بعد حضور طرزان : الأمم المتحدة :بان كي مون سيحضرللدوحة ومتمسكون بشرعية واحترام الجنائية!!

Quote: وسيد البلد طار مشى الدوحة ويعنى لو مشى الدوحة ولامشى النار الحمرا يعنى شنو؟ ما يمشى كان مشى لكن الجرسة شنو ؟

Quote: مشى كسودانى له كرامته و يعود باذن الله كسودانى مرفوع الراس و بعد داك ممكن نختلف معاهو و ممكن نسأل اى من اسئلتك التى تخص اهل الدار لا كى مون و لا اوباما نحن برانا نختلف مع بعض لكن لما تجيب ليها مسألة كرامة للبلد أكان الشيطان زاتوسودانى بنقيف معاهو

Quote: طار ،رزان طار يطير الله لاعادو كنت بتكلم مع زميل صحفى زهجان قال انه الحالة بقت سيئة جدا الناس تعبانة وناس الحكومة بلموا فى حاجاتهم زى المطاردهم سيد البيت داير حق الايجار وسيد البلد طار مشى الدوحة ويعنى لو مشى الدوحة ولامشى النار الحمرا يعنى شنو؟ ما يمشى كان مشى لكن الجرسة شنو ؟ والكبكبة شنو؟ الاذاعة تجيب اغانى الفروسية تشكر لينا فى الراكوبة والبرامج ممجوجة وسخيفة سخافة الحدث نفسه والكلام اخيرا بقى عن التنمية انيما لما تجيب خبركم كنتو وين لمن الناس كانت بالجد بتشحد حق المواصلات ناهيك عن لقمة العيش؟ كنتو وين لمن الناس كانت وماتزال بتموت بالعشرات ان لم يكن بالمئات من الاوبئة ؟ لمن الكوليرا كانت عام 2005 و2006 بتاكل فى الناس وسميتوها نزلات معوية ؟ يافتحى عليك الله خلينا بلا طرزان بلا زفت عالم مرض وبلد ماعندها وجيع لانه كان عندها وجيع رئيس دولتها ما بقول بالفم المليان انه الماتوا فى دارفور عشرة الف بس؟ وليييه زاتو يموتو ؟

Quote: انه الماتوا فى دارفور عشرة الف بس؟