|
Re: اصدقائي اجمل الامنيات بعام سعيد (Re: Maawya Hussein)
|
تعالى نحلم تعالى نحلم اجمل حاجة انه الواحدة تحلم والواحد يحلم بعام جديد الدنيا تصبح يوم معاد وابقى احوج ما اكون انا لحضورك بالجد بدورك فجاة يشلع فينى نورك والقاك نبتى من التراب السكة فجيتى الافق نضحك من الواقع سوا نحنا القدرنا على التعب حرقتنا السنة اللهب ولسه ماسكين الدرب يا صاحبة فى الزمن الصعب كل لحظة وانتى بخير الكلام الفوق دا حق خطاب حسن احمد بث
| |
|
|
|
|
|
|
Re: اصدقائي اجمل الامنيات بعام سعيد (Re: محمد عبد الماجد الصايم)
|
Quote: ده سكري وعسلي ودنيتي وحبيبي ابني |
ربنا يحفظه ويغطيه وليك يخليه ويزيدك فيه ويجلعه باراً بك وسعدك وهناك هنا وهناك ...
وكل سنة وانت وهو أحلى وأجمل من ما تتمنوا .....
( أها ماختينا صورته وكده علشان ما تزعلوا مننا في نهاية السنة كمان وتبقى ذي بدايتها ) ...
| |
|
|
|
|
|
|
Re: اصدقائي اجمل الامنيات بعام سعيد (Re: osman righeem)
|
Quote: لك سبع امنيات حلوات و من الوحدات جايات |
كل سنة وانت والمقاولون العرب بألف خير ... والسنة الجاية إنشاء الله تسعات ...
أنساها كيف أقدر انا .. والالم معاي عدى السنة .......
ياخي ماقلنا ليك أجدعنا بي تلفونك وكده .... مالك بقيت ذي ذو النون بشرى .....
كل المحبة لك ياحبيب ( أها تعال أفتي لينا في دي كمان ياأبو سبعات أنت ) .....
| |
|
|
|
|
|
|
Re: اصدقائي اجمل الامنيات بعام سعيد (Re: Hala Hassan)
|
...
حنين من إذنك حبة..
العزيزة (سارة علي) انا زاتي كلامي القلتو ما لا قي، دي اول شكوى وسرقة في رأس السنة من "حنين"... الكلام وديتي وين؟... ما علينا، نشوف في النية كلام تاني...
نعود حنين للبلد، أسم يكوي القلب والوجدان...
وإليكم حكاية، نسري بها النفس:.
***** يمه يمه صحي ولدوني عريان.. هكذا يسأل الطفل امه، في برد الشتاء، .. تهز الأم رأسها، .. فقد سئلها قبل كدي عشرات، بل مئات المرات، ولكنه يعود ويسأل.. ليه، مش كان في برد.. تهز الأم رأسها، إجابة.. ليه ما طلعت لابس فنيلة وجزمة..
***** وللحق، الرحم الإنساني ذكي، وماهر وعبقري، ينحت في تلك الظلمة، بل في ذلك (المرسم)، الوجه، واليد، والعين، ونبض القلب..
فلم: نسى الملابس، والجزمة؟؟؟؟؟.. ألا تخرج الكلاب، والغزلان، بأظافر، وحوافر، وريش، وجلد وصوف..
لم؟، ترك الرحم هذه المهمة الجميلة..
أحكي هذا.. لإيماني بالرحم الإنساني، (بالعقل الإنساني).. بالقلب الإنساني..
إنه يسكونا كل يوم فرح جديد، بل اصيح استكو، حين نمر بمنزل (الكابلي)، إنه يلحن في أغنية جديدة..
لا ترفعوا صوتك يا أجدادي، فالتجاني بشير، يسطر في أنشودة جديدة، قم ياطرير الشباب.. عن لنا عن.. من عبقري الرباب، أو حرم الفن..
..... وتلكم العبقريات، وهي كامنة في كائن من كان..
تبحث عن زمن...(عن مسرح كي تولد)...
عايني، الزمن كنز، مش؟... ياخي، مش (ظلمة الرحم، قادرة على خلق جنين، يعني إنسان خلال تسعة شهور وعشرة يوم).... ونحن في ضوء الشمس ما قادرين نخلق إبداع، فكر، شعر، مكنة، دولاب، كتاب، شنطة، المهم شئ محسوس، يعطي للروح معنى..
أنتي عارفة، أعظم إحساس هو إحساس (الإنجاز)، شوفي المقاول المتسخ، بل المحنن بالاسمنت والبوهية، والطين لمن ينظر لعمارة أو بيت، أو حتى حيطة بناها، هل تصدقي إحساسو ده يتجاوز قلب ليلى، حين تعشق، وقلب جوته، ووايت مان.. (أحب وايت مان طبعا).. وهم مسكونين بومض الشعر، برقة الشعر.. وللعقل القديم ، أعظم إنجاز هو (الإنسان)، ألا تنظري لنفسك كثيرا في المرآة؟، تلك هي لوحة العقل القديم (أنت)..
