|
أنا علي الطلاق يوم جاري ده بكتُلو
|
مِن مواقفو الـ أقول شنو هسِع ... بتصفح في بوست (يا بكري أبو بكر يا معاوية حسين يا ناس الكمبيوتر يا ناس الله يا أبو مروووااااا) الكاتبو إبراهيم قِناوي في الرابِط ده يا بكري أبو بكر يا معاوية حسين يا ناس الكمبيوتر يا ناس ...له يا أبو مروووااااا جا جاري داخِل صنقر حداي إتلصق تِلِصِق وقنب يقرا في التداخُلات واحدة واحدة وبعد شوية زحا يدي ومسك الماوس يقرا ويقول ( والله فلان ده جاب كلام) (أيوه والله دي مُشكِلة كبيرة) قام قال لي زح لي بدور أكتِب في الفِجه دي مُشكِلتي البعاني مِنا ... - يا زول كِتابة شنو إتْ مُشترِك في سودانيز أون لايِن ... - لا ما مُشترِك ليه؟ - لو ما مُشترِك حتكتِب كيف يعني؟ - سمِح أشترِك هسِع ... راس ملا شنو ... ما إسمي وعِنواني ولِباسوردي ... دايرالا شنو! - لا المَوقِع ده نِظامو غير كده ...
المُهِم فهمتو الإشتِراك بِكون كيف ... تكتِب لِبكري وتكتِب وتكتِب لامَن تصبِح كاتِباً ... وبعدين بعدين جِداً بتجيك الإشتِراك تكون إنت زاتك ما عارِف ده بِتاع شنو بِالضبط ...
- إت عاوز تكتب شنو ... يعني مُشكِلتك شنو البِتواجِها في الكُمبِيوتر ... لو ما حليتا ليك مُمكِن أتداخل مع ناس بوست إبراهيم قِناوي وأسأل ليك ... - مُشكلتي إنو سودانيز أزن لايِن ما بِتفتح معاي في المكتب ولا في البيت ... - ليه ؟ - لإني في المكتب ما عندي كُمبِيوتر وفي البيت برضو ما عِندي كُمبِيوتر ...
بِالله ما في زول ما يقول لي ما أكتُلو ...
|
|
|
|
|
|
|
|
Re: أنا علي الطلاق يوم جاري ده بكتُلو (Re: elsawi)
|
. .
Quote: يازول اكتلو!!! كان ما عشان سغالتو دي، اكتلو في التلصق ده .. |
يالصاوي ياخي خليك محضر خير :)
وجه ضاحك حتى بدت نواجذه .
لكن بصراحة جارك ده ثقيل ثقالة عجيبة ياعزام ، لكن برضه راعي فيه وصية الرسول ووصية جبريل الأمين (مازال جبريل يوصيني بالجار حتى ظننت أنه سيورثه) .
تعرف قدام بيت جدنا رحمه الله كان في شجر نيم كبار وسمح وفيه ضل يرد الروح ويوم بالصدفة جدنا سمع جارنا بشتكي لي ضيف جاهم يقول ليه شدر الناس ديل وسخ علينا قدام البيت بالصفق اليابس .
قام جدنا طوالي جاب زول قطع الشجرات الخمسة لحقن أمات طه والمغصة كتلتنا فقال لينا زول يفتح خشمه مافي أنا قطعتهم عشان حق الجيرة .
أنا من اليوم داك مكجن جارهم ده لحدي هسع . . .
