|
أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ...
|
تحية تقدير ومودة للجميع
الاخ والصديق جعفر بشير ( أبو أمنة) سابقاً احد قدامي الاعضاء في هذا المنبر انقطع طويلاً وطويلاً جداً من الكتابة هنا وحين هم بالرجوع كان المنبر في حال من عدم الاستقرار وفقد كلمة مروره مع الذين فقدوا كلمات مرورهم . كاتب بكرى ابو بكر بهذا الخصوص وعده بكرى بحل المشكل لكن إلي الان لم تحل وكلنا نعلم أن الأخ بكري ربما بسبب الهجمات الكثيرة فلم يتذكر بسبب عمله ومشغولياته مع هذا المنبر .
اعزائي ارجوا منكم المساندة في عودة
الاخ جعفر بشير (أبو أمنة) فجعفر بشير احد الكتاب والاعضاء الفاعلين والنشيطين ومفيد من الدرجة الاولي في كل تداخل يشارك به .
ياريت يا بكرى ترجع كلمة المرور لجعفر بشير حتى نكسب قلمه من جديد .
وإي عضوء يقابل البوست ده يدفروا لي قدام .
ولكم الشكر .
سفيان نابرى
|
|
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Imad Khalifa)
|
Quote: يا اخي دا كان اسمو السودان عديل كدا... سفيان انت ذاتك كنت لابد وين؟ سمعنا انك بمصر!! هل مازلت هناك؟ رسل لينا اخبارك على المسنجر. ومعك نطالب بكري ابوبكر بارسال كلمة مرور الزميل جعفر بشير فقادمات الايام تحتاج لقلمه السيف دونما شك.
|
عماد خليفة اخوي يا (فارس الحوبة) مشتاقين شديد والله متلوم معاك بس يا عماد اخوك من يوم نزل القاهرة دي لسه ما فاهم حاجة اصلي زول سودان سااااااي بس الزمن غلاب غلاب (زى ما قال وردى) ولسه ما زلت بالقاهرة اطير في اليوم الف الف مرة لبلادى وحالي كما طير البرق عند (مظفر النواب)
وياريت ياريت بكرى يرجع لينا جعفر بشير لانو المنبر في حوجة لقلمه بالفعل .
كُن بخير دوماً .
ـــــــــ تلفونى في البروفائل .
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: د.نجاة محمود)
|
الأخ فيصل عثمان
تحياتي يا عزيزي وشكرا علي هذه الكلمات وطالما هنالك من أمثالك بهذا البورد ستظل راية الحوار الجاد المسئول عالية دوما ...
اخي وعزيزي عماد خليفة
تحياتي يا سيدي وفي المرات القليلة التي يتاح لي فيها رؤية البورد اتابع مساهماتك باهتمام خصوصا حيال الححركة المستقلة التي تحتاج الي الكثيرمن الوقفات والحوار واعادة التقييم .. أتمني أن يسعفنا الوقت مع بقية الشباب في الحركة المستقلة بجميع اتجاهاتها .... في فتح مثل هذه الحوارات مرار وتكرارا ...
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: د.نجاة محمود)
|
الدكتورة نجاة
نبدا من وين ... نبدأ من الإسم وجميل جدأ أن اري اسمك الرسمي لأن هنالك ما يستحق فعلاً أن يرتبط به من مساهمات ... وحقيقة حينما أجدك وآخرين صامدين حتي الان في حوش بكري يتم اختزال الوقت والمسافات الطويلة وكأني لم افارق سوي عدة أيام واتذكر تلك الفترات التي دار فيها من النقاشات ما أصبح زاداً لي في فترة الغياب الطويل ...
تحياتي لك وللغائبين ولتحاول المساهمة ما أمكن مع الشباب بالمنبر
بيني وبينك عجبتني شديد يا بكري منبرا مافيه ابو آمنة منبر اليابا والتابا..
