|
Re: الطـير في الشعر العربي والغناء السوداني والامثال الشعبية وفي المنبر العام (Re: Omayma Alfargony)
|
هيبة ازيك وكل سنه وانت طيب عارف كان عندنا زميلنا فى قسم الموسيقى فى المعهد طبعا"رد الله غربته" وكان بيلعب مع الفنان مجذوب اونسة،فيلوين ـ كمنجةـ يوم جاهو مجذوب فى الداخلية بتاعة بانت وصاحبنا مولع شديد ـ افهما زى ما عاوزـ قام واحد من الزملاء قال ليهو ـيا معتصم مجذوب منتظرك تحت فقام طوالى وبسرعة شديدة جدا رد عليهو ـ هسى الزول يشيل كمنجة ولا "نبلة " الزول دا غناهو كلو طير وقمارى ؟ اذن المسالة ما مختصة بمجذوب وحده منذ اكثر الاعوام غورا فى فضاء الغناء السودانى انت واجد الطيور بكل اشكالها والوانها غنى عبد الرحمن الريح"ملك الطيور "ولم يقف عنده بل تعداه الى اساطين الغناء والشعر فتجد عبيد عبد الرحمن او عبد الرحمن الريح لست متاكده لكن هناك "انا يا طير بشوفك" وتمضى رحلة الطير حتى تجده لدى صلاح احمد ابراهيم الطير المهاجر ولدى اسحق الحلنقى ـ طير الرهو ، وعصافير الخريف ـ البلوم فى فرعه غنى ويغنى لها مجذوب اونسة مودعا "جيت اوادعك ياقمارى ، ولا تقف الطيور لدينا فى مجال الغناء بل هى تدخل فى صميم الغناء العربى دخلك يا طير الوروار لفيروز وحين جاءت السودان الفنانة فاتن حمامة شدا لها عبد الرحمن الريح بالاغنية الخالدة ياحمامة مع السلامة وهاهو مصطفى سيد احمد يغنى بلابل الدوح ناحت على الاغصان طرب وسرور مالت فروع البان وعلى كل الطيور جات لى مقيلا كلموها خلاص رحلنا نتمنى ان نلتقى فى قلب هذا العام ياصديقى
| |
|
|
|
|
|
|
Re: الطـير في الشعر العربي والغناء السوداني والامثال الشعبية وفي المنبر العام (Re: الكباشى البكرى)
|
والله نحنا مع الطيور
طيري يا قمرية ركي فوق الزنكي واصنتي القضية
الحبيب سافر يا قماري قووووووووووووووووقي ما جاني منو خبر يا قماري قووووووووووووقي (في داعي يا وهبة تبكونا كدة؟؟؟؟؟؟؟)
ومن الشعر العربي: أحرام على بلابله الدوح *** حلال على الطير من كل جنس
ولولا أماني النفس وهي حياتها*** لما طار لي فوق البسيطة طائر
بي مثل ما بك يا قمرية الوادي *** ناديت ليلي فقومي في الدجى نادي
__________________________________________
أزيدك ولا تطير من هنا؟؟؟؟
| |
|
|
|
|
|
|
|