|
Re: من يسحب بوستاتنا؟ (Re: Elbagir Osman)
|
Quote: ردك يوضح أنك من العالمين |
والله يا استاذ الباقر ما عارف اضحك ولا ابكي لكن الحاجة العارفها انو دي اخر مرة اتداخل معاك
Quote: فانت ممن يعرفون إذا كانت المداخلات مناسبة أم لا |
ياسيدي الفاضل انا قلت ليك لو طالبنا بريتشارد بتاع الهلال عشان يرجع تاني في بوستيك دا بكون الكلام كدا مناسب ولا ما مناسب يتخيل لي اي عضو في المنبر دا بيعرف ايه المناسب والما مناسب ولكن اطمئن انا واحد من الناس الغير مرغوب فيهم بالمنبر دا بتاتا جيت متحمس جدا وبعد اسبوع من دخولي تم ايقافي. ولحدي الان ماشي جنب الحيطة لكن موضوعك دا مس اتنين من اصدقائي (منير وبدرالدين) لذلك انا اتدخلت ووضحت ليك الحصل شنو في البوست الاتحذف زمان وقلت وجهة نظري في حذف البوست قبل شوية ولما اتحذف بوست هباني انا كنت بكتب ليك في رد على مداخلتك التي تسببت في حذف البوست والبوست دا لولا مداخلتك (الشترا) كان حايم ليهو يومين ما جاتو عوجة .
Quote: "من يدير هذا البورد؟" |
البدير البورد انت عارفو وانا عارفو ومن حقو يعمل اي حاجة دايرها ونحن يا نقبل بالوضع دا كدا يا اما كمان نعمل منبر براناوبالعدم نتحول لاي منبر اخر انا غايتو الوضع دا ما بطال معاي انت رايك شنو ؟ اها تناضل قبلك ولا تشوف حتة تاني تناضل فيها يا استاذنا الجليل . من واقع تجربتي البسيطة والقريبة العهد بالمنبر دا بكري عمرو ما اعتقد انو جا جاوب ليهو على سؤال طرح بواسطة اي من الاعضاء (ارجو تصويبي كان غلطان) .
|
|
|
|
|
|
|
|
|