وتسلمي لي يا دكتورة... وسلامي للأمورة الصغيرة وأبو العيال
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: humida)
|
Quote: ييك ياخي .. ( جعفر فلسفة ) .. وين الزول دا .. اعتقد عودتهم بتكون مثمرة المرة دي ..
يلا بكرى .. طنشو سنة .. لكن في النهاية رسل ليهو الباص ورد |
حميده العريس كيفك ياخ
الزول ده عرس بيجاي غطس بيجاي ههههههه
بعد اكتر من سنتين اتذكر انو في حاجة اسمه س اون لاين هههه رجع لقي الهكر عمل عمايلو دي اها بقينا هسي في طولك في عرضك ههههههه
ياخ ما يطنشو ياخ خليهو يرجعو حسادتك ومضرتك دي سيبه ياخ
يابكرى ما تسمع كلام حميده ده روحو محرقاهو من المراسيل ساي
ـــــــــــــ أها موضوع وليد الشفت أنشاء الله حليتو ليهو ولقيت ليهو مقاسو هههههه
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Deng)
|
Quote: الجميل سفيان نابري.
أنت إتسان جميل لذلك دائما تبحث لنا عن الناس الجميلين من أمثال الاخ العزيز أبو أمنة.
تحياتي لك وللاخ أبو أمنة. نرجوا من الاخ بكري القيام باللازم.
|
دينق صديقي الذي يملك قلب طيب وسوداني كيفك ؟ ومشتاقين شكراً علي الاطرا يا صاحبي أما أبو أمنة أنت تعرفه من خلال هذا المنبر أنسان هادي ومحاور ممتاز يجبر الجميع علي الاحترام .
أتمني حقاً عودته وأتمني لك الخير
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Sana Khalid)
|
Quote: يا سفيان ياخ حمدلله على سلامة عودتك انت ذاتك !
لكن بالجد قطعت قلبنا... ربنا يحميكم كلكم من كل شر
تعرف..أنا قلت الولد طلع غلباوي و ناجوضة زي أبوه
و الراجل ده انشغل (بنضالو) المنزلي ..
و يجابد اليوم كلو و ما في حيل لو وااك و ويييك....و ظلامي و مستنير (سقا الله هاديك الأيام)
لكن على راي وليد...عملا لله!
و على رأيي أنا ....(عشان خاطرك انت) و عشما فيها..ما فيهو...
نطالب بتو باسويردز... لجعفر... و نضال |
اول شي قبل السلام النكلمك اول ما لقيت اسمك اخر المتداخلين فرحته فرحه وجريت فتحه قلته سناء جات سناء جات واصلي كنت عايز زول يجي بعد (مجدي أحمد الشيخ ) الأنا اصل ما رديت ليهو وما ناوي ارد ليهو لانو الهكر احتله في الاسابيع الفاتت اسمو ده وعمل عمايل بيهو من اليوم داك ياهو يا شارك بي كلمتين كوبي بيت في بوست عرس يا بوست ممات يا شارك زي مشاركتو الفاضية هنا ده ولانو (مجدي احمد الشيخ ) كان اخر المتداخلين فاتوقعت انو مداخلتك تكون تحتو جيت زي ما قلته ليك كابس عشان اكتب اسمى وكلمة المرور وبي فرحتي بيك كتبته
سناء خالد نابرى وحاتك وطوالي كتبته كلمة المرور واديتو ليك انتر يمشي ويجيني ساكت وما ادخل وتاني اعيد كلمة المرور واديهو انتر ويجيني راجع ساي واصلي ما عاينته لي سناء خالد نابرى دي قلته خلاص (مجدى أحمد الشيخ) عمله فيني هههههههههه واجحم ليك في الجهاز القي اسمك متعنقل وقاعد ههههههه
يا سناء وحياة الله مشتاقين وبركة الولد اهلك ده جابك كيفك ياخ والحال والعيال والغربة ؟
تعرفي صاحبك جعفر بشير امس الساعة 2 صباحاً بعد غياب يجي سنتين لقيتو ليك اون لاين سلمته عليهو قال لي :- يا خينا انت ذاتك منو هههههههه قلته ليهو يا حليلك نضال والشافع جننوك هههههه قال لي مدام بتعرف نضال وبتعرف الشافع انت ما غريب بس انت منو ههههههههههه قلته ليهو سفيان عارفه قال لي شنو هههههههه قال لي سفيان منو هههههههه وانفق ضحك وحكى لي عن الباسويرد بتاعو وقصتو معاهو سالتو عن الشافع وامو قال لي هدا واقف جمبي وحالف الا يطبز في الجهاز . عييييك يا سناء الزمن القضيتو مع جعفر واصحابو واخوانا ياريت لو يرجع .
