نزلتها بالطريقة الانزل بيها استاذ الموصلى اغنية عبداللطيف وردى بقدر اسمعها تشكر مقدما ولماذا لااراك فى المسنجر
| |
|
|
|
|
|
|
Re: ***كـورال *** (Re: sheba)
|
شكرا عميقا أخي شيبه للنص المصاحب ..وكنت فعلا ناوي اطلبوا منك
ورحم الله مصطفي سيد احمد وباق في قلوبنا ماحيينا شكرا مليون مرة
| |
|
|
|
|
|
|
Re: ***كـورال *** (Re: tmbis)
|
ها انت تمارس هوايتك
المفضلة بزرع البهجة فى قلوب فارقتها الفرح
الحاجات دى ياتمبس لم تكن موجودة الا فى خيالنا فى خواطرنا فى ماضينا، انت توقظ الحنين من سباتها
هذه الاغانى تجعلنا نسترجع الماضى لنعيش بخيالنا مع احباب لم نراهم
منذ سنين
واحييك على الذوق الرفيع
وعودا حميدا
وتحياتى
ولى قدام
شدو
| |
|
|
|
|
|
|
Re: ***كـورال *** (Re: شدو)
|
الأخ الحبيب شدو وماذا تبقي لنا ..منهم ...غير الماضي ،،وغير ذكراهم فينا ؟؟؟ دعـــنا نستنشقهم بقوة ..علنا نلامسهم
وشكرا ياشدو ..لحضورك الجميل داخلي انا دايما اجدك يكفيني فقط ..وعيناك مغمضه
| |
|
|
|
|
|
|
|