| |
|
|
|
|
|
|
Re: أنا علي الطلاق يوم جاري ده بكتُلو (Re: ALazhary2)
|
eassa ود baha
Quote: ياعزام والله الزول دة صعبت ليهو الباسوورد شديد |
إنشاءالله بِبركه جدي سيد القُبه ما يِعتر في كُمبِيوتر ساااي خليهو يشترِك معانا بِجاي ... على الطلاق ينجِضكُم نُجاض وتشتاقو لِسغاله فُلان ود فُلان داك الله لا جاب طاريهو هو كمان ... بِالمُناسبة الزول ده فات وين ... شوف جِنس ده كمان صحي الكديس بِدور خناقو ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
elsawi
Quote: اكتلو في التلصق ده .. |
التِلِصِق يا خوي تب ماني مارِق مِنو ... بيتي مَلَصَق في بيتو ... ومكتبو ملَصَق في مكتبي ... ومرتو ملَصَقه في بِت إبراهيم جِنِس تِلِصِق وترت لي عِلاقتي مع بِت إبراهيم ... قبل أيام قالت لي داير لي (كُرسي جابِر) ... في سِري قُتْ : (يا حِليلِك يا بِت إبراهيم كُرسي جابِر تاريني ظالمِك ظُلم الحسن وحسين إنتي مِن زمن كُرسي جابِر) ... في النِهاية حلفت لو جابِر ده عِندو بِنيبِر خليهو كِرسي عديل ماني جايبو ... أكان بِت إبراهيم قتلتا أنا بقتُلو ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
Quote: ... بيتي مَلَصَق في بيتو ... ومكتبو ملَصَق في مكتبي ... ومرتو ملَصَقه في بِت إبراهيم جِنِس تِلِصِق وترت لي عِلاقتي مع بِت إبراهيم |
كور علي يا ود خالي مشكلتك كبيرة خلاص , الجيران الزي جارك ده بعرفن سممح الله يصبرك عليهو
كدي بنشوف ليك حل تاني الا الكتل ده شيلو من راسك حالياً
| |
|
|
|
|
|
|
يِمه جو (Re: عزام حسن فرح)
|
عبدالله كع
Quote: وكان جاك تاني حرش ليهو الكلب |
يِـمَـه ناس الوجعه جو ... جو
نِحنا الكلِب بِنادي ضِيوفنا ... ياكُل تَب ورِزِق الكريم في كُفوفنا ... شرموط ما بِندْنيهو نقدِم دوفنا ...
| |
|
|
|
|
|
|
Re: يِمه جو (Re: عزام حسن فرح)
|
هاشِم أحمد خلف الله
Quote: وكل ما اتصل عليك الاقي جوالك خارج الخدمه |
يا حليلك ... حرم ريدي ليك داخرو لِيوم لا فوقو ضُل لا خُل
أنا ساكِن في قهنوبةً صي ... مرات نلاقي إشارة مرات لي ... عِلا الرسول بِجيني هاشِم لي ...
| |
|
|
|
|
|
|
Re: يِمه جو (Re: عزام حسن فرح)
|
Quote: حليلا أُم الجنا الراكِز ... مِن تب ماهو وليداً ناكِس ... بِت كريم عِلا الزمان بِعاكِس ...
|
أبشر بالخير
| |
|
|
|
|
|
|
Re: يِمه جو (Re: عزام حسن فرح)
|
جاري وانا جارو وبيتعذب بناره ...... وكده ..... قلتا اشوف الحاصل ويازول تب انا معاك سجن سجن غرامه غرامه وش مبسوط شديد
| |
|
|
|
|
|
|
سلامات (Re: عزام حسن فرح)
|
الأخ عزام
سلامات
الحمد لله أنا مشكلتي إتحلت اليوم
الضهر
وانا الان بكتب من البيت
فبالله عليك الله الزول ده أقبل شفاعتنا فيهو
ولك كل الود
| |
|
|
|
|
|
|
Re: سلامات (Re: حامد محمد حامد)
|
اكتلوا لكن ما بيدك
عشان يتفرق دموا على القبائل سودانيز الجاري وراها دي لامة كل زول يدفع جنيه سوداني بالجديد و اقطع ليهو تذكرة على سودانير كان انسترت سودانير بكون فكاك من جيرتو و كان قامت على جنها و غباها نطالب بدمو من وزير الطيران
اها كدا ما انحلت ؟
| |
|
|
|
|
|
|
Re: سلامات (Re: قيقراوي)
|
Quote: تكتِب لِبكري وتكتِب وتكتِب لامَن تصبِح كاتِباً ... وبعدين بعدين جِداً بتجيك الإشتِراك |
Quote: يازول اكتلو!!! كان ما عشان سغالتو دي، اكتلو في التلصق ده .. |
كاااااااااااااااااكــ
__ شَركـ ليهو بي بوست و ختليهو فيهو سِم فار
| |
|
|
|
|
|
|
Re: سلامات (Re: خدر)
|
عزام
Quote: بِت بشير الطَيِب ...