عليك الله بطلي حسادة وليد دى ويدك معنا ويسلم قلبك للمحنة ولينا يا ستى وربنا يحميك ويغطى عليك وعلي وليداتك .
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: سفيان بشير نابرى)
|
تعرف يا سفيان يا ود عمي...(طبعا السلبطة دي جابها جدي نابري)
يوم انت جيت راجع أنا برضي فرحت..
و كنت عايزة أتداخل .و اتحمد السلامة (منننن) بوستك الكتبتو يوم فايق داك.. و شلت فيهو حال الناس البكتبو شنو ما عارفة داك..
المهم بعد كتبت رجعت و صرفت نظر..باقي بخاف من الهزار و الونسة في المنبر شديد.. و مركبة وش الككو أغلب الوقت..!
قول لي ليه.. هزرت مرة مع ود البشرى...قمت لحقتو باعتذار في الماسينجر عشان ما يفهمني غلط و يزعل مني..! و يوم داك برضو هزرت مع لنا مهدي..و قضيت الوقت كلو في أعدل مداخلتي و لا ما أعدلها... يا ربي لنا زعلت يا ربي يعقوب زعل يا ربي الوليد زعل...!!! آخر حاجة رسلت ليها ماسينجر , قالت لي أبدا يا حبيبة!!
أها يا سفيان يا أخوي... أهزر و أعتذر دي لقيتها ما جاية.. قلت أخير لي وش الككو..أصلو لهسي ما حسسني بحوجة اعتذار !!
و لقيت الفرصة أتنفس عندك هنا... أصلي أنا ما شغالة بجعفر أكان فهمني صاح و لا غلط ..رامية طوبتو .. و ماسكة بس في ناس حلوين بيناتنا... فيهم انت و نضال...!
لكني بعد دا كلو فاقداه....سرا لا علانية...غايتو مقطعاها في مصاريني..
زي ما قطعت فرحتي برجعتك.. و قبلها رجعة ياسر طيفور....و زي ما مقطعة امنياتي برجعة عادل عبدالعاطي**.. و امتناني الأصلي ما وصلتو ليه و عجزت زي ما عجزت اني أوصل شكر لناس غمروني بمشاعر أخوة حقيقية..على راسهم نهال كرار و حيدر حسن ميرغني!!
شفت كميات البوح البمناسبة و بدون مناسبة دي... كلو من جدنا نابري!
-------------------------------------------------------------------------------------------------------
** ... أكيد مستغرب اني أفقد عادل و جعفر في وقت واحد ..أنا ذاتي مستغربة اني باتكيف و بعز كتيرين متناقضين و مرات متقاشرين في البورد دا..
حسين ملاسي و عصام جبرالله حسين ملاسي و كيكي حسين ملاسي و عادل عثمان حسين ملاسي و محسن خالد حسين ملاسي و....الى ما لا نهاية ( و الله بتبالغ يا ملاسي ياخ)
و أخيرا و ليس آخرا..
محمدالحسن اي سليمان و ياسر طيفور...
بس. ..انتهى البوح!!
كيفك انت؟!
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Sana Khalid)
|
Quote: تعرف يا سفيان يا ود عمي...(طبعا السلبطة دي جابها جدي نابري)
يوم انت جيت راجع أنا برضي فرحت..
و كنت عايزة أتداخل .و اتحمد السلامة (منننن) بوستك الكتبتو يوم فايق داك.. و شلت فيهو حال الناس البكتبو شنو ما عارفة داك..