فأين لوحاتنا... الزمن كائن عجيب، يندفق من ماض مجهول، لمستقبل أكثر غموض، ويفتح شهية النفس للتأمل ما الزمن، أهو نهر يجري، ويغير جلده في كل ثانية، ومن نحن، لم يجري بنا من الرحم للطفولة للشباب للكهولة، للقبر، ولما وراء القبر، يفتح اسئلة، وتعجب، إنه كائن لذيذ هذا الزمن..
ونعود للعادة والتكرار، فالزمن يتكرر، السيدة الكرة الأرضية تلف وتلف، حول نفسها، فتخلق يوم، وحول الشمس فتخلق فصول... ونحن على ظهرها نتفرج على ربيع وشتاء وصيف وخريف... أجمل قطر، مش؟...
طيب نرجع للنفس البشرية (الملولة، العجولة)، السجمانة، في مادح بقول وسط الطريق، ومجاني، في تقطاع شارع الجمهورية والقصر (نفسي يا متعالي، تبقى تحت نعالي، مزعنة وطايعة لي)..
آآآآه، كلمة (مزعنة )دي هي السبب، مثلا، ففي أصغر وحدة زمنية النفس دايرة تعمل حاجة، والعقل داير يعمل حاجة تانية، والقلب داير يعمل حاجة تالتة، شفتي الحرب الشرسة دي في النفس البشرية كيف.. مش (أعدى اعدائك نفسك التي بين جنبيك).. ورجعنا (للجهاد والنضال الأكبر)..
مثلا، الساعة اربعة، النفس دايرة نوم، نوم وبس... العقل داير يقرأ كتاب طوييييييل، وياريت النفس تنفض عنادها.. والقلب يرنو لحبيبة بعيييييدة، علها يتذكرها، يتمثلها، ويخلق من مادة الحلم ما يشاء..
نحن من يسلك الطرق، يفتح الزمن له عشرات الطرق، ونحن في مفترق الطريق، نضع علامة الاستفهام (؟)، إلى أين..
ياربي امشي كدي، ولا كدي، وعلى نفسها جنت براقش..
هل تصدقي، أعظم الانجازات البشرية، خلقت من (التسكع)، أيوة، المشي البسيط في الشارع، مع تأمل عميق، يخلق نظريات (زي الخريطة الوراثية)، والسيد البسيط انشتاين، أغلب افكاره كانت من التسكع البسيط، يعني (التفكير)، ما داير أي شروط، ولاغناء، ولا جامعة، ولا مدرج، ولكن كيف نصحو (مجتمع جديد، أو الكارثة)، زي ما بقول د. زكي..
على المستوى الشخصي، أحس بكسل، بإهمال، وبأني عاق لمواهب في العقل والقلب والشعور،وهي مواهب مبذولة للجميع..
هناك عقل.. وهناك قلب.. فأي ثروة أعظم من هذه، هل تصدقي، مجرد المحبة، أن تحب الناس، وتحاول حبهم، وتمثل معاناتهم، دي موهبة... الشيخ العبيد ود ريا قال (الماعندو محبة، ما عندو الحبة)، يعني القلب (وهو كنز شعور عميق، عمييييييييييييييق)، هل ينبض بالمحبة للاشجار، لشاعرية الغروب، لدفق الزمن، لحرير الذكرى، لبخور العيون الجميلة، لمعاناة الشعوب، لرائحة عرق الفلاحين، لرسومات السحب، للألوان ، ما أجمل الألوان، على القلب ان يكون سيد، وعاشق كبير للحياة، ودي شبه مجاني، ما دايرة قروش، وروضة وجامعة.. الكون مفتوح، ورسومات السحب تمر فوقك، والنسيم اللامرئي يدغدغ خدك، وشعرك، وجسمك، ويرسل الشعر الغجري، كنجوى وشعر... وعيون الابقار الحزينة، ألا تحرك فينا شئ..
الكون لوحة.. الكون معاناة.. الكون سر...
وخلق الزمان يجري كي نتفرج على أعظم مشهد، على أعظم لوحة، على أعظم مسرح، على أعظم سينما وهي (الحياة)..
عليك الله تأملي كلمة حياة.. وجه أمك.. قبر جدك.. امرأة نوبية تبيع السكرة في مملكة علوة.. قرد يقفز في غابة.. فتاة عاشقة وخجولة..
للحياة وجوه، ومكر، ودهاء وطيبة....
والزمن نهر، له امواجه، وله ضفته، وقواربه، ولكن متى نجهز ا لقارب والشراع والمجداف، ونمضي معه.. كي نقطف ثمار المحبة، والفهم، والحيرة..
هل تصدقي، أعظم شي تقدمها لنا الحياة.. هي... نعم هي.. هي نفسها (تأملي، بل تذوقي، بل أشرفي كلمة "حياة"، وسترينها في عيون الاطفال، في نبض عاشقة، في أنين سجين، وفي تلاثغ الأمواج.. وبيت شعر..