Quote: عشان يآآآآمن بس ...
خليهو الزِويل دحين آمنت أنا ... أشهد أن لا إله إلا الله وأن مُحمد رسول الله |
المسنوووووووووووووووووح المسلط الممسوخ كتلتنا بالضحك - قال آمنت ان .....
| |
|
|
|
|
|
|
Re: سلامات (Re: الطيب شيقوق)
|
willeim andrea
مره جاني قالي : ناسي علي جارو ... حتو ناسي هو إني برضو جارو ... رابِط وِليدي ليه مِن إيدو جارو ...
| |
|
|
|
|
|
|
Re: سلامات (Re: عزام حسن فرح)
|
إبراهيم قِناوي
Quote: فبالله عليك الله الزول ده أقبل شفاعتنا فيهو |
ود قِناوي أصلي ناوي ... أهمِل زِويلي لا ألاوي ... ديني بِمنع ... ما ود خلاوي ...
| |
|
|
|
|
|
|
Re: سلامات (Re: عزام حسن فرح)
|
الحاج حمد الحاج
مِن قديم وارثنو العِشِق يا الحاج ... بركب أب دومه المسيرو عجاج ... قاصِد الجخس المشيهو خجاج ... إن قبلت سِعن العجوز رجراج ... وإن جات مِتل اللقيت أب عاج ...
| |
|
|
|
|
|
|
Re: سلامات (Re: عزام حسن فرح)
|
الاخ عزام
انت الان في مرحلة (الاعمال التحضيرية) لجريمة قتل خطوة تاني بتبقي (شروع) في القتل
خطوة تالتة تبقي (جريمة قتل) ونقعد نفتح في بوستات المناشدة لاهل المرحوم للعفو عنك .....
اقول ليك حاجة .......... انسي وعيش.
| |
|
|
|
|
|
|
أنا علي الطلاق يوم جاري ده بكتُلو (Re: عزام حسن فرح)
|
Quote: مُشكلتي إنو سودانيز أزن لايِن ما بِتفتح معاي في المكتب ولا في البيت ... - ليه ؟ - لإني في المكتب ما عندي كُمبِيوتر وفي البيت برضو ما عِندي كُمبِيوتر ...
بِالله ما في زول ما يقول لي ما أكتُلو ...
|
جارك دا يا عزام تكتلو تكون غلطان .
لاني انا مشترك في سودانيزاونلاين
عندي كمبيوتر في البيت
عندي كمبيوتر في المكتب
والاتنين اشتراك DSL
وبرضو في البيت ما بقدر اخش علي سودانيزاونلاين منذ التهكير
وحتى الآن
شنو رايك ؟؟؟
تقوموا تكتلوني ؟؟؟
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
طارِق ميرغني
الزول البريدو وخالِف مواعيدو
Quote: عندي كمبيوتر في البيت عندي كمبيوتر في المكتب والاتنين اشتراك DSL |
إنت ما قادِر تصدِق القريتو ... الزول ما قادِر يدخُل سودانيز أون لايِن لأنو ما عِندو كُمبِيوتر مِن أساسو ... أها رأيك شنو ... أكتُلو ولا أرجاك ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
اتاري اقول الزول دا وين
لا تلفون منو سمعت
لا ندوة نعملها نشوفو فيها
لا كمال سالم نفسه عندو خبرو
والناس كلها تسال عنو
حتي الجايين والجايات من بلاد برة وآخر الدنيا
سالوني منو
هسه عرفت
دا حين جارك دا اوصفو لينا عشان نتجنبو.
غايتو طارق ميرغني وحاج حمد وبت بشير الطيب بعاد
(صاحبك ) دا بهلوكبتر ما بيقدر يصلم.
اظهر وبان عليك الامان.