المهم بعد كتبت رجعت و صرفت نظر..باقي بخاف من الهزار و الونسة في المنبر شديد.. و مركبة وش الككو أغلب الوقت..!
قول لي ليه.. هزرت مرة مع ود البشرى...قمت لحقتو باعتذار في الماسينجر عشان ما يفهمني غلط و يزعل مني..! و يوم داك برضو هزرت مع لنا مهدي..و قضيت الوقت كلو في أعدل مداخلتي و لا ما أعدلها... يا ربي لنا زعلت يا ربي يعقوب زعل يا ربي الوليد زعل...!!! آخر حاجة رسلت ليها ماسينجر , قالت لي أبدا يا حبيبة!!
أها يا سفيان يا أخوي... أهزر و أعتذر دي لقيتها ما جاية.. قلت أخير لي وش الككو..أصلو لهسي ما حسسني بحوجة اعتذار !!
و لقيت الفرصة أتنفس عندك هنا... أصلي أنا ما شغالة بجعفر أكان فهمني صاح و لا غلط ..رامية طوبتو .. و ماسكة بس في ناس حلوين بيناتنا... فيهم انت و نضال...!
لكني بعد دا كلو فاقداه....سرا لا علانية...غايتو مقطعاها في مصاريني..
زي ما قطعت فرحتي برجعتك.. و قبلها رجعة ياسر طيفور....و زي ما مقطعة امنياتي برجعة عادل عبدالعاطي**.. و امتناني الأصلي ما وصلتو ليه و عجزت زي ما عجزت اني أوصل شكر لناس غمروني بمشاعر أخوة حقيقية..على راسهم نهال كرار و حيدر حسن ميرغني!!
شفت كميات البوح البمناسبة و بدون مناسبة دي... كلو من جدنا نابري!
-------------------------------------------------------------------------------------------------------
** ... أكيد مستغرب اني أفقد عادل و جعفر في وقت واحد ..أنا ذاتي مستغربة اني باتكيف و بعز كتيرين متناقضين و مرات متقاشرين في البورد دا..
حسين ملاسي و عصام جبرالله حسين ملاسي و كيكي حسين ملاسي و عادل عثمان حسين ملاسي و محسن خالد حسين ملاسي و....الى ما لا نهاية ( و الله بتبالغ يا ملاسي ياخ)
و أخيرا و ليس آخرا..
محمدالحسن اي سليمان و ياسر طيفور...
بس. ..انتهى البوح!!
كيفك انت؟! |
يا حسين ملاسي كيفك ياخ ههههههههه
شبكتيها لي كلها حسين ملاسي حسين ملاسي أنتي قايلاني بخاف منو هههههههههه
لكن يا سناء لقيتك مسكينة مسكنة وأنا اقول بت جدي دي مافي زيها وشفته وما مسكينة تطلعي (الغنماية تاكل عشاك) ثم تانياً البيركب وش الككو في المنبر بيموت هم ساي ده منبر يركبوا ليهو وش ككو ياخ ؟ الحاجة المهمة وعلي ضمانى أنا لنا مهدي ويعقوب (والوليد ذاتو) ما بيزعلو من زول اخدي الكلام ده مني أنا ده وود البشرى شنو البيزعل !!!! ود البشرى هو ذاتو لاقيك وين تهزري معاهو ؟؟؟ قالت يزعل قالت الينشرط كا بيزعل واها هاك دي مني :- يا ود البشرى :- آآآآآآآآآآآآآ (طبعاً كان عندي واحد صاحبي لما يزعل من زول بفتح يدينو علي وضع قرأت الفاتحه وفجأة كده بيمسك رأس رأس اصابعينو تحت عيونو ويشدهم تحت ويفتحهم كبار وبينادي :- يا فلان آآآآآآآآآآ) اها يا ود البشرى ازعل قاطع قلب بت الناس . اها شفتى القاسم المشترك ده وكل الناس الذكرتيهم ديل فكى معاهم وش الككو بس النبي فيك محمد e سليمان ده اختيهو ههههههههههه لأني جد جد لسه ما عارفو بيقبل هظار أو لا لكن البقية شايفهم بيقبلو . لكن لواتخصصتى في كيكي وياسر طيفور ولنا مهدى وعصام جبر الله وخضر وخدر بتكونى ما قصرتى لينا ههههههه اقول ليك فكرة ؟؟؟ ياخ تعالي ساعدينى في البوست ده لحدى جعفر يرجع ولما يرجع اتخصصي انك تفشى زهجتك فيهو هههههههه وتفرحى كده يا سناء بفرح عيالك يارب زى ما فرحتى برجعتى . بينى وبينك انا مستغرب شديد ههههههه للتناقضات الجمعتيها بس مبررة عندى لانو اي واحد عندى ليهو تقدير طالما انو الاحترام في الاختلاف متوفر بينهم بس برضو بي وضوحك ده مبالغة ههههههههههه بلاي الواحد ما حسه بيها مبالغة الا لما لقى التناقض مكتوب عيان بيان (ونجاة ظاااااتو) ههههههههههه ياخ ما تخلي البوح ينتهي بوحي بوحي (اللا لا وبالجمبه شنو كده ما عارف) بوحي ياخ ممكونه وصابره (وعند الله جزاك) ههههههه
أنا احمد الله علي كل حال وصدقيني مافي اسوء مما شفته بس اهو بفكه عن نفسي مع الاخوات والاخوان هنا .
كوني بخير
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: سفيان بشير نابرى)
|
Quote: اها يا ود البشرى ازعل قاطع قلب بت الناس |
لا لا لا يا سفيان... ود البشرى - كتر خيرو - ما زعل
ود البشرى قال (أنا كان زعلت كان أجزتو لي!!)
أو كما قال!!
Quote: ياخ تعالي ساعدينى في البوست ده لحدى جعفر يرجع |
أساعدك طوالي, ليه ما أساعدك ,انت ما مقدم السبت..
الا و الله صاحبك دا أيام الاسبوع كلها ما تتمر فيهو !
Quote: أنا احمد الله علي كل حال وصدقيني مافي اسوء مما شفته |
الحمدلله انك انت كويس...
تاني كل شيء بيهون
و أي مر بيجي يوم يتبدل بحلو..بس خلي ثقتك في ربنا كبيييرة..
و اضرب الهم بالفرح زي ما انت
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Rawia)
|
مش كده يا رايوة
يا ليتنا عدنا
واكيد اكيد حنعود
هههههه رايوة ياخ كل سنة وانت طيبة وعيد ميلادك سعيد وايامك كلها سعادة .
قربته اقول ليك رايوة بت ناس العباسي وجبر الله هههههههه
Quote: تحية لابو أمنة وسلم لينا عليهو شديد |
ياخي لوحرستي معانا البوست ده براك بتسلمي عليهو لاننا ما نوين رجع لو ما رجع . ـــــــــــ اظهري بطلي حركات الغتاته دي لانو قطع شك الايام الجاية دي حتكون كربة معاي .
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: سفيان بشير نابرى)
|
الله يجازيك يا سفيان خالد (تحية ليك ولضيوفك الكرام ... أصدقاء وخصوم لكل منهم وردة) ...
ياخي اقول ليك الباسوورد بتاعي رايح ... تعمل بوست بتاع نعي أليم ... ما فاضل الا تكتب فيهو كل من عليها فان ... يعني انا ذاتي لما قريت عنوان البوست انخلعت وقلت الا اشوف انا حاصل علي شنو يا ربي؟ ده ما كان باسوورد ياخي ...
