الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
واحد جعلي مات، قاموا الجماعة غسَّلوهو وكفَّنوهو وشالوهو ودُّوهو المقابر، وصلُّوا عليهو. القبر كان لسه عليهو شوية، في باقي تظبيطات كده قاعدين يعملوا فيها. ولد المتوفي لاحظ إنو أبوهو اتحرك حبه كدا! قام جرى لخالو، وسحبو من وسط الجماعة، ومشى بيهو بعيد، قال ليهو: ( يا خالي أنا لاحظت إنو أبوي دا اتحرك شوية كدا من جوه الكفن! خالو كان جعلي من النوع الأصلي، وشنبو كلِّيقة، رد عليهو: (أسكت يا ولد! وامشي ألعب لعبك... بتدور تضحِّك علينا خلق الله، يقولوا نحن ما بنعرف الموت؟؟!!)، الولد قال: ( والله يا خالي أنا شفتو فرفر مرتين وحرَّك راسو!!)، الخال قال ليهو: ( حرَّم إن بقى لعب صقرية، الليلة ياهو المدفون في القبر دا).
| |
|
|
|
|
|
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
 واحد سنجك شغال بوليس حركة، ومشلَّخ شايقي شلوخاً كبار بالحيل! قام وقـَّف ليهو واحد بتاع بوكسي لفَّ الصينية غلط، وقال ليهو جيب الرخصة والتأمين. الراجل قال ليهو تعال قريب، ومد ليهو يدُّو، وقال ليهو: ( هاك دي تلاتة ألف حق الفطور، كل شلخ من شلوخك دي بألف، رايك شنو؟؟! قام السنجك اتلفت وقابلو بخدو التاني، وقال ليهو: (نان قايل جضم واحد ماشي يمرقك؟؟!).
| |
|
|
|
|
|
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
شايقي صاحب ليهو نوباوي قام الشايقي قال ليهو انت ماتعلمني السرقة النوباوي رد ليهو قاليهو انا بعلمك السرقة لكن انت علمني القتاتة اتفقو ومشو بالليل لي بيت واحد سرقو وجو راجعين النوباوي قال للشايقي اها علمني القتاتة الشايقي ساق النوباوي لنفس البيت السرقو دق البيت جاهم صاحب البيت طالع الشايقي سأل الراجل قال ليهو انتو سرقوكم امبارح رد قال ايو قاليهو دا الحرامي
| |
|
|
|
|
|
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
الشايقى والجعلى والرباطابى ماشين سوا ظهرليهم عفريت قال ليهم انا جيت احقق امانيكم اى واحد اتمنى امنية واحدة الجعلى قال داير امشى امريكا العفريت طوالى وداهو امريكا الرباطابى قال داير امشى استراليا العفريت فى الحال وداهو الشايقى سال العفريت الامنيه واحدى العفريت رد: ايوه واحدى الشايقى قال ليهو :النا س الوديتم ديل جيبهم راجعين
| |
|
|
|
|
|
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
Quote: دلوعه وحنكوشه جعليه جابوها للشيخ شايقي يعزم ليها من العين قامت قالت ليهو عمو ممكن اديك بوسة قال ليها يا بتي اعمال الخير ما بشاورا فيها |
غايتو ان شاءالله بكري يرجع وضاحه اليوم
عاين
انا نسيت النكته بتاعت الطالب الجعلي السألوه يعرف كلمة مجازفه ما مرت عليك
| |
|
|
|
|
|
|
Re: الجعلين المتعبينوالشايقيه مراوقين (Re: الرشيد ابراهيم احمد)
|
جعلي جنو سكر من المغرب يلبس جلابيتوا ويمشي يقعد في البار يرجع تلوت الليل ـ مرتو فكرت قالت بدل ما يتبهدل سكران نص الليل تحاول تغريهو يقعد في البيت ـ قامت من المغرب لبست المريلة وحضرت المزه والشية والشراب في البيت والراجل متكيف يشرب ويأكل في الشية لامن جاء نص الليل وسكر تب ـ قام يا زول لبس جلابيتو ومشي علي الباب ـ المرة قالتلوا وين يا راجل ـ قالها علي بالطلاق انا حالف محل ما اسكر ما ابيت
| |
|
|
|
|
|
|
الجعليين المتعبين والشايقية مراوغين (Re: الرشيد ابراهيم احمد)
|
Quote: واحد شايقي ما عندو زبائن في محله جاب ليه فكي عشان يقرا ليه ياسين, في اليوم الأول باع بتلاته مليون، قال للفكي داير كم قال ليه مليون ونصف، الشايقي قال ليه ياسين دي كانت من كلماتك؟ |
شايقي أصلي .....
