|
|
|
 Re: يا علي بطة ! تعال (Re: خضر حسين خليل)
|
الفاتح لا يقرأ يا كمال
بجي أحكي ليك قصتنا في الخدمة الوطنية !
الفاتح دة أجمل زول خلقو ربنا
أحرس لي علي معاك يا كيمو
دوامي إنتهي !
نشوف لينا مطعم ندقشو ونجيكم !
| |
 
|
|
|
|
|
|
|
|
Re: يا علي بطة ! تعال (Re: خضر حسين خليل)
|
Quote: الفاتح دة أجمل زول خلقو ربنا
|
صدقت ياخضر ..
سنين ياخي وعمر ..
| Quote: أحرس لي علي معاك يا كيمو |
تعرف يا(خضر) علي ده شفتو مرة واحدة في حياتي
في ليلة من ذات الليالي ..
ساقونا في نفس البوكس
وبيتونا في نفس المعتقل ..
وبعدها تاني ماشفتو ..
إن كان ده هو الأنا قاصدو ..
فراجل ضكران ..
الفاتح ده شوف لي خبرو عليك الله ..
| |
|
|
|
|
|
|
|
|
|
Re: يا علي بطة ! تعال (Re: كمال علي الزين)
|
(*)
تعرف يا(خضر) ..
ناس (علي بطة) ..
إن كان (علي بطة) الأنا قاصدو ..
ديل مفروض الناس تعرفهم ..
ومفروض يتكتب عنهم ..
من حقهم علينا ..
إنو نعرف الناس , الشباب ديل كانو وين ..
لما (البلد) في ضيق ..
الناس نايمة ..
وديل بدفعوا عنهم ضريبة ..
في شتاء يرتجف الناس تحت (أغطيتهم) الناعمة ..
(علي بطة) ده ..
ورجال زيو , كانو (مسهرينهم وبعذبوا فيهم ..
والناس نايمة ..
ياخي ..
المدهش , التاريخ ده كان سنة كم ..
الكلام ده شهر 11/ 1992
و(علي بطة) ده الوقت داك عمرو (تاشرات) ..
لكن شايل هم بلد ..
وقضية أمة نايمة ..
أكتب عنهم يا(خضر حسين)
| |
|
|
|
|
|
|
|
|
|
Re: يا علي بطة ! تعال (Re: كمال علي الزين)
|
يا كيمو
ياهو علي زاتو علي بطة الواحد ود سوق أبو دومة وود القبة !
علي معانا في البورد ومسجل من بدري !
بجي مرة مرة !
هسي الصورة دي قد تجيبو ! وياريت هو زاتو يجي يحكي
لينا عن ماهر دة !
وعن الفاتح !
ديل أولاد نادرين ! غايتو تامين الدنيا ضحك وونسات دقاق
بعدين يا كمال
علي دة طوالي كان في حالة قابضنو !
وريهو التاريخ وذكرو بشوية تفاصيل
موش يا علي !!؟
| |
|
|
|
|
|
|
|
|
|
Re: يا علي بطة ! تعال (Re: خضر حسين خليل)
|
Quote: علي بالله وصل القاهرة
قول ليهو بالغت ياخ!
|
لسه ما وصل يا صاحبى
لكن زى ما قال السيد المثقف والمرشح لرئاسة الجمهورية
ود ناظر المحطة عبد الله علي إبراهيم (السكة حديد قربت
المسافات ) اها ناس الوندوز ووسائط التكنلوجيا مابعد
بعد الحداثة والعولمة لغوها عديل كده .
لا زال البحث يا صديقي
لكن لا شي يدعو للقلق
اطمن لما اجيك بالخبر
اليقين .
| |
|
|
|
|
|
|
|
|
|
Re: يا علي بطة ! تعال (Re: سفيان بشير نابرى)
|
| Quote: يا سلاااام علي سيرة الفاتح |
سلام ياسفيان ..
(الفاتح عبدون) صديق وزميل دراسة ودفعة
ولكن آخر عهدي به أيضاً (طاشر سنة)
بالله البشوفوا ولا يلاقيهو ..
يسلم لينا عليها ويرورينا ماذا فعل الزمان به ..
محبتي ..
| |
|
|
|
|
|
|
|
|
|
Re: اروش خلق الله (Re: esam gabralla)
|
يا سلام على سوق ابدومة و شلة الغياظين.. علي بطة زميلي في الابتدائية و المتوسطة ، هو و صديقنا عبدالخالق الطيب. اما الفاتح فنعم الاخ الانسان، زول جدع و وناس و ضحاك..اتزاملنا في العروبة، قابلته هو و ماهر في عودتي السنة الفاتت و لعبنا وست و آخر ضحك و مغارز.
| |
|
|
|
|
|
|
|
|
|
Re: اروش خلق الله (Re: saadeldin abdelrahman)
|
المناضل علي عبد المنعم او علي بطة صديق ودفعة ورفيق صبا
وكانت بيننا شفرة هي نعمة وزنوبة,وكذلك اخوانه عمر وابوبكر
لي بهم صلات قوية,التحية للاخ علي بطة من علي البعد واتمني ان يرد الله
غربته وغربتنا سالمين,وتحياتي للجميع وخصوصا الرائعين في الصورة اعلاه
الفاتح وماهر ولكل الشلة في حلة الغياظين.
