|
|
|
 Re: هل دي كانت حتكون آراء الشيخ الترابي .... لو كان لسع في السلطة .... ولا دي اصطياد في الماء ا (Re: أيمن الطيب)
|
كيفك يا أيمن الطيب
سلمات
Quote: معذوووووور يا مييييييييييييييييييييييادة معذوووووووووووووووووور!!
العملوه فيهو شوية؟؟؟؟؟؟؟
معقولة زول يجدعوه بايظ وكمان يسكت!!! ما لازم يشتغل ابوالعكس وكدا!!!أضعف الإيمان دا كيفنهو!!!
تحياتى,, |
لكين ما معقول يعملها ظاااااااهرة كدا
مرة سالوا الشيخ الترابي ... ايام ما كان لسع في السلطة
كم نسبة الفساد فقال بضع في المائة
وقعد يفسر البضغ تساوي من 1-9
ومنها الناس بقت تقول الفساد في الانقاذ 9&
اها بعد ما شاتووه بره السلطة
سالوا نفس السؤال
فتخيل عمل النسبة كم 90%
فقام اظن دكتور غازي ولا على عثمان ما بعرف واحد فيهم
قال الشيخ نسى ووضع الصفر
واعتبروها زلة لسان منه
| |
 
|
|
|
|
|
|
|
|
Re: هل دي كانت حتكون آراء الشيخ الترابي .... لو كان لسع في السلطة .... ولا دي اصطياد في الماء ا (Re: mayada kamal)
|
سلامات يا ميّادة,,
| Quote: لكين ما معقول يعملها ظاااااااهرة كدا |
لكن الزول دا ما فرقاتو ضيقة ضيق شديد بقى أغلب الوقت جوّه الجحر ولما يشم الهواء لازم يلحق يرزع سريع فالطقس غير مضمون ولا يعرف متى ستكون نزهته القادمة وهو يحب أن يتّبع أسلوب الصدمة معهم ,,Quote: مرة سالوا الشيخ الترابي ... ايام ما كان لسع في السلطة
كم نسبة الفساد فقال بضع في المائة
وقعد يفسر البضغ تساوي من 1-9
ومنها الناس بقت تقول الفساد في الانقاذ 9&
اها بعد ما شاتووه بره السلطة
سالوا نفس السؤال
فتخيل عمل النسبة كم 90% |
بنظرية أن الغايات نبيلة كان لزاما عليه أن يكذب كما هو الحال دائما والغاية تبرر الوسيلة,,| Quote: فقام اظن دكتور غازي ولا على عثمان ما بعرف واحد فيهم قال الشيخ نسى ووضع الصفر واعتبروها زلة لسان منه |
طيب ما كلو كان بحفّر بس جات على الشيخ!!! زلة لسان يا ميادة!!! تانى حاتقولى زلة لسان!!! إنت الناس ديل ألسنتهم طوااااااااالى شغالة زلات زلات زلات!!! يعنى مصطفى يدينا آخرو يقولو زلة لسان !!!وكمان مشوا يشاكلو ناس الشرق الأوسط ردموهم بالنجيضة والما إشترى إتفرج ولا عزاء للشعب السودانى !!!
لسانك حصانك إن صنته صانك وإن خنته خانك وما أكثر من خانوا ألسنتهم والأسوأ منها خيانة الشعوب والأخلاق,,
تحياتى,,
| |
|
|
|
|
|
|
|
|
|
!!!!!!!!????? (Re: mayada kamal)
|
الاخت ميادة سلام
طبعا الترابي له مبرراته واهداف ذاتية وما كده صال وجال وكان بيمشي لبيوت ذوي الشهداء وبيعقد ليهم القران على الحور العين وفى اول زفة له خارج السلطة قال ديل فطايس!!!!!