والجعلي الأصلي بتاع المقابر داك ...ياخ ضحكتا لمن جاني وجع بطن ....
سلامك للعسولة الفي الصورة وصل .....
تسلم يا حبيب ....
مودتي
اسامة
| |
|
|
|
|
|
|
Re: الجعلين المتعبين والشايقيه مراوقين (Re: الرشيد ابراهيم احمد)
|
الجعليه ماشه في الشارع شافت الناس بتجري بس والد صبي كده مشمر وما جري بعد شويه ظهر تور بقر متهيج خالص الولد مسك التور ورماهو في الارض الجعلية زغردت ليهو وقالت ليهو ودعمي من جعلين المتمه ولا شندي قال ليها لا شايقي من كريمه عوجة خشمه ولفحت ثوبه قالت ليهو الله يخربو التور الخمله دا
| |
|
|
|
|
|
|
الجعلين (Re: الرشيد ابراهيم احمد)
|
واحد سنجك، راكب ليهو فوق حمار، وهو واضح جداً إنو شايقي؛ لأنو كان مشلَّخ شايقي، والشلوخ واضحة جداً. وفي واحد جعلي تابعو من ورا، ويسأل فيهو: الأخو إنت جنسك شنو في الأهل؟! الأخو إنت جنسك شنو في الأهل؟؟! والشايقي ضارب طناش! لأنو السؤال في نظرو سؤال بليد... أخيراً لمن الجعلي زهَّجو بكترة الأسئلة، اتلفت عليهو وقال ليهو: (أنا شايقي لكن حماري الراكب فوقو دا جعلي!)...طوالي الجعلي رد عليهو: (حرَّمْ حمارك أحرَّ مِنَّك)!!!
| |
|
|
|
|
|
|
Re: الجعلين (Re: الرشيد ابراهيم احمد)
|
عزابه من عده قبائل ساكنين مع بعض معاهم واحد شايقي غتيت غته شديه خلاص جنو كجار ..قامو اتفقو عليه قالو يتتغاتتو عليه بقي يغسل هدومو يجي يلقاها مشتته يلملم الهدوم ويغسل تاني واصلو ماوراهم انو متضايق من الحكايه دي وساكت ويعاين فيهم سااي ..قامو قالو ياجماعه الكلام دا عيب نحن لاوك نعتذر للراجل دا دا قالوليه يازول نحن البنرمي ليك هدومك وتانيمن الليله دي ماحانعمل كده..قال ليهم خلاص انا زاتو من الليله دي تان ما حا ابول ليكم في الزير:))[/B]
| |
|
|
|
|
|
|
Re: الجعلين (Re: الرشيد ابراهيم احمد)
|
أخونا الرشيد هاك الحوار ده
الشايقي : مفروض الحكومة تسلم البشير للمحكمة الجنائية الجعلي : لا كن الحكومة ما مشتركة في المحكمة دي الشايقي : طيب نحن مشتركينفي النظام العام ما كل يوم الكيزان قاعدين يقبضونا و يجلدونا
| |
|
|
|
|
|
|
Re: الجعلين (Re: osman righeem)
|
Quote: واحد جعلي مات، قاموا الجماعة غسَّلوهو وكفَّنوهو وشالوهو ودُّوهو المقابر، وصلُّوا عليهو. القبر كان لسه عليهو شوية، في باقي تظبيطات كده قاعدين يعملوا فيها. ولد المتوفي لاحظ إنو أبوهو اتحرك حبه كدا! قام جرى لخالو، وسحبو من وسط الجماعة، ومشى بيهو بعيد، قال ليهو: ( يا خالي أنا لاحظت إنو أبوي دا اتحرك شوية كدا من جوه الكفن! خالو كان جعلي من النوع الأصلي، وشنبو كلِّيقة، رد عليهو: (أسكت يا ولد! وامشي ألعب لعبك... بتدور تضحِّك علينا خلق الله، يقولوا نحن ما بنعرف الموت؟؟!!)، الولد قال: ( والله يا خالي أنا شفتو فرفر مرتين وحرَّك راسو!!)، الخال قال ليهو: ( حرَّم إن بقى لعب صقرية، الليلة ياهو المدفون في القبر دا). ] |
*** تعرف يا رشيد أنا زوجتى ما سودانيه و عربيها مكسر لكين النكته دى وبتاعت الطعميه رمنها فى الواطه من الضحك
ولو سألتها جنسك شنو تقول ليك شايقيه تيمنا بزوجها ..