مودتي
سيف برعي
| |
|
|
|
|
|
|
|
|
|
Re: اروش خلق الله (Re: Seif Elyazal Burae)
|
طبعاً أجمل تعاليق في الصورة الفوق
كانت
واحد في شرفنة ماهر
اضافة للتعميشة الظاهرة في الصورة
اضافة للساعة اتنين !
بالجد حلة غياظين يا علي !
ياخ انت مالك ما عايز تجي !
| |
|
|
|
|
|
|
|
|
|
Re: اروش خلق الله (Re: خضر حسين خليل)
|
سلام لكل الحبايب
كيفنكم طبعا نحن آولاد حي هارلم والتحية للقبة التي علمتنا معني الحياة وانا سعيد شايف آولاد القبة يحملون الوعي ويقولون يانهر الوعي آتقدم
خضر حسين ضباب الجغرافيات هي التي تفصلني عنك ولكن تظل دائما في ذاكرتي
كمال علي الزين السلام من هنا لي عندك آتذكر تلك الليلة الباردة وآكل الرز باللبن في مبني جهاز الامن بولاية الخرطوم ولكن تظل في ذاكرتي بعض الاسئلة لك سوف آكتبها لك عبر رسالة آنيقة
عصام جبر اللة وينك يالزيز كل يوم بنتونس بيك يعني فاكهة القعدة
سيف برعي وحياة اللة بي كتابتك آتذكرت آيام جميلة كيفنك يازنوبة تاكد آني آشتاقك جدا
سفيان سوف نكمل الثرثرة وسهرت الامس علي الهواء
سعد سلام ياصحبي زمن طويل لكن انا شكلي حاابدا أتونس عن أيام زمان تعالوا نواصل عن أيام زمان
| |
|
|
|
|
|
|
|
|
|
Re: اروش خلق الله (Re: على بطه)
|
خضر
سلام
انت عارف حي هارلم دا كان من آشهر آحياء القبة وجغرافيا يمتد من ناصية عمارة عكاشة حتي بداية حلة الرومنسية حي ناس سبف برعي ويمتد جنوبا حتي نهاية سوق آبودومة وكان حي في داخلة كل المبدعين
وحي هارلم منقسم الي شلتين وهي شلة العمود بقيادة الرجل الشرطي حمان وانور صطلة وماهر سيد والفاتح عبدون فنان العمود والكابتن عاطف ماتيوس كانت شلة العمود لاتتعاطي الخمور بشكل آساسي ولكن كان الجند الاساسي في آمسيات العمود هو العلاقات الغرامية وكل فرد من الشلة يحكي عن مغامرات الحب وكانوا يجيدون تصنيف الحسنوات وكانت لهم آسماء لكل حسنوات القبة وقدتمنح درجة الشمس المشرقة علي آجمل حسناء في آحدي آمسيات العمود بحضور الاب الروحي للعمود آنور البنا وكان آنور لهوا لمسات جمالية في البناء وكان له مجموعة من الطلب لايمكن آن تنضم الي التيم الا بعد التثنية عليك من داخل مجلس العمود وكانت شلة العمود تمتاز بالمساخة ورفع كثافة الاخرين
آماشلة اللستك فهي شلة غالبية آعضاءها يحملون الافكار اليسارية وكانوا يتعاطون الخمور بشكل شبة يومي وبعد تناول الفرح المعبآ في الزجاجة كما يحلوا لنا تسميته نتجمع في اللستك بحضور الاب الروحي للستك يوقي ومعتز رومباونحن آولاد عمك عبد المنعم وآولاد عمك حسن آزرق ناصر آبراهيم معتز
وآولاد عمك علي حسن شوشوه والجقم وعثمان وعبوة فنان اللستك وآولاد عمك الصول عماد عضم وجقبور آبوالليل والنفيدي وكانت شلة اللستك مهمومة بالسياسة في آمسيات اللستك نتحدث عن الوضع الراهن ومن بعد نقرا الشعر ثم نحكي عن آحد مناضلي العالم
نواصل
| |
|
|
|
|
|
|
|
|
|
Re: اروش خلق الله (Re: على بطه)
|
Quote: كمال علي الزين السلام من هنا لي عندك آتذكر تلك الليلة الباردة وآكل الرز باللبن في مبني جهاز الامن بولاية الخرطوم ولكن تظل في ذاكرتي بعض الاسئلة لك سوف آكتبها لك عبر رسالة آنيقة
|
سلامات يا(علي)
الرز بي اللبن تسأل منو (لينين الطيب) أكلو بدم بارد وغاظ (جماعة الأمن)
وبعد داك نام وعاقبونا أنا والشفيع الطيب بإننا نشيلوا فوق هو وسريروا
ياخي ليلة طويلة بشكل ..
