|
|
|
 Re: شفت ليك جعلي ود عرب هرب ؟ (Re: ادريس خليفة علم الهدي)
|
إدريس ,, تحياتى ,,
شوف ماشفنا ,, لكن سمع سمعنا ,, قالوا المك سواها ,, أها شن قولك ؟
| |
 
|
|
|
|
|
|
|
|
Re: شفت ليك جعلي ود عرب هرب ؟ (Re: كمال سالم)
|
| Quote: شوف ماشفنا ,, لكن سمع سمعنا ,, قالوا المك سواها ,, أها شن قولك ؟ |
الاخ /كمال سالم
تحياتي
المك لم يهرب وانما يمم وجهه شطر الحبشة وبقصد الهجرة ولكنكم اولتموها .. والله من وراء القصد
محبتي
| |
|
|
|
|
|
|
|
|
 Re: شفت ليك جعلي ود عرب هرب ؟ (Re: بشير أحمد)
|
إحنا أولاد جعل أهل المُلك بالأولى
وإحنا ملكنا معلوم خايلة فيه الصولة
وإحنا فارسنا بتختشيه الدولة
وإحنا الصاقعة كل الناس تقول لا حولَ
إحنا أهل السواقى البكُر واسوقها
نهدى الصافنات للضيف ركوب ويسوقها
إن ضرب النحاس إحنا بنشلع عوقها
القيمان نلاقيها والوفها نسوقها
إحنا الما بسمونا العريب وكلاته
وإحنا على ضهور الصافنات صلاته
طيعناها من دار برقو لى فلاتة
إحنا بندخل الألف إن بقينا تلاتة
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: ebrahim_ali)
|
Quote: إحنا أولاد جعل أهل المُلك بالأولى
وإحنا ملكنا معلوم خايلة فيه الصولة
وإحنا فارسنا بتختشيه الدولة
وإحنا الصاقعة كل الناس تقول لا حولَ
إحنا أهل السواقى البكُر واسوقها
نهدى الصافنات للضيف ركوب ويسوقها
إن ضرب النحاس إحنا بنشلع عوقها
القيمان نلاقيها والوفها نسوقها
إحنا الما بسمونا العريب وكلاته
وإحنا على ضهور الصافنات صلاته
طيعناها من دار برقو لى فلاتة
إحنا بندخل الألف إن بقينا تلاتة
|
خرطي!!
هكذا تقول العرب في الخليج لكل هجاص
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: منتصر ابراهيم الزين)
|
الجعليين تعتبر قبيلة الجعليين من أكبر القبائل في وسط و شمال السودان والتي وصلت إلى السودان في بداية القرن الأول الهجري وقد إستوطنت نهر النيل في المنطقة التي تقع شمال الخرطوم من الشلال السادس (السبلوقة) حجر العسل، إلى منطقة أبو حمد. وتعتبر مدينة شندي عاصمتهم التاريخية وكذلك مدينة المتمة. وقد اشتهر أفراد هذه القبيلة بالشجاعة والكرم وكذلك كانوا يمتهنون الزراعة والتجارة وهذه المهنة قادتهم إلى الهجرة داخل السودان وقد إنتشروا في كل مدن السودان ولا تجد مدينة في السودان تخلو من الجعليين... ومن المعروف أن الميرفاب هم ملوك الجعليين إذ حكموا الجعليين سواء من شندي أو المتمه لمدة تزيد على قرنين (1588م إلى 1821م)، وبما أن الجعليين من أكبر القبائل العربية في السودان إذ ينتمون إلى العباس بن عبد المطلب وإليك تسلسل النسب من السته وهم آخر ملوك (مك) وهم إدريس (أبو دريع) وبشارة والفحل ونمر وكمبلاوي ودياب أبناء عبد السلام (الفتلوب) بن إدريس التولي بن سليمان العدار بن دياب البرنس بن سعد أبو دبوس (قيل أنه رجل صالح وهو جد السعداب) بن عبد السلام بن عبد المعبود بن عدلان (وله إخوة وهم نافع ونفيع وجابر وجبير وعبد العال ومسلم) بن عرمان بن ضواب بن غانم بن حميدان بن صبح أبو مرخه بن مسمار بن سرار بن السلطان حسن كردم (جاء إلى السودان من الكوفة) بن أبو الديس قضاعة بن عبد الله بن حرقان بن مسروق بن أحمد بن إبراهيم جعل بن إدريس بن قيس بن يمن بن عدنان بن قصاص بن كرب بن محمد هاطل بن أحمد ياطل بن محمد ذو الكلاع بن سعد بن الفضل بن العباس بن محمد علي بن عبد الله بن العباس بن عبد المطلب.