دمت يا الحبيب
| |
|
|
|
|
|
|
Re: أنا علي الطلاق يوم جاري ده بكتُلو (Re: حسن طه محمد)
|
د. نجاة محمود
Quote: والله يا عزام انت جار النيتو وعصرتك على العدو تكلتو؟ |
جودِيه بِت محمود ما ليها أصلو مَرد ... أديتك أمان يا جاري اللوم علي يِِترَد ... مِنك نجاة نطلُب سماح بِجد ... بدخُر أذاي مِن جاري لِيوم الشد ... يا الله الكريم العافية ما أنهد ...
| |
|
|
|
|
|
|
حليل بحري حليل يِمه (Re: عزام حسن فرح)
|
ود قِناوي
Quote: ياخي شفعنا فيهو الزول الجرح
|
ود قِناوي بحراوي في الشكِل والسِـمـه... شفاعتك مُجازا ومقبولة في الرِمه ... مشفوعك عريان دارِعلو في رِويسو عِمه ...
| |
|
|
|
|
|
|
Re: حليل بحري حليل يِمه (Re: عزام حسن فرح)
|
عزام قريبي
Quote: ود قِناوي بحراوي في الشكِل والسِـمـه... شفاعتك مُجازا ومقبولة في الرِمه ... مشفوعك عريان دارِعلو في رِويسو عِمه ... |
عزام الأسد في ضربو جد سواي
الجار القبيل حرقص زي الجراداي
خليهو ياخ ده جار عديم الراي
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
ياعزاااااااام .. يا حليلك وحليل قعادنا عند الزين مالك يا خوي (فكت) ولا شنو؟ ما كنا ناس كويسين زمااااان الجد شنو ياخوي .. خلي الداير يقرأ يقرأ والداير يقول يقول .. زمني الكنت تذكرجي بتاع طيارات جاني واحد قالي بدور ليا(طذكرة) قلت ليهو وين ماشي رد وقال ماشي (تمبول) بيقصد اسطمبول باختصار الحجز كان لحدي يوم 30 في الشهر مافي .. قام يترجاني الله يخليك شوف ليا حجز أكان يوم واحد وتلاتين وأكان يوم اتنين وتلاتين .. أهه يا خوي .. الداير الكتل يا تو فيهم ..إنت ياخوي شوف صحي الدايرين الكتل وحايمين يبرطعوا في سماء الوطن الممكون وصابر ..
| |
|
|
|
|
|
|
Re: أنا علي الطلاق يوم جاري ده بكتُلو (Re: صلاح أبودية)
|
رأفت ميلاد ...
عليك الله إنت كيف ... قصدك شنو ... علشان نشتاق ليك يعني ... علي الطلاق وإنت حدانا الشوق قاتلنا ...
والله يا ود ميلاد ... تِلِصِق زولي دفتر مع جيلاد ... وتكنو البايخة شُغُل بِإعداد ...
قلت لي شنو ... أكتُلو ... ولا أرحل مِن الفِجه ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
Quote: عشان يتفرق دموا على القبائل سودانيز الجاري وراها دي لامة كل زول يدفع جنيه سوداني بالجديد و اقطع ليهو تذكرة على سودانير كان انسترت سودانير بكون فكاك من جيرتو و كان قامت على جنها و غباها نطالب بدمو من وزير الطيران اها كدا ما انحلت ؟
|
Quote: شَركـ ليهو بي بوست و ختليهو فيهو سِم فار
|
Quote: قول ليهو يا تدفع على قراية سودانيزاونلاين، يا كمان .. ناس التلفونات حيجوا يشيلوا العدّة!
|
قيقراوي، خدر و عادل الله لا سكنا جنبكم ولا في حلتكم، جيران التاباني
عزام، اسي الزول ده كان مات موته الله الواحده دي، ليهو طوله العمر، تقبل وين؟
| |
|
|
|
|
|
|
Re: أنا علي الطلاق يوم جاري ده بكتُلو (Re: Rihab Khalifa)
|
طارِق ميرغني
Quote: اوع بس تكون كتلتو ...!!! |
الوضع تحت السيطرة ... أعمل حِسابك ... الظاهِر هِنا في واحد مِن ناس البوليس وكده ... أنا ما عاوِز مشاكِل ... الزول بِالمُناسبة كويس (نوايا حسنة) ... أنا علاقتي بيهو في تحسُن وكِده (إلتِزاماً بِالتوجيهات الإسلامِية ... الله وأكبر الله وأكبر تهليل لا إله إلا الله) ... وأكان فتشت جواي بلقاني بحبو (شروع في الحُب)
| |
|
|
|
|
|
|
Re: أنا علي الطلاق يوم جاري ده بكتُلو (Re: سارة علي)
|
سارة علي ...