** واصل بالله
| |
|
|
|
|
|
|
Re: الجعلين (Re: osman righeem)
|
Quote: عزابه من عده قبائل ساكنين مع بعض معاهم واحد شايقي غتيت غته شديه خلاص جنو كجار ..قامو اتفقو عليه قالو يتتغاتتو عليه بقي يغسل هدومو يجي يلقاها مشتته يلملم الهدوم ويغسل تاني واصلو ماوراهم انو متضايق من الحكايه دي وساكت ويعاين فيهم سااي ..قامو قالو ياجماعه الكلام دا عيب نحن لاوك نعتذر للراجل دا دا قالوليه يازول نحن البنرمي ليك هدومك وتانيمن الليله دي ماحانعمل كده..قال ليهم خلاص انا زاتو من الليله دي تان ما حا ابول ليكم في الزير:)) |
لوووووووووول!!! إنشاء الله دي غتاتة الضُلُمَّة!!!
لكن عليك الله شوف جنس محن الغتاتة دي:
قَالُو شايقي وزوجتُو زي غتاتكم اصلها ماها في... وِلْدُو ليهُن ولد طلع غتيت عمل فيها ميِّت...
تتصور يا يااخوي الجماعة إتغاتَتُو عليهو دَفَنُوهُو حي!!!
الشكية لله!!!
| |
|
|
|
|
|
|
Re: الجعلين (Re: أبو الحسين)
|
هههههههههههههههههههههه ابو الحسن المحن محنتي انا جعلي وداير اناسب الشوايقه دي بس يحلوها كيف تسلم يا حبيب مرورك جميل
| |
|
|
|
|
|
|
Re: الجعلين (Re: طارق جبريل)
|
مالكم يا خوانا مقبلين علينا
قالو شايقي وجعلي كانوا في بص قام البص إتقلب بيهم يالله كل واحد منهم إتكسرت ليه رجل واحده أهلهم الإتنين لحقوهم ليك في المستشفى قام الدكتور جا وبدا يجبد رجل الجعلي قبال يجبصه ليه يازول الجعلي من جرستو جاب ليك الفي آخر المستشفى وأهلو خجلوا ليك خجل شديد خلاص .. فضحتنا مع الناس .. آآزول أرجل المهم كمل جرستو وجبصوها ليه الدكتور قبل علي الشايقي وبدا يجبد في رجل الشايقي الشايقي يازول راكز ليك ركزه أصلو لا إتهزه ولا إتجرس أهل الجعلي بس إتمنوا الواطا دي تنشق وتبلعهم ليك والجعلي يشيل ويعاين في الشايقي ورجالتو دي جابها من وين المهم الدكتور جبص للشايقي رجلو ومشى الجعلي جا للشايقي وبدا يحلف فيه آآزول عليك الأمان وريني بس ركزيك ده سببو شنو؟ الشايقي قام قال ليه نان قايلني عوير بمدلو المكسوره .... ما مديتلو رجلي النصيحه
| |
|
|
|
|
|
|
Re: الجعلين (Re: osman righeem)
|
Quote: اخونا الرشيد انا ربع جعلي
لكن ماب اقولا الا للناس القريبين خاااااالص |
اها انا من القريبين .. يلا قول لى ربع جعليتك دى كيف ؟ غايتو انا سامع بالنقانيق عندهم فرع جيهة ود رملى وكدا لكن رغيماب دى اول مره اسمع بيها كدى قول يمكن المدام تطلع ربع جعليه برضو .. اصلها من انديكم
واصل ياالرشيد .. اضحك الله سنك ..
| |
|
|
|
|
|
|
Re: الجعلين (Re: على محمد على بشير)
|
سلام يا ناس ,
والله طلعتونا من كجار القرار , الله يبارككم !