أسأل ياخوي أسأل في إنتظارك ..
محبتي ..
| |
|
|
|
|
|
|
|
|
|
يا فضيحة (Re: خضر حسين خليل)
|
اسمع تصلح قصصك دى و لا ننادى حليم وحسين و طارق
عورا انحنا الما صورناك يوم داك .... يا فضيحة
مشتاقين لى رواشتك دى
| |
|
|
|
|
|
|
|
|
|
Re: يا فضيحة (Re: esam gabralla)
|
Quote: يا سفيان افرز:
حاتم اشتر و على اروش
و انت اشترش
ما تزرزر ياخى |
عامل فيها بتقطع الخطوط الحمراء وشنو وشنو
ومجهجه باكات قسيم وينو
يازول الحق جر سلك لي بطة ده اخير ليك هههههههه
| |
|
|
|
|
|
|
|
|
|
Re: يا فضيحة (Re: سفيان بشير نابرى)
|
علي
ازيك وبركة الشوف ، قلقتنا عليك ، شهر ستة القبل الفات (قبل السابق يازميل) كنت سايق عربية
دفار نظام مندوب مبيعات وكدة في الكولا .أها أخوك كان ماسك القبة (أوربا) المهم من الصباح
بغشي (أويل) وبشيل معاي الفيهو النصيب وأواصل مشواري .
المهم اليوم داك أخوك متصلح شديد وبعت العربية كلها يعني أخر الستة ، طوالي مشيت حلتكم
ماهر اياميها كان يادوب رجع من السعودية ! المهم أصر إنو يعزمني (تانك) ماهر طبعاً
جاب معاهو من السعودية علبتين نيدو وتلاتة برطمانيات بتاعت تانك !
منها مشينا بيتكم سلمنا علي عمنا عبدالمنعم ونسنا ونسة مبالغة ونبذك نبذ شديد (هههههه)
المهم والله الحلة من غيرك اسكت ساي .
رومبا مالميت فيهو تاني نهائي !
الفاتح عبدون كان معاي طوالي طبعاً مديرو كان الشفيع الياس !
عارف يا علي في شلة اللستك في زولين مفروض يكونو مع رومبا ومعاك تحت العمود تحديداً الفاتح
وماهر ! انت الناس ديل بقوا شلة عمود بعد كبرو يا علي ! ؟
| |
|
|
|
|
|
|
|
|
|
Re: يا فضيحة (Re: esam gabralla)
|
أشترش كيف يعني ياعصام ؟
سفيان طبعاً عندو اسم تاني :
وماشايف إنو ممكن مناسبة أجمل من كدة عشان الواحد يقولو ليكم
سفيان بشير
اسمو الحركي (شفقان شريط) !
حنجي نحلل الاسم فيما بعد !
| |
|
|
|
|
|
|
|
|
|
Re: يا فضيحة (Re: خضر حسين خليل)
|
ياعصام واللة انا دايما بتذكر يوم ناس حليم وسلامي لشلة زيورخ كدة دي آمكن القي طريقة احشري في حكاية حلتنا
سفيان شكلي كدة بواصل انا
خضر
وكانت شلة اللستك آضافة لاهتمامتها آخراج الجريدة في رابطة القبة وكانت جريدة ساخرة وكانت الشلة تحدد شعارات التشجيع في الرابطة
من خلال الشغب في الرابطة وكمية الاعتقالات البتتعرض لية الحلة ذادة من شهرتها
ياخضر
ماهر والفاتح طبعا ديل داخل حوش اليسار فعشان كدة كانوا مشتركين بين الشلتين ومن الركائز الاساسية في الحلة هم الراسطات بقيادة عزالدين فرج وبدور الكبك وحمادة الجزار وهيثم مبارك رغم آنو ود المبارك خارج الحلة ولكن آخد عضويتها وكانوا الراسطات آصحاب مزاج آخضر
ومن الغريب حي هارلم كان لدية آصدقاء دائمين علي راسهم آبوعبيدة بلة وعمار محي الدين واولاد عمك الطيب يوسف
ومن مشاهير حلتنا لاعب الفريق القومي للكرة الطائرة ودالجاك وآيهاب كمال شيخ الجزارين صديق الجيو ومحمد كوتة
خضر
نواصل عشان نغيظ عصام بالشتارة
| |
|
|
|
|
|
|
|
|
|
Re: يا فضيحة (Re: على بطه)
|
ياعلي إنت في زول مشهور في حلتكم نسيتو
اي نعم هو ما مشهور خالص لكن أهو ما بطال
الصادق الجيو ياخ !
