|
سوق واقف عبق الماضى و نضارة الحاضر ( جولة مصورة)
|
سوق واقف بمدينة الدوحة
من اروع ما تشاهده من اسواق
انشأته الحكومة القطرية فى وسط الدوحة مكان سوق المدينة القديم ومن اجل ذلك قامت بهدم العديد من المبانى الحديثة
سوق واقف تحفة معمارية تراثية و مكان للترويح والفرجة و التسوق الممتع وفوق ذلك مكان لتناول الطعام الممتع من مختلف المطابخ العربية.
دعو الصور تتحدث
|
|
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: هشام المجمر)
|
أخي العزيز / ودالمجمر تحياتي،
لكن الكاميرا والاختيار ما عندك ، فعلا صور تحكي عظمة ونضارة الواقع في دوحة الخير ، وارفة الظلال ، زيدنا كمان يا سيدنا من هذه اللقطات ويا حبذا لو هجمت على مناطق الكورنيش جوار الشيراتون والبريد لنشاهد ناطحات السحاب (دبي أو نيويورك الجديدة) وروعة العمران وجماله وتنوع أساليبه .
وهذه دعوة لأصحابك من قدامى مغتربي الدوحة من أمثال ود الأمير وقريش وأبوساندرا وود السني ووددياب وبقيةالعقد الفريد من أحبابنا في الدوحة(لامتطاء ظهر كاميراتهم ) وأخذنا في جولات مصورة تحكي عراقة وأصالة ماضي الدوحة وحاضرها الزاهي ومستقبلها المشرق بإذن الله .
وعشان كمان نشوف بكرة صور(سنط) الخرطوم بعد قيامها وهي تطول السماء شموخاً وروعةً وجمالاً
مودتي ،
( ليمو )
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: هشام المجمر)
|
الاستاذ هشام
من الجميل ان نشوف الاهتمام بالتراث والاشياء القديمة وتقدميها في الحاضر الانسان بدون الماضي لا شي كل بلد لها تراثها وحضاراتها ويجب الاهتمام بيها والفخر بيها عشان مافي شخص ينسي اصلوا
وياريت لو في السودان يعملوا نفس الشي ويهتموا بالاثار والسياحة والحجات الحلوة دي
مع كل الود والتقدير
سالي
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: salee)
|
شكرا سالى
فعلا الاهتمام بالتراث و اظهاره فى صورة حديثة و كمان حاضرة و شغالة كما حدث فى سوق واقف شئ يدعو للاعجاب
عندنا تزال الاسواق القديمة و تقام فى اماكنها البنايات
ما زلت اذكر بالحسرة سوق الخرطوم القديم الذى اعتدى عليه السيد رامبو ضمن ما اعتدى عليه ما تاريخ بلادنا
شفتى الفرق بين هنا و هنك كيف
لك مودتى
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: هشام المجمر)
|
الفرق واضح جدا المشكلة الامكانيات الي عندهم ووحدة الصف والاهتمام بالجماليات يعني لمن شفت السوق ده هو طبق الاصل من البستكيات والاسواق الشعبية في دبي التي عاملة جو حلو شديد ومنظر حلو في البلد كل السياح بيجوا وتفرجوا ويشوفوا التراث كانوا وين وصلو وين
بس نحنا كنا وين وبقينا وين ؟ ؟
كل والود والتقدير
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: هشام المجمر)
|
لا حوله.. التغييرات دي كلها حصلت بعد سنة 2006.. انا كنت في الدوحة بين 2004 و2006.. كان سوق واقف مختلف تماماً.. بشبه سوق الشمش... بذكرني بي سوق سعد قشرة.. رخيص.. وحاجاته ظريفة... فيه محلات تياب (النقي) وغيرها... انا والوالدة كنا بنضيع دايماً... كتير كنا نوقف العربية، ونفتش لينا تكسي عشان نصل.. رغم انه السوق ظاهر شديد.. بس مختفي كان ما بين سوق الاحمد، وعمارة HSBC... كنا نحوم فيه لما نفتر... بس حسي بقى أجمل بالتأكيد.. زمان كانت ريحة الاكل مزعجه (اكل الهنود).. وشوارعه ضيقه شديد.. وكان الواحد بضيع بسهوله داخله، لأنه مافي معالم ظاهره... إن شاء الله تكون اسعاره غلت بعد التعديلات دي..
P.S الاحلى من السوق، بناتك البتسوقهم معاك محل ما ماشي ... ربنا يخليك ليهم، ويخليهم ليك...
بنت الحسين
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: هشام المجمر)
|
تحياتي يا هشام المجمر و يا مريم شفت المطعم دا دا مطعمنا المفضل أكلو جميل والشيشة بتاعتهم ما بيتفوق عليها الا مطعم الساحة الفي الخرطوم :)، طبعاً بالاضافة لي موقعو الجميل في سوق واقف فهو ارتبط للواحد بي مجموعة من الشباب الاتلمو واتفرزعوا في انحاء الدنيا دي ومداومتنا على لو جيرمة جزو من حنينا ليهم ووفاء كمان للمكان الجمعنا كلنا، كل خميس وأحيان كتيرة كل جمعة كمان ملتقى جميل لمجموعة من الشباب الغريبة زي ما قلت ليهم أكتر من مرة مافي حاجة واضحة كدا بتجمعهم بي بعض كل واحد من بلد وكل واحد له دينه :) واهتماماتو، مرة تلقى النقاش في الماسمتيكس ومرة في الفلسفة وكتير في الاديان الكتيرة الفرقت بيناتهم ومرات في الانسانية الجمعتهم، يا هشام الشارع دا الانتا مصور فيهو كتير دا الشارع المركزي في سوق واقف وبينتهي الشارع بي الساحة البيكون فيها دايماً غنى شعبي خليجي والمنطقة ديك دايماً مزحومة اكتر من باقي السوق، يا مريم تعرفي العساكر زي المتصورين معاهم بنات هشام الحلوات العساكر ديل بيعاينو ليك لما تجي داخلة حدود السوق لو طلعتي من جنسية اسيوية / شرق أسيوية ما بيدخلوهم طبعاً بقية الجنسيات نو بروبليم !! في الزقاقات بتاعتو بيذكر الواحد بي سوق امدرمان ومرات سعد قشرة مع فرق النضافة طبعاً :) ورا الصورة دي في اجمل فول في الدوحة طبعاً في مطعم بيروت طبعاً فولم بي نكهة شامية واضحة بيهرسو ليها الفول هرس :)
| |
|
|
|
|
|
|
Re: سوق واقف عبق الماضى و نضارة الحاضر ( جولة مصورة) (Re: Mohammed Elhaj)
|
محمد الحاج
سلام
ربنا يديم التجمع فى لو جيرمة و السوق الجميل( طبعا نحن لمة الشباب ليالى الخميس راحت علينا)
على سيرة الخميس دائما ما يشتعل السوق فى عصريات و ليالى الخميس بالنشاطات التراثية الفنية المحلية و قد خضرت واحدة منها وكانت جميلة وخفيفة على القلب.
مطعم بيروت عادة ما نتناول فيه طعام الافطار فى ايام السبت نعشق فيه الفول والحمص و يحب صديقى جمال " قرش" قرون كاملة من الشطة الخضراء حتى يصبح وجهه بمبيافى هذه الاثناء يكون المطعم قد قلب رأسا على عقب بواسطة الكائنات الصغيرة التى نجلبها معنا
لك الود محمد الحاج وواصل الكتابة فى هذا البوست
| |
|
|
|
|
|
|
|