والنصيحة لي الله لمن دخلت المسنجر أول مرة بعد سنين الزول الفكرت انو حالقاهو اونلاين هو راوية العباسي رغم انه اخر مرة اتلاقينا قبل سنين لكن أهو المسنجر قسمة ونصيب. (هسي تجيك سناء تقول ليك ... انا ما قلت الحسنة ما بتنفع فيهوما عارفها شايلاها معاي تقيل لي). لكن دي النصيحة ولو عايزني اكذب عليك .... ما بعرف اكذب. وبعد ده كلو راوية تجي تقول ماشة السوق ولا وين ما عارف وسلمو لي عليهو ... شوف النصيب و كتر الله خيرك يا سيدي وخيرالريس بكري برضو ما قصر وتحاياهو وصلت محل ما رسلها وربنا يحفظ ليك بورديك من كل معتد أثيم ... وهكر لئيم...
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: وليد محمد المبارك)
|
العزيز Deng
وأنت الأكثر جمالا يا عزيزي وحقا افقتدت مداخلاتك ومشاكساتك مع (اللي يسوي واللي ما يسواش) وجميل انك صامد لحد الان مع تقلب المناخات من صحراوي الي شبه صحراوي الي سافنا وبحر ابيض متوسط ...
رغم عدم رؤيتي للكثير من أسماء الشباب علي رأسهم العزيزة تراجي ... أتمني أن يكون الغياب خيرا والعودة قريبة ... وتحياتي لك
العزيزة زينب بدر الدين
تحياتي أحيانا تمر علي بعض الأسماء التي تصدر لي أحساساً بأني أعرف أصحابها وكأننا اصدقاء منذ وقت طويل من خلال مدخلاتها مع الاخرين وهذا ما حدث من خلال حديثك للأخ سفيان ... شكرا للايمان الذي ساجتهد مافي وسعي لأن يصبح يقينياً ...
تحياتي
Zoal Wahid
انشالله يا زول واحد ....... ................. آمين كلمات الدنيا ما بتكفي .. شكرا ليك ولي البوست الداعم بكري ما قصر لكن انا اتاخرت كمان شوية عشان اتابع حوارات قديمة للدكتور حيدر بدوي وبفتش ليهو لي بدايات ما لاقيها بالساهل لقيت حاواصل عشان اعرف بدايتو كانت وين ...
خضر حسين خليل
آخر عهدي بيك ي جدة .... صححني لو غلط ... قالوا بس نزلت هناك وحلفت يمين مسافة اكتر من 100 كيلو ما تمشي .. (بعد استدراك مسافة مكة) ...
شكرا للشهادة الكبيرة دي ياخي حقيقي مشتاق لأيامنا ربنا يعيدها ونتلاقي ...
هذا لا ينفي كوني زعلان منك لعدم حضورك زواجي قبل ثلاثة أعوام ... وبتسداها انشالله في حفيدك ...
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Gafar Bashir)
|
ابو الراء العباسي
قالو كما يقول رب البيت .... انا ماشي السوق مشوار وراجع ابقو عشرة علي البطيخ ... شنو ياخي ياخي الواحد يقول يلقاك في المسنجر .. تزوغي من البورد زاتو .. تحياتي ليك ولي الزمن الجميل والناس الجميلين الافتقدتهم .... انشالله رجاء قاعدة سلامي ليها في كل مكان ...
العزيزة سناء خالد
خليتك للنهاية عشان اشوف قصتك شنو مالك شايلاها معاي تقيل كدة وخاتاني في سرج واحد مع عادل عبد العاطي ( One Category) ... علي الاقل الاولي مقدور عليها ...
وفي البداية (اقصد في الفقرة التانية) سلامي للعيال وأبوهم وتقبلي تحياتي نضال وحسن حسين الصغير وكمان في واحد جايي خلال اسبوعين بالكتير ... الولد ناجوضة ساي الله لا يحضرك زمنو ... مسمينو هتلر بنوم ليهو اربع ساعات مما ولدوهو ما زادهن وباقي اليوم نشاط الجن ... تجي تلقي البيت كلو يكورك ويزعط في (ما تبقي من شعر) ..
لكن يا بت الناس مالك علي ... عملت ليك شنو أنا (((الا و الله صاحبك دا أيام الاسبوع كلها ما تتمر فيهو !))) و (((... أصلي أنا ما شغالة بجعفر أكان فهمني صاح و لا غلط .. ))).