بتزكر مرة لعبنا مبارة ضدكم في رابطة القبة
دقيتونا دق العيش يا غياظين
بعد غلبناكم !
ـــــــ
الفاتح عبدون كان عامل فيها (ظهير ايسر)
هههههههههههه
| |
|
|
|
|
|
|
|
|
|
Re: يا فضيحة (Re: خضر حسين خليل)
|
خضر
آنت عارف حلتنافيها ناس كتار وحلوين بس انا ماعندي كيبورد عربي الا آكتب وانسخ ودي عملية ثقيلة
لكن الصادق الجيو عملاق لاينسي وخاصتة فترة التعذيب بتاعتوا
الحلة مليانة ناس شربات محمد صابر ناس عمر خروف وعيك
لكن نحن كنا صعاليك كفر ولا ريك شنو
برضو نواصل
| |
|
|
|
|
|
|
|
|
|
Re: يا فضيحة (Re: على بطه)
|
Quote: لكن نحن كنا صعاليك كفر ولا ريك شنو
|
ونعم بالله يا علي !
يا علي عاي أسألك في الحلة القدام ناس أبو الليل
في عمك جمب البحر بظبط بوش كافر
والناس بتكون ملمومة تحت الشجر
ياخ اتذكرت اسمو ؟
| |
|
|
|
|
|
|
|
|
|
Re: يا فضيحة (Re: خضر حسين خليل)
|
Quote: أشترش كيف يعني ياعصام ؟
|
طبعاً يا خضر انت زول ماك مثقف
بتكون قايل عصام ده قاصد
اشترش (اسحب الش وخليها سين)
بس عصام أُثقف كبيييير هوقاصد
اشتراوس الأنثروبولوجي انت قايلو
زيك قاعد في جزيرة الاعراب والا شنو
ياخ انت خليك في شريط ده هههههههه
Quote: سفيان بشير
اسمو الحركي (شفقان شريط) !
حنجي نحلل الاسم فيما بعد ! |
ياخ تحلل شنو يا خضر من حلل المح
حاقت به الندامة لكن للضمان كده
انا شرايط الشحتفه دي ما بتنفع معاي
بالمناسبة يا علي بطة وخضر
انتو شابكننا ماهر ماهر
اوعه يكون ماهر بوب ود القبه
لانو لو هو تعبتو معاي !
| |
|
|
|
|
|
|
|
|
|
Re: يا فضيحة (Re: سفيان بشير نابرى)
|
خضر
أنت قاصد خضر بتاع الفول دي ماجنب ناس أبوالليل فاتح علي المقابر وعندوا كوارع مخيفة جدا ولشدة لزة أكل هذا الخضر كانت تروج حولة الاشاعات بستخدامة للحجابات في جرالزباين والناس مافاهمه الحجاب هو الكوارع دي
| |
|
|
|
|
|
|
|
|
|
Re: يا فضيحة (Re: على بطه)
|
يا خضر شنو يا حبيب
شبكتوها لينا فريق هارلم وقصص كورة
جاوبونا عن ماهر ده يا فرد !
ياهو ماهر ود القبة جم السوق الفاتح
علي المقابر والا ماهراً تاني يا ناس ؟
ثم تانياً ياخضر السنة الفاتت دي صاحبنا
علي بطة ده جانا ليك زيارة هنا في كايرو
دي الله لا وراك شي ماشي ما جاي من المطار
وخمه ليك الحاجات اسكت ساي الناس هنا رقدو
قش وانا وصاحبك بطة ده نشيل ونوصل ونعتل
ياعمك قبل المغارب البسمع نضمي الشباب
يقول ديل الرجال وحياتك لما تجي تسعة مساء
والليل ما زال طفل يحبو هم ذاتهم يحبو
وبطة يشبكم ليك عالم تالت تعبانين ساي
وثقافة جوع اول تلاته يوم بس وبعديها لما
تجي الساعه سته مساء نضرب تلفونات الشباب
نلقاها مقفله ابونا ليك الله واحد .
غايتو كان فتيت ليك الحاصل في زيارتو دي
عندك اصحاب تانى انت مابتباريهم علا قالو
الليل غتى الجبال النسترهم هههههههه
يا خضر اظهر وطينك العاجنو ده تعال ارفعو ياخ
| |
|
|
|
|
|
|
| |
خضر حسين خليل
كمال علي الزين
سفيان بشير نابرى
saadeldin abdelrahman
فيس بوك
تويتر
انستقرام
يوتيوب
بنتيريست