وعندى اتنين :
شايقى عندو دكان صغير فى الحى وقدامو راكوبة فيها عنقريب , مشى مرة المطار وشاف لافتة مكتوب عليها ممنوع التدخين , لما رجع لدكانه كتب لافته عليها ( ممنوع القعاد فوق العنقريب , وممنوع رمى السفة فى الراكوبة .)
التانية :
دى حصلت جد : فى قرية من قرى الشايقية توفى راجل , وأهلنا ديل زمان رجال الدين عندهم قليليين , ولما يموت زول يرسلوا للقرى المجاورة بيكون فيها امام فريد واحد يتشاركوا فيهو , ويجى يصلى صلاة الجنازة ويدفن , الناس خاتين الجنازة قدامهم شافهم واحد معروف عنه انه حرامى وقاطع طريق وما عندو علاقة بالدين كتيرة , لكن بيخافوا منه , فسألهم مالكم واقفين والمات منو ؟ قالوا ليهو فلان , قال ليهم طيب مالكم ما دفنتوا ؟ قالوا ليهو مستنين الأمام يجى من القرية التانية دى , قال ليهم : حرم اكان تدفنوا , فى ميت يستنى طول اليوم ! قام صلى بيهم ودفنوا وهم عارفنو ماب يعرف صلاة الجنازة , ولما الأمام وصل لقاهم دفنوا وانتهوا , وسالهم الأمام : الصلى بيكم منوا ؟ قالوا فلان , اتشهد وقال لازم نحفر الميت ونصلى تانى , حفروا القبر لقوهو عايم فى موية وطين شديد , وغلبهم يطلعوا الجنازة , قال ليهم خلاص خلوهو و وسأل الزول الصلى بيهم : انت صليت كيف , وقريت شنو ؟
قال ليهو : انت عارفنى بعرف اقرأ شيء !
أنا قلت : يا الله انت عارفنى غير البعير الراكب فوقو دا ما عندى شيء , لكن ان جانى ضيف بضبحوا ليهو كرم منى , دحين انت جاك ضيف يا الله وانت الكريم , أها اكرمو !
ست البنات .
| |
|
|
|
|
|
|
Re: الجعلين (Re: ست البنات)
|
ودى حكاها سعودى لجماعة سودانيين معانا , قال ليهم عندكم قبيلة ناسها فصيحين شديد !
بنت شايقية عمرها 10 سنوات بتبيع بطيخ فى واد مدنى , جاها السعودى دا اشترى منها بطيخة , ورفضت تقطعها ليهو , قال ليها هسع لو مشيت لقيتهل ما حلوة أعمل شنو ؟
قالت ليهو انا مالى ومالك بعد اشتريتها ! تمشى بيتك تقطعها , ان شاء الله تلقالك فيها كديسى !
ست البنات .
| |
|
|
|
|
|
|
Re: الجعلين (Re: ست البنات)
|
ودى برضو حصلت جد :
كنت بقرأ فى أبراج فى بيتنا فى السودان , وولد اختى جايى لنج من تنقاسى , قال لى بتقرى فى شنو ؟ قلت ليهو أبراج الحظ .
قال لى : يا شنى يعنى ؟
قلت ليهو بتوريك حظك والحاجات الحتحصل ليك فى المستقبل , وهى تسلية ساكت .
قال لى : فيهن شنو ؟
قلت ليهو : الحمل , الجدى , الثور , الخ .
قال لى : اها سمح أقريلى برج الضبعة .
ست البنات .
| |
|
|
|
|
|
|
Re: الجعلين (Re: ست البنات)
|
واحد بدوي... جا يادوبك من الباديه ... لقي الناس ملمومين جنب استاد المريخ وداخلين كورة الهلال والمريخ ... اخونا انزرق خش الكوره ...عمك يشوتو الكوره تجاه مرمي الهلال يقوم ااااا يصفق ... يشوتو الكوره تجاه مرمي المريخ اااا يصفق ... في واحد جنبو زعل منو جدا وقال ليهو شنو يا اخينا انت هلالابي ولا مريخابي ...زولنا قام رد ليهو انا محمودي ياخيي ...