غايتو النصيحة لله انا شغال بيك كان ابيتي وكان رضيتي (( ده الدم عمرو ما يبقي مية ... يا عشراوي )) ...
وأها ما عندك أي مشكلة جيبي شكلاتك كلها وانا حاضر ... بس افهم مشكلتك معاي شنو وما تفتكري اني بستهبل ... والله ماعارف كان بعد الله في حاجة تاني ... لزومو شنو اعجاجة القايمة دي ...
كان ما الدم غايتو اظنو العكاكيز كانت مدورة هسي ...
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Gafar Bashir)
|
وليد المبارك
طبعا الجمع وعدم التمييز من باب التهذيب ... ليس إلا ... إضافة الي ما نود أن يكون الأمر عليه (وعارف ما بيدنا حيلة) والبجيبو الله كلو كويس ...
لكن بدون حليفة ... رايي فيك واضح
انت زول مدعي اللئامة ... ما لئيم في أصلك. وعارف انت بتقول في شنو عشان كدة من زمااااااااااان ما عندي معاك مشكلة شخصية وبرحب بيك في اي نقاش او شتارة أو جديع حجارة ... لانك عارف متين بتقول الكلام ومتين ما بتقوله وفي النهاية عندك حدود ... (وخصم عاقل افضل من البطيخة)
ده كلام كان جيتني بعد مية سنة (الله يديك طولة العمر) حاقوله ليك ... اها وكان بقي نقاش ولا بقي شكل مرحب بيك ... عزيز علي .. كان تصدق ولا ما تصدق ما شغلتي
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Gafar Bashir)
|
الماجد/ جعفر بشير تحياتي العاطرات لشخصك الكريم .. وبمعيتها تحية خالصة للماجدة/ نضال
.. هل تصدق أنب في الأمس كنت في سيرتك العاطرة بالأمس كان عقد قران أحد أبناء فداسي صديقي وابن الدفعة محمد الفاتح يوسف اصطحبني خالد عمر ومعه مالك أبو الحسن لأحدهم وقالا لي هل تعرفه .. وسألاه ذات السؤال أجبنا كلانا بالنفي .. وكان ذلك الرائع الذي ألتقبه لأول مرة هو الماجد/ أبو بكر الأمين ( بكة) ليأخذني هو ويعرفني بقرابه العشرين ماجدا أو يزيد وكلهم من الحبيبة التي لم أرها " فداسي " وأنا بدوري طفقت أحدثهم عمن لم يكونوا وجوداً .. وكنت أنت رأس القائمة
تحياتي لك .. ولكل من هو دونك
وفي إنتظارك للمساهمة في التوثيق والحوار الذي أشرت إليه خصوصاً وأننا نفتقد الحبيبة " الأهلية " هنا: مؤتمر المستقلين اجيال تعقب اجيال ..صور ..!!!
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Gafar Bashir)
|
أبو العزيز حسن
حمدالله على السلامة
Quote: خليتك للنهاية عشان اشوف قصتك شنو مالك شايلاها معاي |
قصتي أصلي ما أقولها ليك..الا نتلاقى و أفك حسن حسينا في حسن حسينكم..
و بعداك نشوف
لا لا لا استنى..
نحن حسننا مسالم و الله...
أنا حقي بيخلصو منك حسن ولدك...
مااا الله في
Quote: وخاتاني في سرج واحد مع عادل عبد العاطي |
انت ذاااتك داير تفهمني غلط؟!
كيفن يعني خاتاك في سرج واحد مع عادل عبدالعاطي...؟!
أنا قلت أنا ممتنة لعادل عبدالعاطي...ما في أي سيرة امتنان لجعفر بشير..
أقيف اتدلى..