الدهشة.. والغموض، وما أسعد عقل سقراط، وهو يبوح بأدب جم لتلامييذه بأنه.. (أعظم جاهل)..
لا يأس مع الحياة.. كتب غرامشي كتابة الرائع في السجن، وتأمل كزاناكيس الكون في خلوة السجن، وكتب صنع الله ابراهيم (تلك الرائحة)، في عتمة السجن، وانفطر قبل الحلاج وجدا، بخلوة بعيدا عن العباد والبلاد..
الزمن جوهر.. والايام لؤلؤة..
عام سعيد، وجميل، وخلاق، وود ناس، وشاطر، وذكي..
أطلت،.. ولكن هكذا جرى القلم..
.. صباح الخميس، الأول من يناير 2009م.. الدوحة/ قطر.. ...
| |
|
|
|
|
|
|
Re: اصدقائي اجمل الامنيات بعام سعيد (Re: حنين للبلد)
|
الاخ عبدالغني كرم الله كل عام وانت بخير
رغم انك وجهت الكلام للاخت سارة لكن حبيت اقول ليك يا ابوي دي مداخلتك مااختفت لكن هي في الصفحة التانية ورديت ليك عليها برضه في الصفحة التانية ممكن ترجع تراجعها.....ساعدونا بالمذاكرة والإطلاع لي عودة لمداخلتك الأخيرة لانها بالجد دايرة دراسة....
Quote: العزيزة، حنين...
سلام واحترام..
نهاية العام يقلب المرء الطرف، ماذا فعل، ماذا اضاف، كيف تصرف، جرد لعام كامل، لاكثر من ثلاثمائة يوم، ناهيك عن ساعات، والساعات هي الحياة، هي الكنز العجيب، كيف تصرف الفرد مع اعظم مخلوق، وهو الذهب الحقيقي (الزمن)، وخاصة زمن الفراغ..
يتوقف الانسان كثيرا للاخطاء للسلبيات للرعونات للجهل للانفعالات الموقتة، للتهريج الذاتي، للوقت الذي تسيب منه ولم يفعل، للتبريرات التي يخلقها الفرد لنفسه،....
رأس السنة، هو وقوف امام المرأة، مرأة النفس... وقوف بصدق، وتجرد، وهيهات، فالنفس ماكرة، شاطرة، تزين الاخطاء، ثم أنوار العقول إن لم تكن قوية فلن تكشف المستور في النفس، والله كل سنة أحس بالتقصير، بالندم، تجاه امي، تجاه الكون، تجاه نفسي، وأفتح اسئلة لم؟ وكيف، ومتى...
الزمن يتسرب.. ونحن ننوح عليه، ونحن من قتله.. المتنبي، يقول، ولم أرى ... كنقص القادرين على الكمال، وكل الناس قاردة على العطاء، .. وأخير، نعزي النفس، بحكمة (أن تشعل شمة خيرا من أن تسب الظلام)..
ليتنا نبدأ في التغيير الداخلي..
هذا الكلام لي، لي انا، وليس لأي فرد أخر، .. أحس بالتقصير، وبالندم العمييييييييييييييق، وبأني اهدرت عام كامل، بلا شئ..
ومن حيث الامنيات..
لك، وللوطن، وللكون أجمل عام، يقبل يومه ا لأول، بل كل ايامه، صبوحة كوجه أم، عريقة كقلب ولي، وحكيمة، .. وزاهية..
وكل عام وانتم بخير.. |
| |
|
|
|
|
|
|
Re: اصدقائي اجمل الامنيات بعام سعيد (Re: محمد البشرى الخضر)
|
Quote: عاين دي باللاي !!!!!! |
لكن عاد ياودعمي اقول شنو طيب...
زول يقول ليك اخير تكون متصفح، اقول لي شنو؟؟؟؟ تاني حاجة هنوف ده شكله زول مهذب..عشان كدة رديت لي رد مهذب
تاني حاجة انت عارفني زولة الله سااكت... عليك الله ابوي الكلمة الطيبة دي بتكلف شنو هههههههههههه
اسمع اقول ليك....
والله انا الليلة عيانة عياء السواااااااااااد...ملطمة لوز وحمى خراااافية .....خلي ساكت بس...
ازيك يااخي..
| |
|
|
|
|
|
|
Re: اصدقائي اجمل الامنيات بعام سعيد (Re: حنين للبلد)
|
Quote: يعني عليك النبي بعد تعب عمك روغيم دا كلو ترجعي متصفحة كدا بكل بساطة معقول بس ؟ |
يا عمك
كدي خليها التتصفح تاني والله اعملها نداءات ضد الدروع
و ينك أمس انا غايتو في زول/ة اداني مبرر لقيتك ليك حق لكن لنفس السبب المنعك انا حأجي طوالي
| |
|
|
|
|
|
|
|