|
حمزة سلامتك
|
الاخ حمزة سليمان تعرضت سيارته الي حادث سير مما ادي الي تحطمها بالكامل لكن نحمد الله انه بخير وعافية ولم يصب باي اذي يبدو انو ما ضبح للعربية ياحمزة الدم من العين ربنا يديك الصحة والعافية ويجعلا فدى ليك ولاولادك والجاتك في مالك سامحتك
|
|
|
|
|
|
|
|
Re: حمزة سلامتك (Re: garjah)
|
سلامات الف سلامة ياحمزة وكفارة ليك والكرامة انك تنذر وتجي لي ناس الدوحة تاني الف حمد لله علي سلامتك والجاتك في مالك سامحتك تعال لينا هنا في الدوحة ياحمزة عشان مشتاقين ليك والله العظيم
| |
|
|
|
|
|
|
Re: حمزة سلامتك (Re: zico)
|
أخي العزيز حمزه شرك مقسم علي الدقشم وسلامتك وكل الناس الما حلوين بما فيهم متوكل كرامتك أمنياتي لك بعاجل الشفاء ونحنا جاهزين بلغتكم الموسيقية لتصليح أي خلل في Heart Rhythm أو أي Disharmony in Joints or movements حلوه مش كده يلا أضحك من ألم الرضوخ لو قادر أخوك د.متوكل
| |
|
|
|
|
|
|
Re: حمزة سلامتك (Re: zico)
|
الف سلامه عليك والله استاذنا حمزه ..وعين الحسود بالعود ..لكن ما العود بتاعك البطربنابيه .. .لووول اضحك على دكتور متوكل ..ربنا يجعل ايامك كلها ابتسامات يارب.. والجاتك فى عربيتك سامحتك .. ربنا عواض يعوضك خير وبركة وصحة وعافية ان شاء الله وسلامتك الف سلامة
| |
|
|
|
|
|
|
Re: حمزة سلامتك (Re: zico)
|
المبدع الكبير حمزة سليمان
حمدا لله على السلامة
ونقول شرا طالبك وقع في العربية
ولك تحياتي
شرووم
| |
|
|
|
|
|
|
Re: حمزة سلامتك (Re: zico)
|
حمدلله الف علي السلامه
مبدعنا حمزه وانشاء الله الجاتك في مالك سامحتك
وربنا يديك الصحه والعافيه ويخليلك اولادك
اّميييييييييييييييييين يا رب العالمين
| |
|
|
|
|
|
|
Re: حمزة سلامتك (Re: الجعلي)
|
سلام مربع
المتميز /حمزه سليمان
سحروك المابشبهوك ادوك عين الشينين
انشاء الله يارب ماتشوف شر وسلمت من كل اذيه
| |
|
|
|
|
|
|
Re: حمزة سلامتك (Re: مبيوع)
|
الاعزاء الاحباء جميعكم احبكم
وانا ابيت فى غربه تحيطنى تكبلنى تحاصرنى تنسج الارق من كل الجهات تشعرنى بعاديه الاشياء .....غربتى نفسى لم تكن راضيه بها عندما اغنى احس بطعم الحياه اشعر عندما اضم العود بانى انسج مملكة فى الخيال ابنى واهدم فى خيالاتى حال اداومه من المحال حرام ان اتخيل انى بينكم اغنيكم اتخيل الموصلى يقود اوركسترا وانتم معى تغنوا مهوس بكم لدرجه انتم لا تصدقونها اصرخ فى وجه الظروف عبركم انادى ليالى سمريه افتقدها حكاوى الحله ولبن امى ورغيفه والله ابكيتمونى ولا شى غير الدعوات لكم با يحفظكم الله جميعا شكرا لكم احبتى شكرا حميما جزيلا نبيلا .
| |
|
|
|
|
|
|
Re: حمزة سلامتك (Re: zico)
|
حمزة يا ود سليمان سلامتك والعربية وأبو ظبي والبورد كلو كرامتك سوري للتأخير كنتا خارج البورد الأيامات الفاتت انشاء الله كفارة ليك والجاتك في حديدتك سامحتك
.
| |
|
|
|
|
|
|
|