جدول يبين أسماء ملوك الجعليين وفترة حكمهم
الإسـم مدّة حكمه فتره حكمه ملاحظــات
سعد أبو دبوس (20) 1588م-1608م
سليمان العدار (7) 1608م-1615م
إدريس بن سليمان (35) 1615م-1650م
المك عبد السلام (1) 1650م-1651م
الفحل بن عبد السلام (15) 1651م-1666م
إدريس عبد السلام (6) 1666م-1672م
دياب عبد السلام (12) 1672م-1684م
كمبلاوي عبد السلام (3) 1684م-1687م
بشارة عبد السلام (7) 1687م-1694م
سليمان بن سالم (15) 1694م-1709م
سعد الثاني (أخوه) (2) 1709م-1711م
إدريس الثالث (20) 1711م-1731م قتله الفونج
سعد إدريس الثالث (40) 1731م-1771م قتله الجعليين
مساعد إدريس الثالث (13) 1771م-1784م
مساعد سعد إدريس (14) 1784م-1797م
المك محمد (13) 1798م-1810م
المك نمر (17) 1810م-1827م
نقلاً (من ويكيبيديا، الموسوعة الحرة)
نحن أولاد جعل نقعد ونقوم علي كيفنا ونحن الفوق رقاب الناس مجرب سيفنا
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: Nasruddin Al Basheer)
|
الدكتور (المَشلخ H) يوسُف فضل أُستاذ مادة التاريخ بِجامعة الخُرطوم وصاحِب
مؤلفات في تاريخ السودان قال شنو في حِكاية عرب السودان ... شوف يا سيدي
قال العرب جو للِسودان وإمتزجو بِالسُكان الأصلِيين (الهُم النوبِيين) ومِن هذا
الإمتِزاج خرج هجين اليَوم (الهُم) الجعلِيين والشوايقة والمناصير ... إلخ
أما عن المك نِمر الكلام القالو الدِكتور يوسُف فضل أكان نزلتو بِتقوم جاري
مِن البوست ده هسِع ...
أما كلام الحبوبات الدايِر ياخُد بيهو بِعيش في وهم على شاكِلة (إحنا أولاد
جعل نقعُد ونقوم على كيفنا ... ) والدايِر ياخُد كلام العُلماء بكون مُتصالِح
مع روحو وبعيش في رضاء نفسي كبير زي الرُضا النفسي العايِش بيهو أنا وبرضِعو
لأولادي ... هسِع الكيميا هِنا وين ... الجِنس العربي كعِرق ... جينات ...
ما بِيشبهنا تب ... إنتو ما بتشوفو تلِفِزيونات ولا شنو الشوام وناس الخليج
البِلِمنا معاهُم شنو ... ظني أبونا آدم ما يِلِمنا فوقُم ... والله إحنا لو ما
عِرفنا روحنا وديني وأيماني ما تقوم لينا قايمة ...
أها طالما أولاد جعل بِقنِبو ويقومو على كيفُم ... نديك كمان وصف قلتو فوق أهلي
المحس
نِحـن المحس ... وغيـر المحـس مافيشا
كُل الخُلوق غير المحس بروس وعفيشا
قدام الخلِق وكُل الخلوق بِورانا الطيشا
نشـرب بارِد وكُل الخلِـق مُحال وعطيشا
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
بالنسبة للسؤال عنوان البوست
حاشا والله ما شفنا ولا حنشوف - رجال و أولاد رجال و عمومة
تخريمة :
فرتكاني و جنسك رخيص و إن نجح طباخ إنجليز
نحن شايقية و عبابيس فينا من نائب و مِن رئيس
و فينا مَن واقِفلو بوليس أم انتو مراكبية و رواويس
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: علاء الدين يوسف علي محمد)
|
يا خوي الغُنا خلو ... الكلام التِحِت ده مسحتو سااااي كدي ... ما تقول فوقو شيتاً
يِنفعنا ...
