Quote: لماذا لا يجرب الهلال طريقة 3_6 _1 علي أن يلعب بثلاثة لاعبي إرتكاز فيما يساعد لاعبا الجنب ثلاثي الدفاع ويتحولان لباكات مهمتهما منع رفع الكرات العرضية بقدر الإمكان فيما يتمرجح لاعب الوسط السادس ما بين مساعدة لاعب الهجوم ومؤازرة المحاور الثلاثة . بهذه الطريقة يستطيع مدرب الهلال مفاجأة نظيره مدرب الفريق الخصم وربما بعثر كل أوراقه منذ البداية لأن الأخير يحتاج للفوز وحتما سيدبج فريقه بخطة هجومية قوامها بناء الهجمات من العمق وأطراف الملعب ، وفي حال لعب الهلال بالطريقة أعلاه فأنه سيهيمن علي منطقة المناورة التى يتكاثف فيها ثلاثة لاعبي محور ورابع متمرجح فضلا عن ثلاثة مدافعين يرقبون بتحفز ما ستسفر عنه منطقة المناورة إلي جانب تأمين المنطقة أمام المرمي بمنع رفع الكرات العرضية بواسطة ظهيرا الجنب .
بات في حكم المؤكد أن يستغني الهلال عن مدربه البرازيلي دو سانتوس بعد النتائج السيئة والاداء غير المقنع الذي قدمه الفريق طيلة فترتي الاعداد وبداية الدوري الممتاز والبطولة الافريقية .. وبرز إتجاه قوي داخل أروقة النادي على ان يكون المدرب القادم مدرب وطني لفهمه لنفسيات اللاعب السوداني وكان هناك شبه إجماع على المدرب الوطني طلحة عبد الله ليقود الفريق في المرحلة الحساسة القادمة والتي يمر فيها الفريق بمنعطف خطير وهو على اعتاب الخروج من دور ال32 .. وكان المدرب طلحة عبد الله قد توصل لإتفاق شبه نهائي في وقت متأخر من الليل واتفق على الخطوط العريضة من بنود العقد على ان يتم التوقيع النهائي بفندق روتانا يوم الأحد القادم في مؤتمر صحفي برعاية سوداني . وشاهد المدرب طلحة عبد الله تمرين الفريق يوم امس من على الخط واشاد باللاعبين إلا انه ابدا بعض الملاحظات التي ستفيد الفريق كثيراً في مباراته القادمة .. وكان المدرب طلحة عبد الله قد صرح في وقت سابق انه وضع استراتيجية ستمكن الفريق من تجاوز الفريق الرينيوني في عقر داره وسط إشادة من جماهير الهلال التي هتفت بإسمه في اول ظهور له في تمرين الهلال بالأمس..
غداً تفاصيل اوفى ..
03-21-2009, 02:51 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
حبيبنا عباس: هو برجاس ولا جركاس ؟؟؟ بعدين صلاح ادريس زااااااتو شغال للمريخ خليك من جركاس .. يشيل ويدي في عديلو في اللعيبة .. والله لو البابا الراحل الطيب عبد الله لسة حي كان مريخ 2009 ده بيلعب في دوري الشمس الحارة ..
عمر الفاروق...طلحة عبدالله مدرب إسفيرى ممتاز...وله خطط تغلب الجن ألأحمر عشان كده الفنلة الحمراء جابت الكاسات المحمولة جوآ
ومادام هو قال أشك فى إستمرار الهلال,,يبقى الكلام إنتهى..يبقى نحن أحسن نشك قمصانا ونلبس بدون موأخذه جزمنا ونتطلب الله..نشوف لينا فريق تانى نشجعو..
معتصم دفع الله قال الهلال ياهو الهلال..وصدق قولآ..وسيظل هو الهلال..
فى ناس ما شاء الله ربنا اداها ملكة فى التنظير..بس ياريت التنظير يكون داخل حوشهم ليستفيدوا هم أولآ ويخلوا الفارق كبير بينهم وبين ندهم التقليدى وبذا يعرف ضعف الند وتبان الرؤية..
شايفك ألأيام دى تحركاتك ما شاء الله نشطة فى المنبر بالله واصل...أم محمد الله يديها العافية فاكة الحصار شوية...
إحترامى للكل.......مودتى.إسماعيل محمد احمد عباس...
03-22-2009, 09:57 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: عمنا حمزاوي.. والله انتو يا المريخاب فهمكم وااااحد عشان كده قررنا انك تكون المترجم لي طلحة ..
عمر الفاروق ابن اخي مسكاقمي مافي مشكلة ولكن ذي ما انت عارف حأترجم بالرطانة وممكن انت تساعدني لانك اتعلمت الرطانة مع انك من غير الناطقين بها تقدر تعيب لي الرطانة ... اتحداك
03-22-2009, 10:27 AM
عبدالله كع عبدالله كع
تاريخ التسجيل: 02-12-2008
مجموع المشاركات: 4841
Quote: عمر الفاروق...طلحة عبدالله مدرب إسفيرى ممتاز...وله خطط تغلب الجن ألأحمر عشان كده الفنلة الحمراء جابت الكاسات المحمولة جوآ
في فرق كبير بين التحليل الرياضي من صحفي وبين العمل كمدير فني (مدرب) أي واحد ممكن ينظر لكن ما يقدر يشتغل مدرب..عندك الدكتور طه اسماعيل البكتب مقال اسبوعي في مجلة سوبر الاماراتية اسمها "تكتيك" أقرا كلامو كل اسبوع تقول الزول دا ولاااا منو!! لقبه "الموسوعة الرياضية" لكن تجي لحسن شحاتة ما يعرف يتكلم ولا يشرح لكن شغلو ظاهر في المنتخب المصري. مثال تاني..الكابتن عبده صالح الوحش (رحمه الله) ، أحسن زول كان بحلل كورة في التلفزيون..دا اخترع للمحللين الجو بعديهو عبارات "العمق الدفاعي" والحاجات البارننا بيها دي..لكن فترتو في منتخب مصر كان افشل فترة. وهنا في السودان عندك حسن المصري..ياخي دا زول نقتو كتيرة وعندو دكتوراة كمان..لكن كمدرب الزول دا تعبان شديد.
الصحافة الرياضية في السودان "بالذات الجرائد" بعيدة من الحاجات الفنية دي شديد. وشغلهم شغل "مغارز" (آسف على الكلمة لكن ياهو الحال" ، الهلالابي يكتب في المريخ عشان يغيظ الجمهور وبالعكس ، يعني انا بشفق والله على صحفي يكون من كترة ما طول في الكتابة الرياضية انو يفتكر نفسو يوم من الايام بفهم احسن من المدرب. ياخي التدريب دا علم براهو وبعداك في حاجة اسمها الخبرة وتاني حاجة اسمها الذكاء الكروي. عشان كدا معظم المدربين نلقاهم كانوا لعيبة كرة قدم محترفين زمان ، أما الصحفي الرياضي دا فزول عنقالي ساكت (بالذات السودانيين). وكامل احترامي للظريف الاستاذ طلحة والله بنحبك وفي الكورة مافي زعل مش كدا؟
عمر الفاروق.. عجبتني صياغتك للخبر المفبرك دا..محترف عديل والله. قلت لي بنود العقد؟
عباس قلة الأدب بتاعت الكيبورد دي ما في ليها داعي .. شنو كلب وما كلب والكلام الفارغ دا .. كلب دي ما بتقدر تقولا لو لاقيت الزول وجها لوجه . السيد إسماعيل : التنظير عيبو لي .. وبعدين ما هو أنت قاعد تنظر خمسة وعشرين ساعة هنا في زول قال ليك كاني ماني ..؟؟؟ بقية الشباب الدخلوا هنا: إن كان لابد من الإدلاء بأرائكم الرجاء الإلتزام بالنقاش الموضوعي بعيدا عن التجريح والإساءات الشخصية لأنو الرد بالمثل وربما أسوأ ما بغلب ليهو زول فالحروف الفي الكيبورد ياها ذاتا الحروف ومسألة رصها ما محتاج جهاد ..
03-22-2009, 11:55 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
طلحه اخوي مسكاقمي انت اخونا وحبيبنا والله اليرشك بالمويه نرشو بالدم أمل من بعض الاخوة المتداخلين عدم التجريح البوست واضح انه مداعبة من اخينا عمر الفاروق لشقيقه طلحه الدايرين يجرحوا يطلعوا منها
03-22-2009, 12:11 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: إن كان لابد من الإدلاء بأرائكم الرجاء الإلتزام بالنقاش الموضوعي بعيدا عن التجريح والإساءات الشخصية لأنو الرد بالمثل وربما أسوأ ما بغلب ليهو زول فالحروف الفي الكيبورد ياها ذاتا الحروف ومسألة رصها ما محتاج جهاد ..
معاكم صفوة ياخ
_ يعني هسي يا عمر طّلوح ده يخلي السوبر عشان هلالنا ده ؟ يعني تفتكر صلاح إدريس بيقدر يدفع التكاليف دي ؟
03-22-2009, 12:33 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
كمين ياخ .. الليلة من الصباح ما كان عندي موضوع و شايل لي كمية من الجرائد المهم ما بين البيان و البيان لقيت ليك فريق جاهز بمن حضر (عنوان شرِط) ما لفت نظري أكثر اللون البنفسجي و الفريق الذي ينقصه سبعة لاعبين أساسيين و بعد ده كلو جاهز عشان يلاقي بطل الدوري و غريمه (دي ما لقيت ليها تفسير) برضو كنت داير اعرف غريمه دي جات كيف وهو جاي مدرن في ايران و مرصع من النصراوية عشان يلاقي الجزيرة .. غايتو يا طلوح الليلة ناوي احضر الكورة دي و ما تنتظرني كان غلبوكم
_ تخيل يا عمر إنه طلحة بيشجع (أحمر و بنفسجي) و داير تجيبو لينا مدرب ؟
03-22-2009, 12:08 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
الحبيب حمزاوي عمر الفاروق القليص دا أنا وهو قاعدين نتداخل ونهظر مع بعض منذ فترة طويلة ولم يحدث أن حدث بيننا ما شبيه بالإساءة أو التجريح الشخصي بقدر مافي إحترام متبادل والبوست واضح جدا أنو دعابة وحتى لو كان عمر الفاروق ما قاد يهظر معاي فهو لم يقل أي كلام جارح أو شخصي ولذلك دخلت ليهو من نفس بابو . وشخصيا لم يسبق لي أن أسئت أو شتمت احدا إلا في إطار محدود جدا في الغالب رد علي إساءة من الطرف الآخر ، وحتى هذه أصبر عليها مرارا وتكرار قبل أن اتعامل معها بردة الفعل لأن شتيمة الناس ما طبعي والحمدلله كون ان مدلولاتها غير كريمة . لكن يجيك واحد زي عباس ويقول ليك (كلب) بدون حتي ما يكون في سابق معرفة ، وهو يعتقد أن الإساءة هي قمة الفتونة والرجالة مع أنو ما ح يقدر يقول كلب دي لو لاقيتو في شارع واللا أي مكان .
03-25-2009, 12:29 PM
abas abas
تاريخ التسجيل: 07-27-2002
مجموع المشاركات: 6255
لكن يجيك واحد زي عباس ويقول ليك (كلب) بدون حتي ما يكون في سابق معرفة ، وهو يعتقد أن الإساءة هي قمة الفتونة والرجالة مع أنو ما ح يقدر يقول كلب دي لو لاقيتو في شارع واللا أي مكان .
شوف يا طلحه لو كنت عاوز اقولها ليك كنت قلتها
وانا بقول انت تابع لي مزمل وما قلت كلب
واقراء كويس
03-22-2009, 12:20 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
محمد يوسف زين العابدين حكاية صحفي وما صحفي والصحافيين والصحافة الرياضية دي أخوك بالطبع غير معني بيها لأنو أعتزلت مهنة الصحافة وإتجهت للتنظير وتشجيع الزعيم المريخي كما تري عشان كدا بعتبر كلامك الفوق دا للفائدة العامة وهو في رأئي الخاص عداهو العيب . بالنسبة لكلامي عن أبو الهل فهو صاح يحتمل الخطأ والعكس ، وعموما أتمني أن يكذبني الفريق عمليا ويواصل مشواره بالبطولة فهو أمر يسعدنا كملوك مريخاب نرجو الخير لمملكتنا الكروية التى نتزعمها ونتسديها منذ عقود خلت .
03-22-2009, 01:05 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
يومنا أسود الرمانا معاكم في بطوله واحده ...زمان كنا مرتاحييين منكم ومن تنظيراتكم الكتيره ...سته سنه بنلعب برانا في دوري الابطال مع الكبار وانتو قاعدين تصفقوا لينا ..بعد ماحنينا علي حالكم ومن وصافتكم الدايمه اديناكم كم محترف وكم لاعب كدا عشان تمشوا شويه ونقول للعالم ياخ السودان دا فيهو فرق تانيه غير الهلال ..دي جزاتنا ليكم يعني !!
03-22-2009, 02:23 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
Quote: وعموما أتمني أن يكذبني الفريق عمليا ويواصل مشواره بالبطولة فهو أمر يسعدنا كملوك مريخاب نرجو الخير لمملكتنا الكروية التى نتزعمها ونتسديها منذ عقود خلت .
مادي المشكلة زاتها..جنس كتابتك دي قلت لي عقود خلت؟
ياخي اذا الهلال تعبان فالمريخ كذلكا!!
مملكتكم الكروية دي في كاسين واحد جايبنو من تنزانيا في عام المجاعة كاسات بيش (دي بحسابات انو دي المعطة الوحيدة الماعطننا بيها معشر المريخاب) ،
أما في الدوري فهناك جيل كامل فتح عيونو وكبر ونما في عصر الهلال بطل الدوري على التوالي
شكراً على معلومة انك ما صحفي رياضي شكلي ركبت غلط ، واعذرنا اذا كلامنا ضايقك في اي حتة تقبل احترامي الشديد ، وشكراً على روحك الحلوة
قال مملكة كروية قال
03-22-2009, 01:22 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
نوبي أبو نكت صهيونية أظنك عايز تخلي النكت وتبقي متلقي حجج زي صحبك القليص بتاع البوست دا ..؟ الزعيم العيناوي يا نوبي سبق له وأن حصل علي لقب الدوري وهوناقص ستة لاعبين من أهم أعمدته علاوة علي إنتصاراته العديدة التى ظل يحققها علي فرق كبيرة في ظل ظروف معقدة ولذلك فقد سارت عليه مقولة (العين بمن حضر) كونه لا يتأثر بأية غيابات في صفوفه لأن مستوي البدلاء نفس مستوي الأساسيين .. أما (غريمه) فالمقصود منها (خصمه) يا ظريف وما عارفك فهمتها شنو .. لكن لو جيتك علي حسب فهمك بقول ليك أنو مفردة غريمه فيها ظلم علي العين كما يؤكد ذلك التاريخ وسجلات الفريقين ويكفي أن العين حصل علي الدوري تسع مرات إلي جانب تتويجه ببطولة أبطال آسيا التى ينافس فيها الجزيرة مع العلم أن الفريق الجزراوي حاليا خسر المباراة الأولي أمام ام صلالة القطري والتى جرت بملعبه باستاد محمد بن زايد .
03-22-2009, 06:40 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
Quote: كاسين واحد جايبنو من تنزانيا في عام المجاعة كاسات بيش (دي بحسابات انو دي المعطة الوحيدة الماعطننا بيها معشر المريخاب)
يا محمد يوسف إذاقلتم فأصدقوا القول الشغلانية مجموعة كؤوس وليس كأسين فقط عندك كأسين سيكافا 86 و94 كأس مانديلا 89 فضلا عن كأسي دبي والشارقة ودي بطولات قاعدة في دولايب المريخ وأرشيف التاريخ عشان ما تجوا تغالطوا .. ثم انو ياخ أنتو البطولات الما معترفين بيها دي ما قطعتوا جزمكم كلها وراها ومشيتو حفيانين في دربا.. وبعدين ياخ (أما بنعمة ربك فحدث ) عايزننا نحد معاكم لشنو يعني ..؟؟؟؟
نجي لي دا :
Quote: أما في الدوري فهناك جيل كامل فتح عيونو وكبر ونما في عصر الهلال بطل الدوري على التوالي
حتى لو فرضنا أن نظريتكم دي صاح وفعلا في جيل من الاطفال شهدوا بطولات الدوري فدا برضو ما بغيب الحقيقة الشينة وهي أنو أبو الهل ظل أجرد أكرت طول عمرو من أية إنجاز خارجي ، ودي لو حكيتا لجيل الأطفال القلتهم ديل عليك الطلاق هلالكم دا إلا تستوردوا ليهو مشجعين . ثم ياخي : الفوز ببطولة الدوري بدون هزيمة أو تعادل مرة وبتعادل واحد مرة دا إنجاز لو قعدتوا مية سنة ما بتصلوا وهو يعادل 100 بطولة محلية ..
03-22-2009, 08:51 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
Quote: غايتو يا طلوح الليلة ناوي احضر الكورة دي و ما تنتظرني كان غلبوكم
وأردف لافض كيبورده:
Quote: تخيل يا عمر إنه طلحة بيشجع (أحمر و بنفسجي) و داير تجيبو لينا مدرب
وقد كان أن مزق الزعيم البنفسجي العيناوي بيت العنكبوت الجزراوي في أرضه ووسط جمهوره برباعية وأهدر ركلة جزاء وذلك رغم النقص العددي الكبير في صفوفه إذ غاب عنه ثمانية من أعمدته الأساسية بمن فيهم أفضل محترف بالدوري الإماراتي التشيلي خورخي فالديفيا فضلا عن المغربي المرعب سفيان علودي والنفاثة علي الوهيبي إلي جانب خمسة يشاركون حاليا في معسكر المنتخب الإماراتي بطوكيو . ألم أكتب اليوم أن العين بمن حضر ..؟؟ ثم ماذا أنت قائل با أبو نكتا متصهينة بخصوص الفرق التي نشجعها ..؟ أوليس زعماء ..؟؟؟؟؟ و ... قوم لف وتعال أخد ليك كورس هنا.. أشك في إستمرار الهلال ..
03-23-2009, 08:25 AM
سامى عبد الوهاب مكى سامى عبد الوهاب مكى
تاريخ التسجيل: 01-06-2005
مجموع المشاركات: 4971
يا سامي سلامات طالما المهلهلين ديل طلبوا الغوث فحرام حرمانم من دعاش البطولات الخارجية لو ما إستعانوا بي صديق من الزعماء صدقني ما بمشوا قيد أنملة (حلوة شديد دي )
03-23-2009, 11:22 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يعني لاعب الوسط السادس ده طلع معاش بعد كورة فريقكـ البنفسجي ؟ طبعا ادوكـ إجازة تلاته يوم و مرتب شهرين بعد الرفعة المعنوية دي انت يا طلحة الجزراوي ده مش ياهو المعط الاحمر بتاعكم اخر مباراة ودية و لا ده واحد تاني ؟
بعدين يا أبو نكت صهيوينة البوست دا قلت ليك نط منو وتعال إتثقف هنا .. أشك في إستمرار الهلال .. عشان صاحبك القليص الماعايز زول يشتهر معاهو دا أشوفو جاب حكاية وظيفة اللاعب المتمرجح دي من وين .. أظنو قايلا لبس فنانات ..
03-24-2009, 12:24 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
'طبعا يا جرجير ود الفاروق القليص دا من طينتك .. عايز ينظر ويشتهر براهو في البورد دا وأي شىء كدا في الدنيا دي بعرفو .. فن ، ثقافة ، أدب ، سياسة ، رياضة ، كيماويات ، عالم بحار ، مغامرات .. زيك بالضبط عليك الطلاق بالتلاتة , وطبعا أي زول تاني يحاول يعمل زيو بنط ليهو في حليقو .. ( ألم أقل لك أنه زيك بالضبط ) .. المهم وردا علي تحشرك دا :
Quote: بترفع في البوست براك اوعك تكون صدقت قصة التدريب دي الراجل بهظر معاك بالمناسبة
عايزو بس يجيء راجع يوريني وين قلت (وظيفة متمرجح) .. ؟؟ دا سبب رفعي للبوست .. بس أوع تكون الحاجة دي حرقتك يا الخميجان ( تصغير خمجان ) ملحوظة :
Quote: (عدل بواسطة محمد البشرى الخضر on 24-03-2009, 08:33 م)
عدلت شنو يا الخميجان ( تصغير خمجان )
طبعا بتكون عارف أنو الخمجان دي بتطلق علي الزول الشليق ..
03-24-2009, 09:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
السير طلحة عبد الله : والله رديت ليك من يوم قريت المداخلة بتاعتك وكل ليوم بعمل بوست ليها بس ما بتمشي.. المداخلة رفعتها في الميل ومتى ما مشت حا تلقاها ما تستعجل رزقك وتقول عملت زايغ..
03-25-2009, 10:14 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
أبوعمير القليص الماعايز زول يشتر معاهو شنو هو المداخلة وشايلا وخاتيها وما طلعت وما قامت .. أنا بس عايز إجابة صغنتوتة عن سؤالي بتاع وظيفة المتمرجح .. دي عايزة ليها قومة وقعدة كمان ..؟؟
Quote: السير طلحة عبدالله
السير واللا المدرب واللا العايز يشتهر علي حساب أبو الهل المهلهل ..؟؟ حدد .
03-25-2009, 12:46 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الكابيتانو طلحة عبدالله : له : ياخ انا كان ما داير ليك الشهرة كان رشحتك لي تدريب الهلال؟؟؟ إنت ثايل ناس الادارة ديل اتصلوا بيك عن فراغ؟ ما سألت عرفو كيف بي إمكانياتك التدريبية دي؟؟
طيب نجي لي كلامك عن وظيفة المرجيحة وما ادراك ما الطوطحانية ..
Quote: لماذا لا يجرب الهلال طريقة 3_6 _1 علي أن يلعب بثلاثة لاعبي إرتكاز فيما يساعد لاعبا الجنب ثلاثي الدفاع ويتحولان لباكات مهمتهما منع رفع الكرات العرضية بقدر الإمكان فيما يتمرجح لاعب الوسط السادس ما بين مساعدة لاعب الهجوم ومؤازرة المحاور الثلاثة .
ركز في كلامك الفوق ده كويييييييييس سمح؟ الوظيفة عبارة عن المهمة الموكلة لي اللاعب داخل الميدان يعني لمن اقول ليك الزول ده بيلعب في وظيفة القشاش معناها مهمتو قشاش اخر زول وبيلعب مرتاح ويصلح اغلاط الناس القدامو دي كلها.. طيب نجي لي كلامك يا كوتش.. قلت الوسط يكون فيهو 6 لاعبين ووظفت الستة كل زول في خانة كان توزيعها كالتالي: ثلاثة في وظيفة الارتكاز حلو الكلام ؟ اتنين في وظيفة الوسط المتحول لي باكات حلو معاك ..؟ اها الزول السادس ده انت ما اديتو ايييييييييي شي غير إنو يتمرجح زيو وزي الشافعة العمرها 3 سنوات ولابسة فستان قصير وابوها يلز فيها في حدايق ستة ابريل يطييير فووووق مع الهجوم ويجي راجع حركة ورا مع الدفاع ..مش ياهو كدي ولا انا غلطان ؟؟ يعني الزول السادس ده وظيفتو مرجيحة صاح ؟؟ بعدين بي المناسبة وعشان اوريك انكم ناس بتاعين نطيط انا حا اجيب ليكم الارشيف حقكم وانتو بتسمو ريكاردو مدرب الخندقة لانو كان بيلعب بس بي ارتكازين خليك من تلاتة اسة انت زاااااتك تجي تقول الهلال يلعب بي تلاتة ارتكاز !!!! عاد ده كلام ده .. بالمناسبة يا طلحة الترقيم ده اشجاعة فكوها فيكم الناس ساي وانتو بقيتو تسموهو على كيفكم وبقيت زي اسماعيل عطا المنان لمن كان بيحلل الدوري الممتاز يجي يقول ليك وقد كان فريق الميرغني كسلا يلعب بي طريقة 4-4-2 تتحول لي 3-4-2-1 لحظة فقدان الكرة لتعود الى 1-3-2-3-1 عند الهجمة المرتدة !!! اسة عليك الله لو جابو ميرغني زاااااتو بيصدق انو كانوا بيلعبو كده ؟؟؟؟ انت عارف يا طلحة كان عندنا مدرب انا بعتبروا احححححححسن مدرب مر على تاريخ الكورة لاسودانية كان يبدربنا لمن كنا بنلعب في رابطة ابوعنجة .. بيلمنا قبل الكورة في نص الميدان عشان يدينا الخطة يكورك يلا يا شباب تعالوا للخطة .. نتلم في شكل دورانية وهو في النص بيقول لينا يا شبااااااااااااب الليلة الخطة هجوم .. يللللللا قوموا...
تخريمة : تصدق انا بشجع العين واتعاطف مع الاهلي لكن قلبي اباهو بعد معلومة مريخابي بيشجع العين دي .. بالمناسبة بتعرف مدرب حراس ناشئين العين ؟ اسمو محمد النويري اخو ابشر..؟
03-25-2009, 01:29 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
مكمل القلاصة .. هسع عليك دينك وأيمانك (متمرجح) دي عايزا ليها كتاب قصص بتاع إبتدائي وشافعة أطوطحت وشافعة نست بت لعابا .. أنت بس حنك ساي عايز تثبت علي كلام ما قلتو عشان تطلع أنت حصيف وما بتاع جاكات .. واللا لما أنا قلت الكلام دا أنت كنت معاي وبالتالي عارفني قاصد شنو ..؟؟ قلت لاعب (متمرجح ) ك(تعبير إنشائي) لتوصيل فهم معين لمن يقرأ وأقصد بذلك أنو اللاعب دا يطلع وينزل ويميل يمينا ويسارا حسب وضع الكورة في ملعب المباراة وغيري ممكن يقول (لاعب مطوطح) زي شافعتك الجبتها لينا هنا دي وغيرو ممكن يقول (معلق) و تالت ممكن يقول (طاير) زي الرصاصة بتاعت سقف البيوت و..و.. لكن أنت في سفرك المتواصل للتنظير والفلهمة طوالي شبكتني وظفت وقلت وظيفة والشناق والقشاش ... ياخ لو عايز أقولا ماكان قلتها عديل ( وظيفة لاعب متمرجح ) .. لو جيت كما هو متوقع طرت لي في حلقي وقلت لي ما وظيفة زي دي في الميدان بشبكك تنظير زي تنظيرك الفوق دا وأشد (نقة) وأكثر (فلسفة وقلاصة) .. شنو يعني .. دي بتغلب ليها زول أتا قايل ..؟ المهم الكلام دا ياخوي ثبت عليك (وظيفة ) القليص العايز يشتهر برااااااااااهو وتاني يفكك من الوظيفة دي الفكي أبو مفك . من جهة ثانية قلت رائي الشايف أنو صاح يلعب بيهو هلالكم الهزيل هناك زي ما أنت جيت قلت رائك الخالفت فيهو الرأي دا .. واللا المفروض تقول انت بس وغيرك عليهم يقولوا يا سلاااااااام علي ود الفاروق ..؟؟؟ الهلال يا أبو عمير لو مالعب علي الأقل بطريقة شبيهة للطريقة الفوق دي الهواء بطيرو ياخوي ما تقعد تغالط ساي متفرقات
Quote: اها الزول السادس ده انت ما اديتو ايييييييييي شي غير إنو يتمرجح
طيب (وظيفة متمرجح ) دي كنت حلمان أنو أنا قلتها واللا الفهم شنو ..؟
Quote: يعني الزول السادس ده وظيفتو مرجيحة صاح ؟؟
ماشاء الله نبيه جدا .. لا ياشاطر دا لاعب (مهام) يختوا المدرب للتمرجح دا بدون التقيد باية وظيفة ..
وبعدين كتبت في ما معني المرجيحة
Quote: يطييير فووووق مع الهجوم ويجي راجع حركة ورا مع الدفاع ..مش ياهو كدي ولا انا غلطان ؟؟
الغشاك منو وقال ليك أنو المرجيحة بتطير فووووووق وتجيء راجعة حركة وراء ..؟؟؟؟ المرجيحة البنعرفا زي ميزان السكر بتاع الدكان .. وزمان نحن بنمش الغابة نقطع لينا فرع شجرة تخين ونخت تحتو (في النص بالضبط) حجر ونقعد نتمرجح بيهو عشان نشوف السمين منو والضعيف منو .. لكن القاصدا أنا هنا دي مرجيحة تتحرك في كل الإتجاهات .
03-25-2009, 01:35 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
طيب وعشان ما نتكلم كتير خلينا نقول اللاعب الوصفتو لينا ده إنو كان عمر بخيت .. اها عمر بخيت ده بعد الكورة رجع البيت قامت مرتو سألتو وقالت ليهو : دحين يا عمر انت الليلة كنت لاعب شنو ؟؟؟
اها يا السير طلحة تتوقع عمر حا يقول ليها شنو ؟؟
المايك معاك ..
03-25-2009, 01:52 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18044
ياخي قليص ومزعج دي عليك الطلاق في حكايات الف ليلة وليلة ما لاقتني .. ياخي دا لاعب متحرر (بدل متمرجح العلمت فيها عود قطن دي) .. لاعب موكل بالقيام بمهام بعينها في ملعب المباراة وبعدين ياخ انت قايل الناس كلهم متلقين زيك كدا واللا شنو ..؟؟ أيه اللي مرتو سألتو ومرتو طردتو .. هي مرتو دي الوداها تسأل شنو ذاتا. ياخي قوم لف كدا واللا كدا بلا
Quote: مرتو سألتو
بلا أم فتفت معاك .
03-25-2009, 01:59 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: باااااااااااااااااااااااس أيوااااااااااااااااااااا تلللللللللللللك .. شوفتها ساهلة كيف ؟؟؟
افهم من كدا أنك بلعت حكاية أنو أنا قلت وظيفة وقلبت علي دي :
Quote: طيب الطنقعة ليك شنو ؟
يعني يا أبوعمير اللذيذ عايز تنوم بالحاجات كلها برااااااااك .. لا تخلي زول يشتهر معاك .. لا ينظر زيك لا يتفلهم مثلك ولا حتى كمان الطنقعة الساهلة الفي الصقيعة دي برضو ما يطنقعا .. يا عميرة الطقنعة دي مجدوعة ساي في السهلة لا بشتروها ولا بحاكموا فيها والدليل أهو انت شايلا وحايم بيها البورد دا بوست بوست . ياخي انت زول اناني بالجد ( كنت قايلك قليص ساي ) هسع عليك دينك وأيمانك البورد دا كلو في أطنقع منك ..؟؟؟؟ ياخي شوف ليك لبس فنانات نظر فيهو بلا الله أداني .
03-25-2009, 02:19 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
طلحة عبدالله
abas
ismeil abbas
عبدالله كع
محمد يوسف الزين
فيصل نوبي
Maawya Hussein
على محمد على بشير
محمد البشرى الخضر
فيس بوك
تويتر
انستقرام
يوتيوب
بنتيريست