|
زغرطية المنبر ...
|
الزغرطي يا اخوان هو الزول الفات فيهو الفوات ولم يتزوج وهي خاصية رجالية فقط يعني زغرطيات مافي . وفي رواية اخرى الزغرطي هو الزول الرأسو مقطوع عليهو يضرب هنا وهناك دون وعي منه او ادراك ...
نواصل ..
|
|
|
|
|
|
|
|
Re: زغرطية المنبر ... (Re: انور التكينة)
|
. .
ياود الباوقة
السربتة دي سمعت بيها عند أخوانا السعوديين .
سربوت / داشر/عربجي .
لكن زغرطي دي يطرشني أول مرة أسمع بيها .
بعدين ياخي شوف لينا أسم سمح الأسم ده شين ، يعني عزابي أخير منه . كدي أجل التسمية دي لحدي ما نتأهل وبعدين أنشرها .
:) . .
| |
|
|
|
|
|
|
Re: زغرطية المنبر ... (Re: ismeil abbas)
|
وماذا عن ..الخرطى...............
استاذنا اسناعيل ..
زكرتني واحد سعودي سال مصري وايش تشتغل ؟؟.
المصري .. خراط يا فندم .
السعودي ادري انك خراط بس وين ؟؟
يعني الخرطي ممكن يكون في الترتيب الثاني يعني يقع بين الزغرطي والسربوت ويميل قليلا ناحية الزغرطي
تسلم يا سمعة..
| |
|
|
|
|
|
|
Re: زغرطية المنبر ... (Re: ALazhary2)
|
بعدين ياخي شوف لينا أسم سمح الأسم ده شين ، يعني عزابي أخير منه . كدي أجل التسمية دي لحدي ما نتأهل وبعدين أنشرها .
كدي بالاول خلي يتأهل المريخ بعدين انت هين ..
تعرف يا الازهري يا اخوي نوع حالتك دي ممكن نطلق عليك زغرطي ( معسر ) بضم الميم وجر السين ..
ربنا يسهل عليك ويفك ساجورك ...
| |
|
|
|
|
|
|
Re: زغرطية المنبر ... (Re: ود الباوقة)
|
شوف ياود الباوقة ماتلعب بالالفاظ
اسمها زغرتي وهي تعني باللهجة السعودية زول بتاع كلو
والداشر دا جاية من تسمية الكلاب الله يكرمكم والدشر من الكلاب
باللغة الانقليزية يعني الروومينق دوق يعني الكلاب السايبة في الشوارع
وباللهجه السعودية يعني شخص مطلوق ساي
انت والحمد لله ولا واحد من الفاتو ديل
لكن للاسف طلعت خريطي وشكلك شغال مع السفارة شريطي بالقطعة يعني
هههههههههههههههههه كت اووت :
واضح انك غاسل وشك بمرق
ياخي ربنا يديك العافية ويهديك قربت تحصل صلاح غريبة لكن والله بوسط قريبي
ود اسماعيل دا يلحقك بي فاتحه
| |
|
|
|
|
|
|
Re: زغرطية المنبر ... (Re: خضر الطيب)
|
لكن للاسف طلعت خريطي وشكلك شغال مع السفارة شريطي بالقطعة يعني
خضر الراجل ..
يا زول السفارة انت اشتغلت فيها وكنت تستجدي التصوير بريالات لا تسمن ولا تغني من جوع ..
كمان معاك طول لسان ....
| |
|
|
|
|
|
|
Re: زغرطية المنبر ... (Re: حواء سليمان ابراهيم)
|
غايتو انا بعرف كلمة ازغرتى ويستخدمها اهل الشام وتعنى الراجل الشهم وابضاى والله اعلم
الاخت الكريمة حواء...
في الشام ممكن تكون الشهم لكن هنا الزغرطي تعني الراسو مقطوع عليهو ..
شكرا حواء على مرورك البهي ...
| |
|
|
|
|
|
|
Re: زغرطية المنبر ... (Re: ود الباوقة)
|
Quote: خضر الراجل ..
يا زول السفارة انت اشتغلت فيها وكنت تستجدي التصوير بريالات لا تسمن ولا تغني من جوع ..
