|
ولا بسمع كلام المديرة ولا بحضر االجزيرة
|
مدخل (1) - ولا بسمع كلام المديرة ولا بحضر االجزيرة - دة شنو يا ولد انت داير تبقى شاعر جبدوك اهلك الكتياب - لا لا يا ماما لكن المديرة قالت لينا احضرو الجزيرة عشان تشوفو اطفال غزة كيف بموتو انا مالي ومالهم اطفال غزة انا سوداني وبس - طيب هم اطفال غزة القتلهم منو - انا عارف ايوا بابا قال لي قتلوهم الاسرائيليين
ونطت واحدة من هناك - لا لا ضربوهم التشادييين وحسع قالول حيجوا يضربونا !!!!!!!!!!!!!!!!!!
مدخل (2) - يا ماما اخت صاحبتي بتقرا في الجامعة وقالت عملو ... هي اسمها شنو يا ماما لما يمرقو
- مظاهرات ؟ - أيوا قالت علموا مظاهرات - قالو شنو - قالوا ما دايرين البشير - يا بت انتي متاكدة قالو كدة - ايوا - اها وانتي دايراه - انا برضو ما دايراه - ليه - لانه مجرم
ونط واحد من هناك -القال ليك منو مجرم حسع انتي بتقولي في كلامك دة عندك دليل - المهم هو مجرم - طيب ما دام ما عندك دليل ما تقولي كلام ساي ما متاكدة منه
- طيب خش سودانيز وهناك بتقلى الدليل
مدخل ( 3) - انت الوحيد السوداني لانك مولود في السودان - ايوا انا سوداني - لكن نحن ما سودانيين نحن يمننيين - ها عان دي قال يمنييين حسع احسن نحن ولا هم - حسع عليك الله مش اليمن احلى من هنا المدرسة احلى والشارع انضف والحدايق احلى واكتر واهم حاجة ما تنسي الجو يعني ما في اي حر زي هنا. - هي هي انا ولا يمني ولا سوداني انا الماني لوني ابيض وشعري دهبي مش زي اليمنية ولا السودانيين لونهم اسود وشعرهم خشن !!!!!!!!!!!!!!!!!!!!!!!!!!!!!
مدخل ( 4) رغم اختلاف المداخل في المواضيع التي تمت مناقشتها ولكنها تناقش فضية جوهرية وهي الهوية
والمهم هكذا يتناول اطفالنا قضايا الساعة حوار تم بين اطفال تترواح اعمارهم بين ستة وثمانية وآخر 14 سنة كيف ينظرون لهوياتهم ما اثر الاعلام في تشكيلها وكيف تتبلور مواقفهم تجاه قضايا الساعة وما دور الاسرة في ذلك اسئلة تؤرقني هل تترك لهم خيار تحديد مواقفهم ام تتدخل في محاولة لشرح او توضيح حقائق وان تدخلت من اين تضمن ان تدخلك لا يخلو من تحيز لمنظلقك الفكري الايدولوجي ومواقفك السياسية كيف نستطيع ان نترك لهم حرية الاختيار وما هي الوسيلة التي تساعد في ذلك؟؟؟؟؟؟
محتارة
خارج النص:
Quote: انا مالي ومالهم اطفال غزة انا سوداني وبس |
الزول دة اتكلم مع تراجي بالتلفون ولا شنو يا تراجي هي نحن اديناك ناذر دة مالك ومال اطفال الجعليين ، هو ذاته بيني بينك مشكوك في جعوليته لانها لحمة اضان ساي (لحمة اضان تعني انتماء من جهة الام فقط) وتاني يجينا ناطي الجندر هو ماله ما بينتمي لامه مش جيناته النص بالنص غايتو المهم دة الحاصل
صفية
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
ولا بسمع كلام المديرة ولا بحضر االجزيرة | Safia Mohamed | 01-08-09, 11:44 AM |
Re: ولا بسمع كلام المديرة ولا بحضر االجزيرة | tayseer alnworani | 01-08-09, 12:03 PM |
Re: ولا بسمع كلام المديرة ولا بحضر االجزيرة | Safia Mohamed | 01-08-09, 12:47 PM |
Re: ولا بسمع كلام المديرة ولا بحضر االجزيرة | العوض المسلمي | 01-08-09, 12:53 PM |
Re: ولا بسمع كلام المديرة ولا بحضر االجزيرة | Safia Mohamed | 01-10-09, 01:52 PM |
Re: ولا بسمع كلام المديرة ولا بحضر االجزيرة | salah awad allah | 01-08-09, 02:08 PM |
Re: ولا بسمع كلام المديرة ولا بحضر االجزيرة | Salahaldeen Nadir | 01-09-09, 09:25 AM |
Re: ولا بسمع كلام المديرة ولا بحضر االجزيرة | Abdlaziz Eisa | 01-09-09, 10:32 AM |
Re: ولا بسمع كلام المديرة ولا بحضر االجزيرة | عبدالكريم الامين احمد | 01-10-09, 05:11 PM |
Re: ولا بسمع كلام المديرة ولا بحضر االجزيرة | Safia Mohamed | 01-12-09, 11:37 AM |
Re: ولا بسمع كلام المديرة ولا بحضر االجزيرة | Safia Mohamed | 01-12-09, 09:58 AM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 07:55 PM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 08:15 PM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 08:15 PM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 08:15 PM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 08:15 PM |
Re: ولا بسمع كلام المديرة ولا بحضر االجزيرة | Safia Mohamed | 01-11-09, 07:21 AM |
Re: ولا بسمع كلام المديرة ولا بحضر االجزيرة | معتز القريش | 01-10-09, 08:42 PM |
Re: ولا بسمع كلام المديرة ولا بحضر االجزيرة | Shamael Elnoor | 01-12-09, 10:04 AM |
Re: ولا بسمع كلام المديرة ولا بحضر االجزيرة | Safia Mohamed | 01-13-09, 10:52 PM |
Re: ولا بسمع كلام المديرة ولا بحضر االجزيرة | Safia Mohamed | 01-13-09, 08:21 AM |
Re: ولا بسمع كلام المديرة ولا بحضر االجزيرة | عبود عبد الرحيم | 01-12-09, 10:29 AM |
Re: ولا بسمع كلام المديرة ولا بحضر االجزيرة | Safia Mohamed | 01-15-09, 08:09 AM |
|
|
|