| |
|
|
|
|
|
|
Re: الجعلين (Re: الرشيد ابراهيم احمد)
|
قالو في واحد جعلي انقلبت بيهو المركب في نص البحر وعايز يغرق . وجا واحد شايقي ماشي بمركب . الجعلي قال ليهو يا الشايقي الحقنييييييييييي . الشايقي قال ليهو : استغفر الله انت يوم تما خلاص
| |
|
|
|
|
|
|
Re: الجعلين (Re: الرشيد ابراهيم احمد)
|
شايقي بخيل حبي يضرب باب بيتهم بهيه ضرب ضلفة وكتب علي التانيه نفس اللون
((())) .. امام شايقي في الركعه الاخيرة سمع واحد جاي يحصل الركعة سلم واقف.
| |
|
|
|
|
|
|
Re: الجعلين متعبين و الشوايقه مراوقين (Re: أبو الحسين)
|
بسم الله الرحمن الرحيم السلام عليكم ورحمة الله تعالي وبركته ...
الاخ الرشيد شكرا علي البوست .
ـــــ
سالو الجعلي قالو ليه دير تمشي الجنه ولا النار ؟ قال ليهم الشوايقه ماشين وين قالو ليه النار قال انا ذاتي داير امشي النار قالو ليه ليه ؟ قال عشان الشوايقه مايمشو محل ساي الايكون فيو فايده !!
ــ أبوهاشم .
| |
|
|
|
|
|
|
Re: الجعلين متعبين و الشوايقه مراوقين (Re: osman righeem)
|
ياربع انت يا ود عميQuote: Quote: ÈæÓÊ ÙÑíÝ ÌÏÇ Òì ÕÇÍÈå
|
ÛÇíÊæ ãããããããããããããããããã |
| |
|
|
|
|
|
|
Re: الجعلين متعبين و الشوايقه مراوقين (Re: الرشيد ابراهيم احمد)
|
مالك بقيت تسوي في دفن الليل اب كراعن بره
Quote: Quote: Quote: ÈæÓÊ ÙÑíÝ ÌÏÇ Òì ÕÇÍÈå
ÛÇíÊæ ãããããããããããããããããã |
ما سمعت الجعلي الماحضر دفن امو رجع قال الا يغير قبرها و ينقله الي الطرف التاني من القابر .... و لمن الكلام كتر معاهو قال والله ما اخليها جنب الشايقيه ديل امي دي طرشانه و الشايقية تقوم القيامه يتغاتتو عليها ما يتورها
| |
|
|
|
|
|
|
Re: الجعلين متعبين و الشوايقه مراوقين (Re: ناظم ابراهيم)
|
Quote: قال لى : اها سمح أقريلى برج الضبعة |
أكتر شي ضحكني ود أخت ست البنات دا
وهاكم دي
واحد جعلي مشى يتاجر في الجنوب زمن الناس بمشوا هناك للتجارة لكن الحكاية ما مشت معاه وآخر حاجة قال بس دايرلو تلاتة جنيه يرجع بهن أهله لكن قال التلاتة جنيه دي ما بياخدها إلا من جعلي والمنطقة الهو فيها دي كلها شايقية المهم وصفوا له جعلي في منطقة بعيدة فمشي شي بالحمير وشي مشي لما وصل للجعلي أها الجعلي رحبو واتكيف من الحكاية دي وأكرمو يومين تلاتة ولما بقى ماشي أداه التلاتة جنيه أها صاحبنا بعد ما مسك التلاتة جنيه قالو يا اخوي أنا نسيت ما سألتك أنت جعلي من وين ؟؟ قالو والله أنا جعلي لكن أمي شايقية قام صاحبنا رجعلو جنيه من التلاتة جنيه وقالو دا حق أمك على الطلاق ما يباريني !!!!!!!!