كمان معاك طول لسان .... |
يازول انا لما اشتغلت في السفاره كنت شغال لي صالح ورقي دا لعب فوق ياود الباوقة
انت مابتقدر عليهو دا لعب داير قوة قلب وانت ماشاء الله عليك ربنا ابتلاك بي الخفة
ههههههههههههههههههههه
كت اوت :
قلت لي دفتنو المرحوم متين يوم الخميس ؟ وبعدا طوالي دفنت دقن حسبي الله ونعم الوكيل
ود الباوقة عليك الله ارحم نفسك ياخ .. اتا يازول ماحدسوك ولا شنو ؟
| |
|
|
|
|
|
|
Re: زغرطية المنبر ... (Re: خضر الطيب)
|
Quote: وكنت تستجدي التصوير بريالات لا تسمن ولا تغني من جوع |
وانت ياخوي السعودية دي قاعد فيها كفيل ولا جاي سياحة ما ياكا قاعد تلقط في الريالات المابتسمن ولا بتغني من جوع دي
| |
|
|
|
|
|
|
Re: زغرطية المنبر ... (Re: ود الباوقة)
|
تعرِف يا ود الباوقة بمناسبة خدور دة أنا سمعتة بالإنسان الرخيس لكن ما قايل الرخََسة للدرجة دي:
Quote: تشابهت عليكم النجوم ,, فاذا كانت نجمة داؤود ام خاتم سليمان فانكم لن تصلوا لمكانة
الرجال الذين قالوا لا لامريكا ولتفاهاتها , وتهافتكم عليها |
Quote: الاخ محمد
لك التحية والتقدير
لا اعلم مدى رضاك واتفاقك مع امريكا فيما تفعله بالمسلمين في كل بقاع الارض..؟ وهؤلاء
المجاهدين نذروا انفسهم لوضع حد لتصرفات امريكا الهمجية ودونك العراق وقريبا ستراهم
في السودان وعندما تحين هذه الاخيرة سنرى ماذا سيكون رائك انت والرجل الريشي هذا |
Quote: الاخ محمدين
اخبارك ومده طويلة ماشفنا مداخلاتك (هترشاتك ) بن لادن ليس هو حكومة الجبهة , فهو رجل
اعلن الجهاد ضد امريكا ورجل له موقف , وهل قتال الكفار والمشركين كامريكا واذنابها
والملحدين من بعض حملة الجواز الامريكي يعتبر تحقير للمسلمين .؟ مالكم كيف تفهمون .؟
عزيزي محمدين انت رجل من اهل غرب السودان اهل القرآن لا اعتقد ان فهمك للجهاد قاصر
واذا كان مايفعله بن لادن ليس جهادا فماهو تعريفك للجهاد .؟؟ |
Quote: الاخ ادريس
لك التحية والتقدير
وماهو رائك في قتلهم المدنيين في العراق وفلسطين وافغانستان والصومال وقريبا السودان
؟؟؟؟؟ والحصار الاقتصادي ,, والتهميش ,, والاساءة للرسول صلى الله عليه وسلم , وتحقيق
مصالحهم من خلال سياساتهم الرعناء ,, واغتصابهم للنساء في العراق ,, ماذا تسمي
هذا ,,اخشى ان تقول عليه انه ردة فعل طبيعية لما يقوم به بن لادن !!!! هل تسمي هذا
جهاد على الطريقة الامريكية ..افتنا يا اخي |
Quote: الاخ ادريس
لك التحية والتقدير
لا احد يقر القتل المطلق يا اخي سواء كان لمدنيين ام غير مدنيين , ولكن كيف تبرر
ماتفعله امريكا في كل شعوب الارض وماتخطط له مستقبلا هل فيه مكان لكرامة الانسان المسلم
ومن سيتصدى لهؤلاء القتلة قل لي بربك من سيتصدى لهم , دعك من بن لادن او الظواهري هل
تسمح بان تنتهك حرمات المسلمين وفي بلادهم يقتل رجالهم وتسبى نساؤهم .ويشرد
اطفالهم .؟؟ |
إنشاء الله يا خدور يجرّك قطر يرجعك الجزية تاني
| |
|
|
|
|
|
|
Re: زغرطية المنبر ... (Re: ود الباوقة)
|
في نوع إسمو ( طَفَاشي ) TAFASHI... و دة نوع أخطر من كل التصنيفات الفوق ديل كلهم .. ما عندو قشة مرة في أي شيء
ممكن يشرب جك بنزين و يقنع نفسو إنو شرب جوني ووكر ... و يعاكس ليهو بنية في الشارع و تديهو كف عجايز و يقول ليك الجكس إبتسم لي و ينوم عن شوارد الدنيا و غيره يسهر من جرَّاها و يختصم
* ما تنسى إجتماع الليلة
| |
|
|
|
|
|
|
Re: زغرطية المنبر ... (Re: ابو جهينة)
|
ممكن يشرب جك بنزين و يقنع نفسو إنو شرب جوني ووكر ... و يعاكس ليهو بنية في الشارع و تديهو كف عجايز و يقول ليك الجكس إبتسم لي و ينوم عن شوارد الدنيا و غيره يسهر من جرَّاها و يختصم
الريس ابو جهينة
ودا هنا على قفا من يشيل ويمكن تصنيفهم زغرطية طشمونية داوشتية يعني الواحد يجيك داخل في البوست راسو لافي وعيونو مزغللة وقدامو ( ام فتفت )
| |
|
|
|
|
|
|
Re: زغرطية المنبر ... (Re: ود الباوقة)
|
وردني قبل قليل بان الزغرطي تنطق بالقاف وليس الغين لذا لزم التنويه.
مشكلتنا كلها في نطق الحروف ...
شوفو هس زي دا ...
يا حبيبي قول لي الازاحر نامت الناس وانا ساحر ...
شوفتو جنس الترنيمة دي ..
| |
|
|
|
|
|
|
|