Quote: الدكتور (المَشلخ H) يوسُف فضل أُستاذ مادة التاريخ بِجامعة الخُرطوم وصاحِب
مؤلفات في تاريخ السودان قال شنو في حِكاية عرب السودان ... شوف يا سيدي
قال العرب جو للِسودان وإمتزجو بِالسُكان الأصلِيين (الهُم النوبِيين) ومِن هذا
الإمتِزاج خرج هجين اليَوم (الهُم) الجعلِيين والشوايقة والمناصير ... إلخ
أما عن المك نِمر الكلام القالو الدِكتور يوسُف فضل أكان نزلتو بِتقوم جاري
مِن البوست ده هسِع ...
|
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
ماف غضاضة أشكِر قبيلتي بس ما بِالضرورة تِشِكِري يكون بِنبيزه قبيلتك
على الأقل علشان أُفَعِل < لِتَعَارَفُوا >
والدايِر يتشكر بِتشكر بِهو سوا شنو وأبو الولدو منو وأُمو الوِلدتو
منو غير كده كلام في كلام ... وأكان أبو ما سوا شيتاً لِلبشرِية أو لِلسودان
أو لِلمنطِقة أو لِلقرية ياخ إنشاءالله لِخشُم بيتو ساي يبقى أخيرلو يِقنِب
يِتاوِق وما يندرِع فوق البوستات وكُل فلاحو غُنا وكلام حبوبات ...
أنا بستشهد بِالكِتاب الفُلاني صفحة كِده (ده إسمو متن) والكتب الكِتاب إسمو
فُلان الفُلاني (ده إسمو سند)
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
Quote: الحِكاية ما ساهلة مُقسِيِنها مالكُم ... السوداني هجين ... خليط ... المُشكلة
وين ... |
عزام
نعم أمر يجب ان لا يختلف علية اى عاقل
والإنسان "السوى" يجب ان يفخر بما هو علية
ابيض اسود أحمر او حتى...مخطط
عهد تقييم الإنسان بلونة أو قبيلتة
انقرض فى المجتمعات المتحضرة
الظاهر دربنا لسة طويييييييييل
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: ادريس خليفة علم الهدي)
|
| Quote: نحن أولاد جعل نقعد ونقوم علي كيفنا ونحن الفوق رقاب الناس مجرب سيفنا |
شمم وإباء ... قالوا الفايت مابتراد يا أولاد عمي ... غايتو أنا ما شفت أسمح من الجعليين في أفريقيا كلها.
والله البشير دا ربنا بحبه وخسارة فيكم إنتو يا جربانين.
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: Mohammed Haroun)
|
سئل النوبة الشماليين لماذا لم يتصدوا لاسماعيل باشا وهم اول من التقوه
فكانت اجابتهم المنطقية التالية
( هوقال آيز الدهب والأبيد ، قلنا لو الدهب ماإندناش ، إندنا التركين ، والأبيد لسة قدام)
وبهذا المنطق السودانين كلهم من دنقلا الى نمولي عبيد
الحجة في شنو؟
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: د.محمد حسن)
|
Quote: عزام
نعم أمر يجب ان لا يختلف علية اى عاقل
والإنسان "السوى" يجب ان يفخر بما هو علية
ابيض اسود أحمر او حتى...مخطط
عهد تقييم الإنسان بلونة أو قبيلتة
انقرض فى المجتمعات المتحضرة
الظاهر دربنا لسة طويييييييييل |
الدرِب لا طويل ولا حاجة لو قريت كلامي كوَيس بِدون (فهم) مُسبق ... أنا
كلامي ياهو كلامك زاتو ... وخُلاصتِو إنو < الأتفه مِن العُنصِرية البنادي
بيها> بس ...