الترابي يا هو الترابي والسياسة عنده قائم على رد الفعل وعدم المبدئية حتى الحركة الاسلامية تكونت كرد فعل لتنامي نفوذ وجماهير اليسار وهو ذكر ذلك فى كتابه الحركة الاسلامية النهج والتطور والكسب وسحب من الاسواق بصورة مفاجئة فما غريبه يقف هذا الموقف للرجل تناقضات كثيرة فى مسيرته السياسية وبيحاول دوما لبس قميص الضحية رغما ذلك سوف يظل هو المسئول الاول عن جميع جرائم الانقاذ حتى المفاصلة وحتما ضحاياه لن يسكتوا عن جرائمه وهو مسئول عنها اخلاقيا وحدثت وهو فى قمة سلطانه وعنفوانه بل كان المشرع الاول والامر والناهى
تصريحاته الاخيرة عبارة عن ذر الرماد فى العيون وسحب السجاد من المعارضة والقاء الضوء على نفسه
الترابي وجماعة القصر وجهان لعملة واحدة الهوس الديني واقصاء الاخر حيث مارسه بتدبير الانقلاب وتنكيله بالمعارضين ورميهم خلف القضبان وعمل فيهم تقتيلا وتعذيبا ولم يسلم حتى من كان فى حزبه وخدمة طويل حياته وعندما اختلف معه ومع نظامه امر رجال بقتله حتى لا يكون قدوة لاخرين وحتى لا يكون هناك تمردا وفتنه هذا هو الترابي عندما فقد كل شئ اراد ان يوحى للناس بانه براءة من دم يعقوب
هناك الكثير عن هذا الترابي !!!!
فى بداية الانقاذ تم جمع الكثير من امنجية نظام مايو وعقد لهم اجتماع موسع وكان بحضور نافع وعند نهاية الاجتماع قدمه لهم بانه سوف يراس الجهاز وطلب من نافع ان يقدم نفسه لاعضاء الجهاز وقام نافع بابراز شهاداته الامنية وتبجح بان نال ارفع الشهادات الامنية التى نالهامن السافاك وتحدث عن دورات التدريب التى تلقاه على ايدى عناصر من المخابرات الغربية
لكن مالم يرد بخاطر شيخنا بان اجهزة الامن والمخابرات فى الانظمة الشمولية والعقائدية دائما وابدا لديها اليد العليا فى زفة المفكرين والسياسيين والاطاحة بهم خارج السلطة ولعله لم يقراء تجربة استالين ولا تجربة صدام وحافظ الاسد حيث جميعهم كانوا رؤساء الاجهزة الامنية الحزبية وبعد استلام السلطة اصبحوا رؤساء اجهزة الدولة الامنية والمخابراتيه وعندما شعروا بان قياداتهم السياسية والفكرية بصدد اجراء تغيرات فى شكل الحكم و توسيع مواعنه انقلبواعليهم بسنياريوهات مختلفه كل حسب طبيعته وبيئته وفى النهاية الت انظمة بكاملها واصبحت تحت سيطرتهم التامة لكن يبدوا ناس نافع عملوا بمبدا الملح والملاح ولم يقوموا بتقطيع اوصاله لعل وعسى ان يتلموا مرة اخرى اذا اشتد بهم الحال لكن قراءة الشيخ للاوضاع السياسية الدولية والاقليمية والمحلية جعلته يفجر فى الخصومة ويمتطى صهوة المعارضة ويسابق المعارضين للفوز بالرهان وينجو من المحاسبة المحلية والدولية لكن هيهات مصيره سوف لن يكون بافضل من رفاقالامس واعداء اليوم و ولى التسامح و العفو عن ما سلف وجميع سوف يقتص منهم ضحاياهم وان فلتوا فى الحين القصاص ات والمحاسبة باب قوسين او ادنى وحينها لن ينفعه تايد الجنائية ولا ينفع اهل الانقاذ الجدد مسيرات التاييد والمظاهرات الصاخبة والمدفوعة الاجر والتهديد وان توحدت الجبهة الداخلية واسقطت المحكمة الجنائية مذكرتها تظل حقوق الضحايا من اول يوم فى عمر النظام قائمة (حرب الجنوب وجبال النوبة والانقسنا واحداث بورتسودان ضحايا العليفون ومجازر دارفور وضحايا سد مروي وكجبار وضحايا التعذيب فى بيوت الاشباح ودم دكتور على فضل وسليم والتاية وعبد المنعم سلمان ......الخ القائمة ) كل هذه القضايا معلقة على رقبتهم من كانوا فى الشعبي والوطني ولى عهد التسامح فى المسائل الجنائية
| |
|
|
|
|
|
|
| |
mayada kamal
أيمن الطيب
Elsiddig A. Ahmed
فيس بوك
تويتر
انستقرام
يوتيوب
بنتيريست