|
|
 Re: قصة ظريفة جداً وواقعية خااااااالص (Re: ابراهيم قناوي)
|
... وقد كان اليوم الموعود .
الحلة كلها عارفة انو العارض جادع زمن وح يلاقي الحبيبة
( ستات الشاي نسوان الكسرة بتاع الدكان
عوض الترزي حتي عايدة شمار ) .
ياعمك خشيت ليك في المحشي من العصر ونجيب الريحاني
( اباطي اتهرد من الريحة ) قربت اعمل الفاتح الصباغ
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
( الخفة الكتلت اب تفة والرشاقة الكتلت إشراقة ) .
وقلتا اعمل كاسحة ألغام وده ما مهرجان فرح كرنفال عشق !!
اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
( بس ،، الله يكسر حنكك عامل وشك العريض ده ) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيرا ليك من راسك .
.. بس بعد شوية تجي ليك بت زي ( السحلية )
لا زي الدبيب لا دبيب شنو زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد .
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
... انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
( خربانة ام بناية قش ) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
... وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم )
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر )
و لو جاء زول فيكم بهناك ما حا يعرف الجكساية منو فينا ..
... لكن النصيحة البت ما مبالغة حنضل بس !!
ياخ دي وشها زي اللين ( مثلث ) وخاتة ليها
قطعة كرتونة في صدرها زي المريلة ،، ح تقولوا لي ليه :
ما عشان صدرا ما يتقدّ لو نزلت حنكا ودنقرت
لي تحت ،،، مش قلنا حنكا سنين ولا شنو !!
وبعدبن مجلطا ليك شعرا تقول بي ( مخاطة ) ،،،
وكمان لابسة ليها 15 قطعة قماش ده مسلسل
الجوارح ولا شنو !!
طبعاً دايرة تسمن وكدة : في سري
( لن يصلح العطار ما افسده الدهر يا حبة ) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!
____________________________________
... و نواصل :
|
|
 
|
|
|
|
|
| العنوان |
الكاتب |
Date |
| قصة ظريفة جداً وواقعية خااااااالص | ابراهيم قناوي | 03-02-09, 07:03 AM |
| Re: قصة ظريفة جداً وواقعية خااااااالص | ابراهيم قناوي | 03-02-09, 07:05 AM |
| Re: قصة ظريفة جداً وواقعية خااااااالص | ابراهيم قناوي | 03-02-09, 07:08 AM |
| Re: قصة ظريفة جداً وواقعية خااااااالص | ابراهيم قناوي | 03-02-09, 07:13 AM |
| Re: قصة ظريفة جداً وواقعية خااااااالص | حمزاوي | 03-02-09, 07:17 AM |
| Re: قصة ظريفة جداً وواقعية خااااااالص | طارق ميرغني | 03-02-09, 07:30 AM |
| Re: قصة ظريفة جداً وواقعية خااااااالص | ابراهيم قناوي | 03-02-09, 07:57 AM |
| Re: قصة ظريفة جداً وواقعية خااااااالص | ابراهيم قناوي | 03-02-09, 08:04 AM |
| Re: قصة ظريفة جداً وواقعية خااااااالص | ناهد بشير الطيب | 03-02-09, 12:25 PM |
| Re: قصة ظريفة جداً وواقعية خااااااالص | كمال حسن | 03-02-09, 01:31 PM |
| Re: قصة ظريفة جداً وواقعية خااااااالص | Mohammed Haroun | 03-02-09, 03:25 PM |
| Re: قصة ظريفة جداً وواقعية خااااااالص | خالد حامد الجزولي | 03-02-09, 03:52 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 04:55 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 05:00 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 05:02 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 05:06 PM |
| Re: قصة ظريفة جداً وواقعية خااااااالص | نوفل عبد الرحيم حسن | 03-02-09, 06:53 PM |
| Re: قصة ظريفة جداً وواقعية خااااااالص | حاتم محمود الجاك | 03-02-09, 07:39 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 08:19 PM |
| Re: قصة ظريفة جداً وواقعية خااااااالص | ابراهيم قناوي | 03-02-09, 08:21 PM |
| Re: قصة ظريفة جداً وواقعية خااااااالص | ابراهيم قناوي | 03-03-09, 06:24 AM |
| Re: قصة ظريفة جداً وواقعية خااااااالص | محمد الطيب يوسف | 03-03-09, 07:08 AM |
|
| |
ابراهيم قناوي
فيس بوك
تويتر
انستقرام
يوتيوب
بنتيريست