وأنا ما بخجل مِن أصلي ... أحمدالله مُتصالِح معاها تماماً وعايش في
تناغُم كبير (خليط نوبي/عربي) المفهوم ده رضعونا ليهو والعلم بقول
نحن السود(انِيين) أقرب إلى الإفريقانِية خِلقة وأخلاق ومِساحة ...
والرابِط التِحِت ده بِوريك فهمي :
كشف الغِطاء عن الهَوِية السودانِية
القبيلة مِن أعمال الله تعالى < ... شعوباً وقبائِل ... > بس لو تجاهلنا العِله
الشرعِية < ... لِتعارفو > بِتظهر كلِمات جِنِس ( نقعُد ونقوم على كيفنا ) ...
دي روشِته ربانِية لازِم تُطبق كامِلة أو نمور في جهالتنا إلى يَوم يُبعثون ...
والحضارة حقتنا نِحن النوبِيين ... أمشي متحف السودان ... شوف في حاجة
غير نوبِية وتكون ذات قيمة تاريخِية ... ما حتلقى ... الحضارة دي هي
الوِرثتها ... وهي البِتخليني أقبل الآخر مُش فضل مِني - ودي نُقطة مُهِمة جِداً-
لأنك مُمكِن تقبل الآخر وتشعِرو إنو قُبولك ده فضل مِنك ... ده إسمو إسْتِعلاء
بِرجِعنا لِلمُربع الأول تااااااني ...
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
Mohammed Haroun
| Quote: غايتو أنا ما شفت أسمح من الجعليين في أفريقيا كلها |
في إفريقيا في (53) دَولة والله لو مشيتا كلها وتعرفت على عادات وتقاليد
وأخلاق شُعوبا تبقى إنت زول (كنز) عديل كده ... أما لو كان ما مشيتا
نضيف تصريحك + ( نقعُد ونقوم على كيفنا ) تحت تصنيف < الحُجى >
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
د. محمد حسن
كيفك بِالله
| Quote: ( هو قال آيز الدهب والأبيد ، قلنا لو الدهب ماإندناش ، إندنا التركين ، والأبيد لسة قدام) |
ما قُلنا كده وحتى لو قُلناهو بِنكون قُلناهو بِالنوبِية ...
عِندي قريبي جا مِن عبري لِلخُرطوم وبِتَونس معاي ...
- بس لو أعرِف إنتو كيف بِتعرِفو تقولو (الشمِس دي ) ولا ( الشمِس ده ) بِتعرِفوها كيف
- والله أنا ما فكرت في الحاجة دي قبل كِده ...
- يعني مافيش قاعدة ولا ايه ؟
- ما أظِن في قاعدة
- والله دي مُشكِلة
- نعم مُشكِلة
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
الاخ/عزام
صباحك فل
لم أعرف التصنيف القبلي في حياتي فقد نشأت في بيئة لا تعرف التصنيف القبلي متعايشة سلميا ومتصالحة مع نفسها .. (مع انها تحتوي علي معظم قبائل السودان ان لم تكن كلها).
فيا سيدي انا نشأت في مدينة الدويم التي تحوي هذا النسيج الفريد (بحكم وجود معهد بخت الرضا) ..لم اسمع يوما احدا يقلل من شأن أحد او يعايره بأصوله .. فترعرعت متصالحا مع نفسي .. متسامحا مع غيري
خارج النص:
يشهد الله لم أعرف القبيلة التي انتمي اليها الا عند استخراجي الجنسية وكنت حينها ابلغ عشرين عاما .. وقفت امام ضابط الجوازات فسألني الي اي القبائل تنتمي فقلت لا ادري ما اعرفة انني سوداني الاب والام ومددت له جنسية الوالد .. فستعان بأحد العمد الموجودين الذي سألني ( يا جنا انت ود منو ؟ فاجبته ود خليفة علم الهدي اردف الاستاذ فاجبت نعم ) فقال للضابط الجنا كاهلي ..
لذلك استنكرت كلام اخينا بشير الذي هو عنوان البوست ..