هاك قروشك
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Sana Khalid)
|
Quote: تصدق كنت عاوزة أقول لي سفيان باصورد سودانيز عرفناهو فقدوا اها الماسنجر برضو فقد باصووردو لكن لقيت روحي أنا زاتي مابدخل الماسنجر مشتافين شديد ياجعفر وسائلين منك وبركة الربنا اداك جنك المنك عشان يوريك ليهو سمح |
يعني الواحد لا يلقاها منك ولا من سناء ... مافي جبنة بتريح ...
عموما مشتاقين شديد والمشكلة البورد ما بوصل ....
خلينا نتلاقي مرة تانية ...
مشكلتي ما الابتعاد عن البورد بس عن الانترنت بصورة عامة ... لانو صاحب بالين تلقيني السنة دي شغال مهندس ميكانيكي والسنة البعدها شغال مبرمج تطبيقات انترنت ... اها كل سنة وظيفة جديدة ...وتقريبا طوال السنتين الفاتو ما هويت بناحية الانترنت كتير بس طلات ...
لكن اهو الامور استقرت الي حد ما وحاتظل لفترة طويلة باذن الله سلامات
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: Gafar Bashir)
|
ياجعفر والله ليك وحشة شايفك غيرت الاسم مالها (أبو آمنة) عيبها لي ؟ بالنسبة لعدم حضوري لزواجك يا جعفر أسأل الاخ حمد فتح الرحمن عشان يوريك الحصل لي شنو اليوم داك أعفو لينا ياخ ! بحق ما مضي من أيام (جميلة)
وياجعفر أنا هسي في الدمام ! (عادت حليمة لدمامها .....) والله أول أمس في سيرتك ولا عندي ليك تلفون ولا أي حاجة
ــــــــــ
بالمناسبة أنا ذاتي ما عندي موبايل اليومين ديل عشان كدة ارجو ان ترسل لي رقمك وأنا حأتصل بكل تأكيد! تحياتي لاسرتك الصغيرة يا جعفر
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: خضر حسين خليل)
|
تحياتي نور الدين صلاح
ومشكور يا سيدي مقدماً علي الجهد الذي تبذله من خلال سودانيز أونلاين أو في مشاركات المجموعة البريدية ... الحقيقة طولت من فداسي وحتي من بكة ... ما شايفو في المنتدي كمان .... انشالله يكون خير بس طبعا اظنو بقي ابوعيال .... ربنا يرجعو بالسلامة...
طبعا موضوع التوثيق لمؤتمر الطلاب المستقلين موضوع مهم جداً ومن أكثر المواضيع التي قرأتها في فترة غيابي .... ونسبة للوقت كنت دائماً انسخ الصفحات الموجودة واعيد قراءتها مرة أخري اوفلاين حينما اجد الوقت الكافي لذلك ...
وبكل تأكيد سيكون لي فيها مشاركات
تحياتي لجميع الشباب
| |
|
|
|
|
|
|
Re: أيها الزملاء والزميلات بالمنبر .. كان اسمه أبو أمنة .. كان اسمه جعفر بشير ... (Re: خضر حسين خليل)
|
يا حبيب خضر انت من زمن أبو آمنة ........ ياخي انت قدييييييييييييييم
لكن يا سيدي ابو آمنة ماعندو ميل بس المسالة ليها علاقة بالمسئولية الكاملة تجاه الكتابة ... وقناعتي بتحمل مسئولية ما اكتب باسمي وليس باسم مستعار .... رغم اني لا املك شيئا تجاه الاسماء المستعارة لكني افضل الكتابة باسمي ...
وتاني رجعت الدمام بقت زي لعبة الكراسي ... اها سلامي للشباب كلهم يا سيدي
------ وماتقول لي اسال فلان ولا فلانة ... المسالة دي بيني وبينك لحد ما نتلاقي ولا احفادنا يتلاقو ؟ وكان ما اتلاقينا في الدنيا نتلاقي في النار سوا ... اصلنا ما فايتنها بي شبر (وفقاً لتصنيفات أخواننا المجاهدين) ؟ نار في الدنيا ونار في الاخرة ... الله المستعان
| |
|
|
|
|
|
|
|