| |
|
|
|
|
|
|
Re: الجعلين متعبين و الشوايقه مراوقين (Re: كمال عكود)
|
واحد شايقي (قتيت) كان في مركب مع الجعلي والبقية نسوان وفي نصف البحر واحد فيهم خرجت منه ريح والنسوان كل واحدة سدت نخرتها من الريحه أول ما المركب وصلت القيفه الشايقي نزل بسرعة واستقبل القبه وقال الله اكبر نويت صلاة الظهر
| |
|
|
|
|
|
|
Re: الجعلين متعبين و الشوايقه مراوقين (Re: الرشيد ابراهيم احمد)
|
علي ابو النسب
عاين
Quote: اها انا من القريبين .. يلا قول لى ربع جعليتك دى كيف ؟ غايتو انا سامع بالنقانيق عندهم فرع جيهة ود رملى وكدا لكن رغيماب دى اول مره اسمع بيها كدى قول يمكن المدام تطلع ربع جعليه برضو .. اصلها من انديكم
|
الاب :- رغيم الحسن > شايقي لمن بي غادي من ناحية الام والاب الام :- امنة محمد محمد خير شنان ابوها شايقي فل اوبشن أمها ست البنات بت خليفه من المتمه جعلية أوريجنال
شفت الربع جاء من وين
( و ما عندي أي قرابه مع القرضابي مع انه من شندي وهلالابي برضو)
بعدين عاين تاني
لو فتحت اي كتاب عن الشايقية تلقا في أولاد شايق > > رغيمأبن كدنقا الاكبر جد الرغيماب و يقيمون بتنقاسي و ودالبصل اها ود البصل دي ياها قري >>>> بكره اركب امشي قري حتلقي علي الاقل اربعه اسمهم عثمان رغيم
انت المدام دي ما عملت ليها فيش و تشبيه أول؟
وعذرا صاحب البوست >>> هاك دي
واحد ابن عمنا كان موظف كبير في السكك الحديد في عطبره و كان اهلك الشوايقه متعودين بس يتعلم يفك الخط يركب القطر يصل عطبره علي طول مدرسة البوليس و بعد سته شهور يتخرج ويربط الماهية للبلد واحد شايقي اتأخر جاء بعد القبول خلص اها عمنا ده قالوا ارجع البلد تعال بعد 6 شهور قال لا لا لا ان قفلت نهائي كدي شوفي شغله اتمسكبها لحدي مدرسة البوليص ما تفتح ان شاء الله ناظر محطه
| |
|
|
|
|
|
|
Re: الجعلين متعبين و الشوايقه مراوقين (Re: الرشيد ابراهيم احمد)
|
Quote: ايمن الجائزه والكبر مرورك واستمتاعك تسلم |
Quote: عاين خلي الاستعجال أرجع اقرأ الاسم تاني أماني |
Quote: معزره يا اماني قريت الاسم غلط لكن البركه في ودعمي دا |
الرشيد ولا يهمك عادي, ود عمك 25% جعلي, عشان كده مفتح..
------------------- جعليه 50% هههههههههههه
| |
|
|
|
|
|
|
Re: الجعلين متعبين و الشوايقه مراوقين (Re: osman righeem)
|
Quote: الاب :- رغيم الحسن > شايقي لمن بي غادي من ناحية الام والاب
|
علم على راسه نار .. ومنو الما بيعرف رغيم الحسن فى بلاد الشايقيه كلها
Quote: لو فتحت اي كتاب عن الشايقية تلقا في أولاد شايق > > رغيمأبن كدنقا الاكبر جد الرغيماب و يقيمون بتنقاسي و ودالبصل اها ود البصل دي ياها قري >>>> بكره اركب امشي قري حتلقي علي الاقل اربعه اسمهم عثمان رغيم
|
اها دى اول مره اسمع بيها .. انا كنت قايل الرغيماب فى تنقاسى بس
Quote: انت المدام دي ما عملت ليها فيش و تشبيه أول؟
|
كييف يا عمك .. ودى بتفوتنا باقى هى جدها محمد احمد جنقال وسيد احمد ابوها وشيخ الحسن عمها والخضر ود ادريس ومحارى جدودها بى حبوبتا السندس وبى امها باقير جدها
برضو تقول لى ما عملنا ليها فيش وتشبيه يلا شوف انتا بتلفق ليك بى وين
| |
|
|
|
|
|
|
Re: الجعلين متعبين و الشوايقه مراوقين (Re: على محمد على بشير)
|
Quote: باقى هى جدها محمد احمد جنقال وسيد احمد ابوها وشيخ الحسن عمها والخضر ود ادريس ومحارى جدودها بى حبوبتا السندس وبى امها باقير جدها
|
مع احترام مقامات الجميع شيخ الحسن ده كوم لحاله
بس تلفون منك لشيخ الحسن بيجيب ليك الرايحه ياخ شيخ حسن ده رفقة عمر
عارف الحديث ( فيما معناه) ( من سره ان ينظر الي رجل من اهل الجنة.)