Quote: بس قلتا اذكرك انك حالف طلاق... |
والله فيكي الخير يا بِت عمي ... بكتُلو يوم وأسمعي كمان الحليفه دي ... علي الطلاق ما بقول إنك ذكرتيني ...
< ... وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ > الحج 47
| |
|
|
|
|
|
|
Re: أنا علي الطلاق يوم جاري ده بكتُلو (Re: عبد الدائم سيد أحمد)
|
عزام،
أنت ما تكتلوا، بالعكس أستفيد من مواهبه (فى السغالة)،،،
صاحبه و سلطه على من لا تحب، و الطالبهم غبينة،،،،
اللهم لا تجعلنا منهم،،،
و لا أقول ليك، أجروا لحبايبك و أصحابك بالبورد،، و أهو كلو أجر!!!!
قيقراوى،،
Quote: عشان يتفرق دموا على القبائل سودانيز الجاري وراها دي لامة كل زول يدفع جنيه سوداني بالجديد و اقطع ليهو تذكرة على سودانير كان انسترت سودانير بكون فكاك من جيرتو و كان قامت على جنها و غباها نطالب بدمو من وزير الطيران |
ياخى بالغت يا قيقا ياخى، على كدة ناس سودانيز، ما ح يكون عندهم شغلة غير يدفعوا (الكشف)،،،،
| |
|
|
|
|
|
|
Re: أنا علي الطلاق يوم جاري ده بكتُلو (Re: Hala Hassan)
|
Quote: ( أنا علي الطلاق يوم جاري ده بكتُلو ) |
يا زول بي قَفَاكْ ، أصبرْ خَلَّنا
النَّشُوف اللَّجاويدْ يمكن مشكِلَتْكُنْ دي
نَحِلَّها منْ غير فِطِّيسْ ..
Quote: - لإني في المكتب ما عندي كُمبِيوتر وفي البيت برضو ما عِندي كُمبِيوتر |
" يا عزَّام ياخي دا ألطف وأجمل جار ،
وجارك دا زَكَّرني بي قصَّة حقيقيَّة حصلتْ مع حبوبتنا "حاجَّة كبيرة في السِّن " أيام مراكز
الإتصالات بادية في الإنتشار جديد ، ولدها كان مغترب في السُّعودية وإسمو الطَّيِّب ،
أها الحاجة دي قالو ليها ولدِكْ الطَّيِّب قالِكْ تعالي النَّقابلِكْ في التَّلفون
علي مركز الإتصال الجديد حَقّ الحِلَّة.
أها يا سيدي الحاجَّة لفحتْ توبا ومرقتْ لي مركز الإتصال وماها فاكرا إنُّو
لازم تمسك التلفون بي يدَّها وتتكلَّم ،
أها حاجَّتنا وقفتْ جنبْ باب المركز وخَتَّتْ يدَّها في الباب وقعدتْ تكورِكْ :
- " كيف حالك آالطَّيِّب ولدي كيف حالكْ آآجَنا ، نَعَلَّكْ شديد " .
أها جماعةَ المركز قاموا مسكوها من يدَّها ودخَّلوها لي جوَّة ومسَّكوها
التلفون وقالولا أنْضُمي "
حَتّينْ بعدَّاك حاجَّتنا بدتْ مسالمتا لي ولدا من جديد" .
" إنتَهَتْ "
أها إتَّ جاركَ دا باصرلو طريقة باسوورد عشان إدخُل وُينضُمْ وأنا
عَلي بالتَّزكية .
...
العزيزُ / عزَّام ..
لكَ السَّلام وكامل الإحترامْ
وتحيَّاتي لجارِكَ الجميلْ ..
تقبَّلْ تقديري ومودَّتي .
احترامي .
أخوك / محمَّد زين . ____________________________
| |
|
|
|
|
|
|
Re: أنا علي الطلاق يوم جاري ده بكتُلو (Re: محمَّد زين الشفيع أحمد)
|
محمد زين
البركه في طلتك حرم ...
Quote: أها حاجَّتنا وقفتْ جنبْ باب المركز وخَتَّتْ يدَّها في الباب وقعدتْ تكورِكْ
|
الشي ضريح ...
قُلت لي أسعى ليهو في باسوورد ... الزول خلو الزول خلو بِتابو بعدين وكِت الجد ... علي الطلاق أنا حابسلكُم داهي أسكُت ساي ... داخِر صبري كتره ما واجِعني أدخُل بيهو الجنه الفردوس عِلا الفرودس
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
ود المكي سيدي ...
والله سعادتك الزول بس شريك ... الجنا خابتو بِالواطه قبُل يومين ... المقيل ده سامعين بيهو سمع ما ضُقنا ... قبُل شهرين في جاراً لينا يمني إتشبك مع مرتو ناس الحِله إنكسروا فوق بيتو وفكينا الناس والحِكاية هِدت زولي قام ساق اليمني مِن ايدو قِدامنا وحاتك يا سعادتو مشا بيهو فوق في الخلا ... بعد حِصه كده جو صادين - في شنو ... مشيتو وين؟ - طلقتا ليكُم مرت اليمني ... مره شوم - طلقتها كيف؟ - أقنعت اليمني الرمه ده قلتلو عِندك فوقا كم حبل ... قالي تلاتة حِبال كاملة ... قلتلو وداخِرا لِبتين ... راجي بيها العيد عَلك ... طلق الشوم بِبقى ليك حبلين
قمنا سُقنا اليمني دخلنا بيهو بيتي ... - يا زول ده شنو السويتو ده ... المره مُطلِقا ليه؟ - حتى أُثبِت لِجارُك هذا إني رجُل - بسم الله ... والقاليك إنت ما راجِل منو يا زول؟ - هذا الرجُل ... قال لي إذا لم تُطلِق هذِهِ المرأة فأنت ليس بِرجُل
أها سعادتك يوماتي صينية بتمشي مِن بيتي لِبيت اليمني في الغدا ... وزولك حرم سامعو مِن تمغرِب يِدوبي ساااي ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
Amiral
Quote: عزام اخوي جارك دا لو لحق عرف انك شايل حالو في الاسافير اكيد هو الي حيفكر يكتلك |
كِده بِتكون مُشكِلتي إتحلت حل جذري ... لكِن لا أُوصي بِهذا الحل ... وتحسُباً لِهكذا أمر ... علي الطلاق أكان أديهو عناوين بورداب الدَوحة جت وأوصي الراكِز ولدي أقولو أكان مُت يِقيف جنبك جاري والبِشيل الفاتحة معاك يشيل الفاتحة مع جاري ... خليهو يِبوحلِق زين في وُشوشُم ما يِضهب مِن فِرِد واحِد ... أنا هسع قاعدين يسألو فوقي ... إنتو شيلو شيلتكُم ... علي الطلاق البِسألوني ما يصلو في حِسابُم معاي الصف السادِس عِلا نُصكُم يِلحقني ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
nadus2000
إلا إتْ ... إلا إتْ ... إنشاءالله ما تتلم مع جاري لا في دُنيا لا في آخره ...
والله يا نادوس قبل فترة كده
- أبو الراكِز أبو الراكِز أبقى مارِق - السلام علَيكُم ... إتفضل جوه - إتْ الفضيل ... ماني داخل ... ألبس عِمتك - على وين إنشاءالله - ماشي أشتكي أمام الجامِع لِلشؤون الدينِية - في شنو يا دافِع البلا ... الإمام سوى شنو - الإمام طايِر في السما ... إتْ ما سِمِعت خطبتو ... ما كان عانيني بيها - ما صليت الجُمعة دي - ما صليت الجُمعة ... خبارك يا زول ... إتلومت حرم - معذور شوية - عُذرك شنو يعني - تعبان شوية - أفو ... وما حدثتني مالك يا زول ... حرم إتلومت تب ... إتْ يا يازول بِتكوس فوق لومي عَلك - ما تقول كده بِالله تعب بسيط ماف شئ يستاهل - وبِت إبراهيم دي ما حدثت شموم مالا ... - ياخي قلتليك ماف شئ ... يا تدخُل يا تمشي أنا عيان - سمِح بمِش أشوف غيرك يمشي معاي أشتكي الإمام - يا زول صلي على الحبيب - صلى الله عليهِ وسلم - الإمام ما قاصدك - إتْ بقيت ولي عرِفتو كينِفو ما قاصِدني - لأنو الخُطبه بِتجيهو مِن الأوقاف ... هو بس بِقراها لينا - يا زول الزول ده مِن يقرا ويِصل لِكِلمة ( ويلكُم ) بِمِد أصبعو جِهتي ويقلَوظو ليك تقول دايِر يِقِد لي بيهو عيوني تقول لي ما قاصِدني ... - لا حَولا لولا قوة إلا بِالله ... إمام وراح - بِتزوزي بتقول شنو - لا ماف شي ماف شي ... أمِش الله يِعدِل عليك ...
