هام وعاجل اذا كنت ترغب في الدراسةفي ماليزيا..

Quote: الBody language السودانية التى تعطي انطباع ما جميل وتخلك في قدد لا اول لها ولا آخر..وممكن تنرفز المسؤول وامرك ما يتقضي وربما لقيت نفسك مشتكينك وموصوف بانك صعب التعامل معه.والموضوع يسركل يملا الجامعة واي زول بعداك يحضر الصاجات لما تجي عليه.. 1- الكلام بصوت عالي وحاد 2- تحريك اليدين الكثير بعصبية او ساكت كدا 3- ابداء الضيق والزعل في موضوع واضح وقانون انت وقعت عليه. 4- الرد على التلفون وانت بتتكلم مع مسؤول خاصة لو كبير في السن خليه يقوليك اتفضل رد ولو ما قاليك ما ترد( اقفل تلفونك اثناء حديثك مع اي مسؤول ) 5- ادخال اليدين في الجيوب اثناء التحدث لاي مسؤول شاب او كبير في السن 6- اسمع ولا تقاطع وتلاجج وتغالط الا بعد انتهاء حديث المسوؤل قول كلامك بتهذيب التهذيب بيوديك بعيد في ماليزيا.. 7- لو ما عجبك الكلام اوعى تضحك 0(حركة سودانية 100%) لانه دي حتكون بمثابة الشراب الرمى السلك كرت احمر في افرب سانحة.. وتفعيل اللوائح المعطلة والمؤجلة معك..( نظام انهم من اكثر الناس غتاتة في الدنيا) 8- لا تتاخر من اي موعد مضروب مع مسؤول لانه جدولو بيكون معد سلفا. اذا اتاخرت اتصل اجل. 9- اياك واياك استخدام اصبع السبابة في كلام مع اي ماليزي خاصة البوليس والسلطات لو عايز تاشر على حاجة استخدم اصبعك الابهام اختلافات ثقافية بتوديك في داهية 1-اي بت اتعرفت بيها شوف بطاقتها اتأكد من عمرها كم اي بت اقل من 18 بتوديك السجن 20 سنة اذا اهلها اشتكوك.. ودا وارد بنسبة 99% الكلام دا جادي جدا 2- تصوير الناس بدون اذنهم خاصة البنات 3- ملاعبة الاطفال الصغار خاصة البنات ( حركة عادية عندنا عندهم مثيرة للشكوك) 4- شد شعر الغير ملاعبة او بقصد العراك كرامة الماليزي في شعره ووحركة شد الشعر اسمها كرامة عديل كدا اوعى تشد ماليزي من شعرو خاصة المالي مهما كان حجمو صغير انت ميت ميت لا محالة.. 5- اذا كنت رجل ما تمسك اي زميل من يده وتمشو مع بعض متماسكين او تخت يدك في كتف اي واحد وتمشى معاه طوالي حيظنو فيك الظنون يكلمو اي زول في الكمبس .الحركة دي عادية في السودان هنا كعبةعديل كدا 6- اياك وحقارة المالي لانهم مساكين وهادئين وحجمهم صغير اذا Run amok منهم واحد بقتل الحلة كلها...احذر غضبة الحليم

(عدل بواسطة Hala Hassan on 02-26-2009, 11:45 AM)