وافر حبي
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: ادريس خليفة علم الهدي)
|
الاخ/ادريس خليفة
تحياتي؛؛؛
Quote: يشهد الله لم أعرف القبيلة التي انتمي اليها الا عند استخراجي الجنسية وكنت حينها ابلغ عشرين عاما .. وقفت امام ضابط الجوازات فسألني الي اي القبائل تنتمي فقلت لا ادري ما اعرفة انني سوداني الاب والام ومددت له جنسية الوالد .. فستعان بأحد العمد الموجودين الذي سألني ( يا جنا انت ود منو ؟ فاجبته ود خليفة علم الهدي اردف الاستاذ فاجبت نعم ) فقال للضابط الجنا كاهلي ..
|
ياخوي كلام الغتغته بتاع المثقفاتية ده حدو المنبر ده ؛
حقو نتكلم كلام واقع وحاصل في حياتنا اليومية ؛ومافي زول ح يقول الكلام ده ماصحيح
الغرابة نجحوا الي حد كبير في زعزعزعة ثقة (الجلابة)في انفسهم والتشكيك في هويتهم
خلينا في العروبة في فهمنا السوداني الداخلي
ياخي انت هسع في حلتكم لو جاكم عريس من بره الحله
اول سؤال ح يسالوه قبيلة شنو ؟
واصلك وفصلك وجنسك شنو ؛ودي من البديهيات في عرف اهلنا الكبار ..
عارفك ح تجي تقول لي ده فهم قديم
صاح نحنا مسلمين والدين نهي عن التفرقه بين الاجناس
لكن البقنع الديك منو؟
العرف القبلي ده ح يغيروا منو ؟ انا وانت ؟
ولو بعد مليون سنة ما ح نغيرو .
الزغاوة والفور ديل نحن غالطناهم في جنسهم؟
متلحننا مالهم ؟
نطلع عرب ولا زنوج ...
بجيك تاني ما كملت كلامي
يعني انت هسع موجعاك كلمة عرب دي ؟
...
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: ادريس خليفة علم الهدي)
|
Quote: أما عن المك نِمر الكلام القالو الدِكتور يوسُف فضل أكان نزلتو بِتقوم جاري
مِن البوست ده هسِع ...
أما كلام الحبوبات الدايِر ياخُد بيهو بِعيش في وهم على شاكِلة (إحنا أولاد
جعل نقعُد ونقوم على كيفنا ... ) والدايِر ياخُد كلام العُلماء بكون مُتصالِح
مع روحو وبعيش في رضاء نفسي كبير زي الرُضا النفسي العايِش بيهو أنا وبرضِعو
لأولادي ... هسِع الكيميا هِنا وين ... الجِنس العربي كعِرق ... جينات ...
ما بِيشبهنا تب ... إنتو ما بتشوفو تلِفِزيونات ولا شنو الشوام وناس الخليج
البِلِمنا معاهُم شنو ... ظني أبونا آدم ما يِلِمنا فوقُم ... والله إحنا لو ما
عِرفنا روحنا وديني وأيماني ما تقوم لينا قايمة ...
أها طالما أولاد جعل بِقنِبو ويقومو على كيفُم ... نديك كمان وصف قلتو فوق أهلي
المحس
نِحـن المحس ... وغيـر المحـس مافيشا
كُل الخُلوق غير المحس بروس وعفيشا
قدام الخلِق وكُل الخلوق بِورانا الطيشا
نشـرب بارِد وكُل الخلِـق مُحال وعطيشا |
والله كلامك بالحيل جميل
انت يا عزام الكلام القلتو دا صحيح تب مافي عوجة
بس كل مرة يطلع لينا واحد ينزل عنوان زي دا وما يعرف نهاية المشور بودي لاوين
اها جاكم عزام وختاها لينا على بياضة يا جعليين كدا انشوف المك نمر دا كان كيف
ولا حتى مهيرة بنت عبود دي كانت شنو.
قديتونا قد ياخي
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: Khalid Saeed)
|
Quote: والله كلامك بالحيل جميل
انت يا عزام الكلام القلتو دا صحيح تب مافي عوجة
بس كل مرة يطلع لينا واحد ينزل عنوان زي دا وما يعرف نهاية المشور بودي لاوين
اها جاكم عزام وختاها لينا على بياضة يا جعليين كدا انشوف المك نمر دا كان كيف
ولا حتى مهيرة بنت عبود دي كانت شنو. |
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
نتو ما بتشوفو تلِفِزيونات ولا شنو الشوام وناس الخليج
البِلِمنا معاهُم شنو ... ظني أبونا آدم ما يِلِمنا فوقُم ... والله إحنا لو ما
عِرفنا روحنا وديني وأيماني ما تقوم لينا قايمة ...
عزام سلامات
يعنى بكلامك دا بشار الاسد ما عربى عشان عيونو خضر
ان غايتو ما عارف الناس الاخرين لكن انحنا تفتشنا فى اغلب الدول العربية بتلقى نفس القبيلة بنفس الاسم
فى مصر والشام وتونس واليمن الخ... ما زال الزيادية فى كل الدول العربية يحتفظون بنفس (الوسم) للابل
ما هكذا تقاس العروبة .....
حرم نحنا عرب العرب ذاتهم
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: محمد المختار الزيادى)
|
محمد المختار الزيادي ...
| Quote: حرم نحنا عرب العرب ذاتهم |
يا زول بلا حليفه ... مبروك عليكُم التِعِرِب ... بس الله
< الَّذِي خَلَقَكَ فَسَوَّاكَ فَعَدَلَكَ > الإنفِطار 7 قال عنكُم وهو يصِفكُم
< الأَعْرَابُ أَشَدُّ كُفْرًا وَنِفَاقًا وَأَجْدَرُ أَلاَّ يَعْلَمُواْ حُدُودَ مَا أَنزَلَ
اللهُ عَلَى رَسُولِهِ وَاللهُ عَلِيمٌ حَكِيمٌ * وَمِنَ الأَعْرَابِ مَن يَتَّخِذُ
مَا يُنفِقُ مَغْرَمًا وَيَتَرَبَّصُ بِكُمُ الدَّوَائِرَ عَلَيْهِمْ دَائِرَةُ السَّوْءِ
وَاللهُ سَمِيعٌ عَلِيمٌ > التَوبة 97-98
أجدر دي معناها لو جِبنا زول (صيني) و(أمريكي) و(برازيلي) و(عربي)
أحسن واحِد مُمكِن يُكفُر بِالله هو العربي ... يعني بِمزاج ...
يلا بِاللهِ ( إتنطع ) لي في التفسير و( إتشدق ) و( إتجدع )
قُلت لي بشار الأسد عيونو خضرا ... طَيِب بِتعرِف وصف الإمام علي
إبن إبي طالِب ... خُد عِندك ... كان ( شديد) السُمره ... قصير
بِكِده بِكون سَيِدنا علي مِن ( أُم دُرمان ) ... أو على الأقل مِن
خط الإستِواء ...
| |
|
|
|
|
|
|
|
|
|
Re: شفت ليك جعلي ود عرب هرب ؟ (Re: عزام حسن فرح)
|
Quote: يا خوي بوستك ده مات ... إقتنِع ... أفتح غيرو ...
(نُقطة تمبِس) دي ما بِتحيي المات ... |
اها دي اخر مداخلة لي فيهو .. بس يا عزام عاجبني كلامك الفيهو بالحيل .. ودا المخليني ارفع البوست دا كل يوم
احتراماتي
| |
|
|
|
|
|
|
| |
ادريس خليفة علم الهدي
كمال سالم
خالد عبد الله محمود
بشير أحمد
ebrahim_ali
Zomrawi Alweli
سمرية
منتصر ابراهيم الزين
Nasruddin Al Basheer
عزام حسن فرح
علاء الدين يوسف علي محمد
Hassan Makkawi
Mohammed Haroun
د.محمد حسن
محمد فرح
Khalid Saeed
Muhib
محمد المختار الزيادى
فيس بوك
تويتر
انستقرام
يوتيوب
بنتيريست