تقول لي يا نادوس في زي ده ... ده فريد عصرو ... حار عصرو
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
محمد الجيلي ...
مره زولي (جاري) إتصل بي ...
- ألو ألو أبو الراكِز ... ها زول - أيوه أيوه كيفك - إتْ الداهي ده بِسوو كيف ... - الداهي ياتو يا حبيب ... أنا قاعِد أقري في الأولاد - ناس عبدالكريم ود فضل المرجي ما مشو السودان ... قامو أمِس مشيت أخدت منهُم الدِش بتاعُم - قصدك الريسيفر - ياهو ... أها هسِع دايِر أجلُب النيل الأزرق ... - عِندك كرتو ... - كرِت شنو - الكرت البِيجِلب النيل الأزرق - الخرااابا الشي بِكروت - أيوه بِكروت ... أنا قاعِد أقري في الأولاد - سمِح ما أعطِلك ... في التيليفون سااي وريني بِفتحو الداهي ده كيف - لا حَول ولا قوة ... إتْ فتحو ساي ما خابرو - ماني خابرو - أفتح التِلِفزيون - فتحتو - أفتح الريسيفر - كيف - بِالريموت كنترول - ياتو لون - الأحمر - عفسطو ... فتح - ظهر شئ - الحبه ما ظهرت ... إتْ يا زول الديجِتال بتعرفو ولا ساي سارح بي
لامن قبلت على الأولاد لِقيتُم جت نامو والساعة رَوحت فوق العشرة ...
| |
|
|
|
|
|
|
Re: أنا علي الطلاق يوم جاري ده بكتُلو (Re: عزام حسن فرح)
|
Quote: محمد الجيلي ...
مره زولي (جاري) إتصل بي ...
- ألو ألو أبو الراكِز ... ها زول - أيوه أيوه كيفك - إتْ الداهي ده بِسوو كيف ... - الداهي ياتو يا حبيب ... أنا قاعِد أقري في الأولاد - ناس عبدالكريم ود فضل المرجي ما مشو السودان ... قامو أمِس مشيت أخدت منهُم الدِش بتاعُم - قصدك الريسيفر - ياهو ... أها هسِع دايِر أجلُب النيل الأزرق ... - عِندك كرتو ... - كرِت شنو - الكرت البِيجِلب النيل الأزرق - الخرااابا الشي بِكروت - أيوه بِكروت ... أنا قاعِد أقري في الأولاد - سمِح ما أعطِلك ... في التيليفون سااي وريني بِفتحو الداهي ده كيف - لا حَول ولا قوة ... إتْ فتحو ساي ما خابرو - ماني خابرو - أفتح التِلِفزيون - فتحتو - أفتح الريسيفر - كيف - بِالريموت كنترول - ياتو لون - الأحمر - عفسطو ... فتح - ظهر شئ - الحبه ما ظهرت ... إتْ يا زول الديجِتال بتعرفو ولا ساي سارح بي
لامن قبلت على الأولاد لِقيتُم جت نامو والساعة رَوحت فوق العشرة ...
|
ياخ شتت بيو ولو فضل باقى كوارع رسلو بالـ DHL
( وش محنبك من الزعل عشان ماوديتو الخور لسه )
| |
|
|
|
|
|
|
|