Quote: العزيز مكي... سلام و عافيه... شئ محير انو التشاديين بيخلو اشغالهم في الدنيا دي كلها و يجو لغاية نيويورك عشان خاطر السودان و كمان يضربو في السودانيين ... يا اخي دي حقاره ما بعدها حقاره... انا غايتو بمسك في محمد نور و بشتكيهو لاوكامبو بتهمه الحقاره ضد السودان... كل شئ الا الحقاره ...
اخي الفاضل .. محجوب عبد الله يا قريبي .. والله ضحكتني ... وانا زاتي سالت نفسي سؤالك ده ؟؟؟ اهلنا في الجاره تشاد الله يكون في عونهم يا خي!!! تعبوا معنا جنس تعب ,, كل ( بلوه) معلقنها ليهم في رقبتهم ,,,
وبعدين " تعال شيف التناقض في الخبر ده كيف !!! في بداية الخبر قالو ...
Quote: محاكمة أكثر من «15» تشادياً اعتدوا على تظاهرة مناصرة للبشير بنيويورك
وفي اخره نطوا قالو ...
Quote: إن تحرش بعض العملاء والمأجورين بأفراد الجالية السودانية في التظاهرة الإحتجاجية جاء بتخطيط من منظمة «سيف دارفور» التي لم تحترم مسيرة مناصرة رئيس الجمهورية.
فما عارف ايه الدخل منظمة سيف دارفور مع التشاديين (( احتمال يكون دي منظمة سيف دارفور التشاديه ))
فالدعوه المرفوعه .. شكلها باطله من اساسو ودعاوي وادلة الاتهام مخلوطه ولا اساس لها من الصحه ,,, ونطق القاضي ببطلان القضيه لعدم كفاية ادلتها .. وبراءة التشاديين وسيف دارفور من التهم الموجه ضدهم من قبل مناصري البشير .. وعليهم بدفع اتعاب وتعويضات القضيه .. ورد شرف للتشاديين المغرر بهم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة