|
مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان
|
Quote: مسيرة حاشدة لمناصرة السودان بواشنطون
يسير أصدقاء السودان ومحبي السلام بمنطقة واشنطون الكبري مسيرة تأييد ومناصرة لشعب وحكومة السودان للتنديد بقرار المحكمة الجنائية بحق فخامة الرئيس البشير تحت شعار "أرفعوا أيديكم عن السودان" وذلك أمام السفارة السودانية بواشنطون يوم الأربعاء 11 مارس 2009 الساعة الواحدة ظهرا. علي العنوان التالي:
2210 Mass Ave, NW
Washington DC, 20008
السودان هو الضحية الأولي لمحكمة الرجل الأبيض الأنتقائية الموجهة ضد أفريقيا والتي تغض الطرف عن جرائم الأبادة التي شهدها العالم في الشرق الأوسط، وتتجاهل نداءات الأتحاد الأفريقي ، منظمة دول عدم الأنحياز ، الجامعة العربية، ومنظمة المؤتمر الأسلامي لتأجيل هذا القرار الظالم من أجل دعم جهود تحقيق السلام في دارفور.
ندعوا الأحرار ،ومنسوبي الجاليات المختلفة، وأصحاب الضمائر اليقظة ومحبي العدالة الي التضامن مع السودان وأظهار الدعم والمساندة لقضيته العادلة بالمشاركة في هذه المسيرة لمنع تكرار مسرحية قمع الشعوب وتركيع الحكومات في دولة أفريقية أخري بواسطة آليات العدالة الغربية المزعومة.
للتنسيق الرجاء الأتصال بالأستاذ حضاري عبدالعلي رئيس منظمة تحالف " إمنحوا السلام فرصة" تلفون 301-728-8949 والأستاذ أكبر محمد رئيس منظمة "شباب من أجل أفريقيا" تلفون 314-422-4338 .
|
قادة المسيرة هودارى عبدالعلى (ليس سودانى) واكبر محمد من امة الاسلام (جماعة لويس فراخان).. قالوا مناصرة السودان واختشوا يقولو مناصرة "البشير"!!! كدى ننتظر نشوف منو مؤيدين البشير هنا فى واشنطن.. "الكيزان المندسين" اظهروا وبانوا .. هنا ما فى شفع مدارس تسوقوهم بالقوة زى صلاح قوش... وبعدين الناس حتضحك عليكم من خيبتكم...
منان
|
|
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: Mannan)
|
هي شوف ديل ناس قريعتي راحت
ما قدرو على أوباما جاين يشوفو ليهم لحسة قروش من البشير!!!
ما نحن في البلد دي قمنا بدولشمية مظاهرة ليه ما شفنا نوع إعلان لمظاهرة زي دي من الوهم ديل?
دا شئ مفرح و بيعني شئ واحد إنو
الكي وصل العظم
( يا بكري زي ما ختيت إعلان مظاهرتهم فوق...بالمثل خت إعلان مظاهرتنا فوق)
بكري طبعا فرحان و قايل إنو دي Breaking News لأنو جات من أمريكان و أظنه يجهل إنو ديل شماسة ساكت و بتاعين لحس طباقة
فقام الأستاذ بكري سسسيط ختة ليهم عنوان كبير جدا في المين شيت زي لافتة الوول إستريت في NY
الإعلان وضع بالعربي من جهات لا تتحدث العربي إذا المقصود بالإعلان المتحدثون باللغة العربية و من ضمنهم بعض السودانيون
و أنا و من خبرتي في هذا البلد أؤكد إنو مافي سوداني واحد ح يشارك في تلك المظاهرة.....حتى لو كوز, لأنو غالبية الكيزان المستقرين في هذا البلد الأمين طلاب لجوء سياسي....طبعا بالدس و الكذب, فما ممكن يضحوا بغنائم حرب زي دي
بعدين الزول الإسمو أكبر محمد دا زول فاكا منو زي عم عابدين بتاع سوق أم درمان (رحمه الله)
| |
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: Kostawi)
|
Quote: ( يا بكري زي ما ختيت إعلان مظاهرتهم فوق...بالمثل خت إعلان مظاهرتنا فوق) |
يا محمد كسوتاوي العسل .. ياخ مليون مظاهرة جابوها ليكم هنا دا .. ويرفعوهـا لينا فوق محمد سلوى العسل تغني .. تجيبو لينـا الرابط سلوى الليلة غنت وعاملين ليها مظاهرات يا جماعة تعالو لينا في بحيرة متشجان .. محمد تراجي مصطفى العســل تجيكم من شلالات نياجارا طالعـة طوف .. تعملوا ليها مظاهرة .. وبكري يعلقه لينا في التمنيات .. محمد حنـان بلوبلو العسل برضو.. تجيكم .. تعملو لينـا مظاهرات وبكري يعلق لينا في التمنيات ..