بس ياهو ذاتو
| |
|
|
|
|
|
|
Re: الجعلين متعبين و الشوايقه مراوقين (Re: على محمد على بشير)
|
شايقى كبير فى السن ماب يحب الفنان محمد الأمين , ومكجنو ضوومة !
سمع الفنان محمد اأمين يغنى أغنية ( قالوا متألم شوية ) فى الراديو ,
و بنتو اسمها فاطمة ,
قال ليها : أسع ا فاطنى , ان بقيتى عييانى و قتلك كفارة , يا أكنى غنيت ؟
****
رزت احدى المناضلت المعتقلات المعتقلات فى سجن النساء أمدرمان من منطقة الشايقية , وأبوها جاء يزورها من البلد ,
بعد ما سلم عليها , قال ليها : أسع كملتى قلة أدبك كلها , كمان جايى تناطحى الأنجليس ؟
*****
والدى ووالدتى رحمهما الله وأسكنهما فسيح جناته (امين )كانوا فى طريقهم الى حج بيت الله , وكانت شقيقتى معتقلة , فجاءا لزيارتها ووداعها , فشعر مدير السجن بحرج شديد للموقف , وقال ليهم ما عندكم زول فى الحكومة دى يطلع ليكم بنتكم من السجن دا عشان تمشوا الحج مطمنين ؟
فرد والدى رحمه الله بابتسامة استنكار , فقالت والدتى رحمها الله :
نحنا ما عندنا جناين بيبقى مع الناس ديل ! الحكومة دى الله يقلعها من فوقنا , ورب البيت يجيبلهون قون جرنج يفكنا منهون !!
ملحوظة :
البوست دا ريحتو دفيق , وقراريص تمر , أتارى تنقاسى كلها بى هنا !
ست البنات .
| |
|
|
|
|
|
|
Re: الجعلين متعبين و الشوايقه مراوقين (Re: الرشيد ابراهيم احمد)
|
شايقية قريبتنا ولدها بيشتغل فى ليبيا , وهى ماشية للحج وما لاقية حجز , كلمت ولدها فى ليبيا , وقال ليها بوصى ليك صاحبى ابراهيم يحجز ليك ,
السنة الجاية لما ولدها جاء فى الأجازة قال ليها يمة ابراهيم ان شاء الله يكون انستر معاك فى الحجز !
قالت ليهو : ابراهيم ؟ ابراهيم يا يابا ينعلا وما يندلا ! البراهيم البيقووم الطيارة فيشانى !
***
شايقية برضو وصلوا ليهم التليفون لأول مرة , وولدها فى أمريكا اتصل بيهم ,
قال ليها أنا محمد ولدك , ختت السماعة وقالت : هى محمد ولدى فى امركا الله خلاهو !
****
ست البنات .
| |
|
|
|
|
|
|
Re: الجعلين متعبين و الشوايقه مراوقين (Re: الرشيد ابراهيم احمد)
|
Quote: شايقي صاحب ليهو نوباوي قام الشايقي قال ليهو انت ماتعلمني السرقة |
انتبهو للتنميط البرئ، ل"النوباوي" كحرامي، المرا مرور الكرام، لانو No big deal حقيقة! ده كلام عادي الجلابي بقولو باعلي صوت بالمكرفون من علي راس الميضنة، من دون مايرمش!
من ذلك ايضا، كيف القاضي لما سال الجعلي هل انت قتا للزول ده، يقصد واحد "نوباوي" بي رندوق الجلابة، "ياعب"؟
الجعلي قاليهو، كلامي، خلو، انت في رايك، "شنو" بي تشديد النون!
اها مزيد من نكات التنميط لو سمحتو!
| |
|
|
|
|
|
|
Re: الجعلين متعبين و الشوايقه مراوقين (Re: Bashasha)
|
الشايقيه خشمه كبير جدا ومعزبه الراجل مشيت ويين يا راجل جيت من ويين ياراجل شكلي لي صاحبو الحاصل قال تمشي صاري وشكل وتقول ليه .................. زول جاء داخل البيت ضايل وشو في يدو كت وين ياراجل قاليها كنت مع ناس فلان تسوي في شنو قال ليها طلق مرتو سجمي في شنو قال ليها خشمه كبير قفلت نص خشمه بيدها وقالت ليهو النبي
| |
|
|
|
|
|
|
|