حسع بقت ليكم حـارة مالا يا عمووو ..؟ ما كرهتونـا عديل بي مظاهراتكم دي .. حسع مظاهرة واحدة عملت ليك ارضي ..؟
خلي روحك رياضية ما يمحمد كوستاوي .. علشان خاطر صحتك بس
| |
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: Kostawi)
|
Quote: السودان هو الضحية الأولي لمحكمة الرجل الأبيض الأنتقائية الموجهة ضد أفريقيا |
ياسبحانك!
ومن هم كلاب حراسة، تركة "الرجل الابيض" في بلاد السودان، غير هذه الشرذمة المهيمنة علي مقدراتنا، ياهؤلاء؟
هؤلاء الذنوج، مدعين هوية سادتهم الاعراب، يشعلون محارق الابادة لغير العرب، حسب البرمجة لحاسوب ادمغتم المستعبدة، بالملايين، او برضو تسوو لينا "الرجل الابيض"؟
للاسف نظام القتلة واذنابهم، يحاولون استغلال مفردات خطاب حركة التحرر السوداء، في الشمال الامريكي، وهم من يطلقون علي اهلنا افارقة امريكا، صفة "العبيد"!
استغلال، استغفال، ميكافيلي بشع!
| |
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: Kostawi)
|
Mannan wrote:
Quote: كدى ننتظر نشوف منو مؤيدين البشير هنا فى واشنطن.. "الكيزان المندسين" اظهروا وبانوا |
Kostawi wrote:
Quote: أعددنا كل ماكينات الإتصال العام من كاميرات و أجهزة تسجيل الفيديوهات لتوثيق هذا الحدث التاريخي الهام |
Looking forward for the documentation... No matter what, I hope no violence will happen this time like that regretable one in NYC last week...
mohamed elgadi
| |
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: Mohamed Elgadi)
|
الاستاذ منان
مسكاقمى
الجنجويد السياسى موجود فى كل مكان..الذى يحيرنى لماذا خرجوا من السودان اصلا ؟؟
بكل بساطة تجد من يدافع عن اللصوص والقتلة وهو فى مكان لا يعرف الاسباب الاصليه التى دفعته خارج السودان وذا سألت احدهم لماذا انت هنا لا تجد عنده اى اجابة مقنعة ..ناهيك عن عدم المامه بما يجرى فى بلده..وهذا النوع من الناس يستقى معلوماته ان وجدت من مصادرة معينه وهذا الشى كان جليا عندما تظاهر الناس فى الخرطوم عقب صدور مذكرة اوكامبو هم فى الحقيقة ضحايا الاعلام الحكومى..و(الاستريوتايبس) الموجودة فى المجتمع..
مثلا يقول لك احدهم ..ياخى الجنوبيين ديل حاقدين وناس دارفور ماعارف ايه..كده
مصيبتنا كبيرة والله
قالت لى استاذة جامعية هنا انها سمعت ان السودانيين اذكياء جدا..اجبتها على الفور بان السودانيين فعلا اذكياء ولكن لايفوقهم احد فى الغباء..فضحكت من ردى
الله كريم
| |
|
|
|
|
|
|
Re: مسيرة "حاشدة" لمناصرة عمر حسن احمد البشير فى واشنطن!!!! وليس لمناصرة السودان (Re: قرشى محمد عبدون)
|
كوستاوى دكتور محمد القاضى بشاشا قرشى عبدون سلام
اغرب حاجة عاملين مظاهرة احتجاج قدام السفارة السودانية!!! كانوا يمشوا قدام الكونجرس او الوايت هاوس وتانى حاجة قالوا مناصرة السودان... طيب نحن كمان حنمشى نناصر شعب السودان وهم يناصرو رئيسم وكل واحد حر فى موزو ... ما كلها مناصرة فى مناصرة ... نمشى بلافتاتنا نناصر الشعب السودانى المغلوب على امرو طالما الغرض كدة ونخلى الشق بتاع رئيسم الرقاص ... ينفعم..
منان
| |
|